Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya

    ੨. ਅਸ੍ਸਦ੍ਧਸੁਤ੍ਤਂ

    2. Assaddhasuttaṃ

    ੨੦੨. ‘‘ਅਸਪ੍ਪੁਰਿਸਞ੍ਚ વੋ, ਭਿਕ੍ਖવੇ, ਦੇਸੇਸ੍ਸਾਮਿ, ਅਸਪ੍ਪੁਰਿਸੇਨ ਅਸਪ੍ਪੁਰਿਸਤਰਞ੍ਚ; ਸਪ੍ਪੁਰਿਸਞ੍ਚ, ਸਪ੍ਪੁਰਿਸੇਨ ਸਪ੍ਪੁਰਿਸਤਰਞ੍ਚ। ਤਂ ਸੁਣਾਥ…ਪੇ॰…।

    202. ‘‘Asappurisañca vo, bhikkhave, desessāmi, asappurisena asappurisatarañca; sappurisañca, sappurisena sappurisatarañca. Taṃ suṇātha…pe….

    ‘‘ਕਤਮੋ ਚ, ਭਿਕ੍ਖવੇ, ਅਸਪ੍ਪੁਰਿਸੋ? ਇਧ, ਭਿਕ੍ਖવੇ, ਏਕਚ੍ਚੋ ਅਸ੍ਸਦ੍ਧੋ ਹੋਤਿ, ਅਹਿਰਿਕੋ ਹੋਤਿ, ਅਨੋਤ੍ਤਪ੍ਪੀ ਹੋਤਿ, ਅਪ੍ਪਸ੍ਸੁਤੋ ਹੋਤਿ, ਕੁਸੀਤੋ ਹੋਤਿ, ਮੁਟ੍ਠਸ੍ਸਤਿ ਹੋਤਿ, ਦੁਪ੍ਪਞ੍ਞੋ ਹੋਤਿ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਪ੍ਪੁਰਿਸੋ।

    ‘‘Katamo ca, bhikkhave, asappuriso? Idha, bhikkhave, ekacco assaddho hoti, ahiriko hoti, anottappī hoti, appassuto hoti, kusīto hoti, muṭṭhassati hoti, duppañño hoti. Ayaṃ vuccati, bhikkhave, asappuriso.

    ‘‘ਕਤਮੋ ਚ, ਭਿਕ੍ਖવੇ, ਅਸਪ੍ਪੁਰਿਸੇਨ ਅਸਪ੍ਪੁਰਿਸਤਰੋ? ਇਧ, ਭਿਕ੍ਖવੇ, ਏਕਚ੍ਚੋ ਅਤ੍ਤਨਾ ਚ ਅਸ੍ਸਦ੍ਧੋ ਹੋਤਿ, ਪਰਞ੍ਚ ਅਸ੍ਸਦ੍ਧਿਯੇ 1 ਸਮਾਦਪੇਤਿ; ਅਤ੍ਤਨਾ ਚ ਅਹਿਰਿਕੋ ਹੋਤਿ, ਪਰਞ੍ਚ ਅਹਿਰਿਕਤਾਯ ਸਮਾਦਪੇਤਿ; ਅਤ੍ਤਨਾ ਚ ਅਨੋਤ੍ਤਪ੍ਪੀ ਹੋਤਿ, ਪਰਞ੍ਚ ਅਨੋਤ੍ਤਪ੍ਪੇ ਸਮਾਦਪੇਤਿ; ਅਤ੍ਤਨਾ ਚ ਅਪ੍ਪਸ੍ਸੁਤੋ ਹੋਤਿ, ਪਰਞ੍ਚ ਅਪ੍ਪਸ੍ਸੁਤੇ ਸਮਾਦਪੇਤਿ; ਅਤ੍ਤਨਾ ਚ ਕੁਸੀਤੋ ਹੋਤਿ, ਪਰਞ੍ਚ ਕੋਸਜ੍ਜੇ ਸਮਾਦਪੇਤਿ; ਅਤ੍ਤਨਾ ਚ ਮੁਟ੍ਠਸ੍ਸਤਿ ਹੋਤਿ, ਪਰਞ੍ਚ ਮੁਟ੍ਠਸ੍ਸਚ੍ਚੇ 2 ਸਮਾਦਪੇਤਿ; ਅਤ੍ਤਨਾ ਚ ਦੁਪ੍ਪਞ੍ਞੋ ਹੋਤਿ, ਪਰਞ੍ਚ ਦੁਪ੍ਪਞ੍ਞਤਾਯ ਸਮਾਦਪੇਤਿ। ਅਯਂ વੁਚ੍ਚਤਿ, ਭਿਕ੍ਖવੇ, ਅਸਪ੍ਪੁਰਿਸੇਨ ਅਸਪ੍ਪੁਰਿਸਤਰੋ।

    ‘‘Katamo ca, bhikkhave, asappurisena asappurisataro? Idha, bhikkhave, ekacco attanā ca assaddho hoti, parañca assaddhiye 3 samādapeti; attanā ca ahiriko hoti, parañca ahirikatāya samādapeti; attanā ca anottappī hoti, parañca anottappe samādapeti; attanā ca appassuto hoti, parañca appassute samādapeti; attanā ca kusīto hoti, parañca kosajje samādapeti; attanā ca muṭṭhassati hoti, parañca muṭṭhassacce 4 samādapeti; attanā ca duppañño hoti, parañca duppaññatāya samādapeti. Ayaṃ vuccati, bhikkhave, asappurisena asappurisataro.

    ‘‘ਕਤਮੋ ਚ, ਭਿਕ੍ਖવੇ, ਸਪ੍ਪੁਰਿਸੋ? ਇਧ, ਭਿਕ੍ਖવੇ, ਏਕਚ੍ਚੋ ਸਦ੍ਧੋ ਹੋਤਿ, ਹਿਰਿਮਾ ਹੋਤਿ, ਓਤ੍ਤਪ੍ਪੀ ਹੋਤਿ, ਬਹੁਸ੍ਸੁਤੋ ਹੋਤਿ, ਆਰਦ੍ਧવੀਰਿਯੋ ਹੋਤਿ, ਸਤਿਮਾ ਹੋਤਿ, ਪਞ੍ਞવਾ ਹੋਤਿ। ਅਯਂ વੁਚ੍ਚਤਿ, ਭਿਕ੍ਖવੇ, ਸਪ੍ਪੁਰਿਸੋ।

    ‘‘Katamo ca, bhikkhave, sappuriso? Idha, bhikkhave, ekacco saddho hoti, hirimā hoti, ottappī hoti, bahussuto hoti, āraddhavīriyo hoti, satimā hoti, paññavā hoti. Ayaṃ vuccati, bhikkhave, sappuriso.

    ‘‘ਕਤਮੋ ਚ, ਭਿਕ੍ਖવੇ, ਸਪ੍ਪੁਰਿਸੇਨ ਸਪ੍ਪੁਰਿਸਤਰੋ? ਇਧ, ਭਿਕ੍ਖવੇ, ਏਕਚ੍ਚੋ ਅਤ੍ਤਨਾ ਚ ਸਦ੍ਧਾਸਮ੍ਪਨ੍ਨੋ ਹੋਤਿ, ਪਰਞ੍ਚ ਸਦ੍ਧਾਸਮ੍ਪਦਾਯ ਸਮਾਦਪੇਤਿ ; ਅਤ੍ਤਨਾ ਚ ਹਿਰਿਮਾ ਹੋਤਿ, ਪਰਞ੍ਚ ਹਿਰਿਮਤਾਯ 5 ਸਮਾਦਪੇਤਿ; ਅਤ੍ਤਨਾ ਚ ਓਤ੍ਤਪ੍ਪੀ ਹੋਤਿ, ਪਰਞ੍ਚ ਓਤ੍ਤਪ੍ਪੇ ਸਮਾਦਪੇਤਿ; ਅਤ੍ਤਨਾ ਚ ਬਹੁਸ੍ਸੁਤੋ ਹੋਤਿ, ਪਰਞ੍ਚ ਬਾਹੁਸਚ੍ਚੇ ਸਮਾਦਪੇਤਿ; ਅਤ੍ਤਨਾ ਚ ਆਰਦ੍ਧવੀਰਿਯੋ ਹੋਤਿ, ਪਰਞ੍ਚ વੀਰਿਯਾਰਮ੍ਭੇ ਸਮਾਦਪੇਤਿ; ਅਤ੍ਤਨਾ ਚ ਉਪਟ੍ਠਿਤਸ੍ਸਤਿ ਹੋਤਿ, ਪਰਞ੍ਚ ਸਤਿਉਪਟ੍ਠਾਨੇ 6 ਸਮਾਦਪੇਤਿ; ਅਤ੍ਤਨਾ ਚ ਪਞ੍ਞਾਸਮ੍ਪਨ੍ਨੋ ਹੋਤਿ, ਪਰਞ੍ਚ ਪਞ੍ਞਾਸਮ੍ਪਦਾਯ ਸਮਾਦਪੇਤਿ। ਅਯਂ વੁਚ੍ਚਤਿ, ਭਿਕ੍ਖવੇ, ਸਪ੍ਪੁਰਿਸੇਨ ਸਪ੍ਪੁਰਿਸਤਰੋ’’ਤਿ। ਦੁਤਿਯਂ।

    ‘‘Katamo ca, bhikkhave, sappurisena sappurisataro? Idha, bhikkhave, ekacco attanā ca saddhāsampanno hoti, parañca saddhāsampadāya samādapeti ; attanā ca hirimā hoti, parañca hirimatāya 7 samādapeti; attanā ca ottappī hoti, parañca ottappe samādapeti; attanā ca bahussuto hoti, parañca bāhusacce samādapeti; attanā ca āraddhavīriyo hoti, parañca vīriyārambhe samādapeti; attanā ca upaṭṭhitassati hoti, parañca satiupaṭṭhāne 8 samādapeti; attanā ca paññāsampanno hoti, parañca paññāsampadāya samādapeti. Ayaṃ vuccati, bhikkhave, sappurisena sappurisataro’’ti. Dutiyaṃ.







    Footnotes:
    1. ਅਸਦ੍ਧਾਯ (ਕ॰)
    2. ਮੁਟ੍ਠਸਚ੍ਚੇ (ਸੀ॰ ਸ੍ਯਾ॰ ਕਂ॰ ਪੀ॰)
    3. asaddhāya (ka.)
    4. muṭṭhasacce (sī. syā. kaṃ. pī.)
    5. ਹਿਰਿਸਮ੍ਪਦਾਯ (ਕ॰)
    6. ਸਤਿਪਟ੍ਠਾਨੇ (ਸੀ॰ ਸ੍ਯਾ॰ ਕਂ॰ ਪੀ॰)
    7. hirisampadāya (ka.)
    8. satipaṭṭhāne (sī. syā. kaṃ. pī.)



    Related texts:



    ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੧੦. ਸਿਕ੍ਖਾਪਦਸੁਤ੍ਤਾਦਿવਣ੍ਣਨਾ • 1-10. Sikkhāpadasuttādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact