| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
২. অস্সদ্ধসুত্তং
2. Assaddhasuttaṃ
২০২. ‘‘অসপ্পুরিসঞ্চ ৰো, ভিক্খৰে, দেসেস্সামি, অসপ্পুরিসেন অসপ্পুরিসতরঞ্চ; সপ্পুরিসঞ্চ, সপ্পুরিসেন সপ্পুরিসতরঞ্চ। তং সুণাথ…পে॰…।
202. ‘‘Asappurisañca vo, bhikkhave, desessāmi, asappurisena asappurisatarañca; sappurisañca, sappurisena sappurisatarañca. Taṃ suṇātha…pe….
‘‘কতমো চ, ভিক্খৰে, অসপ্পুরিসো? ইধ, ভিক্খৰে, একচ্চো অস্সদ্ধো হোতি, অহিরিকো হোতি, অনোত্তপ্পী হোতি, অপ্পস্সুতো হোতি, কুসীতো হোতি, মুট্ঠস্সতি হোতি, দুপ্পঞ্ঞো হোতি। অযং ৰুচ্চতি, ভিক্খৰে, অসপ্পুরিসো।
‘‘Katamo ca, bhikkhave, asappuriso? Idha, bhikkhave, ekacco assaddho hoti, ahiriko hoti, anottappī hoti, appassuto hoti, kusīto hoti, muṭṭhassati hoti, duppañño hoti. Ayaṃ vuccati, bhikkhave, asappuriso.
‘‘কতমো চ, ভিক্খৰে, অসপ্পুরিসেন অসপ্পুরিসতরো? ইধ, ভিক্খৰে, একচ্চো অত্তনা চ অস্সদ্ধো হোতি, পরঞ্চ অস্সদ্ধিযে 1 সমাদপেতি; অত্তনা চ অহিরিকো হোতি, পরঞ্চ অহিরিকতায সমাদপেতি; অত্তনা চ অনোত্তপ্পী হোতি, পরঞ্চ অনোত্তপ্পে সমাদপেতি; অত্তনা চ অপ্পস্সুতো হোতি, পরঞ্চ অপ্পস্সুতে সমাদপেতি; অত্তনা চ কুসীতো হোতি, পরঞ্চ কোসজ্জে সমাদপেতি; অত্তনা চ মুট্ঠস্সতি হোতি, পরঞ্চ মুট্ঠস্সচ্চে 2 সমাদপেতি; অত্তনা চ দুপ্পঞ্ঞো হোতি, পরঞ্চ দুপ্পঞ্ঞতায সমাদপেতি। অযং ৰুচ্চতি, ভিক্খৰে, অসপ্পুরিসেন অসপ্পুরিসতরো।
‘‘Katamo ca, bhikkhave, asappurisena asappurisataro? Idha, bhikkhave, ekacco attanā ca assaddho hoti, parañca assaddhiye 3 samādapeti; attanā ca ahiriko hoti, parañca ahirikatāya samādapeti; attanā ca anottappī hoti, parañca anottappe samādapeti; attanā ca appassuto hoti, parañca appassute samādapeti; attanā ca kusīto hoti, parañca kosajje samādapeti; attanā ca muṭṭhassati hoti, parañca muṭṭhassacce 4 samādapeti; attanā ca duppañño hoti, parañca duppaññatāya samādapeti. Ayaṃ vuccati, bhikkhave, asappurisena asappurisataro.
‘‘কতমো চ, ভিক্খৰে, সপ্পুরিসো? ইধ, ভিক্খৰে, একচ্চো সদ্ধো হোতি, হিরিমা হোতি, ওত্তপ্পী হোতি, বহুস্সুতো হোতি, আরদ্ধৰীরিযো হোতি, সতিমা হোতি, পঞ্ঞৰা হোতি। অযং ৰুচ্চতি, ভিক্খৰে, সপ্পুরিসো।
‘‘Katamo ca, bhikkhave, sappuriso? Idha, bhikkhave, ekacco saddho hoti, hirimā hoti, ottappī hoti, bahussuto hoti, āraddhavīriyo hoti, satimā hoti, paññavā hoti. Ayaṃ vuccati, bhikkhave, sappuriso.
‘‘কতমো চ, ভিক্খৰে, সপ্পুরিসেন সপ্পুরিসতরো? ইধ, ভিক্খৰে, একচ্চো অত্তনা চ সদ্ধাসম্পন্নো হোতি, পরঞ্চ সদ্ধাসম্পদায সমাদপেতি ; অত্তনা চ হিরিমা হোতি, পরঞ্চ হিরিমতায 5 সমাদপেতি; অত্তনা চ ওত্তপ্পী হোতি, পরঞ্চ ওত্তপ্পে সমাদপেতি; অত্তনা চ বহুস্সুতো হোতি, পরঞ্চ বাহুসচ্চে সমাদপেতি; অত্তনা চ আরদ্ধৰীরিযো হোতি, পরঞ্চ ৰীরিযারম্ভে সমাদপেতি; অত্তনা চ উপট্ঠিতস্সতি হোতি, পরঞ্চ সতিউপট্ঠানে 6 সমাদপেতি; অত্তনা চ পঞ্ঞাসম্পন্নো হোতি, পরঞ্চ পঞ্ঞাসম্পদায সমাদপেতি। অযং ৰুচ্চতি, ভিক্খৰে, সপ্পুরিসেন সপ্পুরিসতরো’’তি। দুতিযং।
‘‘Katamo ca, bhikkhave, sappurisena sappurisataro? Idha, bhikkhave, ekacco attanā ca saddhāsampanno hoti, parañca saddhāsampadāya samādapeti ; attanā ca hirimā hoti, parañca hirimatāya 7 samādapeti; attanā ca ottappī hoti, parañca ottappe samādapeti; attanā ca bahussuto hoti, parañca bāhusacce samādapeti; attanā ca āraddhavīriyo hoti, parañca vīriyārambhe samādapeti; attanā ca upaṭṭhitassati hoti, parañca satiupaṭṭhāne 8 samādapeti; attanā ca paññāsampanno hoti, parañca paññāsampadāya samādapeti. Ayaṃ vuccati, bhikkhave, sappurisena sappurisataro’’ti. Dutiyaṃ.
Footnotes:
Related texts:
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১০. সিক্খাপদসুত্তাদিৰণ্ণনা • 1-10. Sikkhāpadasuttādivaṇṇanā
