| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
8. අස්‌සද්‌ධමූලකසුත්‌තං
8. Assaddhamūlakasuttaṃ
102. සාවත්‌ථියං විහරති…පෙ.… ‘‘ධාතුසොව, භික්‌ඛවෙ, සත්‌තා සංසන්‌දන්‌ති සමෙන්‌ති. අස්‌සද්‌ධා අස්‌සද්‌ධෙහි සද්‌ධිං සංසන්‌දන්‌ති සමෙන්‌ති; අහිරිකා අහිරිකෙහි සද්‌ධිං සංසන්‌දන්‌ති සමෙන්‌ති; දුප්‌පඤ්‌ඤා දුප්‌පඤ්‌ඤෙහි සද්‌ධිං සංසන්‌දන්‌ති සමෙන්‌ති; සද්‌ධා සද්‌ධෙහි සද්‌ධිං සංසන්‌දන්‌ති සමෙන්‌ති; හිරිමනා හිරිමනෙහි සද්‌ධිං සංසන්‌දන්‌ති සමෙන්‌ති; පඤ්‌ඤවන්‌තො පඤ්‌ඤවන්‌තෙහි සද්‌ධිං සංසන්‌දන්‌ති සමෙන්‌ති. අතීතම්‌පි ඛො, භික්‌ඛවෙ, අද්‌ධානං ධාතුසොව සත්‌තා සංසන්‌දිංසු සමිංසු…පෙ.… අනාගතම්‌පි ඛො, භික්‌ඛවෙ, අද්‌ධානං ධාතුසොව සත්‌තා සංසන්‌දිස්‌සන්‌ති සමෙස්‌සන්‌ති…පෙ.….
102. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Assaddhā assaddhehi saddhiṃ saṃsandanti samenti; ahirikā ahirikehi saddhiṃ saṃsandanti samenti; duppaññā duppaññehi saddhiṃ saṃsandanti samenti; saddhā saddhehi saddhiṃ saṃsandanti samenti; hirimanā hirimanehi saddhiṃ saṃsandanti samenti; paññavanto paññavantehi saddhiṃ saṃsandanti samenti. Atītampi kho, bhikkhave, addhānaṃ dhātusova sattā saṃsandiṃsu samiṃsu…pe… anāgatampi kho, bhikkhave, addhānaṃ dhātusova sattā saṃsandissanti samessanti…pe….
‘‘එතරහිපි ඛො, භික්‌ඛවෙ, පච්‌චුප්‌පන්‌නං අද්‌ධානං ධාතුසොව සත්‌තා සංසන්‌දන්‌ති සමෙන්‌ති. අස්‌සද්‌ධා අස්‌සද්‌ධෙහි සද්‌ධිං සංසන්‌දන්‌ති සමෙන්‌ති; අහිරිකා අහිරිකෙහි සද්‌ධිං සංසන්‌දන්‌ති සමෙන්‌ති, දුප්‌පඤ්‌ඤා දුප්‌පඤ්‌ඤෙහි සද්‌ධිං සංසන්‌දන්‌ති සමෙන්‌ති; සද්‌ධා සද්‌ධෙහි සද්‌ධිං සංසන්‌දන්‌ති සමෙන්‌ති; හිරිමනා හිරිමනෙහි සද්‌ධිං සංසන්‌දන්‌ති සමෙන්‌ති; පඤ්‌ඤවන්‌තො පඤ්‌ඤවන්‌තෙහි සද්‌ධිං සංසන්‌දන්‌ති සමෙන්‌තීති. (1)
‘‘Etarahipi kho, bhikkhave, paccuppannaṃ addhānaṃ dhātusova sattā saṃsandanti samenti. Assaddhā assaddhehi saddhiṃ saṃsandanti samenti; ahirikā ahirikehi saddhiṃ saṃsandanti samenti, duppaññā duppaññehi saddhiṃ saṃsandanti samenti; saddhā saddhehi saddhiṃ saṃsandanti samenti; hirimanā hirimanehi saddhiṃ saṃsandanti samenti; paññavanto paññavantehi saddhiṃ saṃsandanti samentīti. (1)
‘‘ධාතුසොව, භික්‌ඛවෙ, සත්‌තා සංසන්‌දන්‌ති සමෙන්‌ති. අස්‌සද්‌ධා අස්‌සද්‌ධෙහි සද්‌ධිං සංසන්‌දන්‌ති සමෙන්‌ති; අනොත්‌තප්‌පිනො අනොත්‌තප්‌පීහි සද්‌ධිං සංසන්‌දන්‌ති සමෙන්‌ති; දුප්‌පඤ්‌ඤා දුප්‌පඤ්‌ඤෙහි සද්‌ධිං සංසන්‌දන්‌ති සමෙන්‌ති ; සද්‌ධා සද්‌ධෙහි සද්‌ධිං සංසන්‌දන්‌ති සමෙන්‌ති; ඔත්‌තප්‌පිනො ඔත්‌තප්‌පීහි සද්‌ධිං සංසන්‌දන්‌ති සමෙන්‌ති; පඤ්‌ඤවන්‌තො පඤ්‌ඤවන්‌තෙහි සද්‌ධිං සංසන්‌දන්‌ති සමෙන්‌ති…පෙ.… පඨමවාරො විය විත්‌ථාරෙතබ්‌බො. (2)
‘‘Dhātusova, bhikkhave, sattā saṃsandanti samenti. Assaddhā assaddhehi saddhiṃ saṃsandanti samenti; anottappino anottappīhi saddhiṃ saṃsandanti samenti; duppaññā duppaññehi saddhiṃ saṃsandanti samenti ; saddhā saddhehi saddhiṃ saṃsandanti samenti; ottappino ottappīhi saddhiṃ saṃsandanti samenti; paññavanto paññavantehi saddhiṃ saṃsandanti samenti…pe… paṭhamavāro viya vitthāretabbo. (2)
‘‘ධාතුසොව , භික්‌ඛවෙ…පෙ.… අස්‌සද්‌ධා අස්‌සද්‌ධෙහි සද්‌ධිං සංසන්‌දන්‌ති සමෙන්‌ති; අප්‌පස්‌සුතා අප්‌පස්‌සුතෙහි සද්‌ධිං සංසන්‌දන්‌ති සමෙන්‌ති; දුප්‌පඤ්‌ඤා දුප්‌පඤ්‌ඤෙහි සද්‌ධිං සංසන්‌දන්‌ති සමෙන්‌ති; සද්‌ධා සද්‌ධෙහි සද්‌ධිං සංසන්‌දන්‌ති සමෙන්‌ති; බහුස්‌සුතා බහුස්‌සුතෙහි සද්‌ධිං සංසන්‌දන්‌ති සමෙන්‌ති, පඤ්‌ඤවන්‌තො පඤ්‌ඤවන්‌තෙහි සද්‌ධිං සංසන්‌දන්‌ති සමෙන්‌ති…පෙ.… . (3)
‘‘Dhātusova , bhikkhave…pe… assaddhā assaddhehi saddhiṃ saṃsandanti samenti; appassutā appassutehi saddhiṃ saṃsandanti samenti; duppaññā duppaññehi saddhiṃ saṃsandanti samenti; saddhā saddhehi saddhiṃ saṃsandanti samenti; bahussutā bahussutehi saddhiṃ saṃsandanti samenti, paññavanto paññavantehi saddhiṃ saṃsandanti samenti…pe… . (3)
‘‘ධාතුසොව, භික්‌ඛවෙ…පෙ.… අස්‌සද්‌ධා අස්‌සද්‌ධෙහි සද්‌ධිං සංසන්‌දන්‌ති සමෙන්‌ති; කුසීතා කුසීතෙහි සද්‌ධිං සංසන්‌දන්‌ති සමෙන්‌ති; දුප්‌පඤ්‌ඤා දුප්‌පඤ්‌ඤෙහි සද්‌ධිං සංසන්‌දන්‌ති සමෙන්‌ති; සද්‌ධා සද්‌ධෙහි සද්‌ධිං සංසන්‌දන්‌ති සමෙන්‌ති; ආරද්‌ධවීරියා ආරද්‌ධවීරියෙහි සද්‌ධිං සංසන්‌දන්‌ති සමෙන්‌ති; පඤ්‌ඤවන්‌තො පඤ්‌ඤවන්‌තෙහි සද්‌ධිං සංසන්‌දන්‌ති සමෙන්‌ති…පෙ.…. (4)
‘‘Dhātusova, bhikkhave…pe… assaddhā assaddhehi saddhiṃ saṃsandanti samenti; kusītā kusītehi saddhiṃ saṃsandanti samenti; duppaññā duppaññehi saddhiṃ saṃsandanti samenti; saddhā saddhehi saddhiṃ saṃsandanti samenti; āraddhavīriyā āraddhavīriyehi saddhiṃ saṃsandanti samenti; paññavanto paññavantehi saddhiṃ saṃsandanti samenti…pe…. (4)
‘‘ධාතුසොව , භික්‌ඛවෙ…පෙ.… අස්‌සද්‌ධා අස්‌සද්‌ධෙහි සද්‌ධිං සංසන්‌දන්‌ති සමෙන්‌ති; මුට්‌ඨස්‌සතිනො මුට්‌ඨස්‌සතීහි සද්‌ධිං සංසන්‌දන්‌ති සමෙන්‌ති; දුප්‌පඤ්‌ඤා දුප්‌පඤ්‌ඤෙහි සද්‌ධිං සංසන්‌දන්‌ති සමෙන්‌ති; සද්‌ධා සද්‌ධෙහි සද්‌ධිං සංසන්‌දන්‌ති සමෙන්‌ති; උපට්‌ඨිතස්‌සතිනො උපට්‌ඨිතස්‌සතීහි සද්‌ධිං සංසන්‌දන්‌ති සමෙන්‌ති; පඤ්‌ඤවන්‌තො පඤ්‌ඤවන්‌තෙහි සද්‌ධිං සංසන්‌දන්‌ති සමෙන්‌තීති…පෙ.…. අට්‌ඨමං. (5)
‘‘Dhātusova , bhikkhave…pe… assaddhā assaddhehi saddhiṃ saṃsandanti samenti; muṭṭhassatino muṭṭhassatīhi saddhiṃ saṃsandanti samenti; duppaññā duppaññehi saddhiṃ saṃsandanti samenti; saddhā saddhehi saddhiṃ saṃsandanti samenti; upaṭṭhitassatino upaṭṭhitassatīhi saddhiṃ saṃsandanti samenti; paññavanto paññavantehi saddhiṃ saṃsandanti samentīti…pe…. Aṭṭhamaṃ. (5)
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 8-12. අස්‌සද්‌ධමූලකසුත්‌තාදිවණ්‌ණනා • 8-12. Assaddhamūlakasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 8-12. අස්‌සද්‌ධමූලකසුත්‌තාදිවණ්‌ණනා • 8-12. Assaddhamūlakasuttādivaṇṇanā
