| Library / Tipiṭaka / တိပိဋက • Tipiṭaka / ပဉ္စပကရဏ-အနုဋီကာ • Pañcapakaraṇa-anuṭīkā |
၉. အာသေဝနပစ္စယကထာဝဏ္ဏနာ
9. Āsevanapaccayakathāvaṇṇanā
၉၀၃-၉၀၅. ဗီဇံ စတုမဓုရဘာဝံ န ဂဏ္ဟာတီတိ ဣဒံ သကသမယဝသေန ဝုတ္တံ, ပရသမယေ ပန ရူပဓမ္မာပိ အရူပဓမ္မေဟိ သမာနက္ခဏာ ဧဝ ဣစ္ဆိတာ။ တေနေဝာဟ ‘‘သဗ္ဗေ ဓမ္မာ ခဏိကာ’’တိ။ ခဏိကတ္တေပိ ဝာ အစေတနေသုပိ အနိန္ဒ္ရိယဗဒ္ဓရူပေသု ဘာဝနာဝိသေသော လဗ္ဘတိ, ကိမင္ဂံ ပန သစေတနေသူတိ ဒသ္သေတုံ ‘‘ယထာ ဗီဇံ စတုမဓုရဘာဝံ န ဂဏ္ဟာတီ’’တိ နိဒသ္သနန္တိ ဒဋ္ဌဗ္ဗံ။ အာသေဝေန္တော နာမ ကောစိ ဓမ္မော နတ္ထိ ဣတ္တရတာယ အနဝဋ္ဌာနတောတိ အဓိပ္ပာယော။ ဣတ္တရခဏတာယ ဧဝ ပန အာသေဝနံ လဗ္ဘတိ။ ကုသလာဒိဘာဝေန ဟိ အတ္တသဒိသသ္သ ပယောဂေန ကရဏီယသ္သ ပုနပ္ပုနံ ကရဏပ္ပဝတ္တနံ အတ္တသဒိသတာပာဒနံ ဝာသနံ ဝာ အာသေဝနံ ပုရေ ပရိစိတဂန္ထော ဝိယ ပစ္ဆိမသ္သာတိ။
903-905. Bījaṃ catumadhurabhāvaṃ na gaṇhātīti idaṃ sakasamayavasena vuttaṃ, parasamaye pana rūpadhammāpi arūpadhammehi samānakkhaṇā eva icchitā. Tenevāha ‘‘sabbe dhammā khaṇikā’’ti. Khaṇikattepi vā acetanesupi anindriyabaddharūpesu bhāvanāviseso labbhati, kimaṅgaṃ pana sacetanesūti dassetuṃ ‘‘yathā bījaṃ catumadhurabhāvaṃ na gaṇhātī’’ti nidassananti daṭṭhabbaṃ. Āsevento nāma koci dhammo natthi ittaratāya anavaṭṭhānatoti adhippāyo. Ittarakhaṇatāya eva pana āsevanaṃ labbhati. Kusalādibhāvena hi attasadisassa payogena karaṇīyassa punappunaṃ karaṇappavattanaṃ attasadisatāpādanaṃ vāsanaṃ vā āsevanaṃ pure paricitagantho viya pacchimassāti.
အာသေဝနပစ္စယကထာဝဏ္ဏနာ နိဋ္ဌိတာ။
Āsevanapaccayakathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၂၁၆) ၉. အာသေဝနပစ္စယကထာ • (216) 9. Āsevanapaccayakathā
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၉. အာသေဝနပစ္စယကထာဝဏ္ဏနာ • 9. Āsevanapaccayakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၉. အာသေဝနပစ္စယကထာဝဏ္ဏနာ • 9. Āsevanapaccayakathāvaṇṇanā
