| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. ассааж̇аанийяасуд̇д̇аван̣н̣анаа
3. Assājānīyasuttavaṇṇanā
13. д̇ад̇ияз ан̇г̇зхийд̇и г̇ун̣ан̇г̇зхи. д̇ассам̣ д̣̇исааяам̣ ж̇аад̇о ход̇ийд̇и д̇ассам̣ синд̇хунад̣̇ийд̇ийрад̣̇исааяам̣ ж̇аад̇о ход̇и. ан̃н̃зби бхад̣̇раа ассааж̇аанийяаа д̇ад̇т̇зва ж̇ааяанд̇и. аллам̣ ваа сугкам̣ ваад̇и аллад̇ин̣ам̣ ваа сугкад̇ин̣ам̣ ваа. наан̃н̃з ассз уб̣б̣зж̇зд̇аад̇и ан̃н̃з ассз на уб̣б̣зж̇зд̇и на бахарад̇и на д̣ам̣сад̇и на галахам̣ гарод̇и. саатзяяаанийд̇и сатабхааво. гуудзяяаанийд̇и гуудабхааво. ж̇имхзяяаанийд̇и ж̇имхабхааво. ван̇гзяяаанийд̇и ван̇габхааваа. ижжасса жад̇уухиби бад̣̇зхи асигкид̇абхаавова гат̇ид̇о . ваахийд̇и ваханасабхааво д̣̇инноваад̣̇абадигаро. яаава ж̇ийвид̇амаран̣абарияаад̣̇аанаад̇и яаава ж̇ийвид̇асса маран̣зна барияосаанаа. саггажжам̣ барибхун̃ж̇ад̇ийд̇и амад̇ам̣ вияа бажжавзгкид̇ваа барибхун̃ж̇ад̇и. бурисат̇аамзнаад̇иаад̣̇ийсу н̃аан̣ат̇аамаад̣̇аяо гат̇ид̇аа. сан̣таананд̇и осагганам̣ бадиббассад̣̇д̇хи.
13. Tatiye aṅgehīti guṇaṅgehi. Tassaṃ disāyaṃ jāto hotīti tassaṃ sindhunadītīradisāyaṃ jāto hoti. Aññepi bhadrā assājānīyā tattheva jāyanti. Allaṃ vā sukkhaṃ vāti allatiṇaṃ vā sukkhatiṇaṃ vā. Nāññe asse ubbejetāti aññe asse na ubbejeti na paharati na ḍaṃsati na kalahaṃ karoti. Sāṭheyyānīti saṭhabhāvo. Kūṭeyyānīti kūṭabhāvo. Jimheyyānīti jimhabhāvo. Vaṅkeyyānīti vaṅkabhāvā. Iccassa catūhipi padehi asikkhitabhāvova kathito . Vāhīti vahanasabhāvo dinnovādapaṭikaro. Yāvajīvitamaraṇapariyādānāti yāva jīvitassa maraṇena pariyosānā. Sakkaccaṃ paribhuñjatīti amataṃ viya paccavekkhitvā paribhuñjati. Purisathāmenātiādīsu ñāṇathāmādayo kathitā. Saṇṭhānanti osakkanaṃ paṭippassaddhi.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. ассааж̇аанийяасуд̇д̇ам̣ • 3. Assājānīyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3-4. ассааж̇аанийяасуд̇д̇аад̣̇иван̣н̣анаа • 3-4. Assājānīyasuttādivaṇṇanā
