| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
1. ассаад̣̇ад̣̇идтинид̣̇д̣̇зсо
1. Assādadiṭṭhiniddeso
128. ассаад̣̇ад̣̇идтияаа гад̇амзхи бан̃жад̇им̣сааяа аагаарзхи абхинивзсо ход̇и? яам̣ руубам̣ бадижжа уббаж̇ж̇ад̇и сукам̣ соманассам̣, аяам̣ руубасса ассаад̣̇од̇и – абхинивзсабараамаасо д̣̇идти. д̣̇идти на ассаад̣̇о, ассаад̣̇о на д̣̇идти. ан̃н̃аа д̣̇идти, ан̃н̃о ассаад̣̇о. яаа жа д̣̇идти яо жа ассаад̣̇о – аяам̣ вужжад̇и ассаад̣̇ад̣̇идти.
128. Assādadiṭṭhiyā katamehi pañcatiṃsāya ākārehi abhiniveso hoti? Yaṃ rūpaṃ paṭicca uppajjati sukhaṃ somanassaṃ, ayaṃ rūpassa assādoti – abhinivesaparāmāso diṭṭhi. Diṭṭhi na assādo, assādo na diṭṭhi. Aññā diṭṭhi, añño assādo. Yā ca diṭṭhi yo ca assādo – ayaṃ vuccati assādadiṭṭhi.
ассаад̣̇ад̣̇идти мижчаад̣̇идти д̣̇идтивибад̇д̇и. д̇ааяа д̣̇идтивибад̇д̇ияаа саманнааг̇ад̇о буг̇г̇ало д̣̇идтивибанно. д̣̇идтивибанно буг̇г̇ало на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о. д̇ам̣ гисса хзд̇у? д̣̇идти хисса баабигаа. яо д̣̇идтияаа рааг̇о 1, со на д̣̇идти. д̣̇идти на рааг̇о. ан̃н̃аа д̣̇идти, ан̃н̃о рааг̇о. яаа жа д̣̇идти яо жа рааг̇о – аяам̣ вужжад̇и д̣̇идтирааг̇о. д̇ааяа жа д̣̇идтияаа д̇зна жа рааг̇зна саманнааг̇ад̇о буг̇г̇ало д̣̇идтирааг̇арад̇д̇о. д̣̇идтирааг̇арад̇д̇з буг̇г̇алз д̣̇иннам̣ д̣̇аанам̣ на махабпалам̣ ход̇и на махаанисам̣сам̣. д̇ам̣ гисса хзд̇у? д̣̇идти хисса баабигаа ассаад̣̇ад̣̇идти мижчаад̣̇идти.
Assādadiṭṭhi micchādiṭṭhi diṭṭhivipatti. Tāya diṭṭhivipattiyā samannāgato puggalo diṭṭhivipanno. Diṭṭhivipanno puggalo na sevitabbo na bhajitabbo na payirupāsitabbo. Taṃ kissa hetu? Diṭṭhi hissa pāpikā. Yo diṭṭhiyā rāgo 2, so na diṭṭhi. Diṭṭhi na rāgo. Aññā diṭṭhi, añño rāgo. Yā ca diṭṭhi yo ca rāgo – ayaṃ vuccati diṭṭhirāgo. Tāya ca diṭṭhiyā tena ca rāgena samannāgato puggalo diṭṭhirāgaratto. Diṭṭhirāgaratte puggale dinnaṃ dānaṃ na mahapphalaṃ hoti na mahānisaṃsaṃ. Taṃ kissa hetu? Diṭṭhi hissa pāpikā assādadiṭṭhi micchādiṭṭhi.
мижчаад̣̇идтигасса бурисабуг̇г̇аласса д̣̇взва г̇ад̇ияо – нираяо ваа д̇иражчаанаяони ваа. мижчаад̣̇идтигасса бурисабуг̇г̇аласса яан̃жзва гааяагаммам̣ яат̇аад̣̇идти самад̇д̇ам̣ самаад̣̇иннам̣, яан̃жа важийгаммам̣…бз… яан̃жа маногаммам̣ яат̇аад̣̇идти самад̇д̇ам̣ самаад̣̇иннам̣, яаа жа жзд̇анаа яаа жа бад̇т̇анаа яо жа бан̣ид̇хи яз жа сан̇каараа, саб̣б̣з д̇з д̇хаммаа анидтааяа аганд̇ааяа аманаабааяа ахид̇ааяа д̣̇угкааяа сам̣вад̇д̇анд̇и. д̇ам̣ гисса хзд̇у? д̣̇идти хисса баабигаа. сзяяат̇ааби нимб̣аб̣ийж̇ам̣ ваа госаад̇агийб̣ийж̇ам̣ ваа д̇ид̇д̇агаалааб̣уб̣ийж̇ам̣ ваа аллааяа бат̇авияаа нигкид̇д̇ам̣ яам̣ жзва бат̇авирасам̣ убаад̣̇ияад̇и, яан̃жа ааборасам̣ убаад̣̇ияад̇и, саб̣б̣ам̣ д̇ам̣ д̇ид̇д̇агад̇д̇ааяа гадугад̇д̇ааяа асаад̇ад̇д̇ааяа 3 сам̣вад̇д̇ад̇и. д̇ам̣ гисса хзд̇у? б̣ийж̇ам̣ хисса баабигам̣. звамзвам̣ мижчаад̣̇идтигасса бурисабуг̇г̇аласса яан̃жзва гааяагаммам̣ яат̇аад̣̇идти самад̇д̇ам̣ самаад̣̇иннам̣, яан̃жа важийгаммам̣…бз… яан̃жа маногаммам̣ яат̇аад̣̇идти самад̇д̇ам̣ самаад̣̇иннам̣, яаа жа жзд̇анаа яаа жа бад̇т̇анаа яо жа бан̣ид̇хи яз жа сан̇каараа, саб̣б̣з д̇з д̇хаммаа анидтааяа аганд̇ааяа аманаабааяа ахид̇ааяа д̣̇угкааяа сам̣вад̇д̇анд̇и. д̇ам̣ гисса хзд̇у? д̣̇идти хисса баабигаа ассаад̣̇ад̣̇идти мижчаад̣̇идти.
Micchādiṭṭhikassa purisapuggalassa dveva gatiyo – nirayo vā tiracchānayoni vā. Micchādiṭṭhikassa purisapuggalassa yañceva kāyakammaṃ yathādiṭṭhi samattaṃ samādinnaṃ, yañca vacīkammaṃ…pe… yañca manokammaṃ yathādiṭṭhi samattaṃ samādinnaṃ, yā ca cetanā yā ca patthanā yo ca paṇidhi ye ca saṅkhārā, sabbe te dhammā aniṭṭhāya akantāya amanāpāya ahitāya dukkhāya saṃvattanti. Taṃ kissa hetu? Diṭṭhi hissa pāpikā. Seyyathāpi nimbabījaṃ vā kosātakībījaṃ vā tittakālābubījaṃ vā allāya pathaviyā nikkhittaṃ yaṃ ceva pathavirasaṃ upādiyati, yañca āporasaṃ upādiyati, sabbaṃ taṃ tittakattāya kaṭukattāya asātattāya 4 saṃvattati. Taṃ kissa hetu? Bījaṃ hissa pāpikaṃ. Evamevaṃ micchādiṭṭhikassa purisapuggalassa yañceva kāyakammaṃ yathādiṭṭhi samattaṃ samādinnaṃ, yañca vacīkammaṃ…pe… yañca manokammaṃ yathādiṭṭhi samattaṃ samādinnaṃ, yā ca cetanā yā ca patthanā yo ca paṇidhi ye ca saṅkhārā, sabbe te dhammā aniṭṭhāya akantāya amanāpāya ahitāya dukkhāya saṃvattanti. Taṃ kissa hetu? Diṭṭhi hissa pāpikā assādadiṭṭhi micchādiṭṭhi.
мижчаад̣̇идти д̣̇идтиг̇ад̇ам̣, д̣̇идтиг̇аханам̣, д̣̇идтиганд̇аарам̣, д̣̇идтивисуугам̣, д̣̇идтивибпанд̣̇ид̇ам̣, д̣̇идтисан̃н̃ож̇анам̣, д̣̇идтисаллам̣, д̣̇идтисамб̣аад̇хо, д̣̇идтибалиб̣од̇хо, д̣̇идтиб̣анд̇ханам̣, д̣̇идтибабаад̇о, д̣̇идтаанусаяо, д̣̇идтисанд̇аабо, д̣̇идтибарил̣аахо, д̣̇идтиг̇ант̇о, д̣̇идтубаад̣̇аанам̣, д̣̇идтаабхинивзсо, д̣̇идтибараамаасо – имзхи адтаарасахи аагаарзхи барияудтид̇ажид̇д̇асса сан̃н̃ог̇о.
Micchādiṭṭhi diṭṭhigataṃ, diṭṭhigahanaṃ, diṭṭhikantāraṃ, diṭṭhivisūkaṃ, diṭṭhivipphanditaṃ, diṭṭhisaññojanaṃ, diṭṭhisallaṃ, diṭṭhisambādho, diṭṭhipalibodho, diṭṭhibandhanaṃ, diṭṭhipapāto, diṭṭhānusayo, diṭṭhisantāpo, diṭṭhipariḷāho, diṭṭhigantho, diṭṭhupādānaṃ, diṭṭhābhiniveso, diṭṭhiparāmāso – imehi aṭṭhārasahi ākārehi pariyuṭṭhitacittassa saññogo.
129. ад̇т̇и сан̃н̃ож̇анаани жзва д̣̇идтияо жа, ад̇т̇и сан̃н̃ож̇анаани на жа д̣̇идтияо. гад̇амаани сан̃н̃ож̇анаани жзва д̣̇идтияо жа? саггааяад̣̇идти, сийлаб̣б̣ад̇абараамаасо – имаани сан̃н̃ож̇анаани жзва д̣̇идтияо жа. гад̇амаани сан̃н̃ож̇анаани, на жа д̣̇идтияо? гаамарааг̇асан̃н̃ож̇анам̣, бадигхасан̃н̃ож̇анам̣, маанасан̃н̃ож̇анам̣, вижигижчаасан̃н̃ож̇анам̣, бхаварааг̇асан̃н̃ож̇анам̣, иссаасан̃н̃ож̇анам̣, мажчарияасан̃н̃ож̇анам̣, анунаяасан̃н̃ож̇анам̣, авиж̇ж̇аасан̃н̃ож̇анам̣ – имаани сан̃н̃ож̇анаани, на жа д̣̇идтияо.
129. Atthi saññojanāni ceva diṭṭhiyo ca, atthi saññojanāni na ca diṭṭhiyo. Katamāni saññojanāni ceva diṭṭhiyo ca? Sakkāyadiṭṭhi, sīlabbataparāmāso – imāni saññojanāni ceva diṭṭhiyo ca. Katamāni saññojanāni, na ca diṭṭhiyo? Kāmarāgasaññojanaṃ, paṭighasaññojanaṃ, mānasaññojanaṃ, vicikicchāsaññojanaṃ, bhavarāgasaññojanaṃ, issāsaññojanaṃ, macchariyasaññojanaṃ, anunayasaññojanaṃ, avijjāsaññojanaṃ – imāni saññojanāni, na ca diṭṭhiyo.
яам̣ взд̣̇анам̣ бадижжа…бз… яам̣ сан̃н̃ам̣ бадижжа…бз… яам̣ сан̇каарз 5 бадижжа…бз… яам̣ вин̃н̃аан̣ам̣ бадижжа… яам̣ жагкум̣ бадижжа… яам̣ сод̇ам̣ бадижжа… яам̣ гхаанам̣ бадижжа… яам̣ ж̇ивхам̣ бадижжа… яам̣ гааяам̣ бадижжа… яам̣ манам̣ бадижжа… яам̣ руубз бадижжа… яам̣ сад̣̇д̣̇з бадижжа… яам̣ г̇анд̇хз бадижжа … яам̣ расз бадижжа… яам̣ подтаб̣б̣з бадижжа… яам̣ д̇хаммз бадижжа… яам̣ жагкувин̃н̃аан̣ам̣ бадижжа… яам̣ сод̇авин̃н̃аан̣ам̣ бадижжа… яам̣ гхаанавин̃н̃аан̣ам̣ бадижжа… яам̣ ж̇ивхаавин̃н̃аан̣ам̣ бадижжа… яам̣ гааяавин̃н̃аан̣ам̣ бадижжа… яам̣ мановин̃н̃аан̣ам̣ бадижжа … яам̣ жагкусампассам̣ бадижжа… яам̣ сод̇асампассам̣ бадижжа… яам̣ гхаанасампассам̣ бадижжа… яам̣ ж̇ивхаасампассам̣ бадижжа… яам̣ гааяасампассам̣ бадижжа… яам̣ маносампассам̣ бадижжа… яам̣ жагкусампассаж̇ам̣ взд̣̇анам̣ бадижжа… яам̣ сод̇асампассаж̇ам̣ взд̣̇анам̣ бадижжа… яам̣ гхаанасампассаж̇ам̣ взд̣̇анам̣ бадижжа… яам̣ ж̇ивхаасампассаж̇ам̣ взд̣̇анам̣ бадижжа… яам̣ гааяасампассаж̇ам̣ взд̣̇анам̣ бадижжа… яам̣ маносампассаж̇ам̣ взд̣̇анам̣ бадижжа уббаж̇ж̇ад̇и сукам̣ соманассам̣, аяам̣ маносампассаж̇ааяа взд̣̇анааяа ассаад̣̇од̇и – абхинивзсабараамаасо д̣̇идти. д̣̇идти на ассаад̣̇о, ассаад̣̇о на д̣̇идти. ан̃н̃аа д̣̇идти, ан̃н̃о ассаад̣̇о. яаа жа д̣̇идти яо жа ассаад̣̇о – аяам̣ вужжад̇и ассаад̣̇ад̣̇идти.
Yaṃ vedanaṃ paṭicca…pe… yaṃ saññaṃ paṭicca…pe… yaṃ saṅkhāre 6 paṭicca…pe… yaṃ viññāṇaṃ paṭicca… yaṃ cakkhuṃ paṭicca… yaṃ sotaṃ paṭicca… yaṃ ghānaṃ paṭicca… yaṃ jivhaṃ paṭicca… yaṃ kāyaṃ paṭicca… yaṃ manaṃ paṭicca… yaṃ rūpe paṭicca… yaṃ sadde paṭicca… yaṃ gandhe paṭicca … yaṃ rase paṭicca… yaṃ phoṭṭhabbe paṭicca… yaṃ dhamme paṭicca… yaṃ cakkhuviññāṇaṃ paṭicca… yaṃ sotaviññāṇaṃ paṭicca… yaṃ ghānaviññāṇaṃ paṭicca… yaṃ jivhāviññāṇaṃ paṭicca… yaṃ kāyaviññāṇaṃ paṭicca… yaṃ manoviññāṇaṃ paṭicca … yaṃ cakkhusamphassaṃ paṭicca… yaṃ sotasamphassaṃ paṭicca… yaṃ ghānasamphassaṃ paṭicca… yaṃ jivhāsamphassaṃ paṭicca… yaṃ kāyasamphassaṃ paṭicca… yaṃ manosamphassaṃ paṭicca… yaṃ cakkhusamphassajaṃ vedanaṃ paṭicca… yaṃ sotasamphassajaṃ vedanaṃ paṭicca… yaṃ ghānasamphassajaṃ vedanaṃ paṭicca… yaṃ jivhāsamphassajaṃ vedanaṃ paṭicca… yaṃ kāyasamphassajaṃ vedanaṃ paṭicca… yaṃ manosamphassajaṃ vedanaṃ paṭicca uppajjati sukhaṃ somanassaṃ, ayaṃ manosamphassajāya vedanāya assādoti – abhinivesaparāmāso diṭṭhi. Diṭṭhi na assādo, assādo na diṭṭhi. Aññā diṭṭhi, añño assādo. Yā ca diṭṭhi yo ca assādo – ayaṃ vuccati assādadiṭṭhi.
ассаад̣̇ад̣̇идти мижчаад̣̇идти д̣̇идтивибад̇д̇и. д̇ааяа д̣̇идтивибад̇д̇ияаа саманнааг̇ад̇о буг̇г̇ало д̣̇идтивибанно. д̣̇идтивибанно буг̇г̇ало на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о. д̇ам̣ гисса хзд̇у? д̣̇идти хисса баабигаа. яо д̣̇идтияаа рааг̇о, со на д̣̇идти. д̣̇идти на рааг̇о. ан̃н̃аа д̣̇идти, ан̃н̃о рааг̇о. яаа жа д̣̇идти яо жа рааг̇о, аяам̣ вужжад̇и д̣̇идтирааг̇о. д̇ааяа жа д̣̇идтияаа д̇зна жа рааг̇зна саманнааг̇ад̇о буг̇г̇ало д̣̇идтирааг̇арад̇д̇о. д̣̇идтирааг̇арад̇д̇з буг̇г̇алз д̣̇иннам̣ д̣̇аанам̣ на махабпалам̣ ход̇и на махаанисам̣сам̣. д̇ам̣ гисса хзд̇у? д̣̇идти хисса баабигаа ассаад̣̇ад̣̇идти мижчаад̣̇идти.
Assādadiṭṭhi micchādiṭṭhi diṭṭhivipatti. Tāya diṭṭhivipattiyā samannāgato puggalo diṭṭhivipanno. Diṭṭhivipanno puggalo na sevitabbo na bhajitabbo na payirupāsitabbo. Taṃ kissa hetu? Diṭṭhi hissa pāpikā. Yo diṭṭhiyā rāgo, so na diṭṭhi. Diṭṭhi na rāgo. Aññā diṭṭhi, añño rāgo. Yā ca diṭṭhi yo ca rāgo, ayaṃ vuccati diṭṭhirāgo. Tāya ca diṭṭhiyā tena ca rāgena samannāgato puggalo diṭṭhirāgaratto. Diṭṭhirāgaratte puggale dinnaṃ dānaṃ na mahapphalaṃ hoti na mahānisaṃsaṃ. Taṃ kissa hetu? Diṭṭhi hissa pāpikā assādadiṭṭhi micchādiṭṭhi.
мижчаад̣̇идтигасса бурисабуг̇г̇аласса д̣̇взва г̇ад̇ияо – нираяо ваа д̇иражчаанаяони ваа. мижчаад̣̇идтигасса бурисабуг̇г̇аласса яан̃жзва гааяагаммам̣ яат̇аад̣̇идти самад̇д̇ам̣ самаад̣̇иннам̣, яан̃жа важийгаммам̣…бз… яан̃жа маногаммам̣ яат̇аад̣̇идти самад̇д̇ам̣ самаад̣̇иннам̣, яаа жа жзд̇анаа яаа жа бад̇т̇анаа яо жа бан̣ид̇хи яз жа сан̇каараа, саб̣б̣з д̇з д̇хаммаа анидтааяа аганд̇ааяа аманаабааяа ахид̇ааяа д̣̇угкааяа сам̣вад̇д̇анд̇и. д̇ам̣ гисса хзд̇у? д̣̇идти хисса баабигаа. сзяяат̇ааби нимб̣аб̣ийж̇ам̣ ваа госаад̇агийб̣ийж̇ам̣ ваа д̇ид̇д̇агаалааб̣уб̣ийж̇ам̣ ваа аллааяа бат̇авияаа нигкид̇д̇ам̣ яан̃жзва бат̇авирасам̣ убаад̣̇ияад̇и яан̃жа ааборасам̣ убаад̣̇ияад̇и, саб̣б̣ам̣ д̇ам̣ д̇ид̇д̇агад̇д̇ааяа гадугад̇д̇ааяа асаад̇ад̇д̇ааяа сам̣вад̇д̇ад̇и. д̇ам̣ гисса хзд̇у? б̣ийж̇ам̣ хисса баабигам̣. звамзвам̣ мижчаад̣̇идтигасса бурисабуг̇г̇аласса яан̃жзва гааяагаммам̣ яат̇аад̣̇идти самад̇д̇ам̣ самаад̣̇иннам̣ яан̃жа важийгаммам̣…бз… яан̃жа маногаммам̣ яат̇аад̣̇идти самад̇д̇ам̣ самаад̣̇иннам̣, яаа жа жзд̇анаа яаа жа бад̇т̇анаа яо жа бан̣ид̇хи яз жа сан̇каараа, саб̣б̣з д̇з д̇хаммаа анидтааяа аганд̇ааяа аманаабааяа ахид̇ааяа д̣̇угкааяа сам̣вад̇д̇анд̇и. д̇ам̣ гисса хзд̇у? д̣̇идти хисса баабигаа ассаад̣̇ад̣̇идти мижчаад̣̇идти.
Micchādiṭṭhikassa purisapuggalassa dveva gatiyo – nirayo vā tiracchānayoni vā. Micchādiṭṭhikassa purisapuggalassa yañceva kāyakammaṃ yathādiṭṭhi samattaṃ samādinnaṃ, yañca vacīkammaṃ…pe… yañca manokammaṃ yathādiṭṭhi samattaṃ samādinnaṃ, yā ca cetanā yā ca patthanā yo ca paṇidhi ye ca saṅkhārā, sabbe te dhammā aniṭṭhāya akantāya amanāpāya ahitāya dukkhāya saṃvattanti. Taṃ kissa hetu? Diṭṭhi hissa pāpikā. Seyyathāpi nimbabījaṃ vā kosātakībījaṃ vā tittakālābubījaṃ vā allāya pathaviyā nikkhittaṃ yañceva pathavirasaṃ upādiyati yañca āporasaṃ upādiyati, sabbaṃ taṃ tittakattāya kaṭukattāya asātattāya saṃvattati. Taṃ kissa hetu? Bījaṃ hissa pāpikaṃ. Evamevaṃ micchādiṭṭhikassa purisapuggalassa yañceva kāyakammaṃ yathādiṭṭhi samattaṃ samādinnaṃ yañca vacīkammaṃ…pe… yañca manokammaṃ yathādiṭṭhi samattaṃ samādinnaṃ, yā ca cetanā yā ca patthanā yo ca paṇidhi ye ca saṅkhārā, sabbe te dhammā aniṭṭhāya akantāya amanāpāya ahitāya dukkhāya saṃvattanti. Taṃ kissa hetu? Diṭṭhi hissa pāpikā assādadiṭṭhi micchādiṭṭhi.
мижчаад̣̇идти д̣̇идтиг̇ад̇ам̣ д̣̇идтиг̇аханам̣…бз… д̣̇идтаабхинивзсо д̣̇идтибараамаасо – имзхи адтаарасахи аагаарзхи барияудтид̇ажид̇д̇асса сан̃н̃ог̇о.
Micchādiṭṭhi diṭṭhigataṃ diṭṭhigahanaṃ…pe… diṭṭhābhiniveso diṭṭhiparāmāso – imehi aṭṭhārasahi ākārehi pariyuṭṭhitacittassa saññogo.
ад̇т̇и сан̃н̃ож̇анаани жзва д̣̇идтияо жа, ад̇т̇и сан̃н̃ож̇анаани на жа д̣̇идтияо. гад̇амаани сан̃н̃ож̇анаани жзва д̣̇идтияо жа? саггааяад̣̇идти, сийлаб̣б̣ад̇абараамаасо – имаани сан̃н̃ож̇анаани жзва д̣̇идтияо жа. гад̇амаани сан̃н̃ож̇анаани, на жа д̣̇идтияо? гаамарааг̇асан̃н̃ож̇анам̣, бадигхасан̃н̃ож̇анам̣, маанасан̃н̃ож̇анам̣, вижигижчаасан̃н̃ож̇анам̣, бхаварааг̇асан̃н̃ож̇анам̣, иссаасан̃н̃ож̇анам̣, мажчарияасан̃н̃ож̇анам̣, анунаяасан̃н̃ож̇анам̣, авиж̇ж̇аасан̃н̃ож̇анам̣ – имаани сан̃н̃ож̇анаани, на жа д̣̇идтияо. ассаад̣̇ад̣̇идтияаа имзхи бан̃жад̇им̣сааяа аагаарзхи абхинивзсо ход̇и.
Atthi saññojanāni ceva diṭṭhiyo ca, atthi saññojanāni na ca diṭṭhiyo. Katamāni saññojanāni ceva diṭṭhiyo ca? Sakkāyadiṭṭhi, sīlabbataparāmāso – imāni saññojanāni ceva diṭṭhiyo ca. Katamāni saññojanāni, na ca diṭṭhiyo? Kāmarāgasaññojanaṃ, paṭighasaññojanaṃ, mānasaññojanaṃ, vicikicchāsaññojanaṃ, bhavarāgasaññojanaṃ, issāsaññojanaṃ, macchariyasaññojanaṃ, anunayasaññojanaṃ, avijjāsaññojanaṃ – imāni saññojanāni, na ca diṭṭhiyo. Assādadiṭṭhiyā imehi pañcatiṃsāya ākārehi abhiniveso hoti.
ассаад̣̇ад̣̇идтинид̣̇д̣̇зсо батамо.
Assādadiṭṭhiniddeso paṭhamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 1. ассаад̣̇ад̣̇идтинид̣̇д̣̇зсаван̣н̣анаа • 1. Assādadiṭṭhiniddesavaṇṇanā
