| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. аасийвисасуд̇д̇аван̣н̣анаа
10. Āsīvisasuttavaṇṇanā
110. д̣̇асамз яасса висам̣ баж̇ж̇алид̇ад̇ин̣уггааяа аг̇г̇и вияа сийгхам̣ абхирухид̇ваа агкийни г̇ахзд̇ваа канд̇хам̣ г̇ахзд̇ваа сийсам̣ г̇ахзд̇ваа тид̇анд̇и вад̇д̇аб̣б̣ад̇ам̣ аабаж̇ж̇ад̇и ман̣исаббаад̣̇ийнам̣ висам̣ вияа, манд̇ам̣ бана баривад̇д̇зд̇ваа ган̣н̣аваад̇ам̣ д̣̇ад̇ваа д̣̇ан̣д̣агзна бахадамад̇д̇з од̇арид̇ваа д̣̇адтадтаанзязва д̇идтад̇и, аяам̣ ааг̇ад̇ависо на гхорависо наама. яасса бана висам̣ сан̣игам̣ абхирухад̇и, аарул̣хаарул̣хадтаанз бана аасид̇д̇ауд̣̇агам̣ вияа ход̇и уд̣̇агасаббаад̣̇ийнам̣ вияа, д̣̇ваад̣̇асавассажжаязнаби ган̣н̣авид̣̇д̇хаканд̇хабидтигаад̣̇ийсу бан̃н̃ааяад̇и, манд̇абаривад̇д̇анаад̣̇ийсу жа гарияамаанзсу сийгхам̣ на од̇арад̇и, аяам̣ гхорависо на ааг̇ад̇ависо наама. яасса бана висам̣ сийгхам̣ абхирухад̇и, на сийгхам̣ од̇арад̇и анзл̣агасаббаад̣̇ийнам̣ висам̣ вияа, аяам̣ ааг̇ад̇ависо жа гхорависо жа. анзл̣агасаббо наама махаааасийвисо. яасса висам̣ манд̣̇ам̣ ход̇и, охаарияамаанамби сукзнзва од̇арад̇и нийласаббад̇хаманисаббаад̣̇ийнам̣ висам̣ вияа, аяам̣ нзва ааг̇ад̇ависо на гхорависо. нийласаббо наама саакаван̣н̣о ругкаг̇г̇аад̣̇ийсу вижаран̣асаббо.
110. Dasame yassa visaṃ pajjalitatiṇukkāya aggi viya sīghaṃ abhiruhitvā akkhīni gahetvā khandhaṃ gahetvā sīsaṃ gahetvā ṭhitanti vattabbataṃ āpajjati maṇisappādīnaṃ visaṃ viya, mantaṃ pana parivattetvā kaṇṇavātaṃ datvā daṇḍakena pahaṭamatte otaritvā daṭṭhaṭṭhāneyeva tiṭṭhati, ayaṃ āgataviso na ghoraviso nāma. Yassa pana visaṃ saṇikaṃ abhiruhati, āruḷhāruḷhaṭṭhāne pana āsittaudakaṃ viya hoti udakasappādīnaṃ viya, dvādasavassaccayenapi kaṇṇaviddhakhandhapiṭṭhikādīsu paññāyati, mantaparivattanādīsu ca kariyamānesu sīghaṃ na otarati, ayaṃ ghoraviso na āgataviso nāma. Yassa pana visaṃ sīghaṃ abhiruhati, na sīghaṃ otarati aneḷakasappādīnaṃ visaṃ viya, ayaṃ āgataviso ca ghoraviso ca. Aneḷakasappo nāma mahāāsīviso. Yassa visaṃ mandaṃ hoti, ohāriyamānampi sukheneva otarati nīlasappadhamanisappādīnaṃ visaṃ viya, ayaṃ neva āgataviso na ghoraviso. Nīlasappo nāma sākhavaṇṇo rukkhaggādīsu vicaraṇasappo.
аасийвисасуд̇д̇аван̣н̣анаа нидтид̇аа.
Āsīvisasuttavaṇṇanā niṭṭhitā.
валаахагаваг̇г̇аван̣н̣анаа нидтид̇аа.
Valāhakavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. аасийвисасуд̇д̇ам̣ • 10. Āsīvisasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. аасийвисасуд̇д̇аван̣н̣анаа • 10. Āsīvisasuttavaṇṇanā
