| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
7. அஸ்ஸத்³த⁴ஸங்ஸந்த³னஸுத்தவண்ணனா
7. Assaddhasaṃsandanasuttavaṇṇanā
101. ஸத்தமே அஸ்ஸத்³தா⁴ அஸ்ஸத்³தே⁴ஹீதிஆதீ³ஸு பு³த்³தே⁴ வா த⁴ம்மே வா ஸங்கே⁴ வா ஸத்³தா⁴விரஹிதா நிரோஜா நிரஸா புக்³க³லா ஸமுத்³த³ஸ்ஸ ஓரிமதீரே டி²தா பாரிமதீரேபி டி²தேஹி அஸ்ஸத்³தே⁴ஹி ஸத்³தி⁴ங் தாய அஸ்ஸத்³த⁴தாய ஏகஸதி³ஸா நிரந்தரா ஹொந்தி. ததா² அஹிரிகா பி⁴ன்னமரியாதா³ அலஜ்ஜிபுக்³க³லா அஹிரிகேஹி, அனொத்தப்பினோ பாபகிரியாய அபா⁴யமானா அனொத்தப்பீஹி, அப்பஸ்ஸுதா ஸுதவிரஹிதா அப்பஸ்ஸுதேஹி, குஸீதா ஆலஸியபுக்³க³லா குஸீதேஹி, முட்ட²ஸ்ஸதினோ ப⁴த்தனிக்கி²த்தகாகமங்ஸனிக்கி²த்தஸிங்கா³லஸதி³ஸா முட்ட²ஸ்ஸதீஹி, து³ப்பஞ்ஞா க²ந்தா⁴தி³பரிச்சே²தி³காய பஞ்ஞாய அபா⁴வேன நிப்பஞ்ஞா தாதி³ஸேஹேவ து³ப்பஞ்ஞேஹி, ஸத்³தா⁴ஸம்பன்னா சேதியவந்த³னாதி³கிச்சபஸுதா ஸத்³தே⁴ஹி, ஹிரிமனா லஜ்ஜிபுக்³க³லா ஹிரிமனேஹி, ஒத்தப்பினோ பாபபீ⁴ருகா ஒத்தப்பீஹி, ப³ஹுஸ்ஸுதா ஸுதத⁴ரா ஆக³மத⁴ரா தந்திபாலகா வங்ஸானுரக்க²கா ப³ஹுஸ்ஸுதேஹி, ஆரத்³த⁴வீரியா பரிபுண்ணபரக்கமா ஆரத்³த⁴வீரியேஹி, உபட்டி²தஸ்ஸதீ ஸப்³ப³கிச்சபரிக்³கா³ஹிகாய ஸதியா ஸமன்னாக³தா உபட்டி²தஸ்ஸதீஹி, பஞ்ஞவந்தோ மஹாபஞ்ஞேஹி வஜிரூபமஞாணேஹி பஞ்ஞவந்தேஹி ஸத்³தி⁴ங் தூ³ரே டி²தாபி தாய பஞ்ஞாஸம்பத்தியா ஸங்ஸந்த³ந்தி ஸமெந்தி. ஸத்தமங்.
101. Sattame assaddhā assaddhehītiādīsu buddhe vā dhamme vā saṅghe vā saddhāvirahitā nirojā nirasā puggalā samuddassa orimatīre ṭhitā pārimatīrepi ṭhitehi assaddhehi saddhiṃ tāya assaddhatāya ekasadisā nirantarā honti. Tathā ahirikā bhinnamariyādā alajjipuggalā ahirikehi, anottappino pāpakiriyāya abhāyamānā anottappīhi, appassutā sutavirahitā appassutehi, kusītā ālasiyapuggalā kusītehi, muṭṭhassatino bhattanikkhittakākamaṃsanikkhittasiṅgālasadisā muṭṭhassatīhi, duppaññā khandhādiparicchedikāya paññāya abhāvena nippaññā tādiseheva duppaññehi, saddhāsampannā cetiyavandanādikiccapasutā saddhehi, hirimanā lajjipuggalā hirimanehi, ottappino pāpabhīrukā ottappīhi, bahussutā sutadharā āgamadharā tantipālakā vaṃsānurakkhakā bahussutehi, āraddhavīriyā paripuṇṇaparakkamā āraddhavīriyehi, upaṭṭhitassatī sabbakiccapariggāhikāya satiyā samannāgatā upaṭṭhitassatīhi, paññavanto mahāpaññehi vajirūpamañāṇehi paññavantehi saddhiṃ dūre ṭhitāpi tāya paññāsampattiyā saṃsandanti samenti. Sattamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. அஸ்ஸத்³த⁴ஸங்ஸந்த³னஸுத்தங் • 7. Assaddhasaṃsandanasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. அஸ்ஸத்³த⁴ஸங்ஸந்த³னஸுத்தவண்ணனா • 7. Assaddhasaṃsandanasuttavaṇṇanā
