| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๓. อสฺสาชานียสุตฺตวณฺณนา
3. Assājānīyasuttavaṇṇanā
๑๓. ตติเย อเงฺคหีติ คุณเงฺคหิฯ ตสฺสํ ทิสายํ ชาโต โหตีติ ตสฺสํ สินฺธุนทีตีรทิสายํ ชาโต โหติฯ อเญฺญปิ ภทฺรา อสฺสาชานียา ตเตฺถว ชายนฺติฯ อลฺลํ วา สุกฺขํ วาติ อลฺลติณํ วา สุกฺขติณํ วาฯ นาเญฺญ อเสฺส อุเพฺพเชตาติ อเญฺญ อเสฺส น อุเพฺพเชติ น ปหรติ น ฑํสติ น กลหํ กโรติฯ สาเฐยฺยานีติ สฐภาโวฯ กูเฎยฺยานีติ กูฎภาโวฯ ชิเมฺหยฺยานีติ ชิมฺหภาโวฯ วเงฺกยฺยานีติ วงฺกภาวาฯ อิจฺจสฺส จตูหิปิ ปเทหิ อสิกฺขิตภาโวว กถิโต ฯ วาหีติ วหนสภาโว ทิโนฺนวาทปฎิกโรฯ ยาว ชีวิตมรณปริยาทานาติ ยาว ชีวิตสฺส มรเณน ปริโยสานาฯ สกฺกจฺจํ ปริภุญฺชตีติ อมตํ วิย ปจฺจเวกฺขิตฺวา ปริภุญฺชติฯ ปุริสถาเมนาติอาทีสุ ญาณถามาทโย กถิตาฯ สณฺฐานนฺติ โอสกฺกนํ ปฎิปฺปสฺสทฺธิฯ
13. Tatiye aṅgehīti guṇaṅgehi. Tassaṃ disāyaṃ jāto hotīti tassaṃ sindhunadītīradisāyaṃ jāto hoti. Aññepi bhadrā assājānīyā tattheva jāyanti. Allaṃ vā sukkhaṃ vāti allatiṇaṃ vā sukkhatiṇaṃ vā. Nāññe asse ubbejetāti aññe asse na ubbejeti na paharati na ḍaṃsati na kalahaṃ karoti. Sāṭheyyānīti saṭhabhāvo. Kūṭeyyānīti kūṭabhāvo. Jimheyyānīti jimhabhāvo. Vaṅkeyyānīti vaṅkabhāvā. Iccassa catūhipi padehi asikkhitabhāvova kathito . Vāhīti vahanasabhāvo dinnovādapaṭikaro. Yāvajīvitamaraṇapariyādānāti yāva jīvitassa maraṇena pariyosānā. Sakkaccaṃ paribhuñjatīti amataṃ viya paccavekkhitvā paribhuñjati. Purisathāmenātiādīsu ñāṇathāmādayo kathitā. Saṇṭhānanti osakkanaṃ paṭippassaddhi.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๓. อสฺสาชานียสุตฺตํ • 3. Assājānīyasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๓-๔. อสฺสาชานียสุตฺตาทิวณฺณนา • 3-4. Assājānīyasuttādivaṇṇanā
