| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൭. അസ്സദ്ധസംസന്ദനസുത്തവണ്ണനാ
7. Assaddhasaṃsandanasuttavaṇṇanā
൧൦൧. സത്തമേ അസ്സദ്ധാ അസ്സദ്ധേഹീതിആദീസു ബുദ്ധേ വാ ധമ്മേ വാ സങ്ഘേ വാ സദ്ധാവിരഹിതാ നിരോജാ നിരസാ പുഗ്ഗലാ സമുദ്ദസ്സ ഓരിമതീരേ ഠിതാ പാരിമതീരേപി ഠിതേഹി അസ്സദ്ധേഹി സദ്ധിം തായ അസ്സദ്ധതായ ഏകസദിസാ നിരന്തരാ ഹോന്തി. തഥാ അഹിരികാ ഭിന്നമരിയാദാ അലജ്ജിപുഗ്ഗലാ അഹിരികേഹി, അനോത്തപ്പിനോ പാപകിരിയായ അഭായമാനാ അനോത്തപ്പീഹി, അപ്പസ്സുതാ സുതവിരഹിതാ അപ്പസ്സുതേഹി, കുസീതാ ആലസിയപുഗ്ഗലാ കുസീതേഹി, മുട്ഠസ്സതിനോ ഭത്തനിക്ഖിത്തകാകമംസനിക്ഖിത്തസിങ്ഗാലസദിസാ മുട്ഠസ്സതീഹി, ദുപ്പഞ്ഞാ ഖന്ധാദിപരിച്ഛേദികായ പഞ്ഞായ അഭാവേന നിപ്പഞ്ഞാ താദിസേഹേവ ദുപ്പഞ്ഞേഹി, സദ്ധാസമ്പന്നാ ചേതിയവന്ദനാദികിച്ചപസുതാ സദ്ധേഹി, ഹിരിമനാ ലജ്ജിപുഗ്ഗലാ ഹിരിമനേഹി, ഓത്തപ്പിനോ പാപഭീരുകാ ഓത്തപ്പീഹി, ബഹുസ്സുതാ സുതധരാ ആഗമധരാ തന്തിപാലകാ വംസാനുരക്ഖകാ ബഹുസ്സുതേഹി, ആരദ്ധവീരിയാ പരിപുണ്ണപരക്കമാ ആരദ്ധവീരിയേഹി, ഉപട്ഠിതസ്സതീ സബ്ബകിച്ചപരിഗ്ഗാഹികായ സതിയാ സമന്നാഗതാ ഉപട്ഠിതസ്സതീഹി, പഞ്ഞവന്തോ മഹാപഞ്ഞേഹി വജിരൂപമഞാണേഹി പഞ്ഞവന്തേഹി സദ്ധിം ദൂരേ ഠിതാപി തായ പഞ്ഞാസമ്പത്തിയാ സംസന്ദന്തി സമേന്തി. സത്തമം.
101. Sattame assaddhā assaddhehītiādīsu buddhe vā dhamme vā saṅghe vā saddhāvirahitā nirojā nirasā puggalā samuddassa orimatīre ṭhitā pārimatīrepi ṭhitehi assaddhehi saddhiṃ tāya assaddhatāya ekasadisā nirantarā honti. Tathā ahirikā bhinnamariyādā alajjipuggalā ahirikehi, anottappino pāpakiriyāya abhāyamānā anottappīhi, appassutā sutavirahitā appassutehi, kusītā ālasiyapuggalā kusītehi, muṭṭhassatino bhattanikkhittakākamaṃsanikkhittasiṅgālasadisā muṭṭhassatīhi, duppaññā khandhādiparicchedikāya paññāya abhāvena nippaññā tādiseheva duppaññehi, saddhāsampannā cetiyavandanādikiccapasutā saddhehi, hirimanā lajjipuggalā hirimanehi, ottappino pāpabhīrukā ottappīhi, bahussutā sutadharā āgamadharā tantipālakā vaṃsānurakkhakā bahussutehi, āraddhavīriyā paripuṇṇaparakkamā āraddhavīriyehi, upaṭṭhitassatī sabbakiccapariggāhikāya satiyā samannāgatā upaṭṭhitassatīhi, paññavanto mahāpaññehi vajirūpamañāṇehi paññavantehi saddhiṃ dūre ṭhitāpi tāya paññāsampattiyā saṃsandanti samenti. Sattamaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൭. അസ്സദ്ധസംസന്ദനസുത്തം • 7. Assaddhasaṃsandanasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൭. അസ്സദ്ധസംസന്ദനസുത്തവണ്ണനാ • 7. Assaddhasaṃsandanasuttavaṇṇanā
