| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
১০. আসীৰিসসুত্তৰণ্ণনা
10. Āsīvisasuttavaṇṇanā
১১০. দসমে যস্স ৰিসং পজ্জলিততিণুক্কায অগ্গি ৰিয সীঘং অভিরুহিত্ৰা অক্খীনি গহেত্ৰা খন্ধং গহেত্ৰা সীসং গহেত্ৰা ঠিতন্তি ৰত্তব্বতং আপজ্জতি মণিসপ্পাদীনং ৰিসং ৰিয, মন্তং পন পরিৰত্তেত্ৰা কণ্ণৰাতং দত্ৰা দণ্ডকেন পহটমত্তে ওতরিত্ৰা দট্ঠট্ঠানেযেৰ তিট্ঠতি, অযং আগতৰিসো ন ঘোরৰিসো নাম। যস্স পন ৰিসং সণিকং অভিরুহতি, আরুল়্হারুল়্হট্ঠানে পন আসিত্তউদকং ৰিয হোতি উদকসপ্পাদীনং ৰিয, দ্ৰাদসৰস্সচ্চযেনপি কণ্ণৰিদ্ধখন্ধপিট্ঠিকাদীসু পঞ্ঞাযতি, মন্তপরিৰত্তনাদীসু চ করিযমানেসু সীঘং ন ওতরতি, অযং ঘোরৰিসো ন আগতৰিসো নাম। যস্স পন ৰিসং সীঘং অভিরুহতি, ন সীঘং ওতরতি অনেল়কসপ্পাদীনং ৰিসং ৰিয, অযং আগতৰিসো চ ঘোরৰিসো চ। অনেল়কসপ্পো নাম মহাআসীৰিসো। যস্স ৰিসং মন্দং হোতি, ওহারিযমানম্পি সুখেনেৰ ওতরতি নীলসপ্পধমনিসপ্পাদীনং ৰিসং ৰিয, অযং নেৰ আগতৰিসো ন ঘোরৰিসো। নীলসপ্পো নাম সাখৰণ্ণো রুক্খগ্গাদীসু ৰিচরণসপ্পো।
110. Dasame yassa visaṃ pajjalitatiṇukkāya aggi viya sīghaṃ abhiruhitvā akkhīni gahetvā khandhaṃ gahetvā sīsaṃ gahetvā ṭhitanti vattabbataṃ āpajjati maṇisappādīnaṃ visaṃ viya, mantaṃ pana parivattetvā kaṇṇavātaṃ datvā daṇḍakena pahaṭamatte otaritvā daṭṭhaṭṭhāneyeva tiṭṭhati, ayaṃ āgataviso na ghoraviso nāma. Yassa pana visaṃ saṇikaṃ abhiruhati, āruḷhāruḷhaṭṭhāne pana āsittaudakaṃ viya hoti udakasappādīnaṃ viya, dvādasavassaccayenapi kaṇṇaviddhakhandhapiṭṭhikādīsu paññāyati, mantaparivattanādīsu ca kariyamānesu sīghaṃ na otarati, ayaṃ ghoraviso na āgataviso nāma. Yassa pana visaṃ sīghaṃ abhiruhati, na sīghaṃ otarati aneḷakasappādīnaṃ visaṃ viya, ayaṃ āgataviso ca ghoraviso ca. Aneḷakasappo nāma mahāāsīviso. Yassa visaṃ mandaṃ hoti, ohāriyamānampi sukheneva otarati nīlasappadhamanisappādīnaṃ visaṃ viya, ayaṃ neva āgataviso na ghoraviso. Nīlasappo nāma sākhavaṇṇo rukkhaggādīsu vicaraṇasappo.
আসীৰিসসুত্তৰণ্ণনা নিট্ঠিতা।
Āsīvisasuttavaṇṇanā niṭṭhitā.
ৰলাহকৰগ্গৰণ্ণনা নিট্ঠিতা।
Valāhakavaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ১০. আসীৰিসসুত্তং • 10. Āsīvisasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১০. আসীৰিসসুত্তৰণ্ণনা • 10. Āsīvisasuttavaṇṇanā
