| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. ассааж̇аанийяасуд̇д̇ам̣
3. Assājānīyasuttaṃ
13. ‘‘адтахи , бхигкавз, ан̇г̇зхи саманнааг̇ад̇о ран̃н̃о бхад̣̇д̣̇о ассааж̇аанийяо рааж̇аарахо ход̇и рааж̇абхог̇г̇о, ран̃н̃о ан̇г̇анд̇зва сан̇кам̣ г̇ажчад̇и. гад̇амзхи адтахи? ид̇ха, бхигкавз, ран̃н̃о бхад̣̇д̣̇о ассааж̇аанийяо убхад̇о суж̇аад̇о ход̇и – маад̇ид̇о жа бид̇ид̇о жа. яассам̣ д̣̇исааяам̣ ан̃н̃зби бхад̣̇д̣̇аа ассааж̇аанийяаа ж̇ааяанд̇и, д̇ассам̣ д̣̇исааяам̣ ж̇аад̇о ход̇и. яам̣ ко банасса бхож̇анам̣ д̣̇знд̇и – аллам̣ ваа сугкам̣ ваа – д̇ам̣ саггажжам̣язва барибхун̃ж̇ад̇и авигиранд̇о. ж̇зг̇ужчий ход̇и ужжаарам̣ ваа бассаавам̣ ваа абхинисийд̣̇ид̇ум̣ ваа абхинибаж̇ж̇ид̇ум̣ ваа. сорад̇о ход̇и сукасам̣ваасо, на жа ан̃н̃з ассз уб̣б̣зж̇зд̇аа. яаани ко банасса хонд̇и 1 саатзяяаани гуудзяяаани ж̇имхзяяаани ван̇гзяяаани, д̇аани яат̇аабхууд̇ам̣ саарат̇исса аавигад̇д̇аа ход̇и. д̇зсамасса саарат̇и абхиниммад̣̇анааяа вааяамад̇и. ваахий ко бана ход̇и. ‘гааман̃н̃з ассаа ваханд̇у ваа маа ваа, ахамзд̇т̇а вахиссаамий’д̇и жид̇д̇ам̣ уббаад̣̇зд̇и. г̇ажчанд̇о ко бана уж̇умаг̇г̇знзва г̇ажчад̇и. т̇аамаваа ход̇и яаава ж̇ийвид̇амаран̣абарияаад̣̇аанаа т̇аамам̣ убад̣̇ам̣сзд̇аа. имзхи ко, бхигкавз, адтахи ан̇г̇зхи саманнааг̇ад̇о ран̃н̃о бхад̣̇д̣̇о ассааж̇аанийяо рааж̇аарахо ход̇и рааж̇абхог̇г̇о, ран̃н̃о ан̇г̇анд̇зва сан̇кам̣ г̇ажчад̇и.
13. ‘‘Aṭṭhahi , bhikkhave, aṅgehi samannāgato rañño bhaddo assājānīyo rājāraho hoti rājabhoggo, rañño aṅganteva saṅkhaṃ gacchati. Katamehi aṭṭhahi? Idha, bhikkhave, rañño bhaddo assājānīyo ubhato sujāto hoti – mātito ca pitito ca. Yassaṃ disāyaṃ aññepi bhaddā assājānīyā jāyanti, tassaṃ disāyaṃ jāto hoti. Yaṃ kho panassa bhojanaṃ denti – allaṃ vā sukkhaṃ vā – taṃ sakkaccaṃyeva paribhuñjati avikiranto. Jegucchī hoti uccāraṃ vā passāvaṃ vā abhinisīdituṃ vā abhinipajjituṃ vā. Sorato hoti sukhasaṃvāso, na ca aññe asse ubbejetā. Yāni kho panassa honti 2 sāṭheyyāni kūṭeyyāni jimheyyāni vaṅkeyyāni, tāni yathābhūtaṃ sārathissa āvikattā hoti. Tesamassa sārathi abhinimmadanāya vāyamati. Vāhī kho pana hoti. ‘Kāmaññe assā vahantu vā mā vā, ahamettha vahissāmī’ti cittaṃ uppādeti. Gacchanto kho pana ujumaggeneva gacchati. Thāmavā hoti yāva jīvitamaraṇapariyādānā thāmaṃ upadaṃsetā. Imehi kho, bhikkhave, aṭṭhahi aṅgehi samannāgato rañño bhaddo assājānīyo rājāraho hoti rājabhoggo, rañño aṅganteva saṅkhaṃ gacchati.
‘‘звамзвам̣ ко, бхигкавз, адтахи д̇хаммзхи саманнааг̇ад̇о бхигку аахунзяяо ход̇и…бз… ануд̇д̇арам̣ бун̃н̃агкзд̇д̇ам̣ логасса. гад̇амзхи адтахи? ид̇ха, бхигкавз, бхигку сийлаваа ход̇и, баад̇имогкасам̣варасам̣вуд̇о вихарад̇и аажаараг̇ожарасамбанно ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу. яам̣ ко банасса бхож̇анам̣ д̣̇знд̇и – луукам̣ ваа бан̣ийд̇ам̣ ваа – д̇ам̣ саггажжам̣язва барибхун̃ж̇ад̇и авихан̃н̃амаано. ж̇зг̇ужчий ход̇и гааяад̣̇ужжарид̇зна важийд̣̇ужжарид̇зна манод̣̇ужжарид̇зна; ж̇зг̇ужчий ход̇и анзгавихид̇аанам̣ баабагаанам̣ агусалаанам̣ д̇хаммаанам̣ самаабад̇д̇ияаа. сорад̇о ход̇и сукасам̣ваасо, на ан̃н̃з бхигкуу уб̣б̣зж̇зд̇аа. яаани ко банасса хонд̇и саатзяяаани гуудзяяаани ж̇имхзяяаани ван̇гзяяаани, д̇аани яат̇аабхууд̇ам̣ аавигад̇д̇аа ход̇и сад̇т̇ари ваа вин̃н̃уусу ваа саб̣рахмажаарийсу. д̇зсамасса сад̇т̇аа ваа вин̃н̃уу ваа саб̣рахмажаарий абхиниммад̣̇анааяа вааяамад̇и. сигкид̇аа ко бана ход̇и. ‘гааман̃н̃з бхигкуу сигканд̇у ваа маа ваа, ахамзд̇т̇а сигкиссаамий’д̇и жид̇д̇ам̣ уббаад̣̇зд̇и. г̇ажчанд̇о ко бана уж̇умаг̇г̇знзва г̇ажчад̇и; д̇ад̇рааяам̣ уж̇умаг̇г̇о, сзяяат̇ид̣̇ам̣ – саммаад̣̇идти…бз… саммаасамаад̇хи. аарад̣̇д̇хавийрияо вихарад̇и – ‘гаамам̣ д̇ажо жа нхаару 3 жа адти жа авасиссад̇у, сарийрз убасуссад̇у мам̣салохид̇ам̣; яам̣ д̇ам̣ бурисат̇аамзна бурисавийриязна бурисабараггамзна бад̇д̇аб̣б̣ам̣, на д̇ам̣ абаабун̣ид̇ваа вийрияасса сан̣таанам̣ бхависсад̇ий’д̇и. имзхи ко, бхигкавз, адтахи д̇хаммзхи саманнааг̇ад̇о бхигку аахунзяяо ход̇и…бз… ануд̇д̇арам̣ бун̃н̃агкзд̇д̇ам̣ логассаа’’д̇и . д̇ад̇ияам̣.
‘‘Evamevaṃ kho, bhikkhave, aṭṭhahi dhammehi samannāgato bhikkhu āhuneyyo hoti…pe… anuttaraṃ puññakkhettaṃ lokassa. Katamehi aṭṭhahi? Idha, bhikkhave, bhikkhu sīlavā hoti, pātimokkhasaṃvarasaṃvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu. Yaṃ kho panassa bhojanaṃ denti – lūkhaṃ vā paṇītaṃ vā – taṃ sakkaccaṃyeva paribhuñjati avihaññamāno. Jegucchī hoti kāyaduccaritena vacīduccaritena manoduccaritena; jegucchī hoti anekavihitānaṃ pāpakānaṃ akusalānaṃ dhammānaṃ samāpattiyā. Sorato hoti sukhasaṃvāso, na aññe bhikkhū ubbejetā. Yāni kho panassa honti sāṭheyyāni kūṭeyyāni jimheyyāni vaṅkeyyāni, tāni yathābhūtaṃ āvikattā hoti satthari vā viññūsu vā sabrahmacārīsu. Tesamassa satthā vā viññū vā sabrahmacārī abhinimmadanāya vāyamati. Sikkhitā kho pana hoti. ‘Kāmaññe bhikkhū sikkhantu vā mā vā, ahamettha sikkhissāmī’ti cittaṃ uppādeti. Gacchanto kho pana ujumaggeneva gacchati; tatrāyaṃ ujumaggo, seyyathidaṃ – sammādiṭṭhi…pe… sammāsamādhi. Āraddhavīriyo viharati – ‘kāmaṃ taco ca nhāru 4 ca aṭṭhi ca avasissatu, sarīre upasussatu maṃsalohitaṃ; yaṃ taṃ purisathāmena purisavīriyena purisaparakkamena pattabbaṃ, na taṃ apāpuṇitvā vīriyassa saṇṭhānaṃ bhavissatī’ti. Imehi kho, bhikkhave, aṭṭhahi dhammehi samannāgato bhikkhu āhuneyyo hoti…pe… anuttaraṃ puññakkhettaṃ lokassā’’ti . Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 3. ассааж̇аанийяасуд̇д̇аван̣н̣анаа • 3. Assājānīyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3-4. ассааж̇аанийяасуд̇д̇аад̣̇иван̣н̣анаа • 3-4. Assājānīyasuttādivaṇṇanā
