| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൬. അസിബന്ധകപുത്തസുത്തവണ്ണനാ
6. Asibandhakaputtasuttavaṇṇanā
൩൫൮. ഛട്ഠേ പച്ഛാഭൂമകാതി പച്ഛാഭൂമിവാസിനോ. കാമണ്ഡലുകാതി സകമണ്ഡലുനോ. സേവാലമാലികാതി പാതോവ ഉദകതോ സേവാലഞ്ചേവ ഉപ്പലാദീനി ച ഗഹേത്വാ ഉദകസുദ്ധികഭാവജാനനത്ഥായ മാലം കത്വാ പിളന്ധനകാ. ഉദകോരോഹകാതി സായംപാതം ഉദകം ഓരോഹനകാ. ഉയ്യാപേന്തീതി ഉപരി യാപേന്തി. സഞ്ഞാപേന്തീതി സമ്മാ ഞാപേന്തി. സഗ്ഗം നാമ ഓക്കാമേന്തീതി പരിവാരേത്വാ ഠിതാ ‘‘ഗച്ഛ, ഭോ, ബ്രഹ്മലോകം, ഗച്ഛ, ഭോ, ബ്രഹ്മലോക’’ന്തി വദന്താ സഗ്ഗം പവേസേന്തി. അനുപരിസക്കേയ്യാതി അനുപരിഗച്ഛേയ്യ. ഉമ്മുജ്ജാതി ഉമ്മുജ്ജ ഉട്ഠഹ. ഥലമുപ്ലവാതി ഥലമഭിരുഹ. തത്ര യാസ്സാതി തത്ര യാ ഭവേയ്യ. സക്ഖരാ വാ കഠലാ വാതി സക്ഖരാ ച കഠലാ ച . സാ അധോഗാമീ അസ്സാതി സാ അധോ ഗച്ഛേയ്യ, ഹേട്ഠാഗാമീ ഭവേയ്യ. അധോഗച്ഛാതി ഹേട്ഠാ ഗച്ഛ.
358. Chaṭṭhe pacchābhūmakāti pacchābhūmivāsino. Kāmaṇḍalukāti sakamaṇḍaluno. Sevālamālikāti pātova udakato sevālañceva uppalādīni ca gahetvā udakasuddhikabhāvajānanatthāya mālaṃ katvā piḷandhanakā. Udakorohakāti sāyaṃpātaṃ udakaṃ orohanakā. Uyyāpentīti upari yāpenti. Saññāpentīti sammā ñāpenti. Saggaṃ nāma okkāmentīti parivāretvā ṭhitā ‘‘gaccha, bho, brahmalokaṃ, gaccha, bho, brahmaloka’’nti vadantā saggaṃ pavesenti. Anuparisakkeyyāti anuparigaccheyya. Ummujjāti ummujja uṭṭhaha. Thalamuplavāti thalamabhiruha. Tatra yāssāti tatra yā bhaveyya. Sakkharā vā kaṭhalā vāti sakkharā ca kaṭhalā ca . Sā adhogāmī assāti sā adho gaccheyya, heṭṭhāgāmī bhaveyya. Adhogacchāti heṭṭhā gaccha.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൬. അസിബന്ധകപുത്തസുത്തം • 6. Asibandhakaputtasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൬. അസിബന്ധകപുത്തസുത്തവണ്ണനാ • 6. Asibandhakaputtasuttavaṇṇanā
