| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༡༠. ཨཱསཱིཝིསསུཏྟཝཎྞནཱ
10. Āsīvisasuttavaṇṇanā
༡༡༠. དསམེ ཡསྶ ཝིསཾ པཛྫལིཏཏིཎུཀྐཱཡ ཨགྒི ཝིཡ སཱིགྷཾ ཨབྷིརུཧིཏྭཱ ཨཀྑཱིནི གཧེཏྭཱ ཁནྡྷཾ གཧེཏྭཱ སཱིསཾ གཧེཏྭཱ ཋིཏནྟི ཝཏྟབྦཏཾ ཨཱཔཛྫཏི མཎིསཔྤཱདཱིནཾ ཝིསཾ ཝིཡ, མནྟཾ པན པརིཝཏྟེཏྭཱ ཀཎྞཝཱཏཾ དཏྭཱ དཎྜཀེན པཧཊམཏྟེ ཨོཏརིཏྭཱ དཊྛཊྛཱནེཡེཝ ཏིཊྛཏི, ཨཡཾ ཨཱགཏཝིསོ ན གྷོརཝིསོ ནཱམ། ཡསྶ པན ཝིསཾ སཎིཀཾ ཨབྷིརུཧཏི, ཨཱརུལ༹ྷཱརུལ༹ྷཊྛཱནེ པན ཨཱསིཏྟཨུདཀཾ ཝིཡ ཧོཏི ཨུདཀསཔྤཱདཱིནཾ ཝིཡ, དྭཱདསཝསྶཙྩཡེནཔི ཀཎྞཝིདྡྷཁནྡྷཔིཊྛིཀཱདཱིསུ པཉྙཱཡཏི, མནྟཔརིཝཏྟནཱདཱིསུ ཙ ཀརིཡམཱནེསུ སཱིགྷཾ ན ཨོཏརཏི, ཨཡཾ གྷོརཝིསོ ན ཨཱགཏཝིསོ ནཱམ། ཡསྶ པན ཝིསཾ སཱིགྷཾ ཨབྷིརུཧཏི, ན སཱིགྷཾ ཨོཏརཏི ཨནེལ༹ཀསཔྤཱདཱིནཾ ཝིསཾ ཝིཡ, ཨཡཾ ཨཱགཏཝིསོ ཙ གྷོརཝིསོ ཙ། ཨནེལ༹ཀསཔྤོ ནཱམ མཧཱཨཱསཱིཝིསོ། ཡསྶ ཝིསཾ མནྡཾ ཧོཏི, ཨོཧཱརིཡམཱནམྤི སུཁེནེཝ ཨོཏརཏི ནཱིལསཔྤདྷམནིསཔྤཱདཱིནཾ ཝིསཾ ཝིཡ, ཨཡཾ ནེཝ ཨཱགཏཝིསོ ན གྷོརཝིསོ། ནཱིལསཔྤོ ནཱམ སཱཁཝཎྞོ རུཀྑགྒཱདཱིསུ ཝིཙརཎསཔྤོ།
110. Dasame yassa visaṃ pajjalitatiṇukkāya aggi viya sīghaṃ abhiruhitvā akkhīni gahetvā khandhaṃ gahetvā sīsaṃ gahetvā ṭhitanti vattabbataṃ āpajjati maṇisappādīnaṃ visaṃ viya, mantaṃ pana parivattetvā kaṇṇavātaṃ datvā daṇḍakena pahaṭamatte otaritvā daṭṭhaṭṭhāneyeva tiṭṭhati, ayaṃ āgataviso na ghoraviso nāma. Yassa pana visaṃ saṇikaṃ abhiruhati, āruḷhāruḷhaṭṭhāne pana āsittaudakaṃ viya hoti udakasappādīnaṃ viya, dvādasavassaccayenapi kaṇṇaviddhakhandhapiṭṭhikādīsu paññāyati, mantaparivattanādīsu ca kariyamānesu sīghaṃ na otarati, ayaṃ ghoraviso na āgataviso nāma. Yassa pana visaṃ sīghaṃ abhiruhati, na sīghaṃ otarati aneḷakasappādīnaṃ visaṃ viya, ayaṃ āgataviso ca ghoraviso ca. Aneḷakasappo nāma mahāāsīviso. Yassa visaṃ mandaṃ hoti, ohāriyamānampi sukheneva otarati nīlasappadhamanisappādīnaṃ visaṃ viya, ayaṃ neva āgataviso na ghoraviso. Nīlasappo nāma sākhavaṇṇo rukkhaggādīsu vicaraṇasappo.
ཨཱསཱིཝིསསུཏྟཝཎྞནཱ ནིཊྛིཏཱ།
Āsīvisasuttavaṇṇanā niṭṭhitā.
ཝལཱཧཀཝགྒཝཎྞནཱ ནིཊྛིཏཱ།
Valāhakavaggavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡༠. ཨཱསཱིཝིསསུཏྟཾ • 10. Āsīvisasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡༠. ཨཱསཱིཝིསསུཏྟཝཎྞནཱ • 10. Āsīvisasuttavaṇṇanā
