| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
2. д̣̇идтигат̇аа
2. Diṭṭhikathā
1. ассаад̣̇ад̣̇идтинид̣̇д̣̇зсаван̣н̣анаа
1. Assādadiṭṭhiniddesavaṇṇanā
122. ид̣̇аани н̃аан̣агат̇аананд̇арам̣ гат̇ид̇ааяа д̣̇идтигат̇ааяа анубуб̣б̣аануван̣н̣анаа ануббад̇д̇аа. аяан̃хи д̣̇идтигат̇аа н̃аан̣агат̇ааяа гад̇ан̃аан̣абарижаяасса самад̇хиг̇ад̇асаммаад̣̇идтисса мижчаад̣̇идтималависод̇ханаа сугараа ход̇и, саммаад̣̇идти жа субарисуд̣̇д̇хаа ход̇ийд̇и н̃аан̣агат̇аананд̇арам̣ гат̇ид̇аа. д̇ад̇т̇а гаа д̣̇идтийд̇иаад̣̇игаа бужчаа. гаа д̣̇идтийд̇и абхинивзсабараамаасо д̣̇идтийд̇иаад̣̇игам̣ бужчид̇абужчааяа виссаж̇ж̇анам̣. гат̇ам̣ абхинивзсабараамаасо д̣̇идтийд̇иаад̣̇иго виссаж̇ж̇ид̇ависсаж̇ж̇анасса вид̇т̇ааранид̣̇д̣̇зсо, саб̣б̣аава д̇аа д̣̇идтияо ассаад̣̇ад̣̇идтияод̇иаад̣̇игаа д̣̇идтисуд̇д̇асам̣санд̣̇анаад̇и звамимз жад̇д̇ааро барижчзд̣̇аа. д̇ад̇т̇а бужчаабарижчзд̣̇з д̇аава гаа д̣̇идтийд̇и д̇хаммабужчаа, сабхаавабужчаа. гад̇и д̣̇идтидтаанаанийд̇и хзд̇убужчаа бажжаяабужчаа, гид̇д̇агаани д̣̇идтийнам̣ гааран̣аанийд̇и ад̇т̇о. гад̇и д̣̇идтибарияудтаанаанийд̇и самуд̣̇аажаарабужчаа вигаарабужчаа. д̣̇идтияо зва хи самуд̣̇аажааравасзна жид̇д̇ам̣ барияонанд̇ханд̇ияо удтаханд̇ийд̇и д̣̇идтибарияудтаанаани наама хонд̇и. гад̇и д̣̇идтияод̇и д̣̇идтийнам̣ сан̇каабужчаа г̇ан̣анаабужчаа. гад̇и д̣̇идтаабхинивзсаад̇и вад̇т̇уббабхзд̣̇авасзна аарамман̣анаанад̇д̇авасзна д̣̇идтиббабхзд̣̇абужчаа. д̣̇идтияо зва хи д̇ам̣ д̇ам̣ вад̇т̇ум̣ д̇ам̣ д̇ам̣ аарамман̣ам̣ абхинивисанд̇и бараамасанд̇ийд̇и д̣̇идтибараамаасаад̇и вужжанд̇и. гад̇амо д̣̇идтидтаанасамуг̇гхаад̇од̇и д̣̇идтийнам̣ бадибагкабужчаа бахаануубааяабужчаа. д̣̇идтигааран̣аани хи канд̇хаад̣̇ийни д̣̇идтисамуг̇гхаад̇зна д̇аасам̣ гааран̣аани на хонд̇ийд̇и д̇аани жа гааран̣аани самуг̇гхаад̇ид̇аани наама хонд̇и. д̇асмаа д̣̇идтидтаанаани саммаа бхусам̣ хан̃н̃анд̇и зд̇знаад̇и д̣̇идтидтаанасамуг̇гхаад̇од̇и вужжад̇и.
122. Idāni ñāṇakathānantaraṃ kathitāya diṭṭhikathāya anupubbaanuvaṇṇanā anuppattā. Ayañhi diṭṭhikathā ñāṇakathāya katañāṇaparicayassa samadhigatasammādiṭṭhissa micchādiṭṭhimalavisodhanā sukarā hoti, sammādiṭṭhi ca suparisuddhā hotīti ñāṇakathānantaraṃ kathitā. Tattha kā diṭṭhītiādikā pucchā. Kā diṭṭhīti abhinivesaparāmāso diṭṭhītiādikaṃ pucchitapucchāya vissajjanaṃ. Kathaṃ abhinivesaparāmāso diṭṭhītiādiko vissajjitavissajjanassa vitthāraniddeso, sabbāva tā diṭṭhiyo assādadiṭṭhiyotiādikā diṭṭhisuttasaṃsandanāti evamime cattāro paricchedā. Tattha pucchāparicchede tāva kā diṭṭhīti dhammapucchā, sabhāvapucchā. Kati diṭṭhiṭṭhānānīti hetupucchā paccayapucchā, kittakāni diṭṭhīnaṃ kāraṇānīti attho. Kati diṭṭhipariyuṭṭhānānīti samudācārapucchā vikārapucchā. Diṭṭhiyo eva hi samudācāravasena cittaṃ pariyonandhantiyo uṭṭhahantīti diṭṭhipariyuṭṭhānāni nāma honti. Kati diṭṭhiyoti diṭṭhīnaṃ saṅkhāpucchā gaṇanāpucchā. Kati diṭṭhābhinivesāti vatthuppabhedavasena ārammaṇanānattavasena diṭṭhippabhedapucchā. Diṭṭhiyo eva hi taṃ taṃ vatthuṃ taṃ taṃ ārammaṇaṃ abhinivisanti parāmasantīti diṭṭhiparāmāsāti vuccanti. Katamo diṭṭhiṭṭhānasamugghātoti diṭṭhīnaṃ paṭipakkhapucchā pahānūpāyapucchā. Diṭṭhikāraṇāni hi khandhādīni diṭṭhisamugghātena tāsaṃ kāraṇāni na hontīti tāni ca kāraṇāni samugghātitāni nāma honti. Tasmā diṭṭhiṭṭhānāni sammā bhusaṃ haññanti etenāti diṭṭhiṭṭhānasamugghātoti vuccati.
ид̣̇аани зд̇аасам̣ чаннам̣ бужчаанам̣ гаа д̣̇идтийд̇иаад̣̇ийни ча виссаж̇ж̇анаани. д̇ад̇т̇а гаа д̣̇идтийд̇и виссаж̇ж̇зд̇аб̣б̣абужчаа. абхинивзсабараамаасо д̣̇идтийд̇и виссаж̇ж̇анам̣. саа бана анижжаад̣̇игз вад̇т̇усмим̣ нижжаад̣̇ивасзна абхинивисад̇и бад̇идтахад̇и д̣̇ал̣хам̣ г̇ан̣хаад̇ийд̇и абхинивзсо. анижжаад̣̇иаагаарам̣ ад̇иггамид̇ваа нижжанд̇иаад̣̇ивасзна вад̇д̇амаано барад̇о аамасад̇и г̇ан̣хаад̇ийд̇и бараамаасо. ат̇а ваа нижжанд̇иаад̣̇игам̣ барам̣ уд̇д̇амам̣ сажжанд̇и аамасад̇и г̇ан̣хаад̇ийд̇и бараамаасо, абхинивзсо жа со бараамаасо жаад̇и абхинивзсабараамаасо. звам̣багааро д̣̇идтийд̇и гижжад̇о д̣̇идтисабхаавам̣ виссаж̇ж̇зд̇и. д̇ийн̣и сад̇анд̇и д̇ийн̣и сад̇аани, важанавибаллаасо гад̇о. гад̇амо д̣̇идтидтаанасамуг̇гхаад̇од̇и бужчам̣ ануд̣̇д̇харид̇ваава сод̇аабад̇д̇имаг̇г̇о д̣̇идтидтаанасамуг̇гхаад̇од̇и виссаж̇ж̇анам̣ гад̇ам̣.
Idāni etāsaṃ channaṃ pucchānaṃ kā diṭṭhītiādīni cha vissajjanāni. Tattha kā diṭṭhīti vissajjetabbapucchā. Abhinivesaparāmāso diṭṭhīti vissajjanaṃ. Sā pana aniccādike vatthusmiṃ niccādivasena abhinivisati patiṭṭhahati daḷhaṃ gaṇhātīti abhiniveso. Aniccādiākāraṃ atikkamitvā niccantiādivasena vattamāno parato āmasati gaṇhātīti parāmāso. Atha vā niccantiādikaṃ paraṃ uttamaṃ saccanti āmasati gaṇhātīti parāmāso, abhiniveso ca so parāmāso cāti abhinivesaparāmāso. Evaṃpakāro diṭṭhīti kiccato diṭṭhisabhāvaṃ vissajjeti. Tīṇi satanti tīṇi satāni, vacanavipallāso kato. Katamo diṭṭhiṭṭhānasamugghātoti pucchaṃ anuddharitvāva sotāpattimaggo diṭṭhiṭṭhānasamugghātoti vissajjanaṃ kataṃ.
123. ид̣̇аани гат̇ам̣ абхинивзсабараамаасод̇иаад̣̇и вид̇т̇ааранид̣̇д̣̇зсо. д̇ад̇т̇а руубанд̇и убаяог̇аважанам̣. руубам̣ абхинивзсабараамаасод̇и самб̣анд̇хо. руубанд̇и жзд̇т̇а руубубаад̣̇аанагканд̇хо гасин̣аруубан̃жа. ‘‘зд̇ам̣ мамаа’’д̇и абхинивзсабараамаасо д̣̇идти, ‘‘зсохамасмий’’д̇и абхинивзсабараамаасо д̣̇идти, ‘‘зсо мз ад̇д̇аа’’д̇и абхинивзсабараамаасо д̣̇идтийд̇и бажжзгам̣ яож̇зд̇аб̣б̣ам̣. зд̇анд̇и сааман̃н̃аважанам̣. д̇знзва ‘‘взд̣̇анам̣ зд̇ам̣ мама, сан̇каарз зд̇ам̣ мамаа’’д̇и набум̣сагаважанам̣ згаважанан̃жа гад̇ам̣. зсод̇и бана вад̇д̇аб̣б̣амабзгкид̇ваа буллин̇г̇згаважанам̣ гад̇ам̣. зд̇ам̣ мамаад̇и д̇ан̣хааман̃н̃анаамуулигаа д̣̇идти. зсохамасмийд̇и маанаман̃н̃анаамуулигаа д̣̇идти. зсо мз ад̇д̇аад̇и д̣̇идтиман̃н̃анаа зва. гзжи бана ‘‘зд̇ам̣ мамаад̇и мамам̣гаарагаббанаа, зсохамасмийд̇и ахам̣гаарагаббанаа, зсо мз ад̇д̇аад̇и ахам̣гаарамамам̣гаарагаббид̇о ад̇д̇аабхинивзсод̇и жа, д̇ат̇аа яат̇ааггамзнзва д̇ан̣хаамууланивзсо маанабаг̇г̇аахо, д̇ан̣хаамууланивидто маанабаг̇г̇ахид̇о, ад̇д̇аабхинивзсод̇и жа, сан̇каараанам̣ д̣̇угкалагкан̣аад̣̇ассанам̣, сан̇каараанам̣ анижжалагкан̣аад̣̇ассанам̣, сан̇каараанам̣ д̇илагкан̣аад̣̇ассанахзд̇уго ад̇д̇аабхинивзсод̇и жа, д̣̇угкз асубхз жа сукам̣ субханд̇и вибаллаасаг̇ад̇асса, анижжз нижжанд̇и вибаллаасаг̇ад̇асса, жад̇уб̣б̣ид̇хавибаллаасаг̇ад̇асса жа ад̇д̇аабхинивзсод̇и жа, буб̣б̣зниваасан̃аан̣асса аагаарагаббанаа, д̣̇иб̣б̣ажагкун̃аан̣асса анааг̇ад̇абадилаабхагаббанаа, буб̣б̣анд̇аабаранд̇аид̣̇аббажжаяад̇аабадижжасамуббаннзсу д̇хаммзсу габбаниссид̇асса ад̇д̇аабхинивзсод̇и жа, нанд̣̇ияаа ад̇ийд̇аманвааг̇амзд̇и, нанд̣̇ияаа анааг̇ад̇ам̣ бадиган̇кад̇и, бажжуббаннзсу д̇хаммзсу сам̣хийрад̇и ад̇д̇аабхинивзсод̇и жа, буб̣б̣анд̇з ан̃н̃аан̣ахзд̇угаа д̣̇идти, абаранд̇з ан̃н̃аан̣ахзд̇угаа д̣̇идти, буб̣б̣анд̇аабаранд̇з ид̣̇аббажжаяад̇аабадижжасамуббаннзсу д̇хаммзсу ан̃н̃аан̣ахзд̇уго ад̇д̇аабхинивзсо’’д̇и жа зд̇зсам̣ д̇ин̣н̣ам̣ важанаанам̣ ад̇т̇ам̣ ван̣н̣аяанд̇и.
123. Idāni kathaṃ abhinivesaparāmāsotiādi vitthāraniddeso. Tattha rūpanti upayogavacanaṃ. Rūpaṃ abhinivesaparāmāsoti sambandho. Rūpanti cettha rūpupādānakkhandho kasiṇarūpañca. ‘‘Etaṃ mamā’’ti abhinivesaparāmāso diṭṭhi, ‘‘esohamasmī’’ti abhinivesaparāmāso diṭṭhi, ‘‘eso me attā’’ti abhinivesaparāmāso diṭṭhīti paccekaṃ yojetabbaṃ. Etanti sāmaññavacanaṃ. Teneva ‘‘vedanaṃ etaṃ mama, saṅkhāre etaṃ mamā’’ti napuṃsakavacanaṃ ekavacanañca kataṃ. Esoti pana vattabbamapekkhitvā pulliṅgekavacanaṃ kataṃ. Etaṃ mamāti taṇhāmaññanāmūlikā diṭṭhi. Esohamasmīti mānamaññanāmūlikā diṭṭhi. Eso me attāti diṭṭhimaññanā eva. Keci pana ‘‘etaṃ mamāti mamaṃkārakappanā, esohamasmīti ahaṃkārakappanā, eso me attāti ahaṃkāramamaṃkārakappito attābhinivesoti ca, tathā yathākkameneva taṇhāmūlaniveso mānapaggāho, taṇhāmūlaniviṭṭho mānapaggahito, attābhinivesoti ca, saṅkhārānaṃ dukkhalakkhaṇādassanaṃ, saṅkhārānaṃ aniccalakkhaṇādassanaṃ, saṅkhārānaṃ tilakkhaṇādassanahetuko attābhinivesoti ca, dukkhe asubhe ca sukhaṃ subhanti vipallāsagatassa, anicce niccanti vipallāsagatassa, catubbidhavipallāsagatassa ca attābhinivesoti ca, pubbenivāsañāṇassa ākārakappanā, dibbacakkhuñāṇassa anāgatapaṭilābhakappanā, pubbantāparantaidappaccayatāpaṭiccasamuppannesu dhammesu kappanissitassa attābhinivesoti ca, nandiyā atītamanvāgameti, nandiyā anāgataṃ paṭikaṅkhati, paccuppannesu dhammesu saṃhīrati attābhinivesoti ca, pubbante aññāṇahetukā diṭṭhi, aparante aññāṇahetukā diṭṭhi, pubbantāparante idappaccayatāpaṭiccasamuppannesu dhammesu aññāṇahetuko attābhiniveso’’ti ca etesaṃ tiṇṇaṃ vacanānaṃ atthaṃ vaṇṇayanti.
д̣̇идтияо банзд̇т̇а батамам̣ бан̃жагканд̇хавад̇т̇угаа. д̇ад̇о чааж̇жхад̇д̇игаб̣аахирааяад̇анавин̃н̃аан̣а- гааяасампассагааяавзд̣̇анаагааяасан̃н̃аагааяажзд̇анаагааяад̇ан̣хаагааяавид̇аггавижаарад̇хаад̇уд̣̇асагасин̣а- д̣̇вад̇д̇им̣саагааравад̇т̇угаа д̣̇идтияо вуд̇д̇аа. д̣̇вад̇д̇им̣саагаарзсу жа яад̇т̇а висум̣ абхинивзсо на яуж̇ж̇ад̇и, д̇ад̇т̇а сагаласарийраабхинивзсавасзнзва висум̣ абхинивзсо вияа гад̇од̇и взд̣̇ид̇аб̣б̣ам̣. д̇ад̇о д̣̇ваад̣̇асааяад̇анаадтаарасад̇хаад̇узгуунавийсад̇иинд̣̇рияавасзна яож̇анаа гад̇аа. д̇ийн̣и зганд̇алогуд̇д̇аринд̣̇рияаани на яож̇ид̇аани. на хи логуд̇д̇аравад̇т̇угаа д̣̇идтияо хонд̇и. саб̣б̣ад̇т̇ааби жа логияалогуд̇д̇арамиссзсу д̇хаммзсу логуд̇д̇арз табзд̇ваа логияаа зва г̇ахзд̇аб̣б̣аа. анинд̣̇рияаб̣ад̣̇д̇харуубан̃жа на г̇ахзд̇аб̣б̣амзва. д̇ад̇о д̇зд̇хаад̇угавасзна нававид̇хабхававасзна жхаанаб̣рахмавихаарасамаабад̇д̇ивасзна бадижжасамуббаад̣̇ан̇г̇авасзна жа яож̇анаа гад̇аа. ж̇аад̇иж̇араамаран̣аанам̣ висум̣ г̇ахан̣з барихааро вуд̇д̇анаяо зва. саб̣б̣аани жзд̇аани руубаад̣̇игаани ж̇араамаран̣анд̇аани адтанавуд̇исад̇ам̣ бад̣̇аани бхаванд̇и.
Diṭṭhiyo panettha paṭhamaṃ pañcakkhandhavatthukā. Tato chaajjhattikabāhirāyatanaviññāṇa- kāyasamphassakāyavedanākāyasaññākāyacetanākāyataṇhākāyavitakkavicāradhātudasakasiṇa- dvattiṃsākāravatthukā diṭṭhiyo vuttā. Dvattiṃsākāresu ca yattha visuṃ abhiniveso na yujjati, tattha sakalasarīrābhinivesavaseneva visuṃ abhiniveso viya katoti veditabbaṃ. Tato dvādasāyatanaaṭṭhārasadhātuekūnavīsatiindriyavasena yojanā katā. Tīṇi ekantalokuttarindriyāni na yojitāni. Na hi lokuttaravatthukā diṭṭhiyo honti. Sabbatthāpi ca lokiyalokuttaramissesu dhammesu lokuttare ṭhapetvā lokiyā eva gahetabbā. Anindriyabaddharūpañca na gahetabbameva. Tato tedhātukavasena navavidhabhavavasena jhānabrahmavihārasamāpattivasena paṭiccasamuppādaṅgavasena ca yojanā katā. Jātijarāmaraṇānaṃ visuṃ gahaṇe parihāro vuttanayo eva. Sabbāni cetāni rūpādikāni jarāmaraṇantāni aṭṭhanavutisataṃ padāni bhavanti.
124. д̣̇идтидтаанзсу канд̇хааби д̣̇идтидтаананд̇и вийсад̇ивад̇т̇угааяаби саггааяад̣̇идтияаа бан̃жаннам̣ канд̇хаанам̣язва вад̇т̇уд̇д̇аа ‘‘яз хи гзжи, бхигкавз, саман̣аа ваа б̣раахман̣аа ваа ад̇д̇аанам̣ саманубассамаанаа саманубассанд̇и, саб̣б̣з д̇з бан̃жубаад̣̇аанагканд̇хзсуязва саманубассанд̇и, зд̇зсам̣ ваа ан̃н̃ад̇ара’’нд̇и (сам̣. ни. 3.47) вуд̇д̇ад̇д̇аа жа бан̃жубаад̣̇аанагканд̇хаа д̣̇идтийнам̣ гааран̣ам̣. авиж̇ж̇ааби д̣̇идтидтаананд̇и авиж̇ж̇ааяа анд̇хийгад̇аанам̣ д̣̇идтиуббад̇д̇ид̇о ‘‘яааяам̣, бханд̇з, д̣̇идти ‘асаммаасамб̣уд̣̇д̇хзсу саммаасамб̣уд̣̇д̇хаа’д̇и, аяам̣ ну ко, бханд̇з, д̣̇идти гим̣ бадижжа бан̃н̃ааяад̇ийд̇и? махад̇ий ко зсаа, гажжаана, д̇хаад̇у, яад̣̇ид̣̇ам̣ авиж̇ж̇аад̇хаад̇у. хийнам̣, гажжаана, д̇хаад̇ум̣ бадижжа уббаж̇ж̇ад̇и хийнаа сан̃н̃аа хийнаа д̣̇идтий’’д̇и (сам̣. ни. 2.97) важанад̇о жа авиж̇ж̇аа д̣̇идтийнам̣ гааран̣ам̣. пассоби д̣̇идтидтаананд̇и д̇зна пассзна пудтасса д̣̇идтиуббад̇д̇ид̇о ‘‘яз д̇з, бхигкавз, саман̣аб̣раахман̣аа буб̣б̣анд̇агаббигаа буб̣б̣анд̇аануд̣̇идтино буб̣б̣анд̇ам̣ аараб̣бха анзгавихид̇аани ад̇хивуд̇д̇ибад̣̇аани абхивад̣̇анд̇и, д̇ад̣̇аби пассабажжаяаа’’д̇и (д̣̇ий. ни. 1.123) важанад̇о жа пассо д̣̇идтийнам̣ гааран̣ам̣. сан̃н̃ааби д̣̇идтидтаананд̇и аагаарамад̇д̇аг̇г̇ахан̣зна аяаат̇аавасабхааваг̇аахахзд̇уд̇д̇аа сан̃н̃ааяа –
124. Diṭṭhiṭṭhānesu khandhāpi diṭṭhiṭṭhānanti vīsativatthukāyapi sakkāyadiṭṭhiyā pañcannaṃ khandhānaṃyeva vatthuttā ‘‘ye hi keci, bhikkhave, samaṇā vā brāhmaṇā vā attānaṃ samanupassamānā samanupassanti, sabbe te pañcupādānakkhandhesuyeva samanupassanti, etesaṃ vā aññatara’’nti (saṃ. ni. 3.47) vuttattā ca pañcupādānakkhandhā diṭṭhīnaṃ kāraṇaṃ. Avijjāpi diṭṭhiṭṭhānanti avijjāya andhīkatānaṃ diṭṭhiuppattito ‘‘yāyaṃ, bhante, diṭṭhi ‘asammāsambuddhesu sammāsambuddhā’ti, ayaṃ nu kho, bhante, diṭṭhi kiṃ paṭicca paññāyatīti? Mahatī kho esā, kaccāna, dhātu, yadidaṃ avijjādhātu. Hīnaṃ, kaccāna, dhātuṃ paṭicca uppajjati hīnā saññā hīnā diṭṭhī’’ti (saṃ. ni. 2.97) vacanato ca avijjā diṭṭhīnaṃ kāraṇaṃ. Phassopi diṭṭhiṭṭhānanti tena phassena phuṭṭhassa diṭṭhiuppattito ‘‘ye te, bhikkhave, samaṇabrāhmaṇā pubbantakappikā pubbantānudiṭṭhino pubbantaṃ ārabbha anekavihitāni adhivuttipadāni abhivadanti, tadapi phassapaccayā’’ti (dī. ni. 1.123) vacanato ca phasso diṭṭhīnaṃ kāraṇaṃ. Saññāpi diṭṭhiṭṭhānanti ākāramattaggahaṇena ayāthāvasabhāvagāhahetuttā saññāya –
‘‘яаани жа д̇ийн̣и яаани жа садти, саман̣аббаваад̣̇асид̇аани бхуурибан̃н̃а;
‘‘Yāni ca tīṇi yāni ca saṭṭhi, samaṇappavādasitāni bhūripañña;
сан̃н̃агкарасан̃н̃аниссид̇аани, осаран̣аани винзяяа огхад̇амаг̇аа’’д̇и. (су. ни. 543) –
Saññakkharasaññanissitāni, osaraṇāni vineyya oghatamagā’’ti. (su. ni. 543) –
важанад̇о ‘‘сан̃н̃аанид̣̇аанаа хи бабан̃жасан̇каа’’д̇и (су. ни. 880; махаани. 109) важанад̇о жа сан̃н̃аа д̣̇идтийнам̣ гааран̣ам̣. вид̇аггоби д̣̇идтидтаананд̇и аагаарабаривид̇аггзна д̣̇идтиуббад̇д̇ид̇о –
Vacanato ‘‘saññānidānā hi papañcasaṅkhā’’ti (su. ni. 880; mahāni. 109) vacanato ca saññā diṭṭhīnaṃ kāraṇaṃ. Vitakkopi diṭṭhiṭṭhānanti ākāraparivitakkena diṭṭhiuppattito –
‘‘нахзва сажжаани б̣ахууни наанаа, ан̃н̃ад̇ра сан̃н̃ааяа нижжаани логз;
‘‘Naheva saccāni bahūni nānā, aññatra saññāya niccāni loke;
д̇агган̃жа д̣̇идтийсу багаббаяид̇ваа, сажжам̣ мусаад̇и д̣̇ваяад̇хаммамаахуу’’д̇и. (су. ни. 892) –
Takkañca diṭṭhīsu pakappayitvā, saccaṃ musāti dvayadhammamāhū’’ti. (su. ni. 892) –
важанад̇о жа вид̇агго д̣̇идтийнам̣ гааран̣ам̣. аяонисоманасигаароби д̣̇идтидтаананд̇и аяонисо манасигаарасса агусалаанам̣ асаад̇хааран̣ахзд̇уд̇д̇аа ‘‘д̇ассзвам̣ аяонисо манасигарод̇о чаннам̣ д̣̇идтийнам̣ ан̃н̃ад̇араа д̣̇идти уббаж̇ж̇ад̇ий’’д̇и (ма. ни. 1.19) важанад̇о жа аяонисо манасигааро д̣̇идтийнам̣ гааран̣ам̣ . баабамид̇д̇оби д̣̇идтидтаананд̇и баабамид̇д̇асса д̣̇идтаануг̇ад̇иаабаж̇ж̇анзна д̣̇идтиуббад̇д̇ид̇о ‘‘б̣аахирам̣, бхигкавз, ан̇г̇анд̇и гарид̇ваа на ан̃н̃ам̣ зган̇г̇амби саманубассаами, яам̣ звам̣ махад̇о анад̇т̇ааяа сам̣вад̇д̇ад̇и. яат̇аяид̣̇ам̣, бхигкавз, баабамид̇д̇ад̇аа’’д̇и (а. ни. 1.110) важанад̇о жа баабамид̇д̇о д̣̇идтийнам̣ гааран̣ам̣. барад̇оби гхосо д̣̇идтидтаананд̇и д̣̇урагкаад̇ад̇хаммассаванзна д̣̇идтиуббад̇д̇ид̇о ‘‘д̣̇взмз, бхигкавз, хзд̇уу д̣̇вз бажжаяаа мижчаад̣̇идтияаа уббаад̣̇ааяа барад̇о жа гхосо аяонисо жа манасигааро’’д̇и (а. ни. 2.126) важанад̇о жа барад̇о гхосо мижчаад̣̇идтигад̇о мижчаад̣̇идтибадисан̃н̃уд̇д̇агат̇аа д̣̇идтийнам̣ гааран̣ам̣.
Vacanato ca vitakko diṭṭhīnaṃ kāraṇaṃ. Ayonisomanasikāropi diṭṭhiṭṭhānanti ayoniso manasikārassa akusalānaṃ asādhāraṇahetuttā ‘‘tassevaṃ ayoniso manasikaroto channaṃ diṭṭhīnaṃ aññatarā diṭṭhi uppajjatī’’ti (ma. ni. 1.19) vacanato ca ayoniso manasikāro diṭṭhīnaṃ kāraṇaṃ . Pāpamittopi diṭṭhiṭṭhānanti pāpamittassa diṭṭhānugatiāpajjanena diṭṭhiuppattito ‘‘bāhiraṃ, bhikkhave, aṅganti karitvā na aññaṃ ekaṅgampi samanupassāmi, yaṃ evaṃ mahato anatthāya saṃvattati. Yathayidaṃ, bhikkhave, pāpamittatā’’ti (a. ni. 1.110) vacanato ca pāpamitto diṭṭhīnaṃ kāraṇaṃ. Paratopi ghoso diṭṭhiṭṭhānanti durakkhātadhammassavanena diṭṭhiuppattito ‘‘dveme, bhikkhave, hetū dve paccayā micchādiṭṭhiyā uppādāya parato ca ghoso ayoniso ca manasikāro’’ti (a. ni. 2.126) vacanato ca parato ghoso micchādiṭṭhikato micchādiṭṭhipaṭisaññuttakathā diṭṭhīnaṃ kāraṇaṃ.
ид̣̇аани д̣̇идтидтаананд̇и бад̣̇асса ад̇т̇ам̣ виваранд̇о канд̇хаа хзд̇у канд̇хаа бажжаяод̇иаад̣̇имааха. канд̇хаа зва д̣̇идтийнам̣ убаад̣̇ааяа, ж̇анагахзд̇у жзва убад̇т̇амбхагабажжаяо жаад̇и ад̇т̇о. самудтаанадтзнаад̇и самудтаханд̇и уббаж̇ж̇анд̇и зд̇знаад̇и самудтаанам̣, гааран̣анд̇и ад̇т̇о. д̇зна самудтаанадтзна, д̣̇идтигааран̣абхаавзнаад̇и ад̇т̇о.
Idāni diṭṭhiṭṭhānanti padassa atthaṃ vivaranto khandhā hetu khandhā paccayotiādimāha. Khandhā eva diṭṭhīnaṃ upādāya, janakahetu ceva upatthambhakapaccayo cāti attho. Samuṭṭhānaṭṭhenāti samuṭṭhahanti uppajjanti etenāti samuṭṭhānaṃ, kāraṇanti attho. Tena samuṭṭhānaṭṭhena, diṭṭhikāraṇabhāvenāti attho.
125. ид̣̇аани гижжабхзд̣̇зна д̣̇идтибхзд̣̇ам̣ д̣̇ассзнд̇о гад̇амаани адтаараса д̣̇идтибарияудтаанаанийд̇иаад̣̇имааха. д̇ад̇т̇а яаа д̣̇идтийд̇и ид̣̇аани вужжамаанаанам̣ адтаарасаннам̣ бад̣̇аанам̣ саад̇хааран̣ам̣ муулабад̣̇ам̣. яаа д̣̇идти, д̇ад̣̇зва д̣̇идтиг̇ад̇ам̣, яаа д̣̇идти, д̇ад̣̇зва д̣̇идтиг̇ахананд̇и саб̣б̣зхи самб̣анд̇хо гаад̇аб̣б̣о. аяаат̇аавад̣̇ассанадтзна д̣̇идти, д̇ад̣̇зва д̣̇идтийсу г̇ад̇ам̣ д̣̇ассанам̣ д̣̇ваасадтид̣̇идтианд̇ог̇ад̇хад̇д̇аад̇и д̣̇идтиг̇ад̇ам̣. хздтаабисса ад̇т̇о вуд̇д̇оязва. д̣̇виннам̣ анд̇аанам̣ зганд̇аг̇ад̇ад̇д̇ааби д̣̇идтиг̇ад̇ам̣. саа зва д̣̇идти д̣̇урад̇иггаманадтзна д̣̇идтиг̇аханам̣ д̇ин̣аг̇аханаванаг̇аханабаб̣б̣ад̇аг̇аханаани вияа. саасан̇гасаббадибхаяадтзна д̣̇идтиганд̇аарам̣ жораганд̇аараваал̣аганд̇ааранируд̣̇агаганд̇аарад̣̇уб̣бхигкаганд̇аараа вияа. д̇хаммасан̇г̇ан̣ияам̣ ‘‘д̣̇идтиганд̇ааро’’д̇и сагалин̇г̇знзва ааг̇ад̇ам̣. саммаад̣̇идтияаа винивиж̇жханадтзна бадиломадтзна жа д̣̇идтивисуугам̣. мижчаад̣̇ассанан̃хи уббаж̇ж̇амаанам̣ саммаад̣̇ассанам̣ винивиж̇жхад̇и жзва виломзд̇и жа. д̇хаммасан̇г̇ан̣ияам̣ (д̇ха. са. 392, 1105) ‘‘д̣̇идтивисуугааяига’’нд̇и ааг̇ад̇ам̣. гад̣̇аажи сассад̇асса, гад̣̇аажи ужчзд̣̇асса г̇ахан̣ад̇о д̣̇идтияаа вируубам̣ панд̣̇ид̇анд̇и д̣̇идтивибпанд̣̇ид̇ам̣. д̣̇идтиг̇ад̇иго хи згасмим̣ бад̇идтаад̇ум̣ на саггод̇и, гад̣̇аажи сассад̇ам̣ ануссарад̇и, гад̣̇аажи ужчзд̣̇ам̣. д̣̇идтиязва анад̇т̇з сам̣яож̇зд̇ийд̇и д̣̇идтисан̃н̃ож̇анам̣. д̣̇идтиязва анд̇од̇уд̣̇анадтзна д̣̇уннийхаран̣ийяадтзна жа салланд̇и д̣̇идтисаллам̣ . д̣̇идтиязва бийл̣аагаран̣адтзна самб̣аад̇ход̇и д̣̇идтисамб̣аад̇хо. д̣̇идтиязва могкааваран̣адтзна балиб̣од̇ход̇и д̣̇идтибалиб̣од̇хо. д̣̇идтиязва д̣̇умможанийяадтзна б̣анд̇хананд̇и д̣̇идтиб̣анд̇ханам̣. д̣̇идтиязва д̣̇уруд̇д̇арадтзна бабаад̇од̇и д̣̇идтибабаад̇о. д̣̇идтиязва т̇аамаг̇ад̇адтзна анусаяод̇и д̣̇идтаанусаяо. д̣̇идтиязва ад̇д̇аанам̣ санд̇аабзд̇ийд̇и д̣̇идтисанд̇аабо. д̣̇идтиязва ад̇д̇аанам̣ ануд̣̇ахад̇ийд̇и д̣̇идтибарил̣аахо. д̣̇идтиязва гилзсагааяам̣ г̇ант̇зд̇ийд̇и д̣̇идтиг̇ант̇о. д̣̇идтиязва бхусам̣ аад̣̇ияад̇ийд̇и д̣̇идтубаад̣̇аанам̣. д̣̇идтиязва ‘‘сажжа’’нд̇иаад̣̇ивасзна абхинивисад̇ийд̇и д̣̇идтаабхинивзсо. д̣̇идтиязва ид̣̇ам̣ баранд̇и аамасад̇и, барад̇о ваа аамасад̇ийд̇и д̣̇идтибараамаасо.
125. Idāni kiccabhedena diṭṭhibhedaṃ dassento katamāni aṭṭhārasa diṭṭhipariyuṭṭhānānītiādimāha. Tattha yā diṭṭhīti idāni vuccamānānaṃ aṭṭhārasannaṃ padānaṃ sādhāraṇaṃ mūlapadaṃ. Yā diṭṭhi, tadeva diṭṭhigataṃ, yā diṭṭhi, tadeva diṭṭhigahananti sabbehi sambandho kātabbo. Ayāthāvadassanaṭṭhena diṭṭhi, tadeva diṭṭhīsu gataṃ dassanaṃ dvāsaṭṭhidiṭṭhiantogadhattāti diṭṭhigataṃ. Heṭṭhāpissa attho vuttoyeva. Dvinnaṃ antānaṃ ekantagatattāpi diṭṭhigataṃ. Sā eva diṭṭhi duratikkamanaṭṭhena diṭṭhigahanaṃ tiṇagahanavanagahanapabbatagahanāni viya. Sāsaṅkasappaṭibhayaṭṭhena diṭṭhikantāraṃ corakantāravāḷakantāranirudakakantāradubbhikkhakantārā viya. Dhammasaṅgaṇiyaṃ ‘‘diṭṭhikantāro’’ti sakaliṅgeneva āgataṃ. Sammādiṭṭhiyā vinivijjhanaṭṭhena paṭilomaṭṭhena ca diṭṭhivisūkaṃ. Micchādassanañhi uppajjamānaṃ sammādassanaṃ vinivijjhati ceva vilometi ca. Dhammasaṅgaṇiyaṃ (dha. sa. 392, 1105) ‘‘diṭṭhivisūkāyika’’nti āgataṃ. Kadāci sassatassa, kadāci ucchedassa gahaṇato diṭṭhiyā virūpaṃ phanditanti diṭṭhivipphanditaṃ. Diṭṭhigatiko hi ekasmiṃ patiṭṭhātuṃ na sakkoti, kadāci sassataṃ anussarati, kadāci ucchedaṃ. Diṭṭhiyeva anatthe saṃyojetīti diṭṭhisaññojanaṃ. Diṭṭhiyeva antotudanaṭṭhena dunnīharaṇīyaṭṭhena ca sallanti diṭṭhisallaṃ. Diṭṭhiyeva pīḷākaraṇaṭṭhena sambādhoti diṭṭhisambādho. Diṭṭhiyeva mokkhāvaraṇaṭṭhena palibodhoti diṭṭhipalibodho. Diṭṭhiyeva dummocanīyaṭṭhena bandhananti diṭṭhibandhanaṃ. Diṭṭhiyeva duruttaraṭṭhena papātoti diṭṭhipapāto. Diṭṭhiyeva thāmagataṭṭhena anusayoti diṭṭhānusayo. Diṭṭhiyeva attānaṃ santāpetīti diṭṭhisantāpo. Diṭṭhiyeva attānaṃ anudahatīti diṭṭhipariḷāho. Diṭṭhiyeva kilesakāyaṃ ganthetīti diṭṭhigantho. Diṭṭhiyeva bhusaṃ ādiyatīti diṭṭhupādānaṃ. Diṭṭhiyeva ‘‘sacca’’ntiādivasena abhinivisatīti diṭṭhābhiniveso. Diṭṭhiyeva idaṃ paranti āmasati, parato vā āmasatīti diṭṭhiparāmāso.
126. ид̣̇аани раасивасзна сол̣аса д̣̇идтияо уд̣̇д̣̇исанд̇о гад̇амаа сол̣аса д̣̇идтияод̇иаад̣̇имааха. д̇ад̇т̇а сукасоманассасан̇каад̇з ассаад̣̇з д̣̇идти ассаад̣̇ад̣̇идти. ад̇д̇аанам̣ ануг̇ад̇аа д̣̇идти ад̇д̇аануд̣̇идти. над̇т̇ийд̇и бавад̇д̇ад̇д̇аа вибарийд̇аа д̣̇идти мижчаад̣̇идти. сад̇и гааяз д̣̇идти, санд̇ий ваа гааяз д̣̇идти саггааяад̣̇идти. гааяод̇и жзд̇т̇а канд̇хабан̃жагам̣, канд̇хабан̃жагасан̇каад̇о саггааяо вад̇т̇у бад̇идтаа зд̇иссаад̇и саггааяавад̇т̇угаа. сассад̇анд̇и бавад̇д̇аа д̣̇идти сассад̇ад̣̇идти. ужчзд̣̇од̇и бавад̇д̇аа д̣̇идти ужчзд̣̇ад̣̇идти. сассад̇аад̣̇ианд̇ам̣ г̇ан̣хаад̇ийд̇и анд̇аг̇г̇аахигаа, анд̇аг̇г̇аахо ваа ассаа ад̇т̇ийд̇и анд̇аг̇г̇аахигаа. ад̇ийд̇асан̇каад̇ам̣ буб̣б̣анд̇ам̣ ануг̇ад̇аа д̣̇идти буб̣б̣анд̇аануд̣̇идти. анааг̇ад̇асан̇каад̇ам̣ абаранд̇ам̣ ануг̇ад̇аа д̣̇идти абаранд̇аануд̣̇идти. анад̇т̇з сам̣яож̇зд̇ийд̇и сан̃н̃ож̇анигаа. ахан̇гааравасзна аханд̇и уббаннзна маанзна д̣̇идтияаа муулабхууд̇зна виниб̣анд̇хаа гхадид̇аа уббаад̣̇ид̇аа д̣̇идти аханд̇и маанавиниб̣анд̇хаа д̣̇идти. д̇ат̇аа маман̇гааравасзна маманд̇и уббаннзна маанзна виниб̣анд̇хаа д̣̇идти маманд̇и маанавиниб̣анд̇хаа д̣̇идти. ад̇д̇ано вад̣̇анам̣ гат̇анам̣ ад̇д̇аваад̣̇о, д̇зна бадисан̃н̃уд̇д̇аа б̣ад̣̇д̇хаа д̣̇идти ад̇д̇аваад̣̇абадисам̣яуд̇д̇аа д̣̇идти. ад̇д̇аанам̣ логод̇и вад̣̇анам̣ гат̇анам̣ логаваад̣̇о, д̇зна бадисан̃н̃уд̇д̇аа д̣̇идти логаваад̣̇абадисам̣яуд̇д̇аа д̣̇идти. бхаво вужжад̇и сассад̇ам̣, сассад̇авасзна уббаж̇ж̇анад̣̇идти бхавад̣̇идти. вибхаво вужжад̇и ужчзд̣̇о, ужчзд̣̇авасзна уббаж̇ж̇анад̣̇идти вибхавад̣̇идти.
126. Idāni rāsivasena soḷasa diṭṭhiyo uddisanto katamā soḷasa diṭṭhiyotiādimāha. Tattha sukhasomanassasaṅkhāte assāde diṭṭhi assādadiṭṭhi. Attānaṃ anugatā diṭṭhi attānudiṭṭhi. Natthīti pavattattā viparītā diṭṭhi micchādiṭṭhi. Sati kāye diṭṭhi, santī vā kāye diṭṭhi sakkāyadiṭṭhi. Kāyoti cettha khandhapañcakaṃ, khandhapañcakasaṅkhāto sakkāyo vatthu patiṭṭhā etissāti sakkāyavatthukā. Sassatanti pavattā diṭṭhi sassatadiṭṭhi. Ucchedoti pavattā diṭṭhi ucchedadiṭṭhi. Sassatādiantaṃ gaṇhātīti antaggāhikā, antaggāho vā assā atthīti antaggāhikā. Atītasaṅkhātaṃ pubbantaṃ anugatā diṭṭhi pubbantānudiṭṭhi. Anāgatasaṅkhātaṃ aparantaṃ anugatā diṭṭhi aparantānudiṭṭhi. Anatthe saṃyojetīti saññojanikā. Ahaṅkāravasena ahanti uppannena mānena diṭṭhiyā mūlabhūtena vinibandhā ghaṭitā uppāditā diṭṭhi ahanti mānavinibandhā diṭṭhi. Tathā mamaṅkāravasena mamanti uppannena mānena vinibandhā diṭṭhi mamanti mānavinibandhā diṭṭhi. Attano vadanaṃ kathanaṃ attavādo, tena paṭisaññuttā baddhā diṭṭhi attavādapaṭisaṃyuttā diṭṭhi. Attānaṃ lokoti vadanaṃ kathanaṃ lokavādo, tena paṭisaññuttā diṭṭhi lokavādapaṭisaṃyuttā diṭṭhi. Bhavo vuccati sassataṃ, sassatavasena uppajjanadiṭṭhi bhavadiṭṭhi. Vibhavo vuccati ucchedo, ucchedavasena uppajjanadiṭṭhi vibhavadiṭṭhi.
127-128. ид̣̇аани д̇ийн̣и сад̇ам̣ д̣̇идтаабхинивзсз нид̣̇д̣̇исид̇угаамо гад̇амз д̇ийн̣и сад̇ам̣ д̣̇идтаабхинивзсаад̇и бужчид̇ваа д̇з ависсаж̇ж̇зд̇ваава висум̣ висум̣ абхинивзсависсаж̇ж̇анзнзва д̇з виссаж̇ж̇зд̇угаамо ассаад̣̇ад̣̇идтияаа, гад̇ихаагаарзхи абхинивзсо ход̇ийд̇иаад̣̇инаа наязна сол̣асаннам̣ д̣̇идтийнам̣ абхинивзсаагаараг̇ан̣анам̣ бужчид̇ваа буна ассаад̣̇ад̣̇идтияаа бан̃жад̇им̣сааяа аагаарзхи абхинивзсо ход̇ийд̇и д̇аасам̣ сол̣асаннам̣ д̣̇идтийнам̣ абхинивзсаагаараг̇ан̣анам̣ виссаж̇ж̇зд̇ваа буна д̇аани г̇ан̣анаани виссаж̇ж̇знд̇о ассаад̣̇ад̣̇идтияаа гад̇амзхи бан̃жад̇им̣сааяа аагаарзхи абхинивзсо ход̇ийд̇иаад̣̇имааха. д̇ад̇т̇а руубам̣ бадижжаад̇и руубагканд̇хам̣ бадижжа. уббаж̇ж̇ад̇и сукам̣ соманассанд̇и ‘‘аяам̣ мз гааяо ийд̣̇исо’’д̇и руубасамбад̣̇ам̣ ниссааяа г̇зхасид̇ам̣ рааг̇асамбаяуд̇д̇ам̣ сукам̣ соманассам̣ уббаж̇ж̇ад̇и. хздтаа вуд̇д̇знадтзна сукан̃жа соманассан̃жа. д̇ам̣язва руубасса ассаад̣̇од̇и руубаниссаяо ассаад̣̇о. д̇ан̃хи сукам̣ д̇ан̣хаавасзна ассаад̣̇ийяад̇и убабхун̃ж̇ийяад̇ийд̇и ассаад̣̇о. абхинивзсабараамаасо д̣̇идтийд̇и со ассаад̣̇о сассад̇од̇и ваа ужчиж̇ж̇иссад̇ийд̇и ваа сассад̇ам̣ ваа ужчиж̇ж̇амаанам̣ ваа ад̇д̇аанам̣ сукид̇ам̣ гарод̇ийд̇и ваа абхинивзсабараамаасо ход̇и. д̇асмаа яаа жа д̣̇идти яо жа ассаад̣̇од̇и ассаад̣̇асса д̣̇идтибхааваабхаавзби ассаад̣̇ам̣ винаа саа д̣̇идти на ход̇ийд̇и гад̇ваа убхаяамби самужжид̇ам̣. ассаад̣̇ад̣̇идтийд̇и ассаад̣̇з бавад̇д̇аа д̣̇идтийд̇и вуд̇д̇ам̣ ход̇и.
127-128. Idāni tīṇi sataṃ diṭṭhābhinivese niddisitukāmo katame tīṇi sataṃ diṭṭhābhinivesāti pucchitvā te avissajjetvāva visuṃ visuṃ abhinivesavissajjaneneva te vissajjetukāmo assādadiṭṭhiyā, katihākārehiabhiniveso hotītiādinā nayena soḷasannaṃ diṭṭhīnaṃ abhinivesākāragaṇanaṃ pucchitvā puna assādadiṭṭhiyā pañcatiṃsāya ākārehi abhiniveso hotīti tāsaṃ soḷasannaṃ diṭṭhīnaṃ abhinivesākāragaṇanaṃ vissajjetvā puna tāni gaṇanāni vissajjento assādadiṭṭhiyā katamehi pañcatiṃsāya ākārehi abhinivesohotītiādimāha. Tattha rūpaṃ paṭiccāti rūpakkhandhaṃ paṭicca. Uppajjati sukhaṃ somanassanti ‘‘ayaṃ me kāyo īdiso’’ti rūpasampadaṃ nissāya gehasitaṃ rāgasampayuttaṃ sukhaṃ somanassaṃ uppajjati. Heṭṭhā vuttenaṭṭhena sukhañca somanassañca. Taṃyeva rūpassa assādoti rūpanissayo assādo. Tañhi sukhaṃ taṇhāvasena assādīyati upabhuñjīyatīti assādo. Abhinivesaparāmāso diṭṭhīti so assādo sassatoti vā ucchijjissatīti vā sassataṃ vā ucchijjamānaṃ vā attānaṃ sukhitaṃ karotīti vā abhinivesaparāmāso hoti. Tasmā yā ca diṭṭhi yo ca assādoti assādassa diṭṭhibhāvābhāvepi assādaṃ vinā sā diṭṭhi na hotīti katvā ubhayampi samuccitaṃ. Assādadiṭṭhīti assāde pavattā diṭṭhīti vuttaṃ hoti.
ид̣̇аани наанаасуд̇д̇зхи сам̣санд̣̇зд̇ваа мижчаад̣̇идтим̣ мижчаад̣̇идтиган̃жа г̇арахид̇угаамо ассаад̣̇ад̣̇идти мижчаад̣̇идтийд̇иаад̣̇имааха. д̇ад̇т̇а д̣̇идтивибад̇д̇ийд̇и саммаад̣̇идтивинаасагамижчаад̣̇идтисан̇каад̇ад̣̇идтияаа вибад̇д̇и. д̣̇идтивибаннод̇и вибаннаа винадтаа саммаад̣̇идти ассаад̇и д̣̇идтивибанно, вибаннад̣̇идтийд̇и вуд̇д̇ам̣ ход̇и. мижчаад̣̇идтияаа ваа вибанно винадтод̇и д̣̇идтивибанно. на сзвид̇аб̣б̣о убасан̇гаманзна. на бхаж̇ид̇аб̣б̣о жид̇д̇зна. на баяирубаасид̇аб̣б̣о убасан̇гамид̇ваа нисийд̣̇анзна. д̇ам̣ гисса хзд̇ууд̇и ‘‘д̇ам̣ сзванаад̣̇игам̣ гзна гааран̣зна на гаад̇аб̣б̣а’’нд̇и д̇асса гааран̣абужчаа. д̣̇идти хисса баабигаад̇и гааран̣ависсаж̇ж̇анам̣. яасмаа асса буг̇г̇аласса д̣̇идти баабигаа, д̇асмаа д̇ам̣ сзванаад̣̇игам̣ на гаад̇аб̣б̣анд̇и ад̇т̇о. д̣̇идтияаа рааг̇од̇и ‘‘сунд̣̇араа мз д̣̇идтий’’д̇и д̣̇идтим̣ аараб̣бха д̣̇идтияаа уббаж̇ж̇анарааг̇о . д̣̇идтирааг̇арад̇д̇од̇и д̇зна д̣̇идтирааг̇зна ран̇г̇зна рад̇д̇ам̣ вад̇т̇ам̣ вияа рад̇д̇о. на махабпаланд̇и вибаагапалзна. на махаанисам̣санд̇и ниссанд̣̇апалзна.
Idāni nānāsuttehi saṃsandetvā micchādiṭṭhiṃ micchādiṭṭhikañca garahitukāmo assādadiṭṭhi micchādiṭṭhītiādimāha. Tattha diṭṭhivipattīti sammādiṭṭhivināsakamicchādiṭṭhisaṅkhātadiṭṭhiyā vipatti. Diṭṭhivipannoti vipannā vinaṭṭhā sammādiṭṭhi assāti diṭṭhivipanno, vipannadiṭṭhīti vuttaṃ hoti. Micchādiṭṭhiyā vā vipanno vinaṭṭhoti diṭṭhivipanno. Na sevitabbo upasaṅkamanena. Na bhajitabbo cittena. Na payirupāsitabbo upasaṅkamitvā nisīdanena. Taṃ kissa hetūti ‘‘taṃ sevanādikaṃ kena kāraṇena na kātabba’’nti tassa kāraṇapucchā. Diṭṭhi hissa pāpikāti kāraṇavissajjanaṃ. Yasmā assa puggalassa diṭṭhi pāpikā, tasmā taṃ sevanādikaṃ na kātabbanti attho. Diṭṭhiyā rāgoti ‘‘sundarā me diṭṭhī’’ti diṭṭhiṃ ārabbha diṭṭhiyā uppajjanarāgo . Diṭṭhirāgarattoti tena diṭṭhirāgena raṅgena rattaṃ vatthaṃ viya ratto. Na mahapphalanti vipākaphalena. Na mahānisaṃsanti nissandaphalena.
бурисабуг̇г̇алассаад̇и бурисасан̇каад̇асса буг̇г̇аласса. логияавохаарзна хи бури вужжад̇и сарийрам̣, д̇асмим̣ бурисмим̣ сзд̇и бавад̇д̇ад̇ийд̇и бурисо, бум̣ вужжад̇и нираяо, д̇ам̣ бум̣ г̇алад̇и г̇ажчад̇ийд̇и буг̇г̇ало. язбхуяязна хи сад̇д̇аа суг̇ад̇ид̇о жуд̇аа д̣̇уг̇г̇ад̇ияам̣язва ниб̣б̣ад̇д̇анд̇и. д̇ам̣ гисса хзд̇ууд̇и д̇ам̣ на махабпалад̇д̇ам̣ гзна гааран̣зна ход̇и. д̣̇идти хисса баабигаад̇и яасмаа асса буг̇г̇аласса д̣̇идти баабигаа, д̇асмаа на махабпалам̣ ход̇ийд̇и ад̇т̇о. д̣̇взва г̇ад̇ияод̇и бан̃жасу г̇ад̇ийсу д̣̇взва г̇ад̇ияо. вибаж̇ж̇амаанааяа д̣̇идтияаа нираяо. самбаж̇ж̇амаанааяа д̇иражчаанаяони. яан̃жзва гааяагамманд̇и сагалин̇г̇ад̇хааран̣абадибад̣̇аануяог̇аабхиваад̣̇анабажжудтаанаан̃ж̇алигаммаад̣̇и гааяагаммам̣. яан̃жа важийгамманд̇и сагасамаяабарияаабун̣анасаж̇жхааяанад̣̇зсанаасамаад̣̇абанаад̣̇и важийгаммам̣. яан̃жа маногамманд̇и ид̇халогажинд̇аабадисам̣яуд̇д̇ан̃жа баралогажинд̇аабадисам̣яуд̇д̇ан̃жа гад̇аагад̇ажинд̇аабадисам̣яуд̇д̇ан̃жа маногаммам̣. д̇ин̣агадтад̇хан̃н̃аб̣ийж̇зсу сад̇д̇ад̣̇идтисса д̣̇аанаануббад̣̇аанабадиг̇г̇ахан̣абарибхог̇зсу жа гааяаважийманогаммаани. яат̇аад̣̇идтийд̇и яаа аяам̣ д̣̇идти, д̇ассаануруубам̣. самад̇д̇анд̇и барибун̣н̣ам̣. самаад̣̇иннанд̇и г̇ахид̇ам̣.
Purisapuggalassāti purisasaṅkhātassa puggalassa. Lokiyavohārena hi puri vuccati sarīraṃ, tasmiṃ purismiṃ seti pavattatīti puriso, puṃ vuccati nirayo, taṃ puṃ galati gacchatīti puggalo. Yebhuyyena hi sattā sugatito cutā duggatiyaṃyeva nibbattanti. Taṃ kissa hetūti taṃ na mahapphalattaṃ kena kāraṇena hoti. Diṭṭhi hissa pāpikāti yasmā assa puggalassa diṭṭhi pāpikā, tasmā na mahapphalaṃ hotīti attho. Dveva gatiyoti pañcasu gatīsu dveva gatiyo. Vipajjamānāya diṭṭhiyā nirayo. Sampajjamānāya tiracchānayoni. Yañceva kāyakammanti sakaliṅgadhāraṇapaṭipadānuyogaabhivādanapaccuṭṭhānaañjalikammādi kāyakammaṃ. Yañca vacīkammanti sakasamayapariyāpuṇanasajjhāyanadesanāsamādapanādi vacīkammaṃ. Yañca manokammanti idhalokacintāpaṭisaṃyuttañca paralokacintāpaṭisaṃyuttañca katākatacintāpaṭisaṃyuttañca manokammaṃ. Tiṇakaṭṭhadhaññabījesu sattadiṭṭhissa dānānuppadānapaṭiggahaṇaparibhogesu ca kāyavacīmanokammāni. Yathādiṭṭhīti yā ayaṃ diṭṭhi, tassānurūpaṃ. Samattanti paripuṇṇaṃ. Samādinnanti gahitaṃ.
адтагат̇ааяам̣ бана вуд̇д̇ам̣ – д̇ад̣̇зд̇ам̣ яат̇аад̣̇идтияам̣ тид̇агааяагаммам̣, д̣̇идтисахаж̇аад̇агааяагаммам̣, д̣̇идтаануломигагааяагамманд̇и д̇ивид̇хам̣ ход̇и. д̇ад̇т̇а ‘‘баан̣ам̣ ханад̇о ад̣̇иннам̣ аад̣̇ияад̇о мижчаажарад̇о над̇т̇и д̇ад̇онид̣̇аанам̣ баабам̣, над̇т̇и баабасса ааг̇амо’’д̇и яам̣ звам̣ д̣̇идтигасса сад̇о баан̣аад̇ибаад̇аад̣̇иннаад̣̇аанамижчаажаарасан̇каад̇ам̣ гааяагаммам̣, ид̣̇ам̣ яат̇аад̣̇идтияам̣ тид̇агааяагаммам̣ наама. ‘‘баан̣ам̣ ханад̇о ад̣̇иннам̣ аад̣̇ияад̇о мижчаажарад̇о над̇т̇и д̇ад̇онид̣̇аанам̣ баабам̣, над̇т̇и баабасса ааг̇амо’’д̇и яам̣ имааяа д̣̇идтияаа иминаа д̣̇ассанзна сахаж̇аад̇ам̣ гааяагаммам̣, ид̣̇ам̣ д̣̇идтисахаж̇аад̇агааяагаммам̣ наама. д̇ад̣̇зва бана самад̇д̇ам̣ самаад̣̇иннам̣ г̇ахид̇ам̣ бараамадтам̣ д̣̇идтаануломигагааяагаммам̣ наама. важийгаммаманогаммзсуби зсзва наяо. зд̇т̇а бана мусаа бхан̣ад̇о бисун̣ам̣ бхан̣ад̇о парусам̣ бхан̣ад̇о сампам̣ балабад̇о абхиж̇жхаалуно б̣яаабаннажид̇д̇асса мижчаад̣̇идтигасса сад̇о над̇т̇и д̇ад̇онид̣̇аанам̣ баабам̣, над̇т̇и баабасса ааг̇амод̇и яож̇анаа гаад̇аб̣б̣аа. лин̇г̇ад̇хааран̣аад̣̇ибарияаабун̣анаад̣̇илогажинд̇аад̣̇ивасзна вуд̇д̇анаяо жзд̇т̇а сунд̣̇аро.
Aṭṭhakathāyaṃ pana vuttaṃ – tadetaṃ yathādiṭṭhiyaṃ ṭhitakāyakammaṃ, diṭṭhisahajātakāyakammaṃ, diṭṭhānulomikakāyakammanti tividhaṃ hoti. Tattha ‘‘pāṇaṃ hanato adinnaṃ ādiyato micchācarato natthi tatonidānaṃ pāpaṃ, natthi pāpassa āgamo’’ti yaṃ evaṃ diṭṭhikassa sato pāṇātipātaadinnādānamicchācārasaṅkhātaṃ kāyakammaṃ, idaṃ yathādiṭṭhiyaṃ ṭhitakāyakammaṃ nāma. ‘‘Pāṇaṃ hanato adinnaṃ ādiyato micchācarato natthi tatonidānaṃ pāpaṃ, natthi pāpassa āgamo’’ti yaṃ imāya diṭṭhiyā iminā dassanena sahajātaṃ kāyakammaṃ, idaṃ diṭṭhisahajātakāyakammaṃ nāma. Tadeva pana samattaṃ samādinnaṃ gahitaṃ parāmaṭṭhaṃ diṭṭhānulomikakāyakammaṃ nāma. Vacīkammamanokammesupi eseva nayo. Ettha pana musā bhaṇato pisuṇaṃ bhaṇato pharusaṃ bhaṇato samphaṃ palapato abhijjhāluno byāpannacittassa micchādiṭṭhikassa sato natthi tatonidānaṃ pāpaṃ, natthi pāpassa āgamoti yojanā kātabbā. Liṅgadhāraṇādipariyāpuṇanādilokacintādivasena vuttanayo cettha sundaro.
жзд̇анаад̣̇ийсу д̣̇идтисахаж̇аад̇аа жзд̇анаа жзд̇анаа наама. д̣̇идтисахаж̇аад̇аа бад̇т̇анаа бад̇т̇анаа наама. жзд̇анаабад̇т̇анаанам̣ васзна жид̇д̇адтабанаа бан̣ид̇хи наама. д̇зхи бана жзд̇анаад̣̇ийхи самбаяуд̇д̇аа пассаад̣̇аяо сан̇каарагканд̇хабарияаабаннаа д̇хаммаа сан̇каараа наама. анидтааяаад̇иаад̣̇ийхи д̣̇угкамзва вуд̇д̇ам̣. д̣̇угкан̃хи сукагаамзхи сад̇д̇зхи на зсид̇ад̇д̇аа анидтам̣. аббияад̇д̇аа аганд̇ам̣. манасса авад̣дханад̇о, манаси ависаббанад̇о жа аманаабам̣. ааяад̇им̣ абхад̣̇д̣̇ад̇ааяа ахид̇ам̣. бийл̣анад̇о д̣̇угканд̇и. д̇ам̣ гисса хзд̇ууд̇и д̇ам̣ звам̣ сам̣вад̇д̇анам̣ гзна гааран̣зна ход̇ийд̇и ад̇т̇о. ид̣̇аанисса гааран̣ам̣ д̣̇идти хисса баабигаад̇и. яасмаа д̇асса буг̇г̇аласса д̣̇идти баабигаа лаамагаа, д̇асмаа звам̣ сам̣вад̇д̇ад̇ийд̇и ад̇т̇о. аллааяа бат̇авияаа нигкид̇д̇анд̇и уд̣̇агзна д̇инд̇ааяа бхуумияаа робид̇ам̣. бат̇авийрасам̣ ааборасанд̇и д̇асмим̣ д̇асмим̣ таанз бат̇авияаа жа самбад̣̇ам̣ аабасса жа самбад̣̇ам̣. б̣ийж̇анигкид̇д̇адтаанз хи на саб̣б̣аа бат̇авий на саб̣б̣о аабо жа б̣ийж̇ам̣ палам̣ г̇ан̣хаабзд̇и. яо бана д̇зсам̣ бад̣̇зсо б̣ийж̇ам̣ пусад̇и, соязва б̣ийж̇ам̣ палам̣ г̇ан̣хаабзд̇и. д̇асмаа б̣ийж̇абосанааяа бажжаяабхууд̇оязва со бад̣̇зсо бат̇авийрасо ааборасод̇и взд̣̇ид̇аб̣б̣о. расасад̣̇д̣̇асса хи самбад̇д̇и жа ад̇т̇о. яат̇ааха ‘‘гижжасамбад̇д̇иад̇т̇зна расо наама бавужжад̇ий’’д̇и. логз жа ‘‘сурасо г̇анд̇хаб̣б̣о’’д̇и вуд̇д̇з сусамбанно г̇анд̇хаб̣б̣од̇и ад̇т̇о н̃ааяад̇и. убаад̣̇ияад̇ийд̇и г̇ан̣хаад̇и. яо хи бад̣̇зсо бажжаяо ход̇и, д̇ам̣ бажжаяам̣ лабхамаанам̣ б̣ийж̇ам̣ д̇ам̣ г̇ан̣хаад̇и наама. саб̣б̣ам̣ д̇анд̇и саб̣б̣ам̣ д̇ам̣ расаж̇аад̇ам̣. д̇ид̇д̇агад̇д̇ааяаад̇и со бат̇авийрасо ааборасо жа ад̇ид̇д̇аго самааноби д̇ид̇д̇агам̣ б̣ийж̇ам̣ ниссааяа нимб̣аругкаад̣̇ийнам̣ д̇зсам̣ палаанан̃жа д̇ид̇д̇агабхаавааяа сам̣вад̇д̇ад̇и. гадугад̇д̇ааяаад̇и ид̣̇ам̣ буримассзва взважанам̣.
Cetanādīsu diṭṭhisahajātā cetanā cetanā nāma. Diṭṭhisahajātā patthanā patthanā nāma. Cetanāpatthanānaṃ vasena cittaṭṭhapanā paṇidhi nāma. Tehi pana cetanādīhi sampayuttā phassādayo saṅkhārakkhandhapariyāpannā dhammā saṅkhārā nāma. Aniṭṭhāyātiādīhi dukkhameva vuttaṃ. Dukkhañhi sukhakāmehi sattehi na esitattā aniṭṭhaṃ. Appiyattā akantaṃ. Manassa avaḍḍhanato, manasi avisappanato ca amanāpaṃ. Āyatiṃ abhaddatāya ahitaṃ. Pīḷanato dukkhanti. Taṃ kissa hetūti taṃ evaṃ saṃvattanaṃ kena kāraṇena hotīti attho. Idānissa kāraṇaṃ diṭṭhi hissa pāpikāti. Yasmā tassa puggalassa diṭṭhi pāpikā lāmakā, tasmā evaṃ saṃvattatīti attho. Allāya pathaviyā nikkhittanti udakena tintāya bhūmiyā ropitaṃ. Pathavīrasaṃ āporasanti tasmiṃ tasmiṃ ṭhāne pathaviyā ca sampadaṃ āpassa ca sampadaṃ. Bījanikkhittaṭṭhāne hi na sabbā pathavī na sabbo āpo ca bījaṃ phalaṃ gaṇhāpeti. Yo pana tesaṃ padeso bījaṃ phusati, soyeva bījaṃ phalaṃ gaṇhāpeti. Tasmā bījaposanāya paccayabhūtoyeva so padeso pathavīraso āporasoti veditabbo. Rasasaddassa hi sampatti ca attho. Yathāha ‘‘kiccasampattiatthena raso nāma pavuccatī’’ti. Loke ca ‘‘suraso gandhabbo’’ti vutte susampanno gandhabboti attho ñāyati. Upādiyatīti gaṇhāti. Yo hi padeso paccayo hoti, taṃ paccayaṃ labhamānaṃ bījaṃ taṃ gaṇhāti nāma. Sabbaṃ tanti sabbaṃ taṃ rasajātaṃ. Tittakattāyāti so pathavīraso āporaso ca atittako samānopi tittakaṃ bījaṃ nissāya nimbarukkhādīnaṃ tesaṃ phalānañca tittakabhāvāya saṃvattati. Kaṭukattāyāti idaṃ purimasseva vevacanaṃ.
‘‘ван̣н̣аг̇анд̇харасуубзд̇о, амб̣ояам̣ ахуваа бурз;
‘‘Vaṇṇagandharasūpeto, amboyaṃ ahuvā pure;
д̇амзва бууж̇ам̣ лабхамаано, гзнамб̣о гадугабпало’’д̇и. (ж̇аа. 1.2.71) –
Tameva pūjaṃ labhamāno, kenambo kaṭukapphalo’’ti. (jā. 1.2.71) –
ааг̇ад̇адтаанз вияа хи ид̇хааби д̇ид̇д̇агамзва аббияадтзна гадуганд̇и взд̣̇ид̇аб̣б̣ам̣. асаад̇ад̇д̇ааяаад̇и амад̇хурабхаавааяа. асаад̣̇уд̇д̇ааяаад̇иби баато, асаад̣̇убхаавааяаад̇и ад̇т̇о. саад̣̇ууд̇и хи мад̇хурам̣. б̣ийж̇ам̣ хиссаад̇и асса нимб̣аад̣̇игасса б̣ийж̇ам̣. звамзванд̇и звам̣ звам̣. яасмаа сукаа взд̣̇анаа барамо ассаад̣̇о, д̇асмаа мижчаад̣̇идтияаа д̣̇угкавзд̣̇анаавасзна аад̣̇ийнаво д̣̇ассид̇од̇и. буна адтаарасабхзд̣̇зна д̣̇идтияаа аад̣̇ийнавам̣ д̣̇ассзд̇ум̣ ассаад̣̇ад̣̇идти мижчаад̣̇идтийд̇иаад̣̇имааха. д̇ам̣ вуд̇д̇ад̇т̇амзва. имзхи адтаарасахи аагаарзхи барияудтид̇ажид̇д̇асса сан̃н̃ог̇од̇и д̣̇идтияаа зва сам̣саарз б̣анд̇ханам̣ д̣̇ассзд̇и.
Āgataṭṭhāne viya hi idhāpi tittakameva appiyaṭṭhena kaṭukanti veditabbaṃ. Asātattāyāti amadhurabhāvāya. Asāduttāyātipi pāṭho, asādubhāvāyāti attho. Sādūti hi madhuraṃ. Bījaṃ hissāti assa nimbādikassa bījaṃ. Evamevanti evaṃ evaṃ. Yasmā sukhā vedanā paramo assādo, tasmā micchādiṭṭhiyā dukkhavedanāvasena ādīnavo dassitoti. Puna aṭṭhārasabhedena diṭṭhiyā ādīnavaṃ dassetuṃ assādadiṭṭhi micchādiṭṭhītiādimāha. Taṃ vuttatthameva. Imehi aṭṭhārasahi ākārehi pariyuṭṭhitacittassa saññogoti diṭṭhiyā eva saṃsāre bandhanaṃ dasseti.
129. яасмаа бана д̣̇идтибхууд̇ааниби сан̃н̃ож̇анаани ад̇т̇и ад̣̇идтибхууд̇ааниби, д̇асмаа д̇ам̣ бабхзд̣̇ам̣ д̣̇ассзнд̇о ад̇т̇и сан̃н̃ож̇анаани жзваад̇иаад̣̇имааха. д̇ад̇т̇а яасмаа гаамарааг̇асан̃н̃ож̇анассзва анунаяасан̃н̃ож̇ананд̇и ааг̇ад̇адтаанамби ад̇т̇и, д̇асмаа анунаяасан̃н̃ож̇ананд̇и вуд̇д̇ам̣. гаамарааг̇абхаавам̣ аббад̇ваа бавад̇д̇ам̣ лобхам̣ санд̇хааяа зд̇ам̣ вуд̇д̇анд̇и взд̣̇ид̇аб̣б̣ам̣. сзсаканд̇хааяад̇анаад̣̇имуулагзсуби ваарзсу иминаава наязна ад̇т̇о взд̣̇ид̇аб̣б̣о. взд̣̇анаабарамад̇д̇аа жа ассаад̣̇асса взд̣̇анаабарияосаанаа зва д̣̇зсанаа гад̇аа. сан̃н̃аад̣̇аяо на г̇ахид̇аа. имзхи бан̃жад̇им̣сааяа аагаарзхийд̇и бан̃жагканд̇хаа аж̇жхад̇д̇игааяад̇анаад̣̇ийни бан̃жа чаггаани жаад̇и имаани бан̃жад̇им̣са вад̇т̇ууни ниссааяа уббаннаассаад̣̇аарамман̣авасзна бан̃жад̇им̣сааяа аагаарзхи.
129. Yasmā pana diṭṭhibhūtānipi saññojanāni atthi adiṭṭhibhūtānipi, tasmā taṃ pabhedaṃ dassento atthi saññojanāni cevātiādimāha. Tattha yasmā kāmarāgasaññojanasseva anunayasaññojananti āgataṭṭhānampi atthi, tasmā anunayasaññojananti vuttaṃ. Kāmarāgabhāvaṃ appatvā pavattaṃ lobhaṃ sandhāya etaṃ vuttanti veditabbaṃ. Sesakhandhāyatanādimūlakesupi vāresu imināva nayena attho veditabbo. Vedanāparamattā ca assādassa vedanāpariyosānā eva desanā katā. Saññādayo na gahitā. Imehi pañcatiṃsāya ākārehīti pañcakkhandhā ajjhattikāyatanādīni pañca chakkāni cāti imāni pañcatiṃsa vatthūni nissāya uppannaassādārammaṇavasena pañcatiṃsāya ākārehi.
ассаад̣̇ад̣̇идтинид̣̇д̣̇зсаван̣н̣анаа нидтид̇аа.
Assādadiṭṭhiniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi
2. д̣̇идтигат̇аа • 2. Diṭṭhikathā
1. ассаад̣̇ад̣̇идтинид̣̇д̣̇зсо • 1. Assādadiṭṭhiniddeso
