| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
6. අස්‌සාදසුත්‌තං
6. Assādasuttaṃ
112. ‘‘තයොමෙ, භික්‌ඛවෙ, ධම්‌මා. කතමෙ තයො? අස්‌සාදදිට්‌ඨි, අත්‌තානුදිට්‌ඨි, මිච්‌ඡාදිට්‌ඨි. ඉමෙ ඛො, භික්‌ඛවෙ, තයො ධම්‌මා. ඉමෙසං ඛො , භික්‌ඛවෙ, තිණ්‌ණං ධම්‌මානං පහානාය තයො ධම්‌මා භාවෙතබ්‌බා. කතමෙ තයො? අස්‌සාදදිට්‌ඨියා පහානාය අනිච්‌චසඤ්‌ඤා භාවෙතබ්‌බා, අත්‌තානුදිට්‌ඨියා පහානාය අනත්‌තසඤ්‌ඤා භාවෙතබ්‌බා, මිච්‌ඡාදිට්‌ඨියා පහානාය සම්‌මාදිට්‌ඨි භාවෙතබ්‌බා . ඉමෙසං ඛො, භික්‌ඛවෙ, තිණ්‌ණං ධම්‌මානං පහානාය ඉමෙ තයො ධම්‌මා භාවෙතබ්‌බා’’ති. ඡට්‌ඨං.
112. ‘‘Tayome, bhikkhave, dhammā. Katame tayo? Assādadiṭṭhi, attānudiṭṭhi, micchādiṭṭhi. Ime kho, bhikkhave, tayo dhammā. Imesaṃ kho , bhikkhave, tiṇṇaṃ dhammānaṃ pahānāya tayo dhammā bhāvetabbā. Katame tayo? Assādadiṭṭhiyā pahānāya aniccasaññā bhāvetabbā, attānudiṭṭhiyā pahānāya anattasaññā bhāvetabbā, micchādiṭṭhiyā pahānāya sammādiṭṭhi bhāvetabbā . Imesaṃ kho, bhikkhave, tiṇṇaṃ dhammānaṃ pahānāya ime tayo dhammā bhāvetabbā’’ti. Chaṭṭhaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 6. අස්‌සාදසුත්‌තවණ්‌ණනා • 6. Assādasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-11. පාතුභාවසුත්‌තාදිවණ්‌ණනා • 1-11. Pātubhāvasuttādivaṇṇanā
