| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੯. ਆਸੀવਿਸવਗ੍ਗੋ
19. Āsīvisavaggo
੧. ਆਸੀવਿਸੋਪਮਸੁਤ੍ਤਂ
1. Āsīvisopamasuttaṃ
੨੩੮. ‘‘ਸੇਯ੍ਯਥਾਪਿ , ਭਿਕ੍ਖવੇ, ਚਤ੍ਤਾਰੋ ਆਸੀવਿਸਾ ਉਗ੍ਗਤੇਜਾ ਘੋਰવਿਸਾ। ਅਥ ਪੁਰਿਸੋ ਆਗਚ੍ਛੇਯ੍ਯ ਜੀવਿਤੁਕਾਮੋ ਅਮਰਿਤੁਕਾਮੋ ਸੁਖਕਾਮੋ ਦੁਕ੍ਖਪ੍ਪਟਿਕੂਲੋ। ਤਮੇਨਂ ਏવਂ વਦੇਯ੍ਯੁਂ – ‘ਇਮੇ ਤੇ, ਅਮ੍ਭੋ ਪੁਰਿਸ, ਚਤ੍ਤਾਰੋ ਆਸੀવਿਸਾ ਉਗ੍ਗਤੇਜਾ ਘੋਰવਿਸਾ ਕਾਲੇਨ ਕਾਲਂ વੁਟ੍ਠਾਪੇਤਬ੍ਬਾ, ਕਾਲੇਨ ਕਾਲਂ ਨ੍ਹਾਪੇਤਬ੍ਬਾ, ਕਾਲੇਨ ਕਾਲਂ ਭੋਜੇਤਬ੍ਬਾ, ਕਾਲੇਨ ਕਾਲਂ ਸਂવੇਸੇਤਬ੍ਬਾ 1। ਯਦਾ ਚ ਖੋ ਤੇ, ਅਮ੍ਭੋ ਪੁਰਿਸ, ਇਮੇਸਂ ਚਤੁਨ੍ਨਂ ਆਸੀવਿਸਾਨਂ ਉਗ੍ਗਤੇਜਾਨਂ ਘੋਰવਿਸਾਨਂ ਅਞ੍ਞਤਰੋ વਾ ਅਞ੍ਞਤਰੋ વਾ ਕੁਪ੍ਪਿਸ੍ਸਤਿ, ਤਤੋ ਤ੍વਂ, ਅਮ੍ਭੋ ਪੁਰਿਸ, ਮਰਣਂ વਾ ਨਿਗਚ੍ਛਸਿ, ਮਰਣਮਤ੍ਤਂ વਾ ਦੁਕ੍ਖਂ। ਯਂ ਤੇ, ਅਮ੍ਭੋ ਪੁਰਿਸ, ਕਰਣੀਯਂ ਤਂ ਕਰੋਹੀ’’’ਤਿ।
238. ‘‘Seyyathāpi , bhikkhave, cattāro āsīvisā uggatejā ghoravisā. Atha puriso āgaccheyya jīvitukāmo amaritukāmo sukhakāmo dukkhappaṭikūlo. Tamenaṃ evaṃ vadeyyuṃ – ‘ime te, ambho purisa, cattāro āsīvisā uggatejā ghoravisā kālena kālaṃ vuṭṭhāpetabbā, kālena kālaṃ nhāpetabbā, kālena kālaṃ bhojetabbā, kālena kālaṃ saṃvesetabbā 2. Yadā ca kho te, ambho purisa, imesaṃ catunnaṃ āsīvisānaṃ uggatejānaṃ ghoravisānaṃ aññataro vā aññataro vā kuppissati, tato tvaṃ, ambho purisa, maraṇaṃ vā nigacchasi, maraṇamattaṃ vā dukkhaṃ. Yaṃ te, ambho purisa, karaṇīyaṃ taṃ karohī’’’ti.
‘‘ਅਥ ਖੋ ਸੋ, ਭਿਕ੍ਖવੇ, ਪੁਰਿਸੋ ਭੀਤੋ ਚਤੁਨ੍ਨਂ ਆਸੀવਿਸਾਨਂ ਉਗ੍ਗਤੇਜਾਨਂ ਘੋਰવਿਸਾਨਂ ਯੇਨ વਾ ਤੇਨ વਾ ਪਲਾਯੇਥ। ਤਮੇਨਂ ਏવਂ વਦੇਯ੍ਯੁਂ – ‘ਇਮੇ ਖੋ, ਅਮ੍ਭੋ ਪੁਰਿਸ, ਪਞ੍ਚ વਧਕਾ ਪਚ੍ਚਤ੍ਥਿਕਾ ਪਿਟ੍ਠਿਤੋ ਪਿਟ੍ਠਿਤੋ ਅਨੁਬਨ੍ਧਾ, ਯਤ੍ਥੇવ ਨਂ ਪਸ੍ਸਿਸ੍ਸਾਮ ਤਤ੍ਥੇવ ਜੀવਿਤਾ વੋਰੋਪੇਸ੍ਸਾਮਾਤਿ। ਯਂ ਤੇ, ਅਮ੍ਭੋ ਪੁਰਿਸ, ਕਰਣੀਯਂ ਤਂ ਕਰੋਹੀ’’’ਤਿ।
‘‘Atha kho so, bhikkhave, puriso bhīto catunnaṃ āsīvisānaṃ uggatejānaṃ ghoravisānaṃ yena vā tena vā palāyetha. Tamenaṃ evaṃ vadeyyuṃ – ‘ime kho, ambho purisa, pañca vadhakā paccatthikā piṭṭhito piṭṭhito anubandhā, yattheva naṃ passissāma tattheva jīvitā voropessāmāti. Yaṃ te, ambho purisa, karaṇīyaṃ taṃ karohī’’’ti.
‘‘ਅਥ ਖੋ ਸੋ, ਭਿਕ੍ਖવੇ, ਪੁਰਿਸੋ ਭੀਤੋ ਚਤੁਨ੍ਨਂ ਆਸੀવਿਸਾਨਂ ਉਗ੍ਗਤੇਜਾਨਂ ਘੋਰવਿਸਾਨਂ, ਭੀਤੋ ਪਞ੍ਚਨ੍ਨਂ વਧਕਾਨਂ ਪਚ੍ਚਤ੍ਥਿਕਾਨਂ ਯੇਨ વਾ ਤੇਨ વਾ ਪਲਾਯੇਥ। ਤਮੇਨਂ ਏવਂ વਦੇਯ੍ਯੁਂ – ‘ਅਯਂ ਤੇ, ਅਮ੍ਭੋ ਪੁਰਿਸ, ਛਟ੍ਠੋ ਅਨ੍ਤਰਚਰੋ વਧਕੋ ਉਕ੍ਖਿਤ੍ਤਾਸਿਕੋ ਪਿਟ੍ਠਿਤੋ ਪਿਟ੍ਠਿਤੋ ਅਨੁਬਨ੍ਧੋ ਯਤ੍ਥੇવ ਨਂ ਪਸ੍ਸਿਸ੍ਸਾਮਿ ਤਤ੍ਥੇવ ਸਿਰੋ ਪਾਤੇਸ੍ਸਾਮੀਤਿ। ਯਂ ਤੇ, ਅਮ੍ਭੋ ਪੁਰਿਸ, ਕਰਣੀਯਂ ਤਂ ਕਰੋਹੀ’’’ਤਿ।
‘‘Atha kho so, bhikkhave, puriso bhīto catunnaṃ āsīvisānaṃ uggatejānaṃ ghoravisānaṃ, bhīto pañcannaṃ vadhakānaṃ paccatthikānaṃ yena vā tena vā palāyetha. Tamenaṃ evaṃ vadeyyuṃ – ‘ayaṃ te, ambho purisa, chaṭṭho antaracaro vadhako ukkhittāsiko piṭṭhito piṭṭhito anubandho yattheva naṃ passissāmi tattheva siro pātessāmīti. Yaṃ te, ambho purisa, karaṇīyaṃ taṃ karohī’’’ti.
‘‘ਅਥ ਖੋ ਸੋ, ਭਿਕ੍ਖવੇ, ਪੁਰਿਸੋ ਭੀਤੋ ਚਤੁਨ੍ਨਂ ਆਸੀવਿਸਾਨਂ ਉਗ੍ਗਤੇਜਾਨਂ ਘੋਰવਿਸਾਨਂ, ਭੀਤੋ ਪਞ੍ਚਨ੍ਨਂ વਧਕਾਨਂ ਪਚ੍ਚਤ੍ਥਿਕਾਨਂ, ਭੀਤੋ ਛਟ੍ਠਸ੍ਸ ਅਨ੍ਤਰਚਰਸ੍ਸ વਧਕਸ੍ਸ ਉਕ੍ਖਿਤ੍ਤਾਸਿਕਸ੍ਸ ਯੇਨ વਾ ਤੇਨ વਾ ਪਲਾਯੇਥ। ਸੋ ਪਸ੍ਸੇਯ੍ਯ ਸੁਞ੍ਞਂ ਗਾਮਂ। ਯਞ੍ਞਦੇવ ਘਰਂ ਪવਿਸੇਯ੍ਯ ਰਿਤ੍ਤਕਞ੍ਞੇવ ਪવਿਸੇਯ੍ਯ ਤੁਚ੍ਛਕਞ੍ਞੇવ ਪવਿਸੇਯ੍ਯ ਸੁਞ੍ਞਕਞ੍ਞੇવ ਪવਿਸੇਯ੍ਯ। ਯਞ੍ਞਦੇવ ਭਾਜਨਂ ਪਰਿਮਸੇਯ੍ਯ ਰਿਤ੍ਤਕਞ੍ਞੇવ ਪਰਿਮਸੇਯ੍ਯ ਤੁਚ੍ਛਕਞ੍ਞੇવ ਪਰਿਮਸੇਯ੍ਯ ਸੁਞ੍ਞਕਞ੍ਞੇવ ਪਰਿਮਸੇਯ੍ਯ। ਤਮੇਨਂ ਏવਂ વਦੇਯ੍ਯੁਂ – ‘ਇਦਾਨਿ, ਅਮ੍ਭੋ ਪੁਰਿਸ, ਇਮਂ ਸੁਞ੍ਞਂ ਗਾਮਂ ਚੋਰਾ ਗਾਮਘਾਤਕਾ ਪવਿਸਨ੍ਤਿ 3। ਯਂ ਤੇ, ਅਮ੍ਭੋ ਪੁਰਿਸ, ਕਰਣੀਯਂ ਤਂ ਕਰੋਹੀ’’’ਤਿ।
‘‘Atha kho so, bhikkhave, puriso bhīto catunnaṃ āsīvisānaṃ uggatejānaṃ ghoravisānaṃ, bhīto pañcannaṃ vadhakānaṃ paccatthikānaṃ, bhīto chaṭṭhassa antaracarassa vadhakassa ukkhittāsikassa yena vā tena vā palāyetha. So passeyya suññaṃ gāmaṃ. Yaññadeva gharaṃ paviseyya rittakaññeva paviseyya tucchakaññeva paviseyya suññakaññeva paviseyya. Yaññadeva bhājanaṃ parimaseyya rittakaññeva parimaseyya tucchakaññeva parimaseyya suññakaññeva parimaseyya. Tamenaṃ evaṃ vadeyyuṃ – ‘idāni, ambho purisa, imaṃ suññaṃ gāmaṃ corā gāmaghātakā pavisanti 4. Yaṃ te, ambho purisa, karaṇīyaṃ taṃ karohī’’’ti.
‘‘ਅਥ ਖੋ ਸੋ, ਭਿਕ੍ਖવੇ, ਪੁਰਿਸੋ ਭੀਤੋ ਚਤੁਨ੍ਨਂ ਆਸੀવਿਸਾਨਂ ਉਗ੍ਗਤੇਜਾਨਂ ਘੋਰવਿਸਾਨਂ, ਭੀਤੋ ਪਞ੍ਚਨ੍ਨਂ વਧਕਾਨਂ ਪਚ੍ਚਤ੍ਥਿਕਾਨਂ, ਭੀਤੋ ਛਟ੍ਠਸ੍ਸ ਅਨ੍ਤਰਚਰਸ੍ਸ વਧਕਸ੍ਸ ਉਕ੍ਖਿਤ੍ਤਾਸਿਕਸ੍ਸ, ਭੀਤੋ ਚੋਰਾਨਂ ਗਾਮਘਾਤਕਾਨਂ ਯੇਨ વਾ ਤੇਨ વਾ ਪਲਾਯੇਥ। ਸੋ ਪਸ੍ਸੇਯ੍ਯ ਮਹਨ੍ਤਂ ਉਦਕਣ੍ਣવਂ ਓਰਿਮਂ ਤੀਰਂ ਸਾਸਙ੍ਕਂ ਸਪ੍ਪਟਿਭਯਂ, ਪਾਰਿਮਂ ਤੀਰਂ ਖੇਮਂ ਅਪ੍ਪਟਿਭਯਂ। ਨ ਚਸ੍ਸ ਨਾવਾ ਸਨ੍ਤਾਰਣੀ ਉਤ੍ਤਰਸੇਤੁ વਾ ਅਪਾਰਾ ਪਾਰਂ ਗਮਨਾਯ। ਅਥ ਖੋ, ਭਿਕ੍ਖવੇ, ਤਸ੍ਸ ਪੁਰਿਸਸ੍ਸ ਏવਮਸ੍ਸ – ‘ਅਯਂ ਖੋ ਮਹਾਉਦਕਣ੍ਣવੋ ਓਰਿਮਂ ਤੀਰਂ ਸਾਸਙ੍ਕਂ ਸਪ੍ਪਟਿਭਯਂ, ਪਾਰਿਮਂ ਤੀਰਂ ਖੇਮਂ ਅਪ੍ਪਟਿਭਯਂ, ਨਤ੍ਥਿ ਚ 5 ਨਾવਾ ਸਨ੍ਤਾਰਣੀ ਉਤ੍ਤਰਸੇਤੁ વਾ ਅਪਾਰਾ ਪਾਰਂ ਗਮਨਾਯ। ਯਂਨੂਨਾਹਂ ਤਿਣਕਟ੍ਠਸਾਖਾਪਲਾਸਂ ਸਂਕਡ੍ਢਿਤ੍વਾ ਕੁਲ੍ਲਂ ਬਨ੍ਧਿਤ੍વਾ ਤਂ ਕੁਲ੍ਲਂ ਨਿਸ੍ਸਾਯ ਹਤ੍ਥੇਹਿ ਚ ਪਾਦੇਹਿ ਚ વਾਯਮਮਾਨੋ ਸੋਤ੍ਥਿਨਾ ਪਾਰਂ ਗਚ੍ਛੇਯ੍ਯ’’’ਨ੍ਤਿ।
‘‘Atha kho so, bhikkhave, puriso bhīto catunnaṃ āsīvisānaṃ uggatejānaṃ ghoravisānaṃ, bhīto pañcannaṃ vadhakānaṃ paccatthikānaṃ, bhīto chaṭṭhassa antaracarassa vadhakassa ukkhittāsikassa, bhīto corānaṃ gāmaghātakānaṃ yena vā tena vā palāyetha. So passeyya mahantaṃ udakaṇṇavaṃ orimaṃ tīraṃ sāsaṅkaṃ sappaṭibhayaṃ, pārimaṃ tīraṃ khemaṃ appaṭibhayaṃ. Na cassa nāvā santāraṇī uttarasetu vā apārā pāraṃ gamanāya. Atha kho, bhikkhave, tassa purisassa evamassa – ‘ayaṃ kho mahāudakaṇṇavo orimaṃ tīraṃ sāsaṅkaṃ sappaṭibhayaṃ, pārimaṃ tīraṃ khemaṃ appaṭibhayaṃ, natthi ca 6 nāvā santāraṇī uttarasetu vā apārā pāraṃ gamanāya. Yaṃnūnāhaṃ tiṇakaṭṭhasākhāpalāsaṃ saṃkaḍḍhitvā kullaṃ bandhitvā taṃ kullaṃ nissāya hatthehi ca pādehi ca vāyamamāno sotthinā pāraṃ gaccheyya’’’nti.
‘‘ਅਥ ਖੋ ਸੋ, ਭਿਕ੍ਖવੇ, ਪੁਰਿਸੋ ਤਿਣਕਟ੍ਠਸਾਖਾਪਲਾਸਂ ਸਂਕਡ੍ਢਿਤ੍વਾ ਕੁਲ੍ਲਂ ਬਨ੍ਧਿਤ੍વਾ ਤਂ ਕੁਲ੍ਲਂ ਨਿਸ੍ਸਾਯ ਹਤ੍ਥੇਹਿ ਚ ਪਾਦੇਹਿ ਚ વਾਯਮਮਾਨੋ ਸੋਤ੍ਥਿਨਾ ਪਾਰਂ ਗਚ੍ਛੇਯ੍ਯ, ਤਿਣ੍ਣੋ ਪਾਰਙ੍ਗਤੋ 7 ਥਲੇ ਤਿਟ੍ਠਤਿ ਬ੍ਰਾਹ੍ਮਣੋ।
‘‘Atha kho so, bhikkhave, puriso tiṇakaṭṭhasākhāpalāsaṃ saṃkaḍḍhitvā kullaṃ bandhitvā taṃ kullaṃ nissāya hatthehi ca pādehi ca vāyamamāno sotthinā pāraṃ gaccheyya, tiṇṇo pāraṅgato 8 thale tiṭṭhati brāhmaṇo.
‘‘ਉਪਮਾ ਖੋ ਮ੍ਯਾਯਂ, ਭਿਕ੍ਖવੇ, ਕਤਾ ਅਤ੍ਥਸ੍ਸ વਿਞ੍ਞਾਪਨਾਯ। ਅਯਞ੍ਚੇਤ੍ਥ 9 ਅਤ੍ਥੋ – ਚਤ੍ਤਾਰੋ ਆਸੀવਿਸਾ ਉਗ੍ਗਤੇਜਾ ਘੋਰવਿਸਾਤਿ ਖੋ, ਭਿਕ੍ਖવੇ, ਚਤੁਨ੍ਨੇਤਂ ਮਹਾਭੂਤਾਨਂ ਅਧਿવਚਨਂ – ਪਥવੀਧਾਤੁਯਾ, ਆਪੋਧਾਤੁਯਾ, ਤੇਜੋਧਾਤੁਯਾ, વਾਯੋਧਾਤੁਯਾ।
‘‘Upamā kho myāyaṃ, bhikkhave, katā atthassa viññāpanāya. Ayañcettha 10 attho – cattāro āsīvisā uggatejā ghoravisāti kho, bhikkhave, catunnetaṃ mahābhūtānaṃ adhivacanaṃ – pathavīdhātuyā, āpodhātuyā, tejodhātuyā, vāyodhātuyā.
‘‘ਪਞ੍ਚ વਧਕਾ ਪਚ੍ਚਤ੍ਥਿਕਾਤਿ ਖੋ, ਭਿਕ੍ਖવੇ, ਪਞ੍ਚਨ੍ਨੇਤਂ ਉਪਾਦਾਨਕ੍ਖਨ੍ਧਾਨਂ ਅਧਿવਚਨਂ, ਸੇਯ੍ਯਥਿਦਂ – ਰੂਪੁਪਾਦਾਨਕ੍ਖਨ੍ਧਸ੍ਸ, વੇਦਨੁਪਾਦਾਨਕ੍ਖਨ੍ਧਸ੍ਸ, ਸਞ੍ਞੁਪਾਦਾਨਕ੍ਖਨ੍ਧਸ੍ਸ, ਸਙ੍ਖਾਰੁਪਾਦਾਨਕ੍ਖਨ੍ਧਸ੍ਸ, વਿਞ੍ਞਾਣੁਪਾਦਾਨਕ੍ਖਨ੍ਧਸ੍ਸ।
‘‘Pañca vadhakā paccatthikāti kho, bhikkhave, pañcannetaṃ upādānakkhandhānaṃ adhivacanaṃ, seyyathidaṃ – rūpupādānakkhandhassa, vedanupādānakkhandhassa, saññupādānakkhandhassa, saṅkhārupādānakkhandhassa, viññāṇupādānakkhandhassa.
‘‘ਛਟ੍ਠੋ ਅਨ੍ਤਰਚਰੋ વਧਕੋ ਉਕ੍ਖਿਤ੍ਤਾਸਿਕੋਤਿ ਖੋ, ਭਿਕ੍ਖવੇ, ਨਨ੍ਦੀਰਾਗਸ੍ਸੇਤਂ ਅਧਿવਚਨਂ।
‘‘Chaṭṭho antaracaro vadhako ukkhittāsikoti kho, bhikkhave, nandīrāgassetaṃ adhivacanaṃ.
‘‘ਸੁਞ੍ਞੋ ਗਾਮੋਤਿ ਖੋ, ਭਿਕ੍ਖવੇ, ਛਨ੍ਨੇਤਂ ਅਜ੍ਝਤ੍ਤਿਕਾਨਂ ਆਯਤਨਾਨਂ ਅਧਿવਚਨਂ। ਚਕ੍ਖੁਤੋ ਚੇਪਿ ਨਂ, ਭਿਕ੍ਖવੇ, ਪਣ੍ਡਿਤੋ ਬ੍ਯਤ੍ਤੋ ਮੇਧਾવੀ ਉਪਪਰਿਕ੍ਖਤਿ ਰਿਤ੍ਤਕਞ੍ਞੇવ ਖਾਯਤਿ, ਤੁਚ੍ਛਕਞ੍ਞੇવ ਖਾਯਤਿ, ਸੁਞ੍ਞਕਞ੍ਞੇવ ਖਾਯਤਿ…ਪੇ॰… ਜਿવ੍ਹਾਤੋ ਚੇਪਿ ਨਂ, ਭਿਕ੍ਖવੇ…ਪੇ॰… ਮਨਤੋ ਚੇਪਿ ਨਂ, ਭਿਕ੍ਖવੇ, ਪਣ੍ਡਿਤੋ ਬ੍ਯਤ੍ਤੋ ਮੇਧਾવੀ ਉਪਪਰਿਕ੍ਖਤਿ ਰਿਤ੍ਤਕਞ੍ਞੇવ ਖਾਯਤਿ, ਤੁਚ੍ਛਕਞ੍ਞੇવ ਖਾਯਤਿ, ਸੁਞ੍ਞਕਞ੍ਞੇવ ਖਾਯਤਿ।
‘‘Suñño gāmoti kho, bhikkhave, channetaṃ ajjhattikānaṃ āyatanānaṃ adhivacanaṃ. Cakkhuto cepi naṃ, bhikkhave, paṇḍito byatto medhāvī upaparikkhati rittakaññeva khāyati, tucchakaññeva khāyati, suññakaññeva khāyati…pe… jivhāto cepi naṃ, bhikkhave…pe… manato cepi naṃ, bhikkhave, paṇḍito byatto medhāvī upaparikkhati rittakaññeva khāyati, tucchakaññeva khāyati, suññakaññeva khāyati.
‘‘ਚੋਰਾ ਗਾਮਘਾਤਕਾਤਿ ਖੋ, ਭਿਕ੍ਖવੇ, ਛਨ੍ਨੇਤਂ ਬਾਹਿਰਾਨਂ ਆਯਤਨਾਨਂ ਅਧਿવਚਨਂ। ਚਕ੍ਖੁ, ਭਿਕ੍ਖવੇ, ਹਞ੍ਞਤਿ ਮਨਾਪਾਮਨਾਪੇਸੁ ਰੂਪੇਸੁ; ਸੋਤਂ, ਭਿਕ੍ਖવੇ…ਪੇ॰… ਘਾਨਂ, ਭਿਕ੍ਖવੇ…ਪੇ॰… ਜਿવ੍ਹਾ, ਭਿਕ੍ਖવੇ, ਹਞ੍ਞਤਿ ਮਨਾਪਾਮਨਾਪੇਸੁ ਰਸੇਸੁ; ਕਾਯੋ, ਭਿਕ੍ਖવੇ…ਪੇ॰… ਮਨੋ, ਭਿਕ੍ਖવੇ, ਹਞ੍ਞਤਿ ਮਨਾਪਾਮਨਾਪੇਸੁ ਧਮ੍ਮੇਸੁ।
‘‘Corā gāmaghātakāti kho, bhikkhave, channetaṃ bāhirānaṃ āyatanānaṃ adhivacanaṃ. Cakkhu, bhikkhave, haññati manāpāmanāpesu rūpesu; sotaṃ, bhikkhave…pe… ghānaṃ, bhikkhave…pe… jivhā, bhikkhave, haññati manāpāmanāpesu rasesu; kāyo, bhikkhave…pe… mano, bhikkhave, haññati manāpāmanāpesu dhammesu.
‘‘ਮਹਾ ਉਦਕਣ੍ਣવੋਤਿ ਖੋ, ਭਿਕ੍ਖવੇ, ਚਤੁਨ੍ਨੇਤਂ ਓਘਾਨਂ ਅਧਿવਚਨਂ – ਕਾਮੋਘਸ੍ਸ, ਭવੋਘਸ੍ਸ, ਦਿਟ੍ਠੋਘਸ੍ਸ, ਅવਿਜ੍ਜੋਘਸ੍ਸ।
‘‘Mahā udakaṇṇavoti kho, bhikkhave, catunnetaṃ oghānaṃ adhivacanaṃ – kāmoghassa, bhavoghassa, diṭṭhoghassa, avijjoghassa.
‘‘ਓਰਿਮਂ ਤੀਰਂ ਸਾਸਙ੍ਕਂ ਸਪ੍ਪਟਿਭਯਨ੍ਤਿ ਖੋ, ਭਿਕ੍ਖવੇ, ਸਕ੍ਕਾਯਸ੍ਸੇਤਂ ਅਧਿવਚਨਂ।
‘‘Orimaṃ tīraṃ sāsaṅkaṃ sappaṭibhayanti kho, bhikkhave, sakkāyassetaṃ adhivacanaṃ.
‘‘ਪਾਰਿਮਂ ਤੀਰਂ ਖੇਮਂ ਅਪ੍ਪਟਿਭਯਨ੍ਤਿ ਖੋ, ਭਿਕ੍ਖવੇ, ਨਿਬ੍ਬਾਨਸ੍ਸੇਤਂ ਅਧਿવਚਨਂ।
‘‘Pārimaṃ tīraṃ khemaṃ appaṭibhayanti kho, bhikkhave, nibbānassetaṃ adhivacanaṃ.
‘‘ਕੁਲ੍ਲਨ੍ਤਿ ਖੋ, ਭਿਕ੍ਖવੇ, ਅਰਿਯਸ੍ਸੇਤਂ ਅਟ੍ਠਙ੍ਗਿਕਸ੍ਸ ਮਗ੍ਗਸ੍ਸ ਅਧਿવਚਨਂ, ਸੇਯ੍ਯਥਿਦਂ – ਸਮ੍ਮਾਦਿਟ੍ਠਿ…ਪੇ॰… ਸਮ੍ਮਾਸਮਾਧਿ।
‘‘Kullanti kho, bhikkhave, ariyassetaṃ aṭṭhaṅgikassa maggassa adhivacanaṃ, seyyathidaṃ – sammādiṭṭhi…pe… sammāsamādhi.
‘‘ਤਸ੍ਸ ਹਤ੍ਥੇਹਿ ਚ ਪਾਦੇਹਿ ਚ વਾਯਾਮੋਤਿ ਖੋ, ਭਿਕ੍ਖવੇ, વੀਰਿਯਾਰਮ੍ਭਸ੍ਸੇਤਂ ਅਧਿવਚਨਂ।
‘‘Tassa hatthehi ca pādehi ca vāyāmoti kho, bhikkhave, vīriyārambhassetaṃ adhivacanaṃ.
‘‘ਤਿਣ੍ਣੋ ਪਾਰਙ੍ਗਤੋ ਥਲੇ ਤਿਟ੍ਠਤਿ ਬ੍ਰਾਹ੍ਮਣੋਤਿ ਖੋ, ਭਿਕ੍ਖવੇ, ਅਰਹਤੋ ਏਤਂ ਅਧਿવਚਨ’’ਨ੍ਤਿ। ਪਠਮਂ।
‘‘Tiṇṇo pāraṅgato thale tiṭṭhati brāhmaṇoti kho, bhikkhave, arahato etaṃ adhivacana’’nti. Paṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਆਸੀવਿਸੋਪਮਸੁਤ੍ਤવਣ੍ਣਨਾ • 1. Āsīvisopamasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਆਸੀવਿਸੋਪਮਸੁਤ੍ਤવਣ੍ਣਨਾ • 1. Āsīvisopamasuttavaṇṇanā
