| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๖. อสิพนฺธกปุตฺตสุตฺตวณฺณนา
6. Asibandhakaputtasuttavaṇṇanā
๓๕๘. ฉเฎฺฐ ปจฺฉาภูมกาติ ปจฺฉาภูมิวาสิโนฯ กามณฺฑลุกาติ สกมณฺฑลุโนฯ เสวาลมาลิกาติ ปาโตว อุทกโต เสวาลเญฺจว อุปฺปลาทีนิ จ คเหตฺวา อุทกสุทฺธิกภาวชานนตฺถาย มาลํ กตฺวา ปิฬนฺธนกาฯ อุทโกโรหกาติ สายํปาตํ อุทกํ โอโรหนกาฯ อุยฺยาเปนฺตีติ อุปริ ยาเปนฺติฯ สญฺญาเปนฺตีติ สมฺมา ญาเปนฺติฯ สคฺคํ นาม โอกฺกาเมนฺตีติ ปริวาเรตฺวา ฐิตา ‘‘คจฺฉ, โภ, พฺรหฺมโลกํ, คจฺฉ, โภ, พฺรหฺมโลก’’นฺติ วทนฺตา สคฺคํ ปเวเสนฺติฯ อนุปริสเกฺกยฺยาติ อนุปริคเจฺฉยฺยฯ อุมฺมุชฺชาติ อุมฺมุชฺช อุฎฺฐหฯ ถลมุปฺลวาติ ถลมภิรุหฯ ตตฺร ยาสฺสาติ ตตฺร ยา ภเวยฺยฯ สกฺขรา วา กฐลา วาติ สกฺขรา จ กฐลา จ ฯ สา อโธคามี อสฺสาติ สา อโธ คเจฺฉยฺย, เหฎฺฐาคามี ภเวยฺยฯ อโธคจฺฉาติ เหฎฺฐา คจฺฉฯ
358. Chaṭṭhe pacchābhūmakāti pacchābhūmivāsino. Kāmaṇḍalukāti sakamaṇḍaluno. Sevālamālikāti pātova udakato sevālañceva uppalādīni ca gahetvā udakasuddhikabhāvajānanatthāya mālaṃ katvā piḷandhanakā. Udakorohakāti sāyaṃpātaṃ udakaṃ orohanakā. Uyyāpentīti upari yāpenti. Saññāpentīti sammā ñāpenti. Saggaṃ nāma okkāmentīti parivāretvā ṭhitā ‘‘gaccha, bho, brahmalokaṃ, gaccha, bho, brahmaloka’’nti vadantā saggaṃ pavesenti. Anuparisakkeyyāti anuparigaccheyya. Ummujjāti ummujja uṭṭhaha. Thalamuplavāti thalamabhiruha. Tatra yāssāti tatra yā bhaveyya. Sakkharā vā kaṭhalā vāti sakkharā ca kaṭhalā ca . Sā adhogāmī assāti sā adho gaccheyya, heṭṭhāgāmī bhaveyya. Adhogacchāti heṭṭhā gaccha.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๖. อสิพนฺธกปุตฺตสุตฺตํ • 6. Asibandhakaputtasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๖. อสิพนฺธกปุตฺตสุตฺตวณฺณนา • 6. Asibandhakaputtasuttavaṇṇanā
