| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
12. аасзванабажжаяанид̣̇д̣̇зсаван̣н̣анаа
12. Āsevanapaccayaniddesavaṇṇanā
12. аасзванабажжаяанид̣̇д̣̇зсз буримаа буримаад̇и саб̣б̣анаязсу самананд̇араад̇ийд̇аава д̣̇адтаб̣б̣аа. гасмаа банзд̇т̇а ананд̇арабажжаяз вияа ‘‘буримаа буримаа гусалаа д̇хаммаа бажчимаанам̣ бажчимаанам̣ аб̣яаагад̇аанам̣ д̇хаммаана’’нд̇иаад̣̇инаа наязна бхиннаж̇аад̇игзхи сад̣̇д̇хим̣ нид̣̇д̣̇зсо на гад̇од̇и? ад̇д̇ано г̇ад̇им̣ г̇аахаабзд̇ум̣ асамад̇т̇ад̇ааяа. бхиннаж̇аад̇игаа хи бхиннаж̇аад̇игаанам̣ аруубад̇хаммаанам̣ аасзванаг̇ун̣зна баг̇ун̣аб̣алавабхаавам̣ саад̇хаяамаанаа ад̇д̇ано гусалаад̣̇ибхаавасан̇каад̇ам̣ г̇ад̇им̣ г̇аахаабзд̇ум̣ на саггонд̇и. д̇асмаа д̇зхи сад̣̇д̇хим̣ нид̣̇д̣̇зсам̣ агад̇ваа яз язсам̣ ваасанаасан̇каад̇зна аасзванзна баг̇ун̣ад̇араб̣алавад̇арабхаавависидтам̣ ад̇д̇ано гусалаад̣̇ибхаавасан̇каад̇ам̣ г̇ад̇им̣ г̇аахаабзд̇ум̣ саггонд̇и, д̇зсам̣ д̇зхи самаанаж̇аад̇игзхзва сад̣̇д̇хим̣ нид̣̇д̣̇зсо гад̇од̇и взд̣̇ид̇аб̣б̣о. ат̇а вибаагааб̣яаагад̇ам̣ гасмаа на г̇ахид̇анд̇и? аасзванаабхаавзна. вибааган̃хи гаммавасзна вибаагабхааваббад̇д̇ам̣ гаммабарин̣аамид̇ам̣ худ̇ваа вад̇д̇ад̇и нируссаахам̣ д̣̇уб̣б̣аланд̇и д̇ам̣ аасзванаг̇ун̣зна ад̇д̇ано сабхаавам̣ г̇аахаабзд̇ваа барибхаавзд̇ваа нзва ан̃н̃ам̣ вибаагам̣ уббаад̣̇зд̇ум̣ саггод̇и, на буримавибаагаанубхаавам̣ г̇ахзд̇ваа уббаж̇ж̇ид̇унд̇и. гаммавзг̇агкид̇д̇ам̣ бана бад̇ид̇ам̣ вияа худ̇ваа уббаж̇ж̇ад̇ийд̇и саб̣б̣ат̇ааби вибаагз аасзванам̣ над̇т̇ийд̇и аасзванаабхаавзна вибаагам̣ на г̇ахид̇ам̣. гусалаагусалагирияаананд̇арам̣ уббаж̇ж̇амаанамби жзд̇ам̣ гаммабадиб̣ад̣̇д̇хавуд̇д̇ид̇ааяа аасзванаг̇ун̣ам̣ на г̇ан̣хаад̇ийд̇и гусалаад̣̇аяобисса аасзванабажжаяаа на хонд̇и. абижа наанааж̇аад̇игад̇д̇аабзд̇з на хонд̇иязва. бхуумид̇о бана аарамман̣ад̇о ваа наанааж̇аад̇игад̇д̇ам̣ наама над̇т̇и. д̇асмаа гаамааважарагусалагирияаамахаг̇г̇ад̇агусалагирияаанамби, сан̇каараарамман̣ан̃жа ануломагусалам̣ ниб̣б̣аанаарамман̣асса г̇од̇рабхугусаласса аасзванабажжаяо ход̇иязваад̇и аяам̣ д̇аавзд̇т̇а баал̣иван̣н̣анаа. аяам̣ бана аасзванабажжаяо ж̇аад̇ид̇о д̇аава гусало агусало гирияааб̣яаагад̇од̇и д̇ид̇хаа тид̇о. д̇ад̇т̇а гусало бхуумид̇о гаамааважаро руубааважаро аруубааважарод̇и д̇ивид̇хо ход̇и, агусало гаамааважарова гирияааб̣яаагад̇о гаамааважаро руубааважаро аруубааважарод̇и д̇ивид̇хова, логуд̇д̇аро аасзванабажжаяо наама над̇т̇ийд̇и звамзд̇т̇а наанаббагаарабхзд̣̇ад̇о вин̃н̃аад̇аб̣б̣о винижчаяо.
12. Āsevanapaccayaniddese purimā purimāti sabbanayesu samanantarātītāva daṭṭhabbā. Kasmā panettha anantarapaccaye viya ‘‘purimā purimā kusalā dhammā pacchimānaṃ pacchimānaṃ abyākatānaṃ dhammāna’’ntiādinā nayena bhinnajātikehi saddhiṃ niddeso na katoti? Attano gatiṃ gāhāpetuṃ asamatthatāya. Bhinnajātikā hi bhinnajātikānaṃ arūpadhammānaṃ āsevanaguṇena paguṇabalavabhāvaṃ sādhayamānā attano kusalādibhāvasaṅkhātaṃ gatiṃ gāhāpetuṃ na sakkonti. Tasmā tehi saddhiṃ niddesaṃ akatvā ye yesaṃ vāsanāsaṅkhātena āsevanena paguṇatarabalavatarabhāvavisiṭṭhaṃ attano kusalādibhāvasaṅkhātaṃ gatiṃ gāhāpetuṃ sakkonti, tesaṃ tehi samānajātikeheva saddhiṃ niddeso katoti veditabbo. Atha vipākābyākataṃ kasmā na gahitanti? Āsevanābhāvena. Vipākañhi kammavasena vipākabhāvappattaṃ kammapariṇāmitaṃ hutvā vattati nirussāhaṃ dubbalanti taṃ āsevanaguṇena attano sabhāvaṃ gāhāpetvā paribhāvetvā neva aññaṃ vipākaṃ uppādetuṃ sakkoti, na purimavipākānubhāvaṃ gahetvā uppajjitunti. Kammavegakkhittaṃ pana patitaṃ viya hutvā uppajjatīti sabbathāpi vipāke āsevanaṃ natthīti āsevanābhāvena vipākaṃ na gahitaṃ. Kusalākusalakiriyānantaraṃ uppajjamānampi cetaṃ kammapaṭibaddhavuttitāya āsevanaguṇaṃ na gaṇhātīti kusalādayopissa āsevanapaccayā na honti. Apica nānājātikattāpete na hontiyeva. Bhūmito pana ārammaṇato vā nānājātikattaṃ nāma natthi. Tasmā kāmāvacarakusalakiriyāmahaggatakusalakiriyānampi, saṅkhārārammaṇañca anulomakusalaṃ nibbānārammaṇassa gotrabhukusalassa āsevanapaccayo hotiyevāti ayaṃ tāvettha pāḷivaṇṇanā. Ayaṃ pana āsevanapaccayo jātito tāva kusalo akusalo kiriyābyākatoti tidhā ṭhito. Tattha kusalo bhūmito kāmāvacaro rūpāvacaro arūpāvacaroti tividho hoti, akusalo kāmāvacarova kiriyābyākato kāmāvacaro rūpāvacaro arūpāvacaroti tividhova, lokuttaro āsevanapaccayo nāma natthīti evamettha nānappakārabhedato viññātabbo vinicchayo.
звам̣ бхиннз банзд̇т̇а гаамааважарагусалам̣ ад̇д̇ано ананд̇арасса гаамааважарагусалассзва. яам̣ банзд̇т̇а н̃аан̣асамбаяуд̇д̇ам̣, д̇ам̣ ад̇д̇анаа сад̣̇исавзд̣̇анасса руубааважарагусаласса аруубааважарагусаласса логуд̇д̇арагусалассаад̇и имзсам̣ раасийнам̣ аасзванабажжаяо ход̇и. руубааважарагусалам̣ бана руубааважарагусалассзва. аруубааважарагусалам̣ аруубааважарагусалассзва. агусалам̣ бана агусалассзва аасзванабажжаяо ход̇и. гирияад̇о бана гаамааважарагирияасан̇каад̇о д̇аава гаамааважарагирияассзва. яо банзд̇т̇а н̃аан̣асамбаяуд̇д̇о, со ад̇д̇анаа сад̣̇исавзд̣̇анасса руубааважарагирияасса аруубааважарагирияассаад̇и имзсам̣ раасийнам̣ аасзванабажжаяо ход̇и. руубааважарагирияасан̇каад̇о бана руубааважарагирияассзва, аруубааважарагирияасан̇каад̇о аруубааважарагирияассзва аасзванабажжаяо ход̇и. вибааго бана згад̇хаммассааби згад̇хаммоби ваа гожи вибаагасса аасзванабажжаяо над̇т̇ийд̇и звамзд̇т̇а бажжаяуббаннад̇оби вин̃н̃аад̇аб̣б̣о винижчаяод̇и.
Evaṃ bhinne panettha kāmāvacarakusalaṃ attano anantarassa kāmāvacarakusalasseva. Yaṃ panettha ñāṇasampayuttaṃ, taṃ attanā sadisavedanassa rūpāvacarakusalassa arūpāvacarakusalassa lokuttarakusalassāti imesaṃ rāsīnaṃ āsevanapaccayo hoti. Rūpāvacarakusalaṃ pana rūpāvacarakusalasseva. Arūpāvacarakusalaṃ arūpāvacarakusalasseva. Akusalaṃ pana akusalasseva āsevanapaccayo hoti. Kiriyato pana kāmāvacarakiriyasaṅkhāto tāva kāmāvacarakiriyasseva. Yo panettha ñāṇasampayutto, so attanā sadisavedanassa rūpāvacarakiriyassa arūpāvacarakiriyassāti imesaṃ rāsīnaṃ āsevanapaccayo hoti. Rūpāvacarakiriyasaṅkhāto pana rūpāvacarakiriyasseva, arūpāvacarakiriyasaṅkhāto arūpāvacarakiriyasseva āsevanapaccayo hoti. Vipāko pana ekadhammassāpi ekadhammopi vā koci vipākassa āsevanapaccayo natthīti evamettha paccayuppannatopi viññātabbo vinicchayoti.
аасзванабажжаяанид̣̇д̣̇зсаван̣н̣анаа.
Āsevanapaccayaniddesavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
