| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৬. অসিবন্ধকপুত্তসুত্তৰণ্ণনা
6. Asibandhakaputtasuttavaṇṇanā
৩৫৮. ছট্ঠে পচ্ছাভূমকাতি পচ্ছাভূমিৰাসিনো। কামণ্ডলুকাতি সকমণ্ডলুনো। সেৰালমালিকাতি পাতোৰ উদকতো সেৰালঞ্চেৰ উপ্পলাদীনি চ গহেত্ৰা উদকসুদ্ধিকভাৰজাননত্থায মালং কত্ৰা পিল়ন্ধনকা। উদকোরোহকাতি সাযংপাতং উদকং ওরোহনকা। উয্যাপেন্তীতি উপরি যাপেন্তি। সঞ্ঞাপেন্তীতি সম্মা ঞাপেন্তি। সগ্গং নাম ওক্কামেন্তীতি পরিৰারেত্ৰা ঠিতা ‘‘গচ্ছ, ভো, ব্রহ্মলোকং, গচ্ছ, ভো, ব্রহ্মলোক’’ন্তি ৰদন্তা সগ্গং পৰেসেন্তি। অনুপরিসক্কেয্যাতি অনুপরিগচ্ছেয্য। উম্মুজ্জাতি উম্মুজ্জ উট্ঠহ। থলমুপ্লৰাতি থলমভিরুহ। তত্র যাস্সাতি তত্র যা ভৰেয্য। সক্খরা ৰা কঠলা ৰাতি সক্খরা চ কঠলা চ । সা অধোগামী অস্সাতি সা অধো গচ্ছেয্য, হেট্ঠাগামী ভৰেয্য। অধোগচ্ছাতি হেট্ঠা গচ্ছ।
358. Chaṭṭhe pacchābhūmakāti pacchābhūmivāsino. Kāmaṇḍalukāti sakamaṇḍaluno. Sevālamālikāti pātova udakato sevālañceva uppalādīni ca gahetvā udakasuddhikabhāvajānanatthāya mālaṃ katvā piḷandhanakā. Udakorohakāti sāyaṃpātaṃ udakaṃ orohanakā. Uyyāpentīti upari yāpenti. Saññāpentīti sammā ñāpenti. Saggaṃ nāma okkāmentīti parivāretvā ṭhitā ‘‘gaccha, bho, brahmalokaṃ, gaccha, bho, brahmaloka’’nti vadantā saggaṃ pavesenti. Anuparisakkeyyāti anuparigaccheyya. Ummujjāti ummujja uṭṭhaha. Thalamuplavāti thalamabhiruha. Tatra yāssāti tatra yā bhaveyya. Sakkharā vā kaṭhalā vāti sakkharā ca kaṭhalā ca . Sā adhogāmī assāti sā adho gaccheyya, heṭṭhāgāmī bhaveyya. Adhogacchāti heṭṭhā gaccha.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৬. অসিবন্ধকপুত্তসুত্তং • 6. Asibandhakaputtasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৬. অসিবন্ধকপুত্তসুত্তৰণ্ণনা • 6. Asibandhakaputtasuttavaṇṇanā
