| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౬. అసిబన్ధకపుత్తసుత్తవణ్ణనా
6. Asibandhakaputtasuttavaṇṇanā
౩౫౮. ఛట్ఠే పచ్ఛాభూమకాతి పచ్ఛాభూమివాసినో. కామణ్డలుకాతి సకమణ్డలునో. సేవాలమాలికాతి పాతోవ ఉదకతో సేవాలఞ్చేవ ఉప్పలాదీని చ గహేత్వా ఉదకసుద్ధికభావజాననత్థాయ మాలం కత్వా పిళన్ధనకా. ఉదకోరోహకాతి సాయంపాతం ఉదకం ఓరోహనకా. ఉయ్యాపేన్తీతి ఉపరి యాపేన్తి. సఞ్ఞాపేన్తీతి సమ్మా ఞాపేన్తి. సగ్గం నామ ఓక్కామేన్తీతి పరివారేత్వా ఠితా ‘‘గచ్ఛ, భో, బ్రహ్మలోకం, గచ్ఛ, భో, బ్రహ్మలోక’’న్తి వదన్తా సగ్గం పవేసేన్తి. అనుపరిసక్కేయ్యాతి అనుపరిగచ్ఛేయ్య. ఉమ్ముజ్జాతి ఉమ్ముజ్జ ఉట్ఠహ. థలముప్లవాతి థలమభిరుహ. తత్ర యాస్సాతి తత్ర యా భవేయ్య. సక్ఖరా వా కఠలా వాతి సక్ఖరా చ కఠలా చ . సా అధోగామీ అస్సాతి సా అధో గచ్ఛేయ్య, హేట్ఠాగామీ భవేయ్య. అధోగచ్ఛాతి హేట్ఠా గచ్ఛ.
358. Chaṭṭhe pacchābhūmakāti pacchābhūmivāsino. Kāmaṇḍalukāti sakamaṇḍaluno. Sevālamālikāti pātova udakato sevālañceva uppalādīni ca gahetvā udakasuddhikabhāvajānanatthāya mālaṃ katvā piḷandhanakā. Udakorohakāti sāyaṃpātaṃ udakaṃ orohanakā. Uyyāpentīti upari yāpenti. Saññāpentīti sammā ñāpenti. Saggaṃ nāma okkāmentīti parivāretvā ṭhitā ‘‘gaccha, bho, brahmalokaṃ, gaccha, bho, brahmaloka’’nti vadantā saggaṃ pavesenti. Anuparisakkeyyāti anuparigaccheyya. Ummujjāti ummujja uṭṭhaha. Thalamuplavāti thalamabhiruha. Tatra yāssāti tatra yā bhaveyya. Sakkharā vā kaṭhalā vāti sakkharā ca kaṭhalā ca . Sā adhogāmī assāti sā adho gaccheyya, heṭṭhāgāmī bhaveyya. Adhogacchāti heṭṭhā gaccha.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౬. అసిబన్ధకపుత్తసుత్తం • 6. Asibandhakaputtasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౬. అసిబన్ధకపుత్తసుత్తవణ్ణనా • 6. Asibandhakaputtasuttavaṇṇanā
