| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
3. அஸ்ஸாஜானீயஸுத்தவண்ணனா
3. Assājānīyasuttavaṇṇanā
13. ததியே அங்கே³ஹீதி கு³ணங்கே³ஹி. தஸ்ஸங் தி³ஸாயங் ஜாதோ ஹோதீதி தஸ்ஸங் ஸிந்து⁴னதீ³தீரதி³ஸாயங் ஜாதோ ஹோதி. அஞ்ஞேபி ப⁴த்³ரா அஸ்ஸாஜானீயா தத்தே²வ ஜாயந்தி. அல்லங் வா ஸுக்க²ங் வாதி அல்லதிணங் வா ஸுக்க²திணங் வா. நாஞ்ஞே அஸ்ஸே உப்³பே³ஜேதாதி அஞ்ஞே அஸ்ஸே ந உப்³பே³ஜேதி ந பஹரதி ந ட³ங்ஸதி ந கலஹங் கரோதி. ஸாடெ²ய்யானீதி ஸட²பா⁴வோ. கூடெய்யானீதி கூடபா⁴வோ. ஜிம்ஹெய்யானீதி ஜிம்ஹபா⁴வோ. வங்கெய்யானீதி வங்கபா⁴வா. இச்சஸ்ஸ சதூஹிபி பதே³ஹி அஸிக்கி²தபா⁴வோவ கதி²தோ . வாஹீதி வஹனஸபா⁴வோ தி³ன்னோவாத³படிகரோ. யாவ ஜீவிதமரணபரியாதா³னாதி யாவ ஜீவிதஸ்ஸ மரணேன பரியோஸானா. ஸக்கச்சங் பரிபு⁴ஞ்ஜதீதி அமதங் விய பச்சவெக்கி²த்வா பரிபு⁴ஞ்ஜதி. புரிஸதா²மேனாதிஆதீ³ஸு ஞாணதா²மாத³யோ கதி²தா. ஸண்டா²னந்தி ஓஸக்கனங் படிப்பஸ்ஸத்³தி⁴.
13. Tatiye aṅgehīti guṇaṅgehi. Tassaṃ disāyaṃ jāto hotīti tassaṃ sindhunadītīradisāyaṃ jāto hoti. Aññepi bhadrā assājānīyā tattheva jāyanti. Allaṃ vā sukkhaṃ vāti allatiṇaṃ vā sukkhatiṇaṃ vā. Nāññe asse ubbejetāti aññe asse na ubbejeti na paharati na ḍaṃsati na kalahaṃ karoti. Sāṭheyyānīti saṭhabhāvo. Kūṭeyyānīti kūṭabhāvo. Jimheyyānīti jimhabhāvo. Vaṅkeyyānīti vaṅkabhāvā. Iccassa catūhipi padehi asikkhitabhāvova kathito . Vāhīti vahanasabhāvo dinnovādapaṭikaro. Yāvajīvitamaraṇapariyādānāti yāva jīvitassa maraṇena pariyosānā. Sakkaccaṃ paribhuñjatīti amataṃ viya paccavekkhitvā paribhuñjati. Purisathāmenātiādīsu ñāṇathāmādayo kathitā. Saṇṭhānanti osakkanaṃ paṭippassaddhi.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 3. அஸ்ஸாஜானீயஸுத்தங் • 3. Assājānīyasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 3-4. அஸ்ஸாஜானீயஸுத்தாதி³வண்ணனா • 3-4. Assājānīyasuttādivaṇṇanā
