| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༣. ཨསྶཱཛཱནཱིཡསུཏྟཝཎྞནཱ
3. Assājānīyasuttavaṇṇanā
༡༣. ཏཏིཡེ ཨངྒེཧཱིཏི གུཎངྒེཧི། ཏསྶཾ དིསཱཡཾ ཛཱཏོ ཧོཏཱིཏི ཏསྶཾ སིནྡྷུནདཱིཏཱིརདིསཱཡཾ ཛཱཏོ ཧོཏི། ཨཉྙེཔི བྷདྲཱ ཨསྶཱཛཱནཱིཡཱ ཏཏྠེཝ ཛཱཡནྟི། ཨལླཾ ཝཱ སུཀྑཾ ཝཱཏི ཨལླཏིཎཾ ཝཱ སུཀྑཏིཎཾ ཝཱ། ནཱཉྙེ ཨསྶེ ཨུབྦེཛེཏཱཏི ཨཉྙེ ཨསྶེ ན ཨུབྦེཛེཏི ན པཧརཏི ན ཌཾསཏི ན ཀལཧཾ ཀརོཏི། སཱཋེཡྻཱནཱིཏི སཋབྷཱཝོ། ཀཱུཊེཡྻཱནཱིཏི ཀཱུཊབྷཱཝོ། ཛིམྷེཡྻཱནཱིཏི ཛིམྷབྷཱཝོ། ཝངྐེཡྻཱནཱིཏི ཝངྐབྷཱཝཱ། ཨིཙྩསྶ ཙཏཱུཧིཔི པདེཧི ཨསིཀྑིཏབྷཱཝོཝ ཀཐིཏོ ། ཝཱཧཱིཏི ཝཧནསབྷཱཝོ དིནྣོཝཱདཔཊིཀརོ། ཡཱཝ ཛཱིཝིཏམརཎཔརིཡཱདཱནཱཏི ཡཱཝ ཛཱིཝིཏསྶ མརཎེན པརིཡོསཱནཱ། སཀྐཙྩཾ པརིབྷུཉྫཏཱིཏི ཨམཏཾ ཝིཡ པཙྩཝེཀྑིཏྭཱ པརིབྷུཉྫཏི། པུརིསཐཱམེནཱཏིཨཱདཱིསུ ཉཱཎཐཱམཱདཡོ ཀཐིཏཱ། སཎྛཱནནྟི ཨོསཀྐནཾ པཊིཔྤསྶདྡྷི།
13. Tatiye aṅgehīti guṇaṅgehi. Tassaṃ disāyaṃ jāto hotīti tassaṃ sindhunadītīradisāyaṃ jāto hoti. Aññepi bhadrā assājānīyā tattheva jāyanti. Allaṃ vā sukkhaṃ vāti allatiṇaṃ vā sukkhatiṇaṃ vā. Nāññe asse ubbejetāti aññe asse na ubbejeti na paharati na ḍaṃsati na kalahaṃ karoti. Sāṭheyyānīti saṭhabhāvo. Kūṭeyyānīti kūṭabhāvo. Jimheyyānīti jimhabhāvo. Vaṅkeyyānīti vaṅkabhāvā. Iccassa catūhipi padehi asikkhitabhāvova kathito . Vāhīti vahanasabhāvo dinnovādapaṭikaro. Yāvajīvitamaraṇapariyādānāti yāva jīvitassa maraṇena pariyosānā. Sakkaccaṃ paribhuñjatīti amataṃ viya paccavekkhitvā paribhuñjati. Purisathāmenātiādīsu ñāṇathāmādayo kathitā. Saṇṭhānanti osakkanaṃ paṭippassaddhi.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༣. ཨསྶཱཛཱནཱིཡསུཏྟཾ • 3. Assājānīyasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༣-༤. ཨསྶཱཛཱནཱིཡསུཏྟཱདིཝཎྞནཱ • 3-4. Assājānīyasuttādivaṇṇanā
