| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
19. аасийвисаваг̇г̇о
19. Āsīvisavaggo
1. аасийвисобамасуд̇д̇аван̣н̣анаа
1. Āsīvisopamasuttavaṇṇanā
238. аасийвисаваг̇г̇асса батамз бхигкуу ааманд̇зсийд̇и згажааригад̣̇вижааригад̇ижааригажад̇ужааригабан̃жажааригз сабхааг̇авуд̇д̇ино гаарагз яуд̇д̇абаяуд̇д̇з саб̣б̣зби д̣̇угкалагкан̣агаммадтаанигз бариваарзд̇ваа нисиннз яог̇ааважарз бхигкуу ааманд̇зси. ид̣̇ан̃хи суд̇д̇ам̣ буг̇г̇алаж̇жхаасаязна вуд̇д̇ам̣. буг̇г̇алзсуби вибан̃жид̇ан̃н̃уунам̣ д̣̇исааваасигаанам̣ д̣̇угкалагкан̣агаммадтаанигаанам̣ убадтаанавзлааяа ааг̇анд̇ваа сад̇т̇аарам̣ бариваарзд̇ваа нисиннаанам̣ васзна вуд̇д̇ам̣. звам̣ санд̇зби уг̇гхадид̇ан̃н̃ууаад̣̇ийнам̣ жад̇уннамби буг̇г̇алаанам̣ бажжаяабхууд̇амзвзд̇ам̣. уг̇гхадид̇ан̃н̃уу буг̇г̇ало хи имасса суд̇д̇асса маад̇игаанигкзбзнзва арахад̇д̇ам̣ баабун̣иссад̇и, вибан̃жид̇ан̃н̃уу маад̇игааяа вид̇т̇аарабхааж̇анзна, нзяяабуг̇г̇ало имамзва суд̇д̇ам̣ саж̇жхааяанд̇о барибужчанд̇о яонисо манасигаронд̇о галяаан̣амид̇д̇з сзванд̇о бхаж̇анд̇о баяирубаасанд̇о арахад̇д̇ам̣ баабун̣иссад̇и. бад̣̇абарамассзд̇ам̣ суд̇д̇ам̣ анааг̇ад̇з ваасанаа бхависсад̇ийд̇и звам̣ саб̣б̣зсамби убагаарабхаавам̣ н̃ад̇ваа бхаг̇аваа синзрум̣ угкибанд̇о вияа аагаасам̣ вид̇т̇аарзнд̇о вияа жаггаваал̣абаб̣б̣ад̇ам̣ гамбзнд̇о вияа жа маханд̇зна уссаахзна сзяяат̇ааби, бхигкавзд̇и имам̣ аасийвисобамасуд̇д̇ам̣ аарабхи.
238. Āsīvisavaggassa paṭhame bhikkhū āmantesīti ekacārikadvicārikaticārikacatucārikapañcacārike sabhāgavuttino kārake yuttapayutte sabbepi dukkhalakkhaṇakammaṭṭhānike parivāretvā nisinne yogāvacare bhikkhū āmantesi. Idañhi suttaṃ puggalajjhāsayena vuttaṃ. Puggalesupi vipañcitaññūnaṃ disāvāsikānaṃ dukkhalakkhaṇakammaṭṭhānikānaṃ upaṭṭhānavelāya āgantvā satthāraṃ parivāretvā nisinnānaṃ vasena vuttaṃ. Evaṃ santepi ugghaṭitaññūādīnaṃ catunnampi puggalānaṃ paccayabhūtamevetaṃ. Ugghaṭitaññū puggalo hi imassa suttassa mātikānikkhepeneva arahattaṃ pāpuṇissati, vipañcitaññū mātikāya vitthārabhājanena, neyyapuggalo imameva suttaṃ sajjhāyanto paripucchanto yoniso manasikaronto kalyāṇamitte sevanto bhajanto payirupāsanto arahattaṃ pāpuṇissati. Padaparamassetaṃ suttaṃ anāgate vāsanā bhavissatīti evaṃ sabbesampi upakārabhāvaṃ ñatvā bhagavā sineruṃ ukkhipanto viya ākāsaṃ vitthārento viya cakkavāḷapabbataṃ kampento viya ca mahantena ussāhena seyyathāpi, bhikkhaveti imaṃ āsīvisopamasuttaṃ ārabhi.
д̇ад̇т̇а жад̇д̇ааро аасийвисаад̇и гадтамуко, бууд̇имуко, аг̇г̇имуко, сад̇т̇амукод̇и имз жад̇д̇ааро. д̇зсу гадтамукзна д̣̇адтасса сагаласарийрам̣ сугкагадтам̣ вияа т̇ад̣̇д̇хам̣ ход̇и, санд̇хибаб̣б̣зсу ад̇химад̇д̇ам̣ аяасууласамаббид̇ам̣ вияа д̇идтад̇и. бууд̇имукзна д̣̇адтасса баггабууд̇ибанасам̣ вияа вибуб̣б̣агабхаавам̣ аабаж̇ж̇ид̇ваа баг̇гхарад̇и , жан̇г̇аваарз багкид̇д̇ауд̣̇агам̣ вияа ход̇и. аг̇г̇имукзна д̣̇адтасса сагаласарийрам̣ жхааяид̇ваа бхасмамудти вияа т̇усамудти вияа жа виббагирийяад̇и. сад̇д̇амукзна д̣̇адтасса сагаласарийрам̣ бхиж̇ж̇ад̇и, асанибаад̇адтаанам̣ вияа махааникаад̣̇анзна кад̇асанд̇химукам̣ вияа жа ход̇и. звам̣ висавасзна вибхад̇д̇аа жад̇д̇ааро аасийвисаа.
Tattha cattāro āsīvisāti kaṭṭhamukho, pūtimukho, aggimukho, satthamukhoti ime cattāro. Tesu kaṭṭhamukhena daṭṭhassa sakalasarīraṃ sukkhakaṭṭhaṃ viya thaddhaṃ hoti, sandhipabbesu adhimattaṃ ayasūlasamappitaṃ viya tiṭṭhati. Pūtimukhena daṭṭhassa pakkapūtipanasaṃ viya vipubbakabhāvaṃ āpajjitvā paggharati , caṅgavāre pakkhittaudakaṃ viya hoti. Aggimukhena daṭṭhassa sakalasarīraṃ jhāyitvā bhasmamuṭṭhi viya thusamuṭṭhi viya ca vippakirīyati. Sattamukhena daṭṭhassa sakalasarīraṃ bhijjati, asanipātaṭṭhānaṃ viya mahānikhādanena khatasandhimukhaṃ viya ca hoti. Evaṃ visavasena vibhattā cattāro āsīvisā.
висавзг̇авигаарзна банзд̇з сол̣аса хонд̇и. гадтамуко хи д̣̇адтависо, д̣̇идтависо, пудтависо, ваад̇ависод̇и жад̇уб̣б̣ид̇хо ход̇и. д̇зна хи д̣̇адтамби д̣̇идтамби пудтамби д̇асса ваад̇зна бахадамби сарийрам̣ вуд̇д̇аббагаарзна т̇ад̣̇д̇хам̣ ход̇и. сзсзсуби зсзва наяод̇и. звам̣ висавзг̇авигааравасзна сол̣аса хонд̇и.
Visavegavikārena panete soḷasa honti. Kaṭṭhamukho hi daṭṭhaviso, diṭṭhaviso, phuṭṭhaviso, vātavisoti catubbidho hoti. Tena hi daṭṭhampi diṭṭhampi phuṭṭhampi tassa vātena pahaṭampi sarīraṃ vuttappakārena thaddhaṃ hoti. Sesesupi eseva nayoti. Evaṃ visavegavikāravasena soḷasa honti.
буна буг̇г̇алабан̣н̣ад̇д̇ивасзна жад̇усадти хонд̇и. гат̇ам̣? гадтамукзсу д̇аава д̣̇адтависо жа ааг̇ад̇ависо но гхорависо, гхорависо но ааг̇ад̇ависо, ааг̇ад̇ависо жзва гхорависо жа, нзвааг̇ад̇ависо на гхорависод̇и жад̇уб̣б̣ид̇хо ход̇и. д̇ад̇т̇а яасса висам̣ самбаж̇ж̇алид̇ад̇ин̣уггааяа аг̇г̇и вияа сийгхам̣ абхирухид̇ваа агкийни г̇ахзд̇ваа канд̇хам̣ г̇ахзд̇ваа сийсам̣ г̇ахзд̇ваа тид̇анд̇и вад̇д̇аб̣б̣ад̇ам̣ аабаж̇ж̇ад̇и ман̣исаббаад̣̇ийнам̣ висам̣ вияа, манд̇ам̣ бана баривад̇д̇зд̇ваа ган̣н̣аваад̇ам̣ д̣̇ад̇ваа д̣̇ан̣д̣агзна бахадамад̇д̇з од̇арид̇ваа д̣̇адтадтаанзязва д̇идтад̇и, аяам̣ ааг̇ад̇ависо но гхорависо наама. яасса бана висам̣ сан̣игам̣ абхирухад̇и, аарул̣хаарул̣хадтаанз бана аяам̣ сийд̇ауд̣̇агам̣ вияа ход̇и уд̣̇агасаббаад̣̇ийнам̣ висам̣ вияа, д̣̇ваад̣̇асавассажжаязнааби ган̣н̣абидтиканд̇хабидтигаад̣̇ийсу г̇ан̣д̣абил̣агаад̣̇ивасзна бан̃н̃ааяад̇и, манд̇абаривад̇д̇анаад̣̇ийсу жа гаяирамаанаасу сийгхам̣ на од̇арад̇и, аяам̣ гхорависо но ааг̇ад̇ависо наама. яасса бана висам̣ сийгхам̣ абхирухад̇и, на сийгхам̣ од̇арад̇и анзл̣агасаббаад̣̇ийнам̣ висам̣ вияа, аяам̣ ааг̇ад̇ависо жзва гхорависо жа. яасса бана висам̣ манд̣̇ам̣ ход̇и, од̇аарияамаанамби сукзнзва од̇арад̇и нийласаббад̇хамманисаббаад̣̇ийнам̣ висам̣ вияа, аяам̣ нзвааг̇ад̇ависо на гхорависо наама. иминаа убааязна гадтамукз д̣̇адтависаад̣̇аяо бууд̇имукаад̣̇ийсу жа д̣̇адтависаад̣̇аяо взд̣̇ид̇аб̣б̣аад̇и. звам̣ буг̇г̇алабан̣н̣ад̇д̇ивасзна жад̇усадти.
Puna puggalapaṇṇattivasena catusaṭṭhi honti. Kathaṃ? Kaṭṭhamukhesu tāva daṭṭhaviso ca āgataviso no ghoraviso, ghoraviso no āgataviso, āgataviso ceva ghoraviso ca, nevāgataviso na ghoravisoti catubbidho hoti. Tattha yassa visaṃ sampajjalitatiṇukkāya aggi viya sīghaṃ abhiruhitvā akkhīni gahetvā khandhaṃ gahetvā sīsaṃ gahetvā ṭhitanti vattabbataṃ āpajjati maṇisappādīnaṃ visaṃ viya, mantaṃ pana parivattetvā kaṇṇavātaṃ datvā daṇḍakena pahaṭamatte otaritvā daṭṭhaṭṭhāneyeva tiṭṭhati, ayaṃ āgataviso no ghoraviso nāma. Yassa pana visaṃ saṇikaṃ abhiruhati, āruḷhāruḷhaṭṭhāne pana ayaṃ sītaudakaṃ viya hoti udakasappādīnaṃ visaṃ viya, dvādasavassaccayenāpi kaṇṇapiṭṭhikhandhapiṭṭhikādīsu gaṇḍapiḷakādivasena paññāyati, mantaparivattanādīsu ca kayiramānāsu sīghaṃ na otarati, ayaṃ ghoraviso no āgataviso nāma. Yassa pana visaṃ sīghaṃ abhiruhati, na sīghaṃ otarati aneḷakasappādīnaṃ visaṃ viya, ayaṃ āgataviso ceva ghoraviso ca. Yassa pana visaṃ mandaṃ hoti, otāriyamānampi sukheneva otarati nīlasappadhammanisappādīnaṃ visaṃ viya, ayaṃ nevāgataviso na ghoraviso nāma. Iminā upāyena kaṭṭhamukhe daṭṭhavisādayo pūtimukhādīsu ca daṭṭhavisādayo veditabbāti. Evaṃ puggalapaṇṇattivasena catusaṭṭhi.
д̇зсу ‘‘ан̣д̣аж̇аа нааг̇аа’’д̇иаад̣̇инаа (сам̣. ни. 3.342-344) яонивасзна згзгам̣ жад̇уд̇хаа вибхаж̇ид̇ваа чабан̣н̣аасаад̇хигаани д̣̇вз сад̇аани хонд̇и. д̇з ж̇алаж̇аат̇алаж̇аад̇и д̣̇виг̇ун̣ид̇аа д̣̇ваад̣̇асаад̇хигаани бан̃жасад̇аани хонд̇и, д̇з гаамаруубаагаамаруубаанам̣ васзна д̣̇виг̇ун̣ид̇аа жад̇увийсаад̇хигасахассасан̇каа хонд̇и. буна г̇ад̇амаг̇г̇асса бадиломад̇о сам̣киббамаанаа гадтамукаад̣̇ивасзна жад̇д̇аарова хонд̇ийд̇и. д̇з санд̇хааяа бхаг̇аваа ‘‘сзяяат̇ааби, бхигкавз, жад̇д̇ааро аасийвисаа’’д̇и ааха. гулавасзна хи зд̇з г̇ахид̇аа.
Tesu ‘‘aṇḍajā nāgā’’tiādinā (saṃ. ni. 3.342-344) yonivasena ekekaṃ catudhā vibhajitvā chapaṇṇāsādhikāni dve satāni honti. Te jalajāthalajāti dviguṇitā dvādasādhikāni pañcasatāni honti, te kāmarūpaakāmarūpānaṃ vasena dviguṇitā catuvīsādhikasahassasaṅkhā honti. Puna gatamaggassa paṭilomato saṃkhippamānā kaṭṭhamukhādivasena cattārova hontīti. Te sandhāya bhagavā ‘‘seyyathāpi, bhikkhave, cattāro āsīvisā’’ti āha. Kulavasena hi ete gahitā.
д̇ад̇т̇а аасийвисаад̇и аасид̇д̇ависаад̇иби аасийвисаа, асид̇ависаад̇иби аасийвисаа, асисад̣̇исависаад̇иби аасийвисаа. аасид̇д̇ависаад̇и сагалагааяз аасин̃жид̇ваа вияа табид̇ависаа, барасса жа ад̇д̇ано сарийрз жа аасин̃жанависаад̇и ад̇т̇о. асид̇ависаад̇и яам̣ яам̣ зд̇зхи асид̇ам̣ ход̇и барибхуд̇д̇ам̣, д̇ам̣ д̇ам̣ висамзва самбаж̇ж̇ад̇и, д̇асмаа асид̇ам̣ висам̣ ход̇и зд̇зсанд̇и аасийвисаа. асисад̣̇исависаад̇и асивияа д̇икин̣ам̣ барамаммажчзд̣̇анасамад̇т̇ам̣ висам̣ зд̇зсанд̇и аасийвисаад̇и звамзд̇т̇а важанад̇т̇о взд̣̇ид̇аб̣б̣о. уг̇г̇ад̇зж̇аад̇и уг̇г̇ад̇ад̇зж̇аа б̣алавад̇зж̇аа. гхорависаад̇и д̣̇унниммад̣̇д̣̇анависаа.
Tattha āsīvisāti āsittavisātipi āsīvisā, asitavisātipi āsīvisā, asisadisavisātipi āsīvisā. Āsittavisāti sakalakāye āsiñcitvā viya ṭhapitavisā, parassa ca attano sarīre ca āsiñcanavisāti attho. Asitavisāti yaṃ yaṃ etehi asitaṃ hoti paribhuttaṃ, taṃ taṃ visameva sampajjati, tasmā asitaṃ visaṃ hoti etesanti āsīvisā. Asisadisavisāti asiviya tikhiṇaṃ paramammacchedanasamatthaṃ visaṃ etesanti āsīvisāti evamettha vacanattho veditabbo. Uggatejāti uggatatejā balavatejā. Ghoravisāti dunnimmaddanavisā.
звам̣ вад̣̇зяяунд̇и бадиж̇аг̇г̇аабанад̇т̇ам̣ звам̣ вад̣̇зяяум̣. рааж̇аано хи аасийвисз г̇аахаабзд̇ваа – ‘‘д̇ат̇ааруубз жорз ваа зд̇зхи д̣ам̣саабзд̇ваа маарзссаама, наг̇аруубарод̇хагаалз барасзнааяа ваа д̇ам̣ кибиссаама, бараб̣алам̣ ниммад̣̇д̣̇зд̇ум̣ асаггонд̇аа субхож̇анам̣ бхун̃ж̇ид̇ваа варасаяанам̣ ааруяха зд̇зхи ад̇д̇аанам̣ д̣ам̣саабзд̇ваа сад̇д̇уунам̣ васам̣ анааг̇ажчанд̇аа ад̇д̇ано ружияаа мариссаамаа’’д̇и аасийвисз ж̇аг̇г̇аабзнд̇и. д̇з яам̣ жорам̣ сахасаава маарзд̇ум̣ на ижчанд̇и, ‘‘звамзд̇з д̣̇ийгхарад̇д̇ам̣ д̣̇угкаббад̇д̇о худ̇ваа мариссанд̇ий’’д̇и ижчанд̇аа д̇ам̣ бурисам̣ звам̣ вад̣̇анд̇и имз д̇з амбхо буриса жад̇д̇ааро аасийвисаад̇и.
Evaṃ vadeyyunti paṭijaggāpanatthaṃ evaṃ vadeyyuṃ. Rājāno hi āsīvise gāhāpetvā – ‘‘tathārūpe core vā etehi ḍaṃsāpetvā māressāma, nagarūparodhakāle parasenāya vā taṃ khipissāma, parabalaṃ nimmaddetuṃ asakkontā subhojanaṃ bhuñjitvā varasayanaṃ āruyha etehi attānaṃ ḍaṃsāpetvā sattūnaṃ vasaṃ anāgacchantā attano ruciyā marissāmā’’ti āsīvise jaggāpenti. Te yaṃ coraṃ sahasāva māretuṃ na icchanti, ‘‘evamete dīgharattaṃ dukkhappatto hutvā marissantī’’ti icchantā taṃ purisaṃ evaṃ vadanti ime te ambho purisa cattāro āsīvisāti.
д̇ад̇т̇а гаалзна гааланд̇и гаалз гаалз. сам̣взсзд̇аб̣б̣аад̇и нибаж̇ж̇аабзд̇аб̣б̣аа. ан̃н̃ад̇аро ваа ан̃н̃ад̇аро ваад̇и гадтамукаад̣̇ийсу яо гожи. яам̣ д̇з амбхо буриса гаран̣ийяам̣, д̇ам̣ гарохийд̇и ид̣̇ам̣ ад̇т̇ажарагасса важанам̣ взд̣̇ид̇аб̣б̣ам̣. д̇асса гира бурисасса звам̣ аасийвисз бадибаад̣̇зд̇ваа ‘аяам̣ во убадтааго’д̇и жад̇уусу бзл̣аасу табид̇аанам̣ аасийвисаанам̣ аарожзнд̇и. ат̇зго нигкамид̇ваа ааг̇амма д̇асса бурисасса д̣̇агкин̣абаад̣̇аанусаарзна абхирухид̇ваа д̣̇агкин̣ахад̇т̇ам̣ ман̣иб̣анд̇хад̇о бадтааяа взтзд̇ваа д̣̇агкин̣аган̣н̣асод̇амуулз пан̣ам̣ гад̇ваа сусууд̇и гаронд̇о нибаж̇ж̇и. абаро ваамабаад̣̇аанусаарзна абхирухид̇ваа д̇ат̇зва ваамахад̇т̇ам̣ взтзд̇ваа ваамаган̣н̣асод̇амуулз пан̣ам̣ гад̇ваа сусууд̇и гаронд̇о нибаж̇ж̇и, д̇ад̇ияо нигкамид̇ваа абхимукам̣ абхирухид̇ваа гужчим̣ взтзд̇ваа г̇алаваадагамуулз пан̣ам̣ гад̇ваа сусууд̇и гаронд̇о нибаж̇ж̇и, жад̇уд̇т̇о бидтибхааг̇зна абхирухид̇ваа г̇ийвам̣ взтзд̇ваа убаримуд̣̇д̇хани пан̣ам̣ табзд̇ваа сусууд̇и гаронд̇о нибаж̇ж̇и.
Tattha kālena kālanti kāle kāle. Saṃvesetabbāti nipajjāpetabbā. Aññataro vā aññataro vāti kaṭṭhamukhādīsu yo koci. Yaṃ te ambho purisa karaṇīyaṃ, taṃ karohīti idaṃ atthacarakassa vacanaṃ veditabbaṃ. Tassa kira purisassa evaṃ āsīvise paṭipādetvā ‘ayaṃ vo upaṭṭhāko’ti catūsu peḷāsu ṭhapitānaṃ āsīvisānaṃ ārocenti. Atheko nikkhamitvā āgamma tassa purisassa dakkhiṇapādānusārena abhiruhitvā dakkhiṇahatthaṃ maṇibandhato paṭṭhāya veṭhetvā dakkhiṇakaṇṇasotamūle phaṇaṃ katvā susūti karonto nipajji. Aparo vāmapādānusārena abhiruhitvā tatheva vāmahatthaṃ veṭhetvā vāmakaṇṇasotamūle phaṇaṃ katvā susūti karonto nipajji, tatiyo nikkhamitvā abhimukhaṃ abhiruhitvā kucchiṃ veṭhetvā galavāṭakamūle phaṇaṃ katvā susūti karonto nipajji, catuttho piṭṭhibhāgena abhiruhitvā gīvaṃ veṭhetvā uparimuddhani phaṇaṃ ṭhapetvā susūti karonto nipajji.
звам̣ жад̇уусу аасийвисзсу сарийрадтагзсуязва ж̇аад̇зсу зго д̇асса бурисасса ад̇т̇ажарагабурисо д̇ам̣ д̣̇исваа ‘‘гим̣ д̇з, бхо буриса, лад̣̇д̇ха’’нд̇и, бужчи. д̇ад̇о д̇зна ‘‘имз мз, бхо, хад̇т̇зсу хад̇т̇агадагам̣ вияа б̣аахаасу гзяуурам̣ вияа гужчимхи гужчивзтанасаадаго вияа ган̣н̣зсу ган̣н̣ажуул̣игаа вияа г̇алз муд̇д̇аавалияо вияа сийсз сийсабасаад̇ханам̣ вияа гзжи алан̇гаарависзсаа ран̃н̃аа д̣̇иннаа’’д̇и вуд̇д̇з со ааха – ‘‘бхо анд̇хаб̣аала, маа звам̣ ман̃н̃ид̇т̇а ‘ран̃н̃аа мз д̇удтзнзд̇ам̣ басаад̇ханам̣ д̣̇инна’нд̇и. д̇вам̣ ран̃н̃о ааг̇ужаарий жоро, имз жа жад̇д̇ааро аасийвисаа д̣̇урубадтаахаа д̣̇уббадиж̇аг̇г̇ияаа, згасмим̣ удтаад̇угаамз зго нхааяид̇угаамо ход̇и, згасмим̣ нхааяид̇угаамз зго бхун̃ж̇ид̇угаамо, згасмим̣ бхун̃ж̇ид̇угаамз зго нибаж̇ж̇ид̇угаамо. д̇зсу яассзва ижчаа на буурад̇и, со д̇ад̇т̇зва д̣ам̣сид̇ваа маарзд̇ий’’д̇и. ад̇т̇и бана, бхо, звам̣ санд̇з гожи сод̇т̇имаг̇г̇од̇и? аама, рааж̇абурисаанам̣ вигкид̇д̇абхаавам̣ н̃ад̇ваа балааяанам̣ сод̇т̇ибхаавод̇и вад̇ваа ‘‘яам̣ д̇з гаран̣ийяам̣, д̇ам̣ гарохий’’д̇и вад̣̇зяяа.
Evaṃ catūsu āsīvisesu sarīraṭṭhakesuyeva jātesu eko tassa purisassa atthacarakapuriso taṃ disvā ‘‘kiṃ te, bho purisa, laddha’’nti, pucchi. Tato tena ‘‘ime me, bho, hatthesu hatthakaṭakaṃ viya bāhāsu keyūraṃ viya kucchimhi kucchiveṭhanasāṭako viya kaṇṇesu kaṇṇacūḷikā viya gale muttāvaliyo viya sīse sīsapasādhanaṃ viya keci alaṅkāravisesā raññā dinnā’’ti vutte so āha – ‘‘bho andhabāla, mā evaṃ maññittha ‘raññā me tuṭṭhenetaṃ pasādhanaṃ dinna’nti. Tvaṃ rañño āgucārī coro, ime ca cattāro āsīvisā durupaṭṭhāhā duppaṭijaggiyā, ekasmiṃ uṭṭhātukāme eko nhāyitukāmo hoti, ekasmiṃ nhāyitukāme eko bhuñjitukāmo, ekasmiṃ bhuñjitukāme eko nipajjitukāmo. Tesu yasseva icchā na pūrati, so tattheva ḍaṃsitvā māretī’’ti. Atthi pana, bho, evaṃ sante koci sotthimaggoti? Āma, rājapurisānaṃ vikkhittabhāvaṃ ñatvā palāyanaṃ sotthibhāvoti vatvā ‘‘yaṃ te karaṇīyaṃ, taṃ karohī’’ti vadeyya.
д̇ам̣ суд̇ваа ид̇аро жад̇уннам̣ аасийвисаанам̣ бамаад̣̇агкан̣ам̣ рааж̇абурисзхи жа бавивид̇д̇ам̣ д̣̇исваа, ваамахад̇т̇зна д̣̇агкин̣ахад̇т̇ам̣ взтзд̇ваа, д̣̇агкин̣аган̣н̣ажуул̣игааяа пан̣ам̣ табзд̇ваа, саяид̇аасийвисасса сарийрам̣ баримаж̇ж̇анд̇о вияа сан̣игам̣ д̇ам̣ абанзд̇ваа, зд̇знзва убааязна сзсзби абанзд̇ваа д̇зсам̣ бхийд̇о балааязяяа. ат̇а нам̣ д̇з аасийвисаа ‘‘аяам̣ амхаагам̣ ран̃н̃аа убадтааго д̣̇инно’’д̇и ануб̣анд̇хамаанаа ааг̇ажчзяяум̣. ид̣̇ам̣ санд̇хааяа ат̇а ко со, бхигкавз, бурисо бхийд̇о жад̇уннам̣ аасийвисаанам̣…бз… балааязт̇аад̇и вуд̇д̇ам̣.
Taṃ sutvā itaro catunnaṃ āsīvisānaṃ pamādakkhaṇaṃ rājapurisehi ca pavivittaṃ disvā, vāmahatthena dakkhiṇahatthaṃ veṭhetvā, dakkhiṇakaṇṇacūḷikāya phaṇaṃ ṭhapetvā, sayitāsīvisassa sarīraṃ parimajjanto viya saṇikaṃ taṃ apanetvā, eteneva upāyena sesepi apanetvā tesaṃ bhīto palāyeyya. Atha naṃ te āsīvisā ‘‘ayaṃ amhākaṃ raññā upaṭṭhāko dinno’’ti anubandhamānā āgaccheyyuṃ. Idaṃ sandhāya atha kho so, bhikkhave, puriso bhīto catunnaṃ āsīvisānaṃ…pe… palāyethāti vuttaṃ.
д̇асмим̣ бана бурисз звам̣ ааг̇ад̇амаг̇г̇ам̣ ологзд̇ваа ологзд̇ваа балааяанд̇з рааж̇аа ‘‘балаад̇о со бурисо’’д̇и суд̇ваа ‘‘го ну ко д̇ам̣ ануб̣анд̇хид̇ваа гхаад̇зд̇ум̣ сагкиссад̇ий’’д̇и вижинанд̇о д̇ассзва бажжад̇т̇игз бан̃жа ж̇анз лабхид̇ваа ‘‘г̇ажчат̇а нам̣ ануб̣анд̇хид̇ваа гхаад̇зт̇аа’’д̇и бзсзяяа. ат̇асса ад̇т̇ажараа бурисаа д̇ам̣ бавад̇д̇им̣ н̃ад̇ваа аарожзяяум̣. со бхияяосомад̇д̇ааяа бхийд̇о балааязт̇а. имамад̇т̇ам̣ санд̇хааяа д̇амзнам̣ звам̣ вад̣̇зяяунд̇иаад̣̇и вуд̇д̇ам̣.
Tasmiṃ pana purise evaṃ āgatamaggaṃ oloketvā oloketvā palāyante rājā ‘‘palāto so puriso’’ti sutvā ‘‘ko nu kho taṃ anubandhitvā ghātetuṃ sakkhissatī’’ti vicinanto tasseva paccatthike pañca jane labhitvā ‘‘gacchatha naṃ anubandhitvā ghātethā’’ti peseyya. Athassa atthacarā purisā taṃ pavattiṃ ñatvā āroceyyuṃ. So bhiyyosomattāya bhīto palāyetha. Imamatthaṃ sandhāya tamenaṃ evaṃ vadeyyuntiādi vuttaṃ.
чадто анд̇аражаро вад̇хагод̇и ‘‘батамам̣ аасийвисзхи ануб̣ад̣̇д̇хо ид̇о жид̇о жа д̇з ван̃жзнд̇о балааяи, ид̣̇аани бан̃жахи бажжад̇т̇игзхи ануб̣ад̣̇д̇хо судтуд̇арам̣ балааяад̇и, на саггаа со звам̣ г̇ахзд̇ум̣, убалаал̣анааяа бана саггаа, д̇асмаа д̣̇ахарагаалад̇о бадтааяа згад̇о каад̣̇ид̇ваа жа бивид̇ваа жа сант̇авам̣ анд̇аражарам̣ вад̇хагамасса бзсзт̇аа’’д̇и амажжзхи вуд̇д̇зна ран̃н̃аа бариязсид̇ваа бзсид̇о анд̇аражаро вад̇хаго.
Chaṭṭho antaracaro vadhakoti ‘‘paṭhamaṃ āsīvisehi anubaddho ito cito ca te vañcento palāyi, idāni pañcahi paccatthikehi anubaddho suṭṭhutaraṃ palāyati, na sakkā so evaṃ gahetuṃ, upalāḷanāya pana sakkā, tasmā daharakālato paṭṭhāya ekato khāditvā ca pivitvā ca santhavaṃ antaracaraṃ vadhakamassa pesethā’’ti amaccehi vuttena raññā pariyesitvā pesito antaracaro vadhako.
со бассзяяа сун̃н̃ам̣ г̇ааманд̇и нивад̇д̇ид̇ваа ологзнд̇о бад̣̇ам̣ гхааяид̇ваа гхааяид̇ваа взг̇знааг̇ажчанд̇з жад̇д̇ааро аасийвисз бан̃жа вад̇хагз бажжад̇т̇игз чадтан̃жа анд̇аражарам̣ вад̇хагам̣ ‘‘нивад̇д̇а бхо, маа балааяи, буд̇д̇ад̣̇аарзна сад̣̇д̇хим̣ гаамз барибхун̃ж̇анд̇о сукам̣ васиссасий’’д̇и вад̇ваа ааг̇ажчанд̇ам̣ д̣̇исваа, бхияяосомад̇д̇ааяа язна ваа д̇зна ваа балааяанд̇о бажжанд̇арадтз абхимукаг̇ад̇ам̣ згам̣ чагудигам̣ сун̃н̃ам̣ г̇аамам̣ бассзяяа. рид̇д̇аган̃н̃зва бависзяяаад̇и д̇ханад̇хан̃н̃аман̃жабийтаад̣̇ийхи вирахид̇ад̇д̇аа рид̇д̇аган̃н̃зва бависзяяа. д̇ужчагам̣ сун̃н̃аганд̇и зд̇ассзва взважанам̣. баримасзяяаад̇и ‘‘сажз баанийяам̣ бхависсад̇и, бивиссаами, сажз бхад̇д̇ам̣ бхависсад̇и, бхун̃ж̇иссаамий’’д̇и бхааж̇анам̣ виварид̇ваа хад̇т̇ам̣ анд̇о бавзсзд̇ваа баримасзяяа.
So passeyya suññaṃ gāmanti nivattitvā olokento padaṃ ghāyitvā ghāyitvā vegenāgacchante cattāro āsīvise pañca vadhake paccatthike chaṭṭhañca antaracaraṃ vadhakaṃ ‘‘nivatta bho, mā palāyi, puttadārena saddhiṃ kāme paribhuñjanto sukhaṃ vasissasī’’ti vatvā āgacchantaṃ disvā, bhiyyosomattāya yena vā tena vā palāyanto paccantaraṭṭhe abhimukhagataṃ ekaṃ chakuṭikaṃ suññaṃ gāmaṃ passeyya. Rittakaññeva paviseyyāti dhanadhaññamañcapīṭhādīhi virahitattā rittakaññeva paviseyya. Tucchakaṃ suññakanti etasseva vevacanaṃ. Parimaseyyāti ‘‘sace pānīyaṃ bhavissati, pivissāmi, sace bhattaṃ bhavissati, bhuñjissāmī’’ti bhājanaṃ vivaritvā hatthaṃ anto pavesetvā parimaseyya.
д̇амзнам̣ звам̣ вад̣̇зяяунд̇и чаннам̣ гхараанам̣ згагхарзби гин̃жи алабхид̇ваа г̇аамамаж̇жхз зго санд̣̇ажчааяо ругко ад̇т̇и, д̇ад̇т̇а ван̇гапалагам̣ ад̇т̇ад̇ам̣ д̣̇исваа, ‘‘ид̇ха д̇аава нисийд̣̇иссаамий’’д̇и г̇анд̇ваа, д̇ад̇т̇а нисиннам̣ манд̣̇аманд̣̇зна ваад̇зна б̣ийж̇ияамаанам̣ д̇ад̇д̇агамад̇д̇амби сукам̣ санд̇ад̇о ассаад̣̇аяамаанам̣, д̇амзнам̣ бурисам̣ гзжид̣̇зва ад̇т̇ажарагаа б̣ахи бавад̇д̇им̣ н̃ад̇ваа ааг̇ад̇аа звам̣ вад̣̇зяяум̣. ид̣̇аани амбхо бурисаад̇и амбхо, буриса, ид̣̇аани. жораа г̇аамагхаад̇агаад̇и ‘‘яад̣̇звзд̇т̇а лабхиссаама, д̇ам̣ г̇ан̣хиссаама ваа гхаад̇зссаама ваа’’д̇и ааг̇ад̇аа ча г̇аамагхаад̇агажораа.
Tamenaṃevaṃ vadeyyunti channaṃ gharānaṃ ekagharepi kiñci alabhitvā gāmamajjhe eko sandacchāyo rukkho atthi, tattha vaṅkaphalakaṃ atthataṃ disvā, ‘‘idha tāva nisīdissāmī’’ti gantvā, tattha nisinnaṃ mandamandena vātena bījiyamānaṃ tattakamattampi sukhaṃ santato assādayamānaṃ, tamenaṃ purisaṃ kecideva atthacarakā bahi pavattiṃ ñatvā āgatā evaṃ vadeyyuṃ. Idāni ambho purisāti ambho, purisa, idāni. Corā gāmaghātakāti ‘‘yadevettha labhissāma, taṃ gaṇhissāma vā ghātessāma vā’’ti āgatā cha gāmaghātakacorā.
уд̣̇аган̣н̣аванд̇и г̇амбхийрам̣ бут̇улам̣ уд̣̇агам̣. г̇амбхийрамби хи абут̇улам̣, бут̇улам̣ ваа аг̇амбхийрам̣, на ан̣н̣авод̇и вужжад̇и, яамбана г̇амбхийран̃жа бут̇улан̃жа, д̇ассзвзд̇ам̣ наамам̣. саасан̇гам̣ саббадибхаяанд̇и жад̇уннам̣ аасийвисаанам̣ бан̃жаннам̣ вад̇хагаанам̣ чадтасса анд̇аражарасса чаннан̃жа г̇аамагхаад̇агажораанам̣ васзна саасан̇гам̣ саббадибхаяам̣. кзмам̣ аббадибхаяанд̇и д̇зсам̣язва аасийвисаад̣̇ийнам̣ абхаавзна кзман̃жа ниб̣бхаяан̃жа вижид̇рауяяаанаварам̣ б̣ахваннабаанам̣ д̣̇званаг̇арасад̣̇исам̣. на жасса нааваа санд̇ааран̣ийд̇и ‘‘имааяа наавааяа оримад̇ийрад̇о барад̇ийрам̣ г̇амиссанд̇ий’’д̇и звам̣ табид̇аа жа санд̇ааран̣ий нааваа на бхавзяяа. уд̇д̇арасзд̇у ваад̇и ругкасзд̇у-ж̇ан̇гхасзд̇у-сагадасзд̇уунам̣ ан̃н̃ад̇аро уд̇д̇арасзд̇у ваа на бхавзяяа. д̇идтад̇и б̣раахман̣од̇и на ко зса б̣раахман̣о. гасмаа нам̣ б̣раахман̣од̇и ааха? зд̇д̇агаанам̣ бажжад̇т̇игаанам̣ б̣аахид̇ад̇д̇аа, д̣̇зсанам̣ ваа винивад̇д̇знд̇о згам̣ кийн̣аасаваб̣раахман̣ам̣ д̣̇ассзд̇умби звамааха.
Udakaṇṇavanti gambhīraṃ puthulaṃ udakaṃ. Gambhīrampi hi aputhulaṃ, puthulaṃ vā agambhīraṃ, na aṇṇavoti vuccati, yampana gambhīrañca puthulañca, tassevetaṃ nāmaṃ. Sāsaṅkaṃ sappaṭibhayanti catunnaṃ āsīvisānaṃ pañcannaṃ vadhakānaṃ chaṭṭhassa antaracarassa channañca gāmaghātakacorānaṃ vasena sāsaṅkaṃ sappaṭibhayaṃ. Khemaṃ appaṭibhayanti tesaṃyeva āsīvisādīnaṃ abhāvena khemañca nibbhayañca vicitrauyyānavaraṃ bahvannapānaṃ devanagarasadisaṃ. Na cassa nāvā santāraṇīti ‘‘imāya nāvāya orimatīrato paratīraṃ gamissantī’’ti evaṃ ṭhapitā ca santāraṇī nāvā na bhaveyya. Uttarasetu vāti rukkhasetu-jaṅghasetu-sakaṭasetūnaṃ aññataro uttarasetu vā na bhaveyya. Tiṭṭhati brāhmaṇoti na kho esa brāhmaṇo. Kasmā naṃ brāhmaṇoti āha? Ettakānaṃ paccatthikānaṃ bāhitattā, desanaṃ vā vinivattento ekaṃ khīṇāsavabrāhmaṇaṃ dassetumpi evamāha.
д̇асмим̣ бана звам̣ уд̇д̇ин̣н̣з жад̇д̇ааро аасийвисаа ‘‘на лад̣̇д̇хо вад̇ааси амхзхи, аж̇ж̇а д̇з мурумурааяа ж̇ийвид̇ам̣ каад̣̇ид̇ваа чад̣д̣зяяаама’’. бан̃жа бажжад̇т̇игаа ‘‘на лад̣̇д̇хо вад̇ааси амхзхи, аж̇ж̇а д̇з бариваарзд̇ваа ан̇г̇аман̇г̇аани чинд̣̇ид̇ваа ран̃н̃о санд̇игам̣ г̇ад̇аа сад̇ам̣ ваа сахассам̣ ваа лабхзяяаама’’. чадто анд̇аражаро ‘‘на лад̣̇д̇хо вад̇ааси маяаа, аж̇ж̇а д̇з палигаван̣н̣зна асинаа сийсам̣ чинд̣̇ид̇ваа, сзнаабад̇идтаанам̣ лабхид̇ваа самбад̇д̇им̣ анубхавзяяам̣’’. ча жораа ‘‘на лад̣̇д̇хо вад̇ааси амхзхи, аж̇ж̇а д̇з вивид̇хаани гаммагааран̣аани гаарзд̇ваа б̣ахуд̇ханам̣ аахараабзссаамаа’’д̇и жинд̇зд̇ваа, уд̣̇аган̣н̣авам̣ од̇арид̇ум̣ асаггонд̇аа ран̃н̃о аан̣ааяа гобид̇ад̇д̇аа барад̇о г̇анд̇умби ависаханд̇аа д̇ад̇т̇зва суссид̇ваа марзяяум̣.
Tasmiṃ pana evaṃ uttiṇṇe cattāro āsīvisā ‘‘na laddho vatāsi amhehi, ajja te murumurāya jīvitaṃ khāditvā chaḍḍeyyāma’’. Pañca paccatthikā ‘‘na laddho vatāsi amhehi, ajja te parivāretvā aṅgamaṅgāni chinditvā rañño santikaṃ gatā sataṃ vā sahassaṃ vā labheyyāma’’. Chaṭṭho antaracaro ‘‘na laddho vatāsi mayā, ajja te phalikavaṇṇena asinā sīsaṃ chinditvā, senāpatiṭṭhānaṃ labhitvā sampattiṃ anubhaveyyaṃ’’. Cha corā ‘‘na laddho vatāsi amhehi, ajja te vividhāni kammakāraṇāni kāretvā bahudhanaṃ āharāpessāmā’’ti cintetvā, udakaṇṇavaṃ otarituṃ asakkontā rañño āṇāya kopitattā parato gantumpi avisahantā tattheva sussitvā mareyyuṃ.
убамаа ко мяааяанд̇и зд̇т̇а звам̣ аад̣̇ид̇о бадтааяа обаммасам̣санд̣̇анам̣ взд̣̇ид̇аб̣б̣ам̣ – рааж̇аа вияа хи гаммам̣ д̣̇адтаб̣б̣ам̣, рааж̇аабараад̇хигабурисо вияа вадданиссид̇о бут̇уж̇ж̇ано. жад̇д̇ааро аасийвисаа вияа жад̇д̇аари махаабхууд̇аани, ран̃н̃о д̇асса жад̇д̇ааро аасийвисз бадижчаабид̇агаало вияа гаммунаа бут̇уж̇ж̇анасса бадисанд̇хигкан̣зязва жад̇уннам̣ махаабхууд̇аанам̣ д̣̇иннагаало. ‘‘имзсам̣ аасийвисаанам̣ бамаад̣̇агкан̣з рааж̇абурисаанан̃жа вивид̇д̇агкан̣з нигкамид̇ваа яам̣ д̇з амбхо, буриса, гаран̣ийяам̣, д̇ам̣ гарохий’’д̇и важанзна ‘‘балааяассуу’’д̇и вуд̇д̇агаало вияа сад̇т̇аараа имасса бхигкуно махаабхууд̇агаммадтаанам̣ гат̇зд̇ваа ‘‘имзсу жад̇уусу махаабхууд̇зсу ниб̣б̣инд̣̇а вираж̇ж̇а, звам̣ ваддад̇о баримужжиссасий’’д̇и гат̇ид̇агаало, д̇асса бурисасса ад̇т̇ажарагаважанам̣ суд̇ваа жад̇уннам̣ аасийвисаанам̣ бамаад̣̇агкан̣з рааж̇абурисаанан̃жа вивид̇д̇агкан̣з нигкамид̇ваа язна ваа д̇зна ваа балааяанам̣ вияа имасса бхигкуно сад̇т̇у санд̇игз гаммадтаанам̣ лабхид̇ваа махаабхууд̇аасийвисзхи баримужжанад̇т̇ааяа н̃аан̣абалааяанзна балааяанам̣.
Upamā kho myāyanti ettha evaṃ ādito paṭṭhāya opammasaṃsandanaṃ veditabbaṃ – rājā viya hi kammaṃ daṭṭhabbaṃ, rājāparādhikapuriso viya vaṭṭanissito puthujjano. Cattāro āsīvisā viya cattāri mahābhūtāni, rañño tassa cattāro āsīvise paṭicchāpitakālo viya kammunā puthujjanassa paṭisandhikkhaṇeyeva catunnaṃ mahābhūtānaṃ dinnakālo. ‘‘Imesaṃ āsīvisānaṃ pamādakkhaṇe rājapurisānañca vivittakkhaṇe nikkhamitvā yaṃ te ambho, purisa, karaṇīyaṃ, taṃ karohī’’ti vacanena ‘‘palāyassū’’ti vuttakālo viya satthārā imassa bhikkhuno mahābhūtakammaṭṭhānaṃ kathetvā ‘‘imesu catūsu mahābhūtesu nibbinda virajja, evaṃ vaṭṭato parimuccissasī’’ti kathitakālo, tassa purisassa atthacarakavacanaṃ sutvā catunnaṃ āsīvisānaṃ pamādakkhaṇe rājapurisānañca vivittakkhaṇe nikkhamitvā yena vā tena vā palāyanaṃ viya imassa bhikkhuno satthu santike kammaṭṭhānaṃ labhitvā mahābhūtāsīvisehi parimuccanatthāya ñāṇapalāyanena palāyanaṃ.
ид̣̇аани жад̇уннзд̇ам̣ махаабхууд̇аанам̣ ад̇хиважанам̣ бат̇авийд̇хаад̇уяаа аабод̇хаад̇уяаад̇иаад̣̇ийсу жад̇умахаабхууд̇агат̇аа жа бан̃жубаад̣̇аанагканд̇хагат̇аа жа ааяад̇анагат̇аа жа висуд̣̇д̇химаг̇г̇з вид̇т̇аарид̇анаязнзва взд̣̇ид̇аб̣б̣аа. зд̇т̇а жа гадтамукааасийвисо вияа бат̇авийд̇хаад̇у д̣̇адтаб̣б̣аа, бууд̇имукааг̇г̇имукасад̇т̇амукаа вияа сзсад̇хаад̇уяо. яат̇зва хи гадтамукзна д̣̇адтасса сагалагааяо т̇ад̣̇д̇хо ход̇и, звам̣ бат̇авийд̇хаад̇убагобзнааби. яат̇аа жа бууд̇имукаад̣̇ийхи д̣̇адтасса баг̇гхарад̇и жзва жхааяад̇и жа чиж̇ж̇ад̇и жа, звам̣ аабод̇хаад̇уд̇зж̇од̇хаад̇увааяод̇хаад̇убагобзнаабийд̇и. д̇знааху адтагат̇аажарияаа –
Idāni catunnetaṃ mahābhūtānaṃ adhivacanaṃ pathavīdhātuyā āpodhātuyātiādīsu catumahābhūtakathā ca pañcupādānakkhandhakathā ca āyatanakathā ca visuddhimagge vitthāritanayeneva veditabbā. Ettha ca kaṭṭhamukhaāsīviso viya pathavīdhātu daṭṭhabbā, pūtimukhaaggimukhasatthamukhā viya sesadhātuyo. Yatheva hi kaṭṭhamukhena daṭṭhassa sakalakāyo thaddho hoti, evaṃ pathavīdhātupakopenāpi. Yathā ca pūtimukhādīhi daṭṭhassa paggharati ceva jhāyati ca chijjati ca, evaṃ āpodhātutejodhātuvāyodhātupakopenāpīti. Tenāhu aṭṭhakathācariyā –
‘‘бад̇т̇ад̣̇д̇хо бхавад̇ий гааяо, д̣̇адто гадтамукзна ваа;
‘‘Patthaddho bhavatī kāyo, daṭṭho kaṭṭhamukhena vā;
бат̇авийд̇хаад̇убагобзна, ход̇и гадтамукзва со.
Pathavīdhātupakopena, hoti kaṭṭhamukheva so.
‘‘бууд̇иго бхавад̇ий гааяо, д̣̇адто бууд̇имукзна ваа;
‘‘Pūtiko bhavatī kāyo, daṭṭho pūtimukhena vā;
аабод̇хаад̇убагобзна, ход̇и бууд̇имукзва со.
Āpodhātupakopena, hoti pūtimukheva so.
‘‘санд̇ад̇д̇о бхавад̇ий гааяо, д̣̇адто аг̇г̇имукзна ваа;
‘‘Santatto bhavatī kāyo, daṭṭho aggimukhena vā;
д̇зж̇од̇хаад̇убагобзна, ход̇и аг̇г̇имукзва со.
Tejodhātupakopena, hoti aggimukheva so.
‘‘сан̃чинно бхавад̇ий гааяо, д̣̇адто сад̇т̇амукзна ваа;
‘‘Sañchinno bhavatī kāyo, daṭṭho satthamukhena vā;
вааяод̇хаад̇убагобзна, ход̇и сад̇т̇амукзва со’’д̇и. –
Vāyodhātupakopena, hoti satthamukheva so’’ti. –
звам̣ д̇аавзд̇т̇а висзсад̇о сад̣̇исабхааво взд̣̇ид̇аб̣б̣о.
Evaṃ tāvettha visesato sadisabhāvo veditabbo.
ависзсад̇о бана аасаяад̇о висавзг̇авигаарад̇о анад̇т̇аг̇г̇ахан̣ад̇о д̣̇урубадтаанад̇о д̣̇ураасад̣̇ад̇о агад̇ан̃н̃уд̇ад̇о ависзсагаарид̇о ананд̇ад̣̇осуубад̣̇д̣̇авад̇од̇и имзхи гааран̣зхи зд̇зсам̣ аасийвисасад̣̇исад̇аа взд̣̇ид̇аб̣б̣аа. д̇ад̇т̇а аасаяад̇од̇и аасийвисаанан̃хи ваммиго аасаяо, д̇ад̇т̇зва д̇з васанд̇и. махаабхууд̇аанамби гааяаваммиго аасаяо . аасийвисаанан̃жа ругкасусирад̇ин̣абан̣н̣аг̇аханасан̇гаарадтаанааниби аасаяо. зд̇зсуби хи д̇з васанд̇и. махаабхууд̇аанамби гааяасусирам̣ гааяаг̇аханам̣ гааяасан̇гаарадтаанам̣ аасаяод̇и. звам̣ д̇аава аасаяад̇о сад̣̇исад̇аа взд̣̇ид̇аб̣б̣аа.
Avisesato pana āsayato visavegavikārato anatthaggahaṇato durupaṭṭhānato durāsadato akataññutato avisesakārito anantadosūpaddavatoti imehi kāraṇehi etesaṃ āsīvisasadisatā veditabbā. Tattha āsayatoti āsīvisānañhi vammiko āsayo, tattheva te vasanti. Mahābhūtānampi kāyavammiko āsayo . Āsīvisānañca rukkhasusiratiṇapaṇṇagahanasaṅkāraṭṭhānānipi āsayo. Etesupi hi te vasanti. Mahābhūtānampi kāyasusiraṃ kāyagahanaṃ kāyasaṅkāraṭṭhānaṃ āsayoti. Evaṃ tāva āsayato sadisatā veditabbā.
висавзг̇авигаарад̇од̇и аасийвисаа хи гулавасзна гадтамукаад̣̇ибхзд̣̇ад̇о жад̇д̇ааро. д̇ад̇т̇а згзго висавигаарад̇о вибхаж̇ж̇амаано д̣̇адтависаад̣̇ивасзна жад̇уб̣б̣ид̇хо ход̇и. махаабхууд̇ааниби бажжад̇д̇алагкан̣авасзна бат̇авийаад̣̇ибхзд̣̇ад̇о жад̇д̇аари. зд̇т̇а згзгам̣ гаммасамудтаанаад̣̇ивасзна жад̇уб̣б̣ид̇хам̣ ход̇и. звам̣ висавзг̇авигаарад̇о сад̣̇исад̇аа взд̣̇ид̇аб̣б̣аа.
Visavegavikāratoti āsīvisā hi kulavasena kaṭṭhamukhādibhedato cattāro. Tattha ekeko visavikārato vibhajjamāno daṭṭhavisādivasena catubbidho hoti. Mahābhūtānipi paccattalakkhaṇavasena pathavīādibhedato cattāri. Ettha ekekaṃ kammasamuṭṭhānādivasena catubbidhaṃ hoti. Evaṃ visavegavikārato sadisatā veditabbā.
анад̇т̇аг̇г̇ахан̣ад̇од̇и аасийвисз г̇ан̣ханд̇аа бан̃жа анад̇т̇з г̇ан̣ханд̇и – д̣̇уг̇г̇анд̇хам̣ г̇ан̣ханд̇и, асужим̣ г̇ан̣ханд̇и, б̣яаад̇хим̣ г̇ан̣ханд̇и, висам̣ г̇ан̣ханд̇и, маран̣ам̣ г̇ан̣ханд̇и. махаабхууд̇ааниби г̇ан̣ханд̇аа бан̃жа анад̇т̇з г̇ан̣ханд̇и – д̣̇уг̇г̇анд̇хам̣ г̇ан̣ханд̇и, асужим̣ г̇ан̣ханд̇и, б̣яаад̇хим̣ г̇ан̣ханд̇и, ж̇арам̣ г̇ан̣ханд̇и, маран̣ам̣ г̇ан̣ханд̇и. д̇знааху бораан̣аа –
Anatthaggahaṇatoti āsīvise gaṇhantā pañca anatthe gaṇhanti – duggandhaṃ gaṇhanti, asuciṃ gaṇhanti, byādhiṃ gaṇhanti, visaṃ gaṇhanti, maraṇaṃ gaṇhanti. Mahābhūtānipi gaṇhantā pañca anatthe gaṇhanti – duggandhaṃ gaṇhanti, asuciṃ gaṇhanti, byādhiṃ gaṇhanti, jaraṃ gaṇhanti, maraṇaṃ gaṇhanti. Tenāhu porāṇā –
‘‘язгзжи саббам̣ г̇ан̣ханд̇и, мийл̣халид̇д̇ам̣ махаависам̣;
‘‘Yekeci sappaṃ gaṇhanti, mīḷhalittaṃ mahāvisaṃ;
бан̃жа г̇ан̣ханд̇унад̇т̇аани, логз саббаабхинанд̣̇ино.
Pañca gaṇhantunatthāni, loke sappābhinandino.
‘‘д̣̇уг̇г̇анд̇хам̣ асужим̣ б̣яаад̇хим̣, висам̣ маран̣абан̃жамам̣;
‘‘Duggandhaṃ asuciṃ byādhiṃ, visaṃ maraṇapañcamaṃ;
анад̇т̇аа хонд̇и бан̃жзд̇з, мийл̣халид̇д̇з бхуж̇ан̇г̇амз.
Anatthā honti pañcete, mīḷhalitte bhujaṅgame.
‘‘звамзвам̣ агусалаа, анд̇хаб̣аалабут̇уж̇ж̇анаа;
‘‘Evamevaṃ akusalā, andhabālaputhujjanā;
бан̃жа г̇ан̣ханд̇унад̇т̇аани, бхавз ж̇аад̇аабхинанд̣̇ино.
Pañca gaṇhantunatthāni, bhave jātābhinandino.
‘‘д̣̇уг̇г̇анд̇хам̣ асужим̣ б̣яаад̇хим̣, ж̇арам̣ маран̣абан̃жамам̣;
‘‘Duggandhaṃ asuciṃ byādhiṃ, jaraṃ maraṇapañcamaṃ;
анад̇т̇аа хонд̇и бан̃жзд̇з, мийл̣халид̇д̇зва баннаг̇з’’д̇и. –
Anatthā honti pañcete, mīḷhalitteva pannage’’ti. –
звам̣ анад̇т̇аг̇г̇ахан̣ад̇о сад̣̇исад̇аа взд̣̇ид̇аб̣б̣аа.
Evaṃ anatthaggahaṇato sadisatā veditabbā.
д̣̇урубадтаанад̇од̇и д̇з аасийвисаа д̣̇урубадтаанаа, згасмим̣ удтаад̇угаамз зго нхааяид̇угаамо ход̇и , д̇асмим̣ нхааяид̇угаамз абаро бхун̃ж̇ид̇угаамо, д̇асмим̣ бхун̃ж̇ид̇угаамз ан̃н̃о нибаж̇ж̇ид̇угаамо ход̇и. д̇зсу яасса яассзва аж̇жхаасаяо на буурад̇и, со д̇ад̇т̇зва д̣ам̣сид̇ваа маарзд̇и. имзхи бана аасийвисзхи бхууд̇аанзва д̣̇урубадтаанад̇араани. бат̇авийд̇хаад̇уяаа хи бхзсаж̇ж̇з гаяирамаанз аабод̇хаад̇у губбад̇и, д̇ассзва бхзсаж̇ж̇ам̣ гаронд̇асса д̇зж̇од̇хаад̇ууд̇и звам̣ згиссаа бхзсаж̇ж̇з гаяирамаанз абараа губбанд̇ийд̇и. звам̣ д̣̇урубадтаанад̇о сад̣̇исад̇аа взд̣̇ид̇аб̣б̣аа.
Durupaṭṭhānatoti te āsīvisā durupaṭṭhānā, ekasmiṃ uṭṭhātukāme eko nhāyitukāmo hoti , tasmiṃ nhāyitukāme aparo bhuñjitukāmo, tasmiṃ bhuñjitukāme añño nipajjitukāmo hoti. Tesu yassa yasseva ajjhāsayo na pūrati, so tattheva ḍaṃsitvā māreti. Imehi pana āsīvisehi bhūtāneva durupaṭṭhānatarāni. Pathavīdhātuyā hi bhesajje kayiramāne āpodhātu kuppati, tasseva bhesajjaṃ karontassa tejodhātūti evaṃ ekissā bhesajje kayiramāne aparā kuppantīti. Evaṃ durupaṭṭhānato sadisatā veditabbā.
д̣̇ураасад̣̇ад̇од̇и д̣̇ураасад̣̇аа хи аасийвисаа, г̇зхасса буримабхааг̇з аасийвисам̣ д̣̇исваа бажчимабхааг̇зна балааяанд̇и, бажчимабхааг̇з д̣̇исваа буримабхааг̇зна, г̇зхамаж̇жхз д̣̇исваа г̇аб̣бхам̣ бависанд̇и, г̇аб̣бхз д̣̇исваа ман̃жабийтам̣ абхируханд̇и. махаабхууд̇аани д̇ад̇оби д̣̇ураасад̣̇ад̇араани. д̇ат̇ааруубзна хи гудтарог̇зна пудтасса ган̣н̣анаасаад̣̇ийни чинд̣̇ид̇ваа бад̇анд̇и, сарийрам̣ сампудад̇и нийламагкигаа бариваарзнд̇и, сарийраг̇анд̇хо д̣̇уурад̇ова уб̣б̣аахад̇и. д̇ам̣ бурисам̣ аггосамаанамби барид̣̇звамаанамби нзва росавасзна, на гаарун̃н̃зна, убасан̇гамид̇ум̣ саггонд̇и, наасигам̣ бид̣̇ахид̇ваа кзл̣ам̣ баад̇знд̇аа д̣̇уурад̇ова нам̣ виваж̇ж̇знд̇и. звам̣ ан̃н̃зсамби бхаг̇анд̣̇арагужчирог̇аваад̇арог̇аад̣̇ийнам̣ б̣ийбхажчаж̇зг̇ужчабхаавагараанан̃жа рог̇аанам̣ васзна аяамзвад̇т̇о вибхаавзд̇аб̣б̣од̇и. звам̣ д̣̇ураасад̣̇ад̇о сад̣̇исад̇аа взд̣̇ид̇аб̣б̣аа.
Durāsadatoti durāsadā hi āsīvisā, gehassa purimabhāge āsīvisaṃ disvā pacchimabhāgena palāyanti, pacchimabhāge disvā purimabhāgena, gehamajjhe disvā gabbhaṃ pavisanti, gabbhe disvā mañcapīṭhaṃ abhiruhanti. Mahābhūtāni tatopi durāsadatarāni. Tathārūpena hi kuṭṭharogena phuṭṭhassa kaṇṇanāsādīni chinditvā patanti, sarīraṃ samphuṭati nīlamakkhikā parivārenti, sarīragandho dūratova ubbāhati. Taṃ purisaṃ akkosamānampi paridevamānampi neva rosavasena, na kāruññena, upasaṅkamituṃ sakkonti, nāsikaṃ pidahitvā kheḷaṃ pātentā dūratova naṃ vivajjenti. Evaṃ aññesampi bhagandarakucchirogavātarogādīnaṃ bībhacchajegucchabhāvakarānañca rogānaṃ vasena ayamevattho vibhāvetabboti. Evaṃ durāsadato sadisatā veditabbā.
агад̇ан̃н̃уд̇ад̇од̇и аасийвисаа хи агад̇ан̃н̃уно хонд̇и, нхаабияамаанааби бхож̇ияамаанааби г̇анд̇хамаалаад̣̇ийхи бууж̇ияамаанааби бзл̣ааяам̣ багкибид̇ваа барихарияамаанааби од̇аарамзва г̇авзсанд̇и. яад̇т̇а од̇аарам̣ лабханд̇и, д̇ад̇т̇зва нам̣ д̣ам̣сид̇ваа маарзнд̇и. аасийвисзхиби махаабхууд̇аанзва агад̇ан̃н̃уд̇араани. зд̇зсан̃хи гад̇ам̣ наама над̇т̇и, сийд̇зна ваа ун̣хзна ваа ниммалзна ж̇алзна нхаабияамаанааниби г̇анд̇хамаалаад̣̇ийхи саггарияамаанааниби муд̣̇увад̇т̇амуд̣̇усаяанамуд̣̇уяаанаад̣̇ийхи барихарияамаанааниби, варабхож̇анам̣ бхож̇ияамаанааниби, варабаанам̣ бааяаабияамаанааниби од̇аарамзва г̇авзсанд̇и. яад̇т̇а од̇аарам̣ лабханд̇и, д̇ад̇т̇зва губбид̇ваа анаяаб̣яасанам̣ баабзнд̇ийд̇и. звам̣ агад̇ан̃н̃уд̇ад̇о сад̣̇исад̇аа взд̣̇ид̇аб̣б̣аа.
Akataññutatoti āsīvisā hi akataññuno honti, nhāpiyamānāpi bhojiyamānāpi gandhamālādīhi pūjiyamānāpi peḷāyaṃ pakkhipitvā parihariyamānāpi otārameva gavesanti. Yattha otāraṃ labhanti, tattheva naṃ ḍaṃsitvā mārenti. Āsīvisehipi mahābhūtāneva akataññutarāni. Etesañhi kataṃ nāma natthi, sītena vā uṇhena vā nimmalena jalena nhāpiyamānānipi gandhamālādīhi sakkariyamānānipi muduvatthamudusayanamuduyānādīhi parihariyamānānipi, varabhojanaṃ bhojiyamānānipi, varapānaṃ pāyāpiyamānānipi otārameva gavesanti. Yattha otāraṃ labhanti, tattheva kuppitvā anayabyasanaṃ pāpentīti. Evaṃ akataññutato sadisatā veditabbā.
ависзсагаарид̇од̇и аасийвисаа хи ‘‘аяам̣ кад̇д̇ияо ваа б̣раахман̣о ваа взссо ваа суд̣̇д̣̇о ваа г̇ахадто ваа баб̣б̣аж̇ид̇о ваа’’д̇и висзсам̣ на гаронд̇и, самбад̇д̇асамбад̇д̇амзва д̣ам̣сид̇ваа маарзнд̇и. махаабхууд̇ааниби ‘‘аяам̣ кад̇д̇ияо ваа б̣раахман̣о ваа взссо ваа суд̣̇д̣̇о ваа г̇ахадто ваа баб̣б̣аж̇ид̇о ваа д̣̇зво ваа мануссо ваа мааро ваа б̣рахмаа ваа ниг̇г̇ун̣о ваа саг̇ун̣о ваа’’д̇и висзсам̣ на гаронд̇и . яад̣̇и хи нзсам̣ ‘‘аяам̣ г̇ун̣аваа’’д̇и лаж̇ж̇аа уббаж̇ж̇зяяа, сад̣̇звагз логз аг̇г̇абуг̇г̇алз д̇ат̇ааг̇ад̇з лаж̇ж̇ам̣ уббаад̣̇зяяум̣. ат̇ааби нзсам̣ ‘‘аяам̣ махаабан̃н̃о аяам̣ махид̣̇д̇хиго аяам̣ д̇худ̇аваад̣̇о’’д̇иаад̣̇инаа наязна лаж̇ж̇аа уббаж̇ж̇зяяа, д̇хаммасзнаабад̇исаарибуд̇д̇ад̇т̇зраад̣̇ийсу лаж̇ж̇ам̣ уббаад̣̇зяяум̣. ат̇ааби нзсам̣ ‘‘аяам̣ ниг̇г̇ун̣о д̣̇аарун̣о т̇ад̣̇д̇хо’’д̇и бхаяам̣ уббаж̇ж̇зяяа, сад̣̇звагз логз ниг̇г̇ун̣ат̇ад̣̇д̇хад̣̇аарун̣аанам̣ аг̇г̇асса д̣̇звад̣̇ад̇д̇асса чаннам̣ ваа сад̇т̇аараанам̣ бхааязяяум̣, на жа лаж̇ж̇анд̇и на жа бхааяанд̇и, губбид̇ваа яам̣гин̃жи анаяаб̣яасанам̣ аабаад̣̇знд̇иязва. звам̣ ависзсагаарид̇о сад̣̇исад̇аа взд̣̇ид̇аб̣б̣аа.
Avisesakāritoti āsīvisā hi ‘‘ayaṃ khattiyo vā brāhmaṇo vā vesso vā suddo vā gahaṭṭho vā pabbajito vā’’ti visesaṃ na karonti, sampattasampattameva ḍaṃsitvā mārenti. Mahābhūtānipi ‘‘ayaṃ khattiyo vā brāhmaṇo vā vesso vā suddo vā gahaṭṭho vā pabbajito vā devo vā manusso vā māro vā brahmā vā nigguṇo vā saguṇo vā’’ti visesaṃ na karonti . Yadi hi nesaṃ ‘‘ayaṃ guṇavā’’ti lajjā uppajjeyya, sadevake loke aggapuggale tathāgate lajjaṃ uppādeyyuṃ. Athāpi nesaṃ ‘‘ayaṃ mahāpañño ayaṃ mahiddhiko ayaṃ dhutavādo’’tiādinā nayena lajjā uppajjeyya, dhammasenāpatisāriputtattherādīsu lajjaṃ uppādeyyuṃ. Athāpi nesaṃ ‘‘ayaṃ nigguṇo dāruṇo thaddho’’ti bhayaṃ uppajjeyya, sadevake loke nigguṇathaddhadāruṇānaṃ aggassa devadattassa channaṃ vā satthārānaṃ bhāyeyyuṃ, na ca lajjanti na ca bhāyanti, kuppitvā yaṃkiñci anayabyasanaṃ āpādentiyeva. Evaṃ avisesakārito sadisatā veditabbā.
ананд̇ад̣̇осуубад̣̇д̣̇авад̇од̇и аасийвисз ниссааяа уббаж̇ж̇анагаанан̃хи д̣̇осуубад̣̇д̣̇аваанам̣ бамаан̣ам̣ над̇т̇и. д̇ат̇аа хзд̇з д̣ам̣сид̇ваа гаан̣амби гаронд̇и куж̇ж̇амби бийтасаббимби згабагкаламбийд̇и звам̣ абаримаан̣ам̣ виббагаарам̣ д̣̇ассзнд̇и. бхууд̇ааниби губбид̇аани на гаан̣аад̣̇ибхаавзсу на гин̃жи виббагаарам̣ на гаронд̇и, аббамаан̣о зд̇зсам̣ д̣̇осуубад̣̇д̣̇авод̇и. звам̣ ананд̇ад̣̇осуубад̣̇д̣̇авад̇о сад̣̇исад̇аа взд̣̇ид̇аб̣б̣аа.
Anantadosūpaddavatoti āsīvise nissāya uppajjanakānañhi dosūpaddavānaṃ pamāṇaṃ natthi. Tathā hete ḍaṃsitvā kāṇampi karonti khujjampi pīṭhasappimpi ekapakkhalampīti evaṃ aparimāṇaṃ vippakāraṃ dassenti. Bhūtānipi kuppitāni na kāṇādibhāvesu na kiñci vippakāraṃ na karonti, appamāṇo etesaṃ dosūpaddavoti. Evaṃ anantadosūpaddavato sadisatā veditabbā.
ид̣̇аанзд̇т̇а жад̇умахаабхууд̇авасзна яаава арахад̇д̇аа гаммадтаанам̣ гат̇зд̇аб̣б̣ам̣ сияаа, д̇ам̣ висуд̣̇д̇химаг̇г̇з жад̇уд̇хаад̇увавад̇т̇аананид̣̇д̣̇зсз гат̇ид̇амзва.
Idānettha catumahābhūtavasena yāva arahattā kammaṭṭhānaṃ kathetabbaṃ siyā, taṃ visuddhimagge catudhātuvavatthānaniddese kathitameva.
бан̃жа вад̇хагаа бажжад̇т̇игаад̇и ко бхигкавз бан̃жаннзд̇ам̣ убаад̣̇аанагканд̇хаанам̣ ад̇хиважананд̇и зд̇т̇а д̣̇вийхи аагаарзхи канд̇хаанам̣ вад̇хагабажжад̇т̇игасад̣̇исад̇аа взд̣̇ид̇аб̣б̣аа. канд̇хаа хи ан̃н̃аман̃н̃ан̃жа вад̇хзнд̇и, д̇зсу жа санд̇зсу вад̇хо наама бан̃н̃ааяад̇и. гат̇ам̣? руубам̣ д̇аава руубамби вад̇хзд̇и аруубамби, д̇ат̇аа аруубам̣ аруубамби вад̇хзд̇и руубамби. гат̇ам̣? аяан̃хи бат̇авийд̇хаад̇у бхиж̇ж̇амаанаа ид̇араа д̇иссо д̇хаад̇уяо г̇ахзд̇ваава бхиж̇ж̇ад̇и, аабод̇хаад̇уаад̣̇ийсуби зсзва наяо, звам̣ д̇аава руубам̣ руубамзва вад̇хзд̇и. руубагканд̇хо бана бхиж̇ж̇амаано жад̇д̇ааро аруубагканд̇хз г̇ахзд̇ваава бхиж̇ж̇ад̇и, звам̣ руубам̣ аруубамби вад̇хзд̇и. взд̣̇анаагканд̇хоби бхиж̇ж̇амаано сан̃н̃аасан̇кааравин̃н̃аан̣агканд̇хз г̇ахзд̇ваава бхиж̇ж̇ад̇и. сан̃н̃аагканд̇хаад̣̇ийсуби зсзва наяо. звам̣ аруубам̣ аруубамзва вад̇хзд̇и. жуд̇игкан̣з бана жад̇д̇ааро аруубагканд̇хаа бхиж̇ж̇амаанаа вад̇т̇уруубамби г̇ахзд̇ваава бхиж̇ж̇анд̇и, звам̣ аруубам̣ руубамби вад̇хзд̇и. звам̣ д̇аава ан̃н̃аман̃н̃ам̣ вад̇хзнд̇ийд̇и вад̇хагаа. яад̇т̇а бана канд̇хаа ад̇т̇и, д̇ад̇т̇а чзд̣̇анабхзд̣̇анавад̇хаб̣анд̇ханаад̣̇аяо хонд̇и, на ан̃н̃ад̇т̇аад̇и. звам̣ канд̇хзсу санд̇зсу вад̇хо бан̃н̃ааяад̇ийд̇иби вад̇хагаа.
Pañca vadhakā paccatthikāti kho bhikkhave pañcannetaṃ upādānakkhandhānaṃ adhivacananti ettha dvīhi ākārehi khandhānaṃ vadhakapaccatthikasadisatā veditabbā. Khandhā hi aññamaññañca vadhenti, tesu ca santesu vadho nāma paññāyati. Kathaṃ? Rūpaṃ tāva rūpampi vadheti arūpampi, tathā arūpaṃ arūpampi vadheti rūpampi. Kathaṃ? Ayañhi pathavīdhātu bhijjamānā itarā tisso dhātuyo gahetvāva bhijjati, āpodhātuādīsupi eseva nayo, evaṃ tāva rūpaṃ rūpameva vadheti. Rūpakkhandho pana bhijjamāno cattāro arūpakkhandhe gahetvāva bhijjati, evaṃ rūpaṃ arūpampi vadheti. Vedanākkhandhopi bhijjamāno saññāsaṅkhāraviññāṇakkhandhe gahetvāva bhijjati. Saññākkhandhādīsupi eseva nayo. Evaṃ arūpaṃ arūpameva vadheti. Cutikkhaṇe pana cattāro arūpakkhandhā bhijjamānā vatthurūpampi gahetvāva bhijjanti, evaṃ arūpaṃ rūpampi vadheti. Evaṃ tāva aññamaññaṃ vadhentīti vadhakā. Yattha pana khandhā atthi, tattha chedanabhedanavadhabandhanādayo honti, na aññatthāti. Evaṃ khandhesu santesu vadho paññāyatītipi vadhakā.
ид̣̇аани бан̃жагканд̇хз руубааруубавасзна д̣̇вз годтаасз гад̇ваа, руубавасзна ваа наамавасзна ваа руубабариг̇г̇ахам̣ аад̣̇им̣ гад̇ваа, яаава арахад̇д̇аа гаммадтаанам̣ гат̇зд̇аб̣б̣ам̣ сияаа д̇амби висуд̣̇д̇химаг̇г̇з гат̇ид̇амзва.
Idāni pañcakkhandhe rūpārūpavasena dve koṭṭhāse katvā, rūpavasena vā nāmavasena vā rūpapariggahaṃ ādiṃ katvā, yāva arahattā kammaṭṭhānaṃ kathetabbaṃ siyā tampi visuddhimagge kathitameva.
чадто анд̇аражаро вад̇хаго угкид̇д̇аасигод̇и ко, бхигкавз, нанд̣̇ийрааг̇ассзд̇ам̣ ад̇хиважананд̇и зд̇т̇а д̣̇вийхаагаарзхи нанд̣̇ийрааг̇асса угкид̇д̇аасигавад̇хагасад̣̇исад̇аа взд̣̇ид̇аб̣б̣аа бан̃н̃аасирабаад̇анад̇о жа яонисамбадибаад̣̇анад̇о жа. гат̇ам̣? жагкуд̣̇ваарасмин̃хи идтаарамман̣з аабаат̇аг̇ад̇з д̇ам̣ аарамман̣ам̣ ниссааяа лобхо уббаж̇ж̇ад̇и, зд̇д̇аавад̇аа бан̃н̃аасийсам̣ бад̇ид̇ам̣ наама ход̇и, сод̇ад̣̇ваараад̣̇ийсуби зсзва наяо. звам̣ д̇аава бан̃н̃аасирабаад̇анад̇о сад̣̇исад̇аа взд̣̇ид̇аб̣б̣аа. нанд̣̇ийрааг̇о банзса ан̣д̣аж̇аад̣̇ибхзд̣̇аа жад̇ассо яонияо убанзд̇и. д̇асса яониубаг̇аманамуулагаани бан̃жавийсад̇и махаабхаяаани д̣̇вад̇д̇им̣са гаммагааран̣аани жа ааг̇ад̇аанзва хонд̇ийд̇и звам̣ яонисамбадибаад̣̇анад̇обисса угкид̇д̇аасигавад̇хагасад̣̇исад̇аа взд̣̇ид̇аб̣б̣аа.
Chaṭṭho antaracaro vadhako ukkhittāsikoti kho, bhikkhave, nandīrāgassetaṃ adhivacananti ettha dvīhākārehi nandīrāgassa ukkhittāsikavadhakasadisatā veditabbā paññāsirapātanato ca yonisampaṭipādanato ca. Kathaṃ? Cakkhudvārasmiñhi iṭṭhārammaṇe āpāthagate taṃ ārammaṇaṃ nissāya lobho uppajjati, ettāvatā paññāsīsaṃ patitaṃ nāma hoti, sotadvārādīsupi eseva nayo. Evaṃ tāva paññāsirapātanato sadisatā veditabbā. Nandīrāgo panesa aṇḍajādibhedā catasso yoniyo upaneti. Tassa yoniupagamanamūlakāni pañcavīsati mahābhayāni dvattiṃsa kammakāraṇāni ca āgatāneva hontīti evaṃ yonisampaṭipādanatopissa ukkhittāsikavadhakasadisatā veditabbā.
ид̇и нанд̣̇ийрааг̇авасзнааби згасса бхигкуно гаммадтаанам̣ гат̇ид̇амзва ход̇и. гат̇ам̣? аяан̃хи нанд̣̇ийрааг̇о сан̇каарагканд̇хо, д̇ам̣ сан̇каарагканд̇ход̇и вавад̇т̇абзд̇ваа д̇ам̣самбаяуд̇д̇аа взд̣̇анаа взд̣̇анаагканд̇хо, сан̃н̃аа сан̃н̃аагканд̇хо, жид̇д̇ам̣ вин̃н̃аан̣агканд̇хо, д̇зсам̣ вад̇т̇аарамман̣ам̣ руубагканд̇ход̇и, звам̣ бан̃жагканд̇хз вавад̇т̇абзд̇и. ид̣̇аани д̇з бан̃жагканд̇хз наамаруубавасзна вавад̇т̇абзд̇ваа, д̇зсам̣ бажжаяабариязсанад̇о бадтааяа вибассанам̣ вад̣дхзд̇ваа, анубуб̣б̣зна зго арахад̇д̇ам̣ баабун̣аад̇ийд̇и звам̣ нанд̣̇ийрааг̇авасзна гаммадтаанам̣ гат̇ид̇ам̣ ход̇и.
Iti nandīrāgavasenāpi ekassa bhikkhuno kammaṭṭhānaṃ kathitameva hoti. Kathaṃ? Ayañhi nandīrāgo saṅkhārakkhandho, taṃ saṅkhārakkhandhoti vavatthapetvā taṃsampayuttā vedanā vedanākkhandho, saññā saññākkhandho, cittaṃ viññāṇakkhandho, tesaṃ vatthārammaṇaṃ rūpakkhandhoti, evaṃ pañcakkhandhe vavatthapeti. Idāni te pañcakkhandhe nāmarūpavasena vavatthapetvā, tesaṃ paccayapariyesanato paṭṭhāya vipassanaṃ vaḍḍhetvā, anupubbena eko arahattaṃ pāpuṇātīti evaṃ nandīrāgavasena kammaṭṭhānaṃ kathitaṃ hoti.
чаннам̣ аж̇жхад̇д̇игааяад̇анаанам̣ сун̃н̃аг̇аамзна сад̣̇исад̇аа баал̣ияам̣язва ааг̇ад̇аа. аяам̣ банзд̇т̇а гаммадтаананаяо – яат̇аа жа д̇з ча жораа чагудигам̣ сун̃н̃ам̣ г̇аамам̣ бависид̇ваа абараабарам̣ вижаранд̇аа гин̃жи алабхид̇ваа г̇аамзна анад̇т̇игаа хонд̇и, звамзвам̣ бхигку часу аж̇жхад̇д̇игааяад̇анзсу абхинивисид̇ваа вижинанд̇о ‘‘аха’’нд̇и ваа ‘‘мама’’нд̇и ваа г̇ахзд̇аб̣б̣ам̣ гин̃жи ад̣̇исваа д̇зхи анад̇т̇иго ход̇и. со ‘‘вибассанам̣ бадтабзссаамий’’д̇и убаад̣̇ааруубагаммадтаанавасзна жагкубасаад̣̇аад̣̇аяо бариг̇г̇ахзд̇ваа ‘‘аяам̣ руубагканд̇хо’’д̇и вавад̇т̇абзд̇и, манааяад̇анам̣ ‘‘аруубагканд̇хо’’д̇и. ид̇и саб̣б̣аанибзд̇аани нааман̃жзва руубан̃жаад̇и наамаруубавасзна вавад̇т̇абзд̇ваа, д̇зсам̣ бажжаяам̣ бариязсид̇ваа вибассанам̣ вад̣дхзд̇ваа , сан̇каарз саммасанд̇о анубуб̣б̣зна арахад̇д̇з бад̇идтаад̇и. ид̣̇ам̣ згасса бхигкуно яаава арахад̇д̇аа гаммадтаанам̣ гат̇ид̇ам̣ ход̇и.
Channaṃ ajjhattikāyatanānaṃ suññagāmena sadisatā pāḷiyaṃyeva āgatā. Ayaṃ panettha kammaṭṭhānanayo – yathā ca te cha corā chakuṭikaṃ suññaṃ gāmaṃ pavisitvā aparāparaṃ vicarantā kiñci alabhitvā gāmena anatthikā honti, evamevaṃ bhikkhu chasu ajjhattikāyatanesu abhinivisitvā vicinanto ‘‘aha’’nti vā ‘‘mama’’nti vā gahetabbaṃ kiñci adisvā tehi anatthiko hoti. So ‘‘vipassanaṃ paṭṭhapessāmī’’ti upādārūpakammaṭṭhānavasena cakkhupasādādayo pariggahetvā ‘‘ayaṃ rūpakkhandho’’ti vavatthapeti, manāyatanaṃ ‘‘arūpakkhandho’’ti. Iti sabbānipetāni nāmañceva rūpañcāti nāmarūpavasena vavatthapetvā, tesaṃ paccayaṃ pariyesitvā vipassanaṃ vaḍḍhetvā , saṅkhāre sammasanto anupubbena arahatte patiṭṭhāti. Idaṃ ekassa bhikkhuno yāva arahattā kammaṭṭhānaṃ kathitaṃ hoti.
ид̣̇аани б̣аахираанам̣ г̇аамагхаад̇агажорзхи сад̣̇исад̇ам̣ д̣̇ассзнд̇о жораа г̇аамагхаад̇агаад̇и код̇иаад̣̇имааха. д̇ад̇т̇а манаабааманаабзсууд̇и гаран̣ад̇т̇з бхуммам̣, манаабааманаабзхийд̇и ад̇т̇о. д̇ад̇т̇а жорзсу г̇аамам̣ хананд̇зсу бан̃жа гижжаани вад̇д̇анд̇и – жораа д̇аава г̇аамам̣ бариваарзд̇ваа тид̇аа аг̇г̇им̣ д̣̇ад̇ваа гадагадасад̣̇д̣̇ам̣ удтаабзнд̇и, д̇ад̇о мануссаа хад̇т̇асаарам̣ г̇ахзд̇ваа б̣ахи нигкаманд̇и. д̇ад̇о д̇зхи сад̣̇д̇хим̣ бхан̣д̣агасса гааран̣аа хад̇т̇абараамаасам̣ гаронд̇и. гзжи банзд̇т̇а бахаарам̣ баабун̣анд̇и, гзжи бахаарадтаанз бад̇анд̇и, авасзсз бана арог̇аж̇анз б̣анд̇хид̇ваа ад̇д̇ано васанадтаанам̣ нзд̇ваа раж̇ж̇уб̣анд̇ханаад̣̇ийхи б̣анд̇хид̇ваа д̣̇аасабарибхог̇зна барибхун̃ж̇анд̇и.
Idāni bāhirānaṃ gāmaghātakacorehi sadisataṃ dassento corā gāmaghātakāti khotiādimāha. Tattha manāpāmanāpesūti karaṇatthe bhummaṃ, manāpāmanāpehīti attho. Tattha coresu gāmaṃ hanantesu pañca kiccāni vattanti – corā tāva gāmaṃ parivāretvā ṭhitā aggiṃ datvā kaṭakaṭasaddaṃ uṭṭhāpenti, tato manussā hatthasāraṃ gahetvā bahi nikkhamanti. Tato tehi saddhiṃ bhaṇḍakassa kāraṇā hatthaparāmāsaṃ karonti. Keci panettha pahāraṃ pāpuṇanti, keci pahāraṭṭhāne patanti, avasese pana arogajane bandhitvā attano vasanaṭṭhānaṃ netvā rajjubandhanādīhi bandhitvā dāsaparibhogena paribhuñjanti.
д̇ад̇т̇а г̇аамагхаад̇агажораанам̣ г̇аамам̣ бариваарзд̇ваа аг̇г̇ид̣̇аанам̣ вияа часу д̣̇ваарзсу аарамман̣з аабаат̇аг̇ад̇з гилзсабарил̣аахуббад̇д̇и взд̣̇ид̇аб̣б̣аа, хад̇т̇асаарам̣ аад̣̇ааяа б̣ахи нигкаманам̣ вияа. д̇ан̇кан̣з гусалад̇хаммам̣ бахааяа агусаласаман̇г̇ид̇аа, бхан̣д̣агасса гааран̣аа хад̇т̇абараамасанаабаж̇ж̇анам̣ вияа д̣̇уггадад̣̇уб̣бхаасид̇абаажид̇д̇ияат̇уллажжаяаанам̣ аабаж̇ж̇анагаало, бахааралад̣̇д̇хагаало вияа сан̇гхаад̣̇исзсам̣ аабаж̇ж̇анагаало, бахаарам̣ лад̣̇д̇хаа бана бахаарадтаанз бад̇ид̇агаало вияа баарааж̇игам̣ аабаж̇ж̇ид̇ваа ассаман̣агаало, авасзсаж̇анасса б̣анд̇хид̇ваа васанадтаанам̣ нзд̇ваа д̣̇аасабарибхог̇зна барибхун̃ж̇анагаало вияа д̇амзва аарамман̣ам̣ ниссааяа саб̣б̣зсам̣ бассанд̇аанам̣язва жуул̣асийламаж̇жхимасийламахаасийлаани бхинд̣̇ид̇ваа сигкам̣ бажжагкааяа г̇ихибхаавам̣ аабаж̇ж̇анагаало. д̇ад̇расса буд̇д̇ад̣̇аарам̣ босзнд̇асса санд̣̇идтиго д̣̇угкагканд̇хо взд̣̇ид̇аб̣б̣о, гаалам̣ гад̇ваа абааяз ниб̣б̣ад̇д̇асса самбарааяиго.
Tattha gāmaghātakacorānaṃ gāmaṃ parivāretvā aggidānaṃ viya chasu dvāresu ārammaṇe āpāthagate kilesapariḷāhuppatti veditabbā, hatthasāraṃ ādāya bahi nikkhamanaṃ viya. Taṅkhaṇe kusaladhammaṃ pahāya akusalasamaṅgitā, bhaṇḍakassa kāraṇā hatthaparāmasanāpajjanaṃ viya dukkaṭadubbhāsitapācittiyathullaccayānaṃ āpajjanakālo, pahāraladdhakālo viya saṅghādisesaṃ āpajjanakālo, pahāraṃ laddhā pana pahāraṭṭhāne patitakālo viya pārājikaṃ āpajjitvā assamaṇakālo, avasesajanassa bandhitvā vasanaṭṭhānaṃ netvā dāsaparibhogena paribhuñjanakālo viya tameva ārammaṇaṃ nissāya sabbesaṃ passantānaṃyeva cūḷasīlamajjhimasīlamahāsīlāni bhinditvā sikkhaṃ paccakkhāya gihibhāvaṃ āpajjanakālo. Tatrassa puttadāraṃ posentassa sandiṭṭhiko dukkhakkhandho veditabbo, kālaṃ katvā apāye nibbattassa samparāyiko.
имааниби б̣аахирааяад̇анаани згасса бхигкуно гаммадтаанавасзнзва гат̇ид̇аани. зд̇т̇а хи руубаад̣̇ийни жад̇д̇аари убаад̣̇ааруубаани, подтаб̣б̣ааяад̇анам̣ д̇иссо д̇хаад̇уяо, д̇хаммааяад̇анз аабод̇хаад̇уяаа сад̣̇д̇хим̣ д̇аа жад̇ассод̇и имаани жад̇д̇аари бхууд̇аани, д̇зсам̣ барижчзд̣̇авасзна аагаасад̇хаад̇у, лахуд̇аад̣̇ивасзна лахуд̇аад̣̇аяод̇и звамид̣̇ам̣ саб̣б̣амби бхууд̇убаад̣̇ааяаруубам̣ руубагканд̇хо, д̇ад̣̇аарамман̣аа взд̣̇анаад̣̇аяо жад̇д̇ааро аруубагканд̇хаа. д̇ад̇т̇а ‘‘руубагканд̇хо руубам̣, жад̇д̇ааро аруубино канд̇хаа наама’’нд̇и. наамаруубам̣ вавад̇т̇абзд̇ваа буриманаязнзва бадибаж̇ж̇анд̇асса яаава арахад̇д̇аа гаммадтаанам̣ гат̇ид̇ам̣ ход̇и.
Imānipi bāhirāyatanāni ekassa bhikkhuno kammaṭṭhānavaseneva kathitāni. Ettha hi rūpādīni cattāri upādārūpāni, phoṭṭhabbāyatanaṃ tisso dhātuyo, dhammāyatane āpodhātuyā saddhiṃ tā catassoti imāni cattāri bhūtāni, tesaṃ paricchedavasena ākāsadhātu, lahutādivasena lahutādayoti evamidaṃ sabbampi bhūtupādāyarūpaṃ rūpakkhandho, tadārammaṇā vedanādayo cattāro arūpakkhandhā. Tattha ‘‘rūpakkhandho rūpaṃ, cattāro arūpino khandhā nāma’’nti. Nāmarūpaṃ vavatthapetvā purimanayeneva paṭipajjantassa yāva arahattā kammaṭṭhānaṃ kathitaṃ hoti.
огхаананд̇и зд̇т̇а д̣̇уруд̇д̇аран̣адто огхадто. зд̇з хи ‘‘сийласам̣варам̣ буурзд̇ваа арахад̇д̇ам̣ баабун̣иссаамий’’д̇и аж̇жхаасаяам̣ самудтаабзд̇ваа галяаан̣амид̇д̇з ниссааяа саммаа вааяаманд̇зна д̇арид̇аб̣б̣аа, язна ваа д̇зна ваа д̣̇уруд̇д̇араа. иминаа д̣̇уруд̇д̇аран̣адтзна огхаад̇и вужжанд̇и. д̇зби згасса бхигкуно гаммадтаанавасзна гат̇ид̇аа. жад̇д̇аароби хи зд̇з зго сан̇каарагканд̇хо ваад̇и. сзсам̣ нанд̣̇ийрааг̇з вуд̇д̇анаязнзва яож̇зд̇ваа вид̇т̇аарзд̇аб̣б̣ам̣.
Oghānanti ettha duruttaraṇaṭṭho oghaṭṭho. Ete hi ‘‘sīlasaṃvaraṃ pūretvā arahattaṃ pāpuṇissāmī’’ti ajjhāsayaṃ samuṭṭhāpetvā kalyāṇamitte nissāya sammā vāyamantena taritabbā, yena vā tena vā duruttarā. Iminā duruttaraṇaṭṭhena oghāti vuccanti. Tepi ekassa bhikkhuno kammaṭṭhānavasena kathitā. Cattāropi hi ete eko saṅkhārakkhandho vāti. Sesaṃ nandīrāge vuttanayeneva yojetvā vitthāretabbaṃ.
саггааяассзд̇ам̣ ад̇хиважананд̇и, саггааяоби хи аасийвисаад̣̇ийхи уд̣̇аган̣н̣авасса оримад̇ийрам̣ вияа жад̇умахаабхууд̇аад̣̇ийхи саасан̇го саббадибхаяо, соби згасса бхигкуно гаммадтаанавасзнзва гат̇ид̇о. саггааяо хи д̇збхуумагабан̃жагканд̇хаа, д̇з жа самаасад̇о наамаруубамзваад̇и. звамзд̇т̇а наамаруубававад̇т̇аанам̣ аад̣̇им̣ гад̇ваа яаава арахад̇д̇аа гаммадтаанам̣ вид̇т̇аарзд̇аб̣б̣анд̇и.
Sakkāyassetaṃ adhivacananti, sakkāyopi hi āsīvisādīhi udakaṇṇavassa orimatīraṃ viya catumahābhūtādīhi sāsaṅko sappaṭibhayo, sopi ekassa bhikkhuno kammaṭṭhānavaseneva kathito. Sakkāyo hi tebhūmakapañcakkhandhā, te ca samāsato nāmarūpamevāti. Evamettha nāmarūpavavatthānaṃ ādiṃ katvā yāva arahattā kammaṭṭhānaṃ vitthāretabbanti.
ниб̣б̣аанассзд̇ам̣ ад̇хиважананд̇и ниб̣б̣аанан̃хи уд̣̇аган̣н̣авасса бааримад̇ийрам̣ вияа жад̇умахаабхууд̇аад̣̇ийхи кзмам̣ аббадибхаяам̣. вийрияаарамбхассзд̇ам̣ ад̇хиважананд̇и зд̇т̇а жид̇д̇агирияад̣̇ассанад̇т̇ам̣ хздтаа вуд̇д̇авааяаамамзва вийрияанд̇и г̇ан̣хид̇ваа д̣̇ассзд̇и. д̇ин̣н̣о бааран̇г̇ад̇од̇и д̇арид̇ваа баарам̣ г̇ад̇о.
Nibbānassetaṃ adhivacananti nibbānañhi udakaṇṇavassa pārimatīraṃ viya catumahābhūtādīhi khemaṃ appaṭibhayaṃ. Vīriyārambhassetaṃ adhivacananti ettha cittakiriyadassanatthaṃ heṭṭhā vuttavāyāmameva vīriyanti gaṇhitvā dasseti. Tiṇṇo pāraṅgatoti taritvā pāraṃ gato.
д̇ад̇т̇а яат̇аа саасан̇гаоримад̇ийрз тид̇зна уд̣̇аган̣н̣авам̣ д̇арид̇угаамзна гад̇ибаахам̣ васид̇ваа сан̣игам̣ наавам̣ саж̇ж̇зд̇ваа уд̣̇агагийл̣ам̣ гийл̣анд̇зна вияа на нааваа абхирухид̇аб̣б̣аа. звам̣ гаронд̇о хи анаарул̣хова б̣яасанам̣ баабун̣аад̇и. звамзва гилзсан̣н̣авам̣ д̇арид̇угаамзна ‘‘д̇арун̣о д̇аавамхи, махаллагагаалз адтан̇г̇игамаг̇г̇агуллам̣ б̣анд̇хиссаамий’’д̇и бабан̃жо на гаад̇аб̣б̣о . звам̣ гаронд̇о хи махаллагагаалам̣ абад̇вааби винаасам̣ баабун̣аад̇и, бад̇вааби гаад̇ум̣ на саггод̇и. бхад̣̇д̣̇згарад̇д̇аад̣̇ийни бана ануссарид̇ваа взг̇знзва аяам̣ арияамаг̇г̇агулло б̣анд̇хид̇аб̣б̣о.
Tattha yathā sāsaṅkaorimatīre ṭhitena udakaṇṇavaṃ taritukāmena katipāhaṃ vasitvā saṇikaṃ nāvaṃ sajjetvā udakakīḷaṃ kīḷantena viya na nāvā abhiruhitabbā. Evaṃ karonto hi anāruḷhova byasanaṃ pāpuṇāti. Evameva kilesaṇṇavaṃ taritukāmena ‘‘taruṇo tāvamhi, mahallakakāle aṭṭhaṅgikamaggakullaṃ bandhissāmī’’ti papañco na kātabbo . Evaṃ karonto hi mahallakakālaṃ apatvāpi vināsaṃ pāpuṇāti, patvāpi kātuṃ na sakkoti. Bhaddekarattādīni pana anussaritvā vegeneva ayaṃ ariyamaggakullo bandhitabbo.
яат̇аа жа гуллам̣ б̣анд̇ханд̇асса хад̇т̇абаад̣̇абаарибуури ижчид̇аб̣б̣аа. гун̣табаад̣̇о хи кан̃ж̇абаад̣̇о ваа бад̇идтаад̇ум̣ на саггод̇и, пан̣ахад̇т̇агаад̣̇аяо д̇ин̣абан̣н̣аад̣̇ийни г̇ахзд̇ум̣ на саггонд̇и. звамимамби арияамаг̇г̇агуллам̣ б̣анд̇ханд̇асса сийлабаад̣̇аанан̃жзва сад̣̇д̇хаахад̇т̇асса жа баарибуури ижчид̇аб̣б̣аа. на хи д̣̇уссийло ассад̣̇д̇хо саасанз аббад̇идтид̇о бадибад̇д̇им̣ ассад̣̇д̣̇аханд̇о арияамаг̇г̇агуллам̣ б̣анд̇хид̇ум̣ саггод̇и. яат̇аа жа барибун̣н̣ахад̇т̇абаад̣̇оби д̣̇уб̣б̣ало б̣яаад̇хибийл̣ид̇о гуллам̣ б̣анд̇хид̇ум̣ на саггод̇и, т̇аамасамбаннова саггод̇и, звам̣ сийлаваа сад̣̇д̇хоби аласо гусийд̇о имам̣ маг̇г̇агуллам̣ б̣анд̇хид̇ум̣ на саггод̇и , аарад̣̇д̇хавийрияова саггод̇ийд̇и имам̣ б̣анд̇хид̇угаамзна аарад̣̇д̇хавийриязна бхавид̇аб̣б̣ам̣. яат̇аа со бурисо гуллам̣ б̣анд̇хид̇ваа д̇ийрз тад̇ваа яож̇анавид̇т̇аарам̣ уд̣̇аган̣н̣авам̣ ‘‘аяам̣ маяаа бажжад̇д̇абурисагаарам̣ ниссааяа нид̇т̇арид̇аб̣б̣о’’д̇и маанасам̣ б̣анд̇хад̇и, звам̣ яог̇инааби жан̇гамаа оруяха ‘‘аж̇ж̇а маяаа жад̇умаг̇г̇аваж̇жхам̣ гилзсан̣н̣авам̣ д̇арид̇ваа арахад̇д̇з бад̇идтаад̇аб̣б̣а’’нд̇и маанасам̣ б̣анд̇хид̇аб̣б̣ам̣.
Yathā ca kullaṃ bandhantassa hatthapādapāripūri icchitabbā. Kuṇṭhapādo hi khañjapādo vā patiṭṭhātuṃ na sakkoti, phaṇahatthakādayo tiṇapaṇṇādīni gahetuṃ na sakkonti. Evamimampi ariyamaggakullaṃ bandhantassa sīlapādānañceva saddhāhatthassa ca pāripūri icchitabbā. Na hi dussīlo assaddho sāsane appatiṭṭhito paṭipattiṃ assaddahanto ariyamaggakullaṃ bandhituṃ sakkoti. Yathā ca paripuṇṇahatthapādopi dubbalo byādhipīḷito kullaṃ bandhituṃ na sakkoti, thāmasampannova sakkoti, evaṃ sīlavā saddhopi alaso kusīto imaṃ maggakullaṃ bandhituṃ na sakkoti , āraddhavīriyova sakkotīti imaṃ bandhitukāmena āraddhavīriyena bhavitabbaṃ. Yathā so puriso kullaṃ bandhitvā tīre ṭhatvā yojanavitthāraṃ udakaṇṇavaṃ ‘‘ayaṃ mayā paccattapurisakāraṃ nissāya nittharitabbo’’ti mānasaṃ bandhati, evaṃ yogināpi caṅkamā oruyha ‘‘ajja mayā catumaggavajjhaṃ kilesaṇṇavaṃ taritvā arahatte patiṭṭhātabba’’nti mānasaṃ bandhitabbaṃ.
яат̇аа жа со бурисо гуллам̣ ниссааяа уд̣̇аган̣н̣авам̣ д̇аранд̇о г̇аавуд̇амад̇д̇ам̣ г̇анд̇ваа нивад̇д̇ид̇ваа ологзнд̇о ‘‘згагодтаасам̣ ад̇игганд̇омхи, ан̃н̃з д̇аяо сзсаа’’д̇и ж̇аанаад̇и, абарамби г̇аавуд̇амад̇д̇ам̣ г̇анд̇ваа нивад̇д̇ид̇ваа ологзнд̇о ‘‘д̣̇вз ад̇игганд̇омхи, д̣̇вз сзсаа’’д̇и ж̇аанаад̇и, абарамби г̇аавуд̇амад̇д̇ам̣ г̇анд̇ваа нивад̇д̇ид̇ваа ологзнд̇о ‘‘д̇аяо ад̇игганд̇омхи, зго сзсо’’д̇и ж̇аанаад̇и, д̇амби ад̇иггамма нивад̇д̇ид̇ваа ологзнд̇о ‘‘жад̇д̇аароби мз годтасаа ад̇игганд̇аа’’д̇и ж̇аанаад̇и, д̇ан̃жа гуллам̣ баад̣̇зна аггамид̇ваа сод̇аабхимукам̣ кибид̇ваа уд̇д̇арид̇ваа д̇ийрз д̇идтад̇и. звам̣ аяамби бхигку арияамаг̇г̇агуллам̣ ниссааяа гилзсан̣н̣авам̣ д̇аранд̇о сод̇аабад̇д̇имаг̇г̇зна батамамаг̇г̇аваж̇жхз гилзсз д̇арид̇ваа маг̇г̇аананд̇арз палз тид̇о бажжавзгкан̣ан̃аан̣зна нивад̇д̇ид̇ваа ологзнд̇о ‘‘жад̇умаг̇г̇аваж̇жхаанам̣ мз гилзсаанам̣ зго годтаасо бахийно , ид̇арз д̇аяо сзсаа’’д̇и ж̇аанаад̇и. буна д̇ат̇зва инд̣̇рияаб̣алаб̣ож̇жхан̇г̇аани самод̇хаанзд̇ваа сан̇каарз саммасанд̇о сагад̣̇ааг̇аамимаг̇г̇зна д̣̇уд̇ияамаг̇г̇аваж̇жхз гилзсз д̇арид̇ваа маг̇г̇аананд̇арз палз тид̇о бажжавзгкан̣ан̃аан̣зна нивад̇д̇ид̇ваа, ологзнд̇о ‘‘жад̇умаг̇г̇аваж̇жхаанам̣ мз гилзсаанам̣ д̣̇вз годтаасаа бахийнаа , ид̇арз д̣̇вз сзсаа’’д̇и ж̇аанаад̇и. буна д̇ат̇зва инд̣̇рияаб̣алаб̣ож̇жхан̇г̇аани самод̇хаанзд̇ваа сан̇каарз саммасанд̇о анааг̇аамимаг̇г̇зна д̇ад̇ияамаг̇г̇аваж̇жхз гилзсз д̇арид̇ваа маг̇г̇аананд̇арз палз тид̇о бажжавзгкан̣ан̃аан̣зна нивад̇д̇ид̇ваа ологзнд̇о ‘‘жад̇умаг̇г̇аваж̇жхаанам̣ мз гилзсаанам̣ д̇аяо годтаасаа бахийнаа, зго сзсо’’д̇и ж̇аанаад̇и. буна д̇ат̇зва инд̣̇рияаб̣алаб̣ож̇жхан̇г̇аани самод̇хаанзд̇ваа сан̇каарз саммасанд̇о арахад̇д̇амаг̇г̇зна жад̇уд̇т̇амаг̇г̇аваж̇жхз гилзсз д̇арид̇ваа маг̇г̇аананд̇арз палз тид̇о бажжавзгкан̣ан̃аан̣зна нивад̇д̇ид̇ваа ологзнд̇о ‘‘саб̣б̣агилзсаа мз бахийнаа’’д̇и ж̇аанаад̇и.
Yathā ca so puriso kullaṃ nissāya udakaṇṇavaṃ taranto gāvutamattaṃ gantvā nivattitvā olokento ‘‘ekakoṭṭhāsaṃ atikkantomhi, aññe tayo sesā’’ti jānāti, aparampi gāvutamattaṃ gantvā nivattitvā olokento ‘‘dve atikkantomhi, dve sesā’’ti jānāti, aparampi gāvutamattaṃ gantvā nivattitvā olokento ‘‘tayo atikkantomhi, eko seso’’ti jānāti, tampi atikkamma nivattitvā olokento ‘‘cattāropi me koṭṭhasā atikkantā’’ti jānāti, tañca kullaṃ pādena akkamitvā sotābhimukhaṃ khipitvā uttaritvā tīre tiṭṭhati. Evaṃ ayampi bhikkhu ariyamaggakullaṃ nissāya kilesaṇṇavaṃ taranto sotāpattimaggena paṭhamamaggavajjhe kilese taritvā maggānantare phale ṭhito paccavekkhaṇañāṇena nivattitvā olokento ‘‘catumaggavajjhānaṃ me kilesānaṃ eko koṭṭhāso pahīno , itare tayo sesā’’ti jānāti. Puna tatheva indriyabalabojjhaṅgāni samodhānetvā saṅkhāre sammasanto sakadāgāmimaggena dutiyamaggavajjhe kilese taritvā maggānantare phale ṭhito paccavekkhaṇañāṇena nivattitvā, olokento ‘‘catumaggavajjhānaṃ me kilesānaṃ dve koṭṭhāsā pahīnā , itare dve sesā’’ti jānāti. Puna tatheva indriyabalabojjhaṅgāni samodhānetvā saṅkhāre sammasanto anāgāmimaggena tatiyamaggavajjhe kilese taritvā maggānantare phale ṭhito paccavekkhaṇañāṇena nivattitvā olokento ‘‘catumaggavajjhānaṃ me kilesānaṃ tayo koṭṭhāsā pahīnā, eko seso’’ti jānāti. Puna tatheva indriyabalabojjhaṅgāni samodhānetvā saṅkhāre sammasanto arahattamaggena catutthamaggavajjhe kilese taritvā maggānantare phale ṭhito paccavekkhaṇañāṇena nivattitvā olokento ‘‘sabbakilesā me pahīnā’’ti jānāti.
яат̇аа со бурисо д̇ам̣ гуллам̣ сод̇з баваахзд̇ваа уд̇д̇арид̇ваа т̇алз тид̇о наг̇арам̣ бависид̇ваа убарибаасаад̣̇авараг̇ад̇о ‘‘зд̇д̇агзна вад̇амхи анад̇т̇зна муд̇д̇о’’д̇и згаг̇г̇ажид̇д̇о д̇удтамаанасо нисийд̣̇ад̇и, звам̣ д̇асмим̣язва ваа аасанз ан̃н̃зсу ваа рад̇д̇идтаанад̣̇иваадтаанаад̣̇ийсу яад̇т̇а гад̇т̇ажи нисинно ‘‘зд̇д̇агзна вад̇амхи анад̇т̇зна муд̇д̇о’’д̇и ниб̣б̣аанаарамман̣ам̣ паласамаабад̇д̇им̣ аббзд̇ваа згаг̇г̇ажид̇д̇о д̇удтамаанасо нисийд̣̇ад̇и. ид̣̇ам̣ ваа санд̇хааяа вуд̇д̇ам̣ д̇ин̣н̣о бааран̇г̇ад̇о т̇алз д̇идтад̇и б̣раахман̣од̇и ко, бхигкавз, арахад̇о зд̇ам̣ ад̇хиважананд̇и. звам̣ д̇аавзд̇т̇а наанаагаммадтаанаани гат̇ид̇аани, самод̇хаанзд̇ваа бана саб̣б̣ааниби згамзва гад̇ваа д̣̇ассзд̇аб̣б̣аани. згам̣ гад̇ваа д̣̇ассзнд̇знааби бан̃жагканд̇хавасзнзва винивад̇д̇зд̇аб̣б̣аани.
Yathā so puriso taṃ kullaṃ sote pavāhetvā uttaritvā thale ṭhito nagaraṃ pavisitvā uparipāsādavaragato ‘‘ettakena vatamhi anatthena mutto’’ti ekaggacitto tuṭṭhamānaso nisīdati, evaṃ tasmiṃyeva vā āsane aññesu vā rattiṭṭhānadivāṭṭhānādīsu yattha katthaci nisinno ‘‘ettakena vatamhi anatthena mutto’’ti nibbānārammaṇaṃ phalasamāpattiṃ appetvā ekaggacitto tuṭṭhamānaso nisīdati. Idaṃ vā sandhāya vuttaṃ tiṇṇo pāraṅgato thale tiṭṭhati brāhmaṇoti kho, bhikkhave, arahato etaṃ adhivacananti. Evaṃ tāvettha nānākammaṭṭhānāni kathitāni, samodhānetvā pana sabbānipi ekameva katvā dassetabbāni. Ekaṃ katvā dassentenāpi pañcakkhandhavaseneva vinivattetabbāni.
гат̇ам̣? зд̇т̇а хи жад̇д̇аари махаабхууд̇аани аж̇жхад̇д̇игаани бан̃жааяад̇анаани б̣аахираани бан̃жааяад̇анаани д̇хаммааяад̇анз баннараса сукумаруубаани саггааяасса згад̣̇зсод̇и аяам̣ руубагканд̇хо, манааяад̇анам̣ вин̃н̃аан̣агканд̇хо д̇хаммааяад̇анзгад̣̇зсо жад̇д̇ааро огхаа саггааязгад̣̇зсод̇и имз жад̇д̇ааро аруубино канд̇хаа. д̇ад̇т̇а руубагканд̇хо руубам̣, жад̇д̇ааро аруубино канд̇хаа нааманд̇и ид̣̇ам̣ наамаруубам̣. д̇асса нанд̣̇ийрааг̇о гаамогхо бхавогхо д̇хаммааяад̇анзгад̣̇зсо саггааязгад̣̇зсод̇и имз бажжаяаа. ид̇и саббажжаяам̣ наамаруубам̣ вавад̇т̇абзд̇и наама. саббажжаяам̣ наамаруубам̣ вавад̇т̇абзд̇ваа д̇илагкан̣ам̣ ааробзд̇ваа вибассанам̣ вад̣дхзд̇ваа сан̇каарз саммасанд̇о арахад̇д̇ам̣ баабун̣аад̇ийд̇и ид̣̇ам̣ згасса бхигкуно нияяаанамукам̣.
Kathaṃ? Ettha hi cattāri mahābhūtāni ajjhattikāni pañcāyatanāni bāhirāni pañcāyatanāni dhammāyatane pannarasa sukhumarūpāni sakkāyassa ekadesoti ayaṃ rūpakkhandho, manāyatanaṃ viññāṇakkhandho dhammāyatanekadeso cattāro oghā sakkāyekadesoti ime cattāro arūpino khandhā. Tattha rūpakkhandho rūpaṃ, cattāro arūpino khandhā nāmanti idaṃ nāmarūpaṃ. Tassa nandīrāgo kāmogho bhavogho dhammāyatanekadeso sakkāyekadesoti ime paccayā. Iti sappaccayaṃ nāmarūpaṃ vavatthapeti nāma. Sappaccayaṃ nāmarūpaṃ vavatthapetvā tilakkhaṇaṃ āropetvā vipassanaṃ vaḍḍhetvā saṅkhāre sammasanto arahattaṃ pāpuṇātīti idaṃ ekassa bhikkhuno niyyānamukhaṃ.
д̇ад̇т̇а жад̇д̇ааро махаабхууд̇аа бан̃жубаад̣̇аанагканд̇хаа аж̇жхад̇д̇игаб̣аахираани згаад̣̇асааяад̇анаани д̇хаммааяад̇анзгад̣̇зсо д̣̇идтогхо авиж̇ж̇огхо саггааязгад̣̇зсод̇и ид̣̇ам̣ д̣̇угкасажжам̣, нанд̣̇ийрааг̇о д̇хаммааяад̇анзгад̣̇зсо гаамогхо бхавогхо саггааязгад̣̇зсод̇и ид̣̇ам̣ самуд̣̇аяасажжам̣, бааримад̇ийрасан̇каад̇ам̣ ниб̣б̣аанам̣ нирод̇хасажжам̣, арияамаг̇г̇о маг̇г̇асажжам̣. д̇ад̇т̇а д̣̇вз сажжаани ваддам̣, д̣̇вз виваддам̣, д̣̇вз логияаани, д̣̇вз логуд̇д̇араанийд̇и жад̇д̇аари сажжаани сол̣асахаагаарзхи садтинаяасахассзхи вибхаж̇ид̇ваа д̣̇ассзд̇аб̣б̣аанийд̇и. д̣̇зсанаабарияосаанз вибан̃жид̇ан̃н̃уу бан̃жасад̇аа бхигкуу арахад̇д̇з бад̇идтахим̣су. суд̇д̇ам̣ бана д̣̇угкалагкан̣авасзна гат̇ид̇ам̣.
Tattha cattāro mahābhūtā pañcupādānakkhandhā ajjhattikabāhirāni ekādasāyatanāni dhammāyatanekadeso diṭṭhogho avijjogho sakkāyekadesoti idaṃ dukkhasaccaṃ, nandīrāgo dhammāyatanekadeso kāmogho bhavogho sakkāyekadesoti idaṃ samudayasaccaṃ, pārimatīrasaṅkhātaṃ nibbānaṃ nirodhasaccaṃ, ariyamaggo maggasaccaṃ. Tattha dve saccāni vaṭṭaṃ, dve vivaṭṭaṃ, dve lokiyāni, dve lokuttarānīti cattāri saccāni soḷasahākārehi saṭṭhinayasahassehi vibhajitvā dassetabbānīti. Desanāpariyosāne vipañcitaññū pañcasatā bhikkhū arahatte patiṭṭhahiṃsu. Suttaṃ pana dukkhalakkhaṇavasena kathitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. аасийвисобамасуд̇д̇ам̣ • 1. Āsīvisopamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. аасийвисобамасуд̇д̇аван̣н̣анаа • 1. Āsīvisopamasuttavaṇṇanā
