| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੬. ਅਸਿਬਨ੍ਧਕਪੁਤ੍ਤਸੁਤ੍ਤવਣ੍ਣਨਾ
6. Asibandhakaputtasuttavaṇṇanā
੩੫੮. ਛਟ੍ਠੇ ਪਚ੍ਛਾਭੂਮਕਾਤਿ ਪਚ੍ਛਾਭੂਮਿવਾਸਿਨੋ। ਕਾਮਣ੍ਡਲੁਕਾਤਿ ਸਕਮਣ੍ਡਲੁਨੋ। ਸੇવਾਲਮਾਲਿਕਾਤਿ ਪਾਤੋવ ਉਦਕਤੋ ਸੇવਾਲਞ੍ਚੇવ ਉਪ੍ਪਲਾਦੀਨਿ ਚ ਗਹੇਤ੍વਾ ਉਦਕਸੁਦ੍ਧਿਕਭਾવਜਾਨਨਤ੍ਥਾਯ ਮਾਲਂ ਕਤ੍વਾ ਪਿਲ਼ਨ੍ਧਨਕਾ। ਉਦਕੋਰੋਹਕਾਤਿ ਸਾਯਂਪਾਤਂ ਉਦਕਂ ਓਰੋਹਨਕਾ। ਉਯ੍ਯਾਪੇਨ੍ਤੀਤਿ ਉਪਰਿ ਯਾਪੇਨ੍ਤਿ। ਸਞ੍ਞਾਪੇਨ੍ਤੀਤਿ ਸਮ੍ਮਾ ਞਾਪੇਨ੍ਤਿ। ਸਗ੍ਗਂ ਨਾਮ ਓਕ੍ਕਾਮੇਨ੍ਤੀਤਿ ਪਰਿવਾਰੇਤ੍વਾ ਠਿਤਾ ‘‘ਗਚ੍ਛ, ਭੋ, ਬ੍ਰਹ੍ਮਲੋਕਂ, ਗਚ੍ਛ, ਭੋ, ਬ੍ਰਹ੍ਮਲੋਕ’’ਨ੍ਤਿ વਦਨ੍ਤਾ ਸਗ੍ਗਂ ਪવੇਸੇਨ੍ਤਿ। ਅਨੁਪਰਿਸਕ੍ਕੇਯ੍ਯਾਤਿ ਅਨੁਪਰਿਗਚ੍ਛੇਯ੍ਯ। ਉਮ੍ਮੁਜ੍ਜਾਤਿ ਉਮ੍ਮੁਜ੍ਜ ਉਟ੍ਠਹ। ਥਲਮੁਪ੍ਲવਾਤਿ ਥਲਮਭਿਰੁਹ। ਤਤ੍ਰ ਯਾਸ੍ਸਾਤਿ ਤਤ੍ਰ ਯਾ ਭવੇਯ੍ਯ। ਸਕ੍ਖਰਾ વਾ ਕਠਲਾ વਾਤਿ ਸਕ੍ਖਰਾ ਚ ਕਠਲਾ ਚ । ਸਾ ਅਧੋਗਾਮੀ ਅਸ੍ਸਾਤਿ ਸਾ ਅਧੋ ਗਚ੍ਛੇਯ੍ਯ, ਹੇਟ੍ਠਾਗਾਮੀ ਭવੇਯ੍ਯ। ਅਧੋਗਚ੍ਛਾਤਿ ਹੇਟ੍ਠਾ ਗਚ੍ਛ।
358. Chaṭṭhe pacchābhūmakāti pacchābhūmivāsino. Kāmaṇḍalukāti sakamaṇḍaluno. Sevālamālikāti pātova udakato sevālañceva uppalādīni ca gahetvā udakasuddhikabhāvajānanatthāya mālaṃ katvā piḷandhanakā. Udakorohakāti sāyaṃpātaṃ udakaṃ orohanakā. Uyyāpentīti upari yāpenti. Saññāpentīti sammā ñāpenti. Saggaṃ nāma okkāmentīti parivāretvā ṭhitā ‘‘gaccha, bho, brahmalokaṃ, gaccha, bho, brahmaloka’’nti vadantā saggaṃ pavesenti. Anuparisakkeyyāti anuparigaccheyya. Ummujjāti ummujja uṭṭhaha. Thalamuplavāti thalamabhiruha. Tatra yāssāti tatra yā bhaveyya. Sakkharā vā kaṭhalā vāti sakkharā ca kaṭhalā ca . Sā adhogāmī assāti sā adho gaccheyya, heṭṭhāgāmī bhaveyya. Adhogacchāti heṭṭhā gaccha.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਅਸਿਬਨ੍ਧਕਪੁਤ੍ਤਸੁਤ੍ਤਂ • 6. Asibandhakaputtasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੬. ਅਸਿਬਨ੍ਧਕਪੁਤ੍ਤਸੁਤ੍ਤવਣ੍ਣਨਾ • 6. Asibandhakaputtasuttavaṇṇanā
