| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
10. ஆஸீவிஸஸுத்தவண்ணனா
10. Āsīvisasuttavaṇṇanā
110. த³ஸமே யஸ்ஸ விஸங் பஜ்ஜலிததிணுக்காய அக்³கி³ விய ஸீக⁴ங் அபி⁴ருஹித்வா அக்கீ²னி க³ஹெத்வா க²ந்த⁴ங் க³ஹெத்வா ஸீஸங் க³ஹெத்வா டி²தந்தி வத்தப்³ப³தங் ஆபஜ்ஜதி மணிஸப்பாதீ³னங் விஸங் விய, மந்தங் பன பரிவத்தெத்வா கண்ணவாதங் த³த்வா த³ண்ட³கேன பஹடமத்தே ஓதரித்வா த³ட்ட²ட்டா²னேயேவ திட்ட²தி, அயங் ஆக³தவிஸோ ந கோ⁴ரவிஸோ நாம. யஸ்ஸ பன விஸங் ஸணிகங் அபி⁴ருஹதி, ஆருள்ஹாருள்ஹட்டா²னே பன ஆஸித்தஉத³கங் விய ஹோதி உத³கஸப்பாதீ³னங் விய, த்³வாத³ஸவஸ்ஸச்சயேனபி கண்ணவித்³த⁴க²ந்த⁴பிட்டி²காதீ³ஸு பஞ்ஞாயதி, மந்தபரிவத்தனாதீ³ஸு ச கரியமானேஸு ஸீக⁴ங் ந ஓதரதி, அயங் கோ⁴ரவிஸோ ந ஆக³தவிஸோ நாம. யஸ்ஸ பன விஸங் ஸீக⁴ங் அபி⁴ருஹதி, ந ஸீக⁴ங் ஓதரதி அனேளகஸப்பாதீ³னங் விஸங் விய, அயங் ஆக³தவிஸோ ச கோ⁴ரவிஸோ ச. அனேளகஸப்போ நாம மஹாஆஸீவிஸோ. யஸ்ஸ விஸங் மந்த³ங் ஹோதி, ஓஹாரியமானம்பி ஸுகே²னேவ ஓதரதி நீலஸப்பத⁴மனிஸப்பாதீ³னங் விஸங் விய, அயங் நேவ ஆக³தவிஸோ ந கோ⁴ரவிஸோ. நீலஸப்போ நாம ஸாக²வண்ணோ ருக்க²க்³கா³தீ³ஸு விசரணஸப்போ.
110. Dasame yassa visaṃ pajjalitatiṇukkāya aggi viya sīghaṃ abhiruhitvā akkhīni gahetvā khandhaṃ gahetvā sīsaṃ gahetvā ṭhitanti vattabbataṃ āpajjati maṇisappādīnaṃ visaṃ viya, mantaṃ pana parivattetvā kaṇṇavātaṃ datvā daṇḍakena pahaṭamatte otaritvā daṭṭhaṭṭhāneyeva tiṭṭhati, ayaṃ āgataviso na ghoraviso nāma. Yassa pana visaṃ saṇikaṃ abhiruhati, āruḷhāruḷhaṭṭhāne pana āsittaudakaṃ viya hoti udakasappādīnaṃ viya, dvādasavassaccayenapi kaṇṇaviddhakhandhapiṭṭhikādīsu paññāyati, mantaparivattanādīsu ca kariyamānesu sīghaṃ na otarati, ayaṃ ghoraviso na āgataviso nāma. Yassa pana visaṃ sīghaṃ abhiruhati, na sīghaṃ otarati aneḷakasappādīnaṃ visaṃ viya, ayaṃ āgataviso ca ghoraviso ca. Aneḷakasappo nāma mahāāsīviso. Yassa visaṃ mandaṃ hoti, ohāriyamānampi sukheneva otarati nīlasappadhamanisappādīnaṃ visaṃ viya, ayaṃ neva āgataviso na ghoraviso. Nīlasappo nāma sākhavaṇṇo rukkhaggādīsu vicaraṇasappo.
ஆஸீவிஸஸுத்தவண்ணனா நிட்டி²தா.
Āsīvisasuttavaṇṇanā niṭṭhitā.
வலாஹகவக்³க³வண்ணனா நிட்டி²தா.
Valāhakavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. ஆஸீவிஸஸுத்தங் • 10. Āsīvisasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 10. ஆஸீவிஸஸுத்தவண்ணனா • 10. Āsīvisasuttavaṇṇanā
