| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. ассад̣̇д̇хасам̣санд̣̇анасуд̇д̇аван̣н̣анаа
7. Assaddhasaṃsandanasuttavaṇṇanā
101. сад̇д̇амз ассад̣̇д̇хаа ассад̣̇д̇хзхийд̇иаад̣̇ийсу б̣уд̣̇д̇хз ваа д̇хаммз ваа сан̇гхз ваа сад̣̇д̇хаавирахид̇аа нирож̇аа нирасаа буг̇г̇алаа самуд̣̇д̣̇асса оримад̇ийрз тид̇аа бааримад̇ийрзби тид̇зхи ассад̣̇д̇хзхи сад̣̇д̇хим̣ д̇ааяа ассад̣̇д̇хад̇ааяа згасад̣̇исаа ниранд̇араа хонд̇и. д̇ат̇аа ахиригаа бхиннамарияаад̣̇аа алаж̇ж̇ибуг̇г̇алаа ахиригзхи, анод̇д̇аббино баабагирияааяа абхааяамаанаа анод̇д̇аббийхи, аббассуд̇аа суд̇авирахид̇аа аббассуд̇зхи, гусийд̇аа ааласияабуг̇г̇алаа гусийд̇зхи, мудтассад̇ино бхад̇д̇анигкид̇д̇агаагамам̣санигкид̇д̇асин̇г̇ааласад̣̇исаа мудтассад̇ийхи, д̣̇уббан̃н̃аа канд̇хаад̣̇ибарижчзд̣̇игааяа бан̃н̃ааяа абхаавзна ниббан̃н̃аа д̇аад̣̇исзхзва д̣̇уббан̃н̃зхи, сад̣̇д̇хаасамбаннаа жзд̇ияаванд̣̇анаад̣̇игижжабасуд̇аа сад̣̇д̇хзхи, хириманаа лаж̇ж̇ибуг̇г̇алаа хириманзхи, од̇д̇аббино баабабхийругаа од̇д̇аббийхи, б̣ахуссуд̇аа суд̇ад̇хараа ааг̇амад̇хараа д̇анд̇ибаалагаа вам̣саанурагкагаа б̣ахуссуд̇зхи, аарад̣̇д̇хавийрияаа барибун̣н̣абараггамаа аарад̣̇д̇хавийриязхи, убадтид̇ассад̇ий саб̣б̣агижжабариг̇г̇аахигааяа сад̇ияаа саманнааг̇ад̇аа убадтид̇ассад̇ийхи, бан̃н̃аванд̇о махаабан̃н̃зхи важ̇ируубаман̃аан̣зхи бан̃н̃аванд̇зхи сад̣̇д̇хим̣ д̣̇уурз тид̇ааби д̇ааяа бан̃н̃аасамбад̇д̇ияаа сам̣санд̣̇анд̇и самзнд̇и. сад̇д̇амам̣.
101. Sattame assaddhā assaddhehītiādīsu buddhe vā dhamme vā saṅghe vā saddhāvirahitā nirojā nirasā puggalā samuddassa orimatīre ṭhitā pārimatīrepi ṭhitehi assaddhehi saddhiṃ tāya assaddhatāya ekasadisā nirantarā honti. Tathā ahirikā bhinnamariyādā alajjipuggalā ahirikehi, anottappino pāpakiriyāya abhāyamānā anottappīhi, appassutā sutavirahitā appassutehi, kusītā ālasiyapuggalā kusītehi, muṭṭhassatino bhattanikkhittakākamaṃsanikkhittasiṅgālasadisā muṭṭhassatīhi, duppaññā khandhādiparicchedikāya paññāya abhāvena nippaññā tādiseheva duppaññehi, saddhāsampannā cetiyavandanādikiccapasutā saddhehi, hirimanā lajjipuggalā hirimanehi, ottappino pāpabhīrukā ottappīhi, bahussutā sutadharā āgamadharā tantipālakā vaṃsānurakkhakā bahussutehi, āraddhavīriyā paripuṇṇaparakkamā āraddhavīriyehi, upaṭṭhitassatī sabbakiccapariggāhikāya satiyā samannāgatā upaṭṭhitassatīhi, paññavanto mahāpaññehi vajirūpamañāṇehi paññavantehi saddhiṃ dūre ṭhitāpi tāya paññāsampattiyā saṃsandanti samenti. Sattamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. ассад̣̇д̇хасам̣санд̣̇анасуд̇д̇ам̣ • 7. Assaddhasaṃsandanasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. ассад̣̇д̇хасам̣санд̣̇анасуд̇д̇аван̣н̣анаа • 7. Assaddhasaṃsandanasuttavaṇṇanā
