| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
19. аасийвисаваг̇г̇о
19. Āsīvisavaggo
1. аасийвисобамасуд̇д̇аван̣н̣анаа
1. Āsīvisopamasuttavaṇṇanā
238. яз бхигкуу д̇ад̣̇аа бхаг̇аванд̇ам̣ бариваарзд̇ваа нисиннаа, д̇зсу гзжи згавихаарино, гзжи ад̇д̇ад̣̇уд̇ияаа, гзжи ад̇д̇ад̇ад̇ияаа, гзжи ад̇д̇ажад̇уд̇т̇аа, гзжи ад̇д̇абан̃жамаа худ̇ваа аран̃н̃ааяад̇анзсу вихаранд̇ийд̇и вуд̇д̇ам̣ – ‘‘згажаарига…бз… бан̃жажааригз’’д̇и. самаанаж̇жхаасаяад̇аа сабхааг̇авуд̇д̇ино. гаммадтаанаануяун̃ж̇анасса гаарагз. д̇ад̇о зва д̇ад̇т̇а яуд̇д̇абаяуд̇д̇з. буг̇г̇алаж̇жхаасаязна гааран̣абхууд̇зна. бажжаяабхууд̇анд̇и абассаяабхууд̇ам̣. ‘‘сзяяат̇ааби, бхигкавз’’д̇и аарабхид̇ваа яаава ‘‘д̇ин̣н̣о бааран̇г̇ад̇о т̇алз д̇идтад̇и б̣раахман̣о’’д̇и аяам̣ маад̇игаанигкзбо. д̇зсам̣ маад̇игааяа вид̇т̇аарабхааж̇анам̣. ваасанаа бхависсад̇ийд̇и ваасанаавахам̣ бхависсад̇и. синзрум̣ угкибанд̇о вияаад̇иаад̣̇и имиссаа д̣̇зсанааяа анан̃н̃асаад̇хааран̣ад̇ааяа суд̣̇уггарабхаавад̣̇ассанам̣.
238. Ye bhikkhū tadā bhagavantaṃ parivāretvā nisinnā, tesu keci ekavihārino, keci attadutiyā, keci attatatiyā, keci attacatutthā, keci attapañcamā hutvā araññāyatanesu viharantīti vuttaṃ – ‘‘ekacārika…pe… pañcacārike’’ti. Samānajjhāsayatā sabhāgavuttino. Kammaṭṭhānānuyuñjanassa kārake. Tato eva tattha yuttapayutte. Puggalajjhāsayena kāraṇabhūtena. Paccayabhūtanti apassayabhūtaṃ. ‘‘Seyyathāpi, bhikkhave’’ti ārabhitvā yāva ‘‘tiṇṇo pāraṅgato thale tiṭṭhati brāhmaṇo’’ti ayaṃ mātikānikkhepo. Tesaṃ mātikāya vitthārabhājanaṃ. Vāsanā bhavissatīti vāsanāvahaṃ bhavissati. Sineruṃ ukkhipanto viyātiādi imissā desanāya anaññasādhāraṇatāya sudukkarabhāvadassanaṃ.
ман̃жадтзсу ман̃жасаман̃н̃аа вияа мукадтам̣ висам̣ ‘‘мука’’нд̇и ад̇хиббзд̇ам̣. сугкагадтасад̣̇исабхааваабаад̣̇анад̇о ‘‘гадта’’нд̇и вужжад̇ийд̇и гадтам̣ мукам̣ зд̇ассаад̇и гадтамуко, д̣̇ам̣санаад̣̇инаа гадтасад̣̇исабхаавагаро саббо. ат̇а ваа гадтасад̣̇исабхааваабаад̣̇анад̇о гадтам̣ висам̣ ваа мукз зд̇ассаад̇и гадтамуко. иминаа наязна сзсабад̣̇зсуби ад̇т̇о взд̣̇ид̇аб̣б̣о. имз жад̇д̇аарод̇и имз висагижжабхзд̣̇зна жад̇д̇ааро. ид̣̇аани д̇ам̣ нзсам̣ висагижжабхзд̣̇ам̣ д̣̇ассзд̇ум̣ ‘‘д̇зсуу’’д̇иаад̣̇и вуд̇д̇ам̣. аяасууласамаббид̇ам̣ вияаад̇и аб̣бханд̇арз аяасуулам̣ ануббавзсид̇ам̣ вияа. баггабууд̇ибанасам̣ вияаад̇и бажжид̇ваа гаалаад̇иггамз гут̇ид̇абанасапалам̣ вияа. жан̇г̇аваарзд̇и раж̇агаанам̣ каарабариссааванз сураабариссааванз ваа. анавасзсам̣ чиж̇ж̇анзна асанибаад̇адтаанам̣ вияа. махааникаад̣̇анзнаад̇и маханд̇зна никаад̣̇анзна.
Mañcaṭṭhesu mañcasamaññā viya mukhaṭṭhaṃ visaṃ ‘‘mukha’’nti adhippetaṃ. Sukkhakaṭṭhasadisabhāvāpādanato ‘‘kaṭṭha’’nti vuccatīti kaṭṭhaṃ mukhaṃ etassāti kaṭṭhamukho, daṃsanādinā kaṭṭhasadisabhāvakaro sappo. Atha vā kaṭṭhasadisabhāvāpādanato kaṭṭhaṃ visaṃ vā mukhe etassāti kaṭṭhamukho. Iminā nayena sesapadesupi attho veditabbo. Ime cattāroti ime visakiccabhedena cattāro. Idāni taṃ nesaṃ visakiccabhedaṃ dassetuṃ ‘‘tesū’’tiādi vuttaṃ. Ayasūlasamappitaṃ viyāti abbhantare ayasūlaṃ anuppavesitaṃ viya. Pakkapūtipanasaṃ viyāti paccitvā kālātikkame kuthitapanasaphalaṃ viya. Caṅgavāreti rajakānaṃ khāraparissāvane surāparissāvane vā. Anavasesaṃ chijjanena asanipātaṭṭhānaṃ viya. Mahānikhādanenāti mahantena nikhādanena.
висавзг̇авигаарзнаад̇и висавзг̇аг̇ад̇зна вигаарзна. ваад̇знаад̇и д̇асса саббасса сарийрам̣ пусид̇ваа уг̇г̇ад̇аваад̇зна. наасаваад̇з бана вад̇д̇аб̣б̣амзва над̇т̇и. буг̇г̇алабан̣н̣ад̇д̇ивасзнаад̇и д̇зсам̣язва сол̣асаннам̣ саббаанам̣ ааг̇ад̇ависод̇иаад̣̇ибуг̇г̇аланаамасса васзна жад̇усадти хонд̇и бажжзгам̣ жад̇уб̣б̣ид̇хабхаавад̇о. ааг̇ад̇ависод̇и ааг̇ажчависо, сийгхад̇арам̣ абхируханависод̇и ад̇т̇о. гхорависод̇и гагкал̣ависо, д̣̇уд̇д̇игижчависо. аяам̣ сийд̇ауд̣̇агам̣ вияа ход̇и г̇аал̣хад̣̇уб̣б̣инимможаяабхаавзна. уд̣̇агасаббо хи гхорависо ход̇и язваад̇и вуд̇д̇ам̣ – ‘‘уд̣̇агасаббаад̣̇ийнам̣ висам̣ вияаа’’д̇и. бан̃н̃ааяад̇ийд̇и г̇ан̣д̣абил̣агаад̣̇ивасзна бан̃н̃ааяад̇и. анзл̣агасаббо наама махаааасийвисо. нийласаббо наама саакаван̣н̣о ругкаг̇г̇аад̣̇ийсу вижаран̣агасаббо. иминаа убааязнаад̇и яояам̣ гадтамукзсу д̣̇адтависаанам̣язва ‘‘ааг̇ад̇ависо но гхорависо’’д̇иаад̣̇инаа жад̇уб̣б̣ид̇хабхааво вуд̇д̇о, иминаа убааязна. гадтамукз д̣̇адтависаад̣̇аяод̇и гадтамукзсу д̣̇адтависо, пудтависо, ваад̇авибход̇и д̇аяо, бууд̇имукаад̣̇ийсу жа д̣̇адтависаад̣̇аяо жад̇д̇ааро жад̇д̇ааро взд̣̇ид̇аб̣б̣о.
Visavegavikārenāti visavegagatena vikārena. Vātenāti tassa sappassa sarīraṃ phusitvā uggatavātena. Nāsavāte pana vattabbameva natthi. Puggalapaṇṇattivasenāti tesaṃyeva soḷasannaṃ sappānaṃ āgatavisotiādipuggalanāmassa vasena catusaṭṭhi honti paccekaṃ catubbidhabhāvato. Āgatavisoti āgacchaviso, sīghataraṃ abhiruhanavisoti attho. Ghoravisoti kakkhaḷaviso, duttikicchaviso. Ayaṃ sītaudakaṃ viya hoti gāḷhadubbinimmocayabhāvena. Udakasappo hi ghoraviso hoti yevāti vuttaṃ – ‘‘udakasappādīnaṃ visaṃ viyā’’ti. Paññāyatīti gaṇḍapiḷakādivasena paññāyati. Aneḷakasappo nāma mahāāsīviso. Nīlasappo nāma sākhavaṇṇo rukkhaggādīsu vicaraṇakasappo. Iminā upāyenāti yoyaṃ kaṭṭhamukhesu daṭṭhavisānaṃyeva ‘‘āgataviso no ghoraviso’’tiādinā catubbidhabhāvo vutto, iminā upāyena. Kaṭṭhamukhe daṭṭhavisādayoti kaṭṭhamukhesu daṭṭhaviso, phuṭṭhaviso, vātavibhoti tayo, pūtimukhādīsu ca daṭṭhavisādayo cattāro cattāro veditabbo.
згзганд̇и жад̇усадтияо згзгам̣. жад̇уд̇хаад̇и ан̣д̣аж̇аад̣̇ивибхааг̇зна жад̇уд̇хаа вибхаж̇ид̇ваа. чабан̣н̣аасаанийд̇и чабан̣н̣аасаад̇хигаани. г̇ад̇амаг̇г̇ассаад̇и яат̇аавуд̇д̇асан̇кяааг̇ад̇амаг̇г̇асса бадиломад̇о сам̣киббамаанаа ануггамзна жад̇д̇аарова хонд̇и. гулавасзнаад̇и гадтамукаад̣̇иж̇аад̇ивасзна.
Ekekanti catusaṭṭhiyo ekekaṃ. Catudhāti aṇḍajādivibhāgena catudhā vibhajitvā. Chapaṇṇāsānīti chapaṇṇāsādhikāni. Gatamaggassāti yathāvuttasaṅkhyāgatamaggassa paṭilomato saṃkhippamānā anukkamena cattārova honti. Kulavasenāti kaṭṭhamukhādijātivasena.
сагалагааяз аасин̃жид̇ваа вияа табид̇ависаад̇и хи д̇зсам̣ пудтависад̇аа, ваад̇ависад̇аа вужжад̇и. званд̇и ‘‘аасид̇д̇ависаа’’д̇иаад̣̇инаа. зд̇т̇аад̇и аасийвисасад̣̇д̣̇з важанад̇т̇о нируд̇д̇инаязна взд̣̇ид̇аб̣б̣о. уг̇г̇ад̇ад̇зж̇аад̇и уд̣̇аг̇г̇ад̇зж̇аа, ад̇д̇ано висад̇зж̇зна нзсам̣ гуруурад̣̇аб̣б̣ад̇аа ваа. д̣̇унниммад̣̇д̣̇анависаад̇и манд̇ааг̇ад̣̇зхи аниммад̣̇д̣̇анийяависаа. жад̇д̇ааро аасийвисаад̇и зд̇т̇а ид̇и-сад̣̇д̣̇о аад̣̇иад̇т̇о. д̇знзд̇т̇а авасзсабаал̣им̣ сан̇г̇ан̣хаад̇и.
Sakalakāye āsiñcitvā viya ṭhapitavisāti hi tesaṃ phuṭṭhavisatā, vātavisatā vuccati. Evanti ‘‘āsittavisā’’tiādinā. Etthāti āsīvisasadde vacanattho niruttinayena veditabbo. Uggatatejāti udaggatejā, attano visatejena nesaṃ kurūradabbatā vā. Dunnimmaddanavisāti mantāgadehi animmaddanīyavisā. Cattāro āsīvisāti ettha iti-saddo ādiattho. Tenettha avasesapāḷiṃ saṅgaṇhāti.
аасийвисзсууд̇и имз аасийвисаа д̣̇адтависаа зваад̇и взд̣̇ид̇аб̣б̣аа. сарийрадтагзсуязваад̇и д̇зна бурисзна д̇зсам̣ гассажи анидтасса агад̇ад̇д̇аа ааяусзсасса жа виж̇ж̇амаанад̇д̇аа нам̣ на д̣̇ам̣сим̣сууд̇и д̣̇адтаб̣б̣ам̣. бужчи яат̇аабхууд̇ам̣ бавзд̣̇зд̇угаамо. д̣̇урубадтаахаад̇и д̣̇урубадтаанаа. сод̇т̇имаг̇г̇од̇и сод̇т̇ибхаавасса убааяо.
Āsīvisesūti ime āsīvisā daṭṭhavisā evāti veditabbā. Sarīraṭṭhakesuyevāti tena purisena tesaṃ kassaci aniṭṭhassa akatattā āyusesassa ca vijjamānattā naṃ na daṃsiṃsūti daṭṭhabbaṃ. Pucchi yathābhūtaṃ pavedetukāmo. Durupaṭṭhāhāti durupaṭṭhānā. Sotthimaggoti sotthibhāvassa upāyo.
анд̇аражарод̇и анд̇арам̣ жаро сукасад̇д̇у виссаасагхаад̇ий. д̇знааха ‘‘вад̇хаго’’д̇и. ид̣̇аани д̇аасам̣ бзсанз гааран̣ам̣ д̣̇ассзд̇ум̣ ‘‘батама’’нд̇иаад̣̇и вуд̇д̇ам̣. абхимукаг̇ад̇ам̣ вияа абхимукаг̇ад̇ам̣. ийд̣̇исийби хи важояуд̇д̇и логз нируубийяад̇и санд̇ияам̣ бурисам̣ табзд̇ийд̇и вияа. д̇асмаа абхимукаг̇ад̇анд̇и абхимукам̣ д̇зна самбад̇д̇анд̇и ад̇т̇о. ван̇гасан̣таанам̣ палагам̣ ругкамуулз ааг̇ад̇ааг̇ад̇аанам̣ нисийд̣̇анад̇т̇ааяа ад̇т̇ад̇ам̣.
Antaracaroti antaraṃ caro sukhasattu vissāsaghātī. Tenāha ‘‘vadhako’’ti. Idāni tāsaṃ pesane kāraṇaṃ dassetuṃ ‘‘paṭhama’’ntiādi vuttaṃ. Abhimukhagataṃ viya abhimukhagataṃ. Īdisīpi hi vacoyutti loke nirūpīyati santiyaṃ purisaṃ ṭhapetīti viya. Tasmā abhimukhagatanti abhimukhaṃ tena sampattanti attho. Vaṅkasaṇṭhānaṃ phalakaṃ rukkhamūle āgatāgatānaṃ nisīdanatthāya atthataṃ.
арид̇д̇ахад̇т̇о бурисо санд̇аарзд̇и зд̇ааяаад̇и санд̇ааран̣ий. оримад̇ийрад̇о уд̇д̇аран̣ааяа сзд̇у уд̇д̇арасзд̇у. згзна д̣̇вийхи ваа г̇анд̇аб̣б̣о ругкамаяо сзд̇у ругкасзд̇у. ж̇ан̇гхасад̇т̇зна г̇аманаяог̇г̇о сзд̇у ж̇ан̇гхасзд̇у. сагадзна г̇анд̇ум̣ саггун̣зяяо сагадасзд̇у. на ко зса б̣раахман̣о барамад̇т̇ад̇о. д̇ад̣̇ад̇т̇о бана згад̣̇зсзна самбхавад̇ийд̇и д̇ат̇аа вуд̇д̇анд̇и д̣̇ассзнд̇о ‘‘зд̇д̇агаанам̣ бажжад̇т̇игаанам̣ б̣аахид̇ад̇д̇аа’’д̇и ааха. д̣̇зсананд̇и уд̣̇д̣̇зсад̣̇зсанам̣. винивад̇д̇знд̇од̇и бадисам̣харанд̇о. на лад̣̇д̇хо вад̇аасийд̇и на лад̣̇д̇хо вад̇а ааси.
Arittahattho puriso santāreti etāyāti santāraṇī. Orimatīrato uttaraṇāya setu uttarasetu. Ekena dvīhi vā gantabbo rukkhamayo setu rukkhasetu. Jaṅghasatthena gamanayoggo setu jaṅghasetu. Sakaṭena gantuṃ sakkuṇeyyo sakaṭasetu. Na kho esa brāhmaṇo paramatthato. Tadattho pana ekadesena sambhavatīti tathā vuttanti dassento ‘‘ettakānaṃ paccatthikānaṃ bāhitattā’’ti āha. Desananti uddesadesanaṃ. Vinivattentoti paṭisaṃharanto. Na laddho vatāsīti na laddho vata āsi.
рааж̇аа вияа гаммам̣ сад̇д̇зсу иссарияасса вад̇д̇аабанад̇о. рааж̇аа…бз… бут̇уж̇ж̇ано ваддад̣̇угкасан̇каад̇аабараад̇хад̇ааяа. н̃аан̣абалааяанзнаад̇и махаабхууд̇зхи ниб̣б̣инд̣̇ид̇ваа вираж̇ж̇ид̇ваа вимужжид̇угаамад̇аавасзна уббаннан̃аан̣абалааяанз маг̇г̇аад̇хиг̇амасид̣̇д̇хзнзва н̃аан̣абалааяанзна. зван̃хзд̇т̇а убамаасам̣санд̣̇анам̣ мад̇т̇агам̣ баабид̇амзва ход̇и.
Rājā viya kammaṃ sattesu issariyassa vattāpanato. Rājā…pe… puthujjano vaṭṭadukkhasaṅkhātāparādhatāya. Ñāṇapalāyanenāti mahābhūtehi nibbinditvā virajjitvā vimuccitukāmatāvasena uppannañāṇapalāyane maggādhigamasiddheneva ñāṇapalāyanena. Evañhettha upamāsaṃsandanaṃ matthakaṃ pāpitameva hoti.
яат̇зва хийд̇иаад̣̇инаа згад̣̇зсанаасамуд̣̇ааяасса нид̣̇ассанам̣ аарад̣̇д̇хам̣. яат̇аавуд̇д̇аважанам̣ адтагат̇аажарияаанам̣ важанзна самад̇т̇зд̇и ‘‘бад̇т̇ад̣̇д̇хо бхавад̇ий’’д̇иаад̣̇инаа. д̇ад̇т̇а гадтамукзна ваад̇и ваа-сад̣̇д̣̇о убамад̇т̇о. яат̇аа гадтамукзна саббзна д̣̇адто бад̇т̇ад̣̇д̇хо ход̇и, звам̣ бат̇авийд̇хаад̇уббагобзна со гааяо гадтамукзва ход̇и, гадтамукаг̇ад̇о вияа бад̇т̇ад̣̇д̇хо ход̇ийд̇и ад̇т̇о. ат̇а ваа ваа-сад̣̇д̣̇о авад̇хааран̣ад̇т̇о. со ‘‘бат̇авийд̇хаад̇убагобзна ваа’’д̇и звам̣ аанзд̇ваа самб̣анд̇хид̇аб̣б̣о. аяан̃хзд̇т̇а ад̇т̇о – гадтамукзна д̣̇адтоби гааяо бат̇авийд̇хаад̇уббагобзнзва бад̇т̇ад̣̇д̇хо ход̇и, д̇асмаа бат̇авийд̇хаад̇уяаа авияуд̇д̇о со гааяо саб̣б̣ад̣̇аа гадтамукаг̇ад̇о вияа ход̇ийд̇и. ваа-сад̣̇д̣̇о ваа анияамад̇т̇о. д̇ад̇рааяамад̇т̇о – гадтамукзна д̣̇адто гааяо бад̇т̇ад̣̇д̇хо ход̇и ваа, на ваа манд̇ааг̇ад̣̇авасзна. бат̇авийд̇хаад̇уббагобзна бана манд̇ааг̇ад̣̇арахид̇о со гааяо гадтамукаг̇ад̇о вияа ход̇и зганд̇абад̇т̇ад̣̇д̇ход̇и. д̇ад̇т̇а гааяод̇и багад̇игааяо. бууд̇игод̇и гут̇ид̇о. санд̇ад̇д̇од̇и саб̣б̣асо д̇ад̇д̇о махаад̣̇аахаббад̇д̇о. сан̃чиннод̇и саб̣б̣асо чинно жун̣н̣авижун̣н̣абхууд̇о. яад̣̇аа гааяо бад̇т̇ад̣̇д̇хаад̣̇ибхааваббад̇д̇о ход̇и, д̇ад̣̇аа бурисо гадтамукаад̣̇исаббасса мукз вад̇д̇амаано вияа ход̇ийд̇и ад̇т̇о.
Yatheva hītiādinā ekadesanāsamudāyassa nidassanaṃ āraddhaṃ. Yathāvuttavacanaṃ aṭṭhakathācariyānaṃ vacanena samattheti ‘‘patthaddho bhavatī’’tiādinā. Tattha kaṭṭhamukhena vāti vā-saddo upamattho. Yathā kaṭṭhamukhena sappena daṭṭho patthaddho hoti, evaṃ pathavīdhātuppakopena so kāyo kaṭṭhamukheva hoti, kaṭṭhamukhagato viya patthaddho hotīti attho. Atha vā vā-saddo avadhāraṇattho. So ‘‘pathavīdhātupakopena vā’’ti evaṃ ānetvā sambandhitabbo. Ayañhettha attho – kaṭṭhamukhena daṭṭhopi kāyo pathavīdhātuppakopeneva patthaddho hoti, tasmā pathavīdhātuyā aviyutto so kāyo sabbadā kaṭṭhamukhagato viya hotīti. Vā-saddo vā aniyamattho. Tatrāyamattho – kaṭṭhamukhena daṭṭho kāyo patthaddho hoti vā, na vā mantāgadavasena. Pathavīdhātuppakopena pana mantāgadarahito so kāyo kaṭṭhamukhagato viya hoti ekantapatthaddhoti. Tattha kāyoti pakatikāyo. Pūtikoti kuthito. Santattoti sabbaso tatto mahādāhappatto. Sañchinnoti sabbaso chinno cuṇṇavicuṇṇabhūto. Yadā kāyo patthaddhādibhāvappatto hoti, tadā puriso kaṭṭhamukhādisappassa mukhe vattamāno viya hotīti attho.
висзсад̇од̇и гадтамукаад̣̇ивисзсад̇о жа бат̇авийаад̣̇ивисзсад̇о жа. анад̇т̇аг̇г̇ахан̣ад̇од̇иаад̣̇и ажзд̇анзсуби бхууд̇зсу сажзд̇анзсу вияа анад̇т̇аад̣̇ийнам̣ бажжагкад̇ааяа ниб̣б̣зд̣̇аж̇ананад̇т̇ам̣ аарад̣̇д̇хам̣. д̇ад̇т̇а аасаяад̇од̇и бавад̇д̇идтаанад̇о. зд̇зсанд̇и махаабхууд̇аанам̣. сад̣̇исад̇аад̇и ваммигаасаяасусираг̇аханасан̇гаарадтаанаасаяад̇ааяа жа сад̣̇исад̇аа.
Visesatoti kaṭṭhamukhādivisesato ca pathavīādivisesato ca. Anatthaggahaṇatotiādi acetanesupi bhūtesu sacetanesu viya anatthādīnaṃ paccakkhatāya nibbedajananatthaṃ āraddhaṃ. Tattha āsayatoti pavattiṭṭhānato. Etesanti mahābhūtānaṃ. Sadisatāti vammikāsayasusiragahanasaṅkāraṭṭhānāsayatāya ca sadisatā.
бажжад̇д̇алагкан̣авасзнаад̇и висум̣ висум̣ лагкан̣авасзна. бат̇авийаад̣̇ийнам̣ гагкал̣абхааваад̣̇и, д̇ам̣саман̇г̇ино буг̇г̇аласса гагкал̣абхааваабаад̣̇анаад̣̇инаа вигааруббаад̣̇анад̇о висавзг̇авигаарад̇о сад̣̇исад̇аа взд̣̇ид̇аб̣б̣аа.
Paccattalakkhaṇavasenāti visuṃ visuṃ lakkhaṇavasena. Pathavīādīnaṃ kakkhaḷabhāvādi, taṃsamaṅgino puggalassa kakkhaḷabhāvāpādanādinā vikāruppādanato visavegavikārato sadisatā veditabbā.
анад̇т̇аад̇и б̣яасанаа. б̣яаад̇хинд̇и гудтаад̣̇иб̣яаад̇хим̣. бхавз ж̇аад̇аабхинанд̣̇инод̇и бхавзсу ж̇аад̇ияаа абхинанд̣̇анасийлаа. бан̃жавогаарз хи ж̇аад̇ияаа абхинанд̣̇анаа наама махаабхууд̇аабхинанд̣̇анаа зва.
Anatthāti byasanā. Byādhinti kuṭṭhādibyādhiṃ. Bhave jātābhinandinoti bhavesu jātiyā abhinandanasīlā. Pañcavokāre hi jātiyā abhinandanā nāma mahābhūtābhinandanā eva.
д̣̇урубадтаанад̇араанийд̇и д̣̇уббадигаарад̇араани. д̣̇ураасад̣̇аад̇и д̣̇урубасан̇гаманаа. ‘‘убадтаамий’’д̇и убасан̇гамид̇ум̣ на саггонд̇и. бариж̇аанаама гамманаамаани, убагаараа наама над̇т̇и. ананд̇ад̣̇осуубад̣̇д̣̇авад̇од̇и абаримаан̣ад̣̇осуубад̣̇д̣̇авахзд̇уд̇о. згабагкаланд̇и згад̣̇угкам̣.
Durupaṭṭhānatarānīti duppaṭikāratarāni. Durāsadāti durupasaṅkamanā. ‘‘Upaṭṭhāmī’’ti upasaṅkamituṃ na sakkonti. Parijānāma kammanāmāni, upakārā nāma natthi. Anantadosūpaddavatoti aparimāṇadosūpaddavahetuto. Ekapakkhalanti ekadukkhaṃ.
руубагканд̇хо бхиж̇ж̇амаано жад̇д̇ааро аруубагканд̇хз г̇ахзд̇ваава бхиж̇ж̇ад̇и аруубагканд̇хаанам̣ зганирод̇хад̇д̇аа. вад̇т̇уруубамби г̇ахзд̇ваава бхиж̇ж̇анд̇и бан̃жавогаарз аруубагканд̇хзсу бхиннзсу руубагканд̇хасса авадтаанаабхаавад̇о. зд̇д̇аавад̇аад̇и лобхуббаад̣̇анамад̇д̇зна. бан̃н̃аа наама ад̇д̇абхаавз уд̇д̇аман̇г̇ам̣ бан̃н̃уд̇д̇арад̇д̇аа гусалад̇хаммаанам̣, сад̇и жа гилзсуббад̇д̇ияам̣ бан̃н̃ааяа ануббаж̇ж̇анад̇о вуд̇д̇ам̣ – ‘‘зд̇д̇аавад̇аа бан̃н̃аасийсам̣ бад̇ид̇ам̣ наама ход̇ий’’д̇и. яонияо убанзд̇и д̇ад̣̇убаг̇асса гаммабажжаяасса бхаавз. ‘‘ж̇аад̇ибхаяам̣, ж̇араабхаяам̣, маран̣абхаяам̣, жорабхаяа’’нд̇иаад̣̇инаа ааг̇ад̇аани бан̃жавийсад̇и махаабхаяаани, ‘‘хад̇т̇амби чинд̣̇ад̇ий’’д̇иаад̣̇инаа ааг̇ад̇аани д̣̇вад̇д̇им̣са гаммагааран̣аани ааг̇ад̇аанзва хонд̇и гааран̣асса самавадтид̇ад̇д̇аа. нанд̣̇ийрааг̇о сан̇каарагканд̇ход̇и сан̇каарагканд̇хабарияаабаннад̇д̇аа вуд̇д̇ам̣.
Rūpakkhandhobhijjamāno cattāro arūpakkhandhe gahetvāva bhijjati arūpakkhandhānaṃ ekanirodhattā. Vatthurūpampi gahetvāva bhijjanti pañcavokāre arūpakkhandhesu bhinnesu rūpakkhandhassa avaṭṭhānābhāvato. Ettāvatāti lobhuppādanamattena. Paññā nāma attabhāve uttamaṅgaṃ paññuttarattā kusaladhammānaṃ, sati ca kilesuppattiyaṃ paññāya anuppajjanato vuttaṃ – ‘‘ettāvatā paññāsīsaṃ patitaṃ nāma hotī’’ti. Yoniyo upaneti tadupagassa kammapaccayassa bhāve. ‘‘Jātibhayaṃ, jarābhayaṃ, maraṇabhayaṃ, corabhaya’’ntiādinā āgatāni pañcavīsati mahābhayāni, ‘‘hatthampi chindatī’’tiādinā āgatāni dvattiṃsa kammakāraṇāni āgatāneva honti kāraṇassa samavaṭṭhitattā. Nandīrāgo saṅkhārakkhandhoti saṅkhārakkhandhapariyāpannattā vuttaṃ.
баал̣ияам̣язва ааг̇ад̇аа ‘‘жагкуд̇о жзби нам̣, бхигкавз’’д̇иаад̣̇инаа. гин̃жи алабхид̇ваад̇и д̇асмим̣ сун̃н̃аг̇аамз жораанам̣ г̇аяхуубаг̇асса алаабхаважанзнзва д̇асса бурисасса ад̇д̇ано бадисаран̣асса алаабхо вуд̇д̇о зва ход̇ийд̇и на уд̣̇д̇хадо, бурисадтаанияо бхигку, жораа бана б̣аахирааяад̇анадтаанияаа. абхинивисид̇ваад̇и вибассанаабхинивзсам̣ гад̇ваа. аж̇жхад̇д̇игааяад̇анавасзна д̣̇зсанааяа ааг̇ад̇ад̇д̇аа вуд̇д̇ам̣ ‘‘убаад̣̇ааруубагаммадтаанавасзнаа’’д̇и.
Pāḷiyaṃyeva āgatā ‘‘cakkhuto cepi naṃ, bhikkhave’’tiādinā. Kiñci alabhitvāti tasmiṃ suññagāme corānaṃ gayhūpagassa alābhavacaneneva tassa purisassa attano paṭisaraṇassa alābho vutto eva hotīti na uddhaṭo, purisaṭṭhāniyo bhikkhu, corā pana bāhirāyatanaṭṭhāniyā. Abhinivisitvāti vipassanābhinivesaṃ katvā. Ajjhattikāyatanavasena desanāya āgatattā vuttaṃ ‘‘upādārūpakammaṭṭhānavasenā’’ti.
б̣аахираананд̇и б̣аахирааяад̇анаанам̣. бан̃жа гижжаанийд̇и жорзхи д̇ад̣̇аа гаад̇аб̣б̣аани бан̃жа гижжаани. хад̇т̇асааранд̇и ад̇д̇ано санд̇агз хад̇т̇зхи г̇ахзд̇аб̣б̣асаарабхан̣д̣ам̣. баад̇анаад̣̇ивасзна хад̇т̇абараамаасам̣ гаронд̇и. бахааратаанзд̇и бахададтаанз. таанасо д̇асмим̣ зва кан̣зд̇и вад̣̇анд̇и. ад̇д̇ано сукаавахам̣ гусалад̇хаммам̣ бахааяа д̣̇угкаавахзна агусалзна саман̇г̇ид̇аа сукаавахам̣ бхан̣д̣ам̣ бахааяа б̣ахи нигкаманам̣ вияаад̇и вуд̇д̇ам̣ суканиссаяад̇д̇аа д̇асса. хад̇т̇абараа…бз… аабаж̇ж̇анагаало г̇ун̣асарийрасса д̇ад̣̇аа бамаад̣̇зна б̣аад̇хид̇ад̇д̇аа. бахаара…бз… гаало д̇ад̇о д̣̇ал̣хад̇арам̣ г̇ун̣асарийрасса б̣аад̇хид̇ад̇д̇аа. бахаарам̣…бз… ассаман̣агаало г̇ун̣асарийрасса маран̣аббад̇д̇исад̣̇исад̇д̇аа. авасзсаж̇анасса д̣̇аасабарибхог̇зна барибхун̃ж̇ид̇аб̣б̣ад̇аа ан̃н̃ат̇ад̇д̇аббад̇д̇иг̇ихибхааваабад̇д̇ияаа нид̣̇ассанабхаавзна вуд̇д̇аа. яам̣ ‘‘часу д̣̇ваарзсу аарамман̣з аабаат̇аг̇ад̇з’’д̇и вуд̇д̇ам̣, д̇амзва аарамман̣ам̣ ниссааяа самбарааяиго д̣̇угкагканд̇хо взд̣̇ид̇аб̣б̣од̇и яож̇анаа.
Bāhirānanti bāhirāyatanānaṃ. Pañca kiccānīti corehi tadā kātabbāni pañca kiccāni. Hatthasāranti attano santake hatthehi gahetabbasārabhaṇḍaṃ. Pātanādivasena hatthaparāmāsaṃ karonti. Pahāraṭhāneti pahaṭaṭṭhāne. Ṭhānaso tasmiṃ eva khaṇeti vadanti. Attano sukhāvahaṃ kusaladhammaṃ pahāya dukkhāvahena akusalena samaṅgitā sukhāvahaṃ bhaṇḍaṃ pahāya bahi nikkhamanaṃ viyāti vuttaṃ sukhanissayattā tassa. Hatthaparā…pe… āpajjanakālo guṇasarīrassa tadā pamādena bādhitattā. Pahāra…pe… kālo tato daḷhataraṃ guṇasarīrassa bādhitattā. Pahāraṃ…pe… assamaṇakālo guṇasarīrassa maraṇappattisadisattā. Avasesajanassa dāsaparibhogena paribhuñjitabbatā aññathattappattigihibhāvāpattiyā nidassanabhāvena vuttā. Yaṃ ‘‘chasu dvāresu ārammaṇe āpāthagate’’ti vuttaṃ, tameva ārammaṇaṃ nissāya samparāyiko dukkhakkhandho veditabboti yojanā.
руубаад̣̇ийнийд̇и руубасад̣̇д̣̇аг̇анд̇харасаани. д̇зсанд̇и яат̇аавуд̇д̇абхууд̇убаад̣̇ааруубаанам̣. лахуд̇аад̣̇ивасзнаад̇и д̇зсам̣ лахуд̇аад̣̇ивасзна. д̣̇уруд̇д̇аран̣адтод̇и уд̇д̇арид̇ум̣ асаггун̣зяяабхааво огхадто. вуд̇д̇анаязнаад̇и ‘‘самбаяуд̇д̇аа взд̣̇анаа взд̣̇анаагканд̇хо’’д̇иаад̣̇инаа вуд̇д̇анаязна. жад̇умахаабхууд̇аад̣̇ийхийд̇и аад̣̇исад̣̇д̣̇зна убаад̣̇аанагканд̇хаад̣̇ийнам̣ г̇ахан̣ам̣. жид̇д̇агирияад̣̇ассанад̇т̇анд̇и жид̇д̇абаяог̇ад̣̇ассанад̇т̇ам̣. вуд̇д̇авааяаамамзваад̇и ‘‘саммаавааяаамо’’д̇и яо арияамаг̇г̇з вуд̇д̇о. бхад̣̇д̣̇згарад̇д̇аад̣̇ийнийд̇и ‘‘аж̇ж̇зва гижжам̣ аад̇абба’’нд̇иаад̣̇инаа (ма. ни. 3.272, 275, 276) вуд̇д̇аани бхад̣̇д̣̇згарад̇д̇асуд̇д̇аад̣̇ийни.
Rūpādīnīti rūpasaddagandharasāni. Tesanti yathāvuttabhūtupādārūpānaṃ. Lahutādivasenāti tesaṃ lahutādivasena. Duruttaraṇaṭṭhoti uttarituṃ asakkuṇeyyabhāvo oghaṭṭho. Vuttanayenāti ‘‘sampayuttā vedanā vedanākkhandho’’tiādinā vuttanayena. Catumahābhūtādīhīti ādisaddena upādānakkhandhādīnaṃ gahaṇaṃ. Cittakiriyadassanatthanti cittapayogadassanatthaṃ. Vuttavāyāmamevāti ‘‘sammāvāyāmo’’ti yo ariyamagge vutto. Bhaddekarattādīnīti ‘‘ajjeva kiccaṃ ātappa’’ntiādinā (ma. ni. 3.272, 275, 276) vuttāni bhaddekarattasuttādīni.
гун̣табаад̣̇од̇и чиннабаад̣̇ова худ̇ваа г̇ад̇ивигало. маанасам̣ б̣анд̇хад̇ийд̇и д̇асмим̣ жид̇д̇з гижжам̣ ниб̣анд̇хад̇и. ‘‘аяам̣ арияамаг̇г̇о маяхам̣ огхуд̇д̇аранубааяо’’д̇и д̇ад̇т̇а жид̇д̇асса саннидтаанам̣ буна д̇ад̇т̇а бавад̇д̇анам̣ вийрияаарамбхо жид̇д̇аб̣анд̇ханам̣.
Kuṇṭhapādoti chinnapādova hutvā gativikalo. Mānasaṃ bandhatīti tasmiṃ citte kiccaṃ nibandhati. ‘‘Ayaṃ ariyamaggo mayhaṃ oghuttaranupāyo’’ti tattha cittassa sanniṭṭhānaṃ puna tattha pavattanaṃ vīriyārambho cittabandhanaṃ.
д̇асса наамаруубасса имз нанд̣̇ийрааг̇аад̣̇аяо д̇ан̣хаавиж̇ж̇аад̣̇аяод̇и гад̇ваа бажжаяо д̇хаммааяад̇анзгад̣̇зсо. арияамаг̇г̇аниб̣б̣аанад̇ан̣хааваж̇ж̇о ид̇ха д̇хаммааяад̇анзгад̣̇зсод̇и жа. сол̣асахаагаарзхийд̇и бийл̣анаад̣̇ийхи сол̣асахи аагаарзхи. сад̇ибадтаанавибхан̇г̇з ааг̇ад̇анаязна садтинаяасахассзхи. д̣̇зсанаабарияосаанз…бз… бад̇идтахим̣сууд̇и вибан̃жид̇ан̃н̃уу звзд̇т̇а г̇ахан̣авасзна ад̇хиг̇ад̇ависзсаа барижчинд̣̇ид̇аа. д̇з хи д̇ад̣̇аа д̇хаммабадиг̇г̇аахагабхаавзна сад̇т̇у санд̇игз саннисиннаа. уг̇гхадид̇ан̃н̃уунам̣ бана нзяяаанан̃жа висзсаад̇хиг̇амо адтагат̇ааяам̣ на рул̣ход̇и ид̇ха на г̇ахид̇од̇и.
Tassa nāmarūpassa ime nandīrāgādayo taṇhāvijjādayoti katvā paccayo dhammāyatanekadeso. Ariyamagganibbānataṇhāvajjo idha dhammāyatanekadesoti ca. Soḷasahākārehīti pīḷanādīhi soḷasahi ākārehi. Satipaṭṭhānavibhaṅge āgatanayena saṭṭhinayasahassehi. Desanāpariyosāne…pe… patiṭṭhahiṃsūti vipañcitaññū evettha gahaṇavasena adhigatavisesā paricchinditā. Te hi tadā dhammapaṭiggāhakabhāvena satthu santike sannisinnā. Ugghaṭitaññūnaṃ pana neyyānañca visesādhigamo aṭṭhakathāyaṃ na ruḷhoti idha na gahitoti.
аасийвисобамасуд̇д̇аван̣н̣анаа нидтид̇аа.
Āsīvisopamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. аасийвисобамасуд̇д̇ам̣ • 1. Āsīvisopamasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. аасийвисобамасуд̇д̇аван̣н̣анаа • 1. Āsīvisopamasuttavaṇṇanā
