| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੩. ਅਸ੍ਸਾਜਾਨੀਯਸੁਤ੍ਤવਣ੍ਣਨਾ
3. Assājānīyasuttavaṇṇanā
੧੩. ਤਤਿਯੇ ਅਙ੍ਗੇਹੀਤਿ ਗੁਣਙ੍ਗੇਹਿ। ਤਸ੍ਸਂ ਦਿਸਾਯਂ ਜਾਤੋ ਹੋਤੀਤਿ ਤਸ੍ਸਂ ਸਿਨ੍ਧੁਨਦੀਤੀਰਦਿਸਾਯਂ ਜਾਤੋ ਹੋਤਿ। ਅਞ੍ਞੇਪਿ ਭਦ੍ਰਾ ਅਸ੍ਸਾਜਾਨੀਯਾ ਤਤ੍ਥੇવ ਜਾਯਨ੍ਤਿ। ਅਲ੍ਲਂ વਾ ਸੁਕ੍ਖਂ વਾਤਿ ਅਲ੍ਲਤਿਣਂ વਾ ਸੁਕ੍ਖਤਿਣਂ વਾ। ਨਾਞ੍ਞੇ ਅਸ੍ਸੇ ਉਬ੍ਬੇਜੇਤਾਤਿ ਅਞ੍ਞੇ ਅਸ੍ਸੇ ਨ ਉਬ੍ਬੇਜੇਤਿ ਨ ਪਹਰਤਿ ਨ ਡਂਸਤਿ ਨ ਕਲਹਂ ਕਰੋਤਿ। ਸਾਠੇਯ੍ਯਾਨੀਤਿ ਸਠਭਾવੋ। ਕੂਟੇਯ੍ਯਾਨੀਤਿ ਕੂਟਭਾવੋ। ਜਿਮ੍ਹੇਯ੍ਯਾਨੀਤਿ ਜਿਮ੍ਹਭਾવੋ। વਙ੍ਕੇਯ੍ਯਾਨੀਤਿ વਙ੍ਕਭਾવਾ। ਇਚ੍ਚਸ੍ਸ ਚਤੂਹਿਪਿ ਪਦੇਹਿ ਅਸਿਕ੍ਖਿਤਭਾવੋવ ਕਥਿਤੋ । વਾਹੀਤਿ વਹਨਸਭਾવੋ ਦਿਨ੍ਨੋવਾਦਪਟਿਕਰੋ। ਯਾવ ਜੀવਿਤਮਰਣਪਰਿਯਾਦਾਨਾਤਿ ਯਾવ ਜੀવਿਤਸ੍ਸ ਮਰਣੇਨ ਪਰਿਯੋਸਾਨਾ। ਸਕ੍ਕਚ੍ਚਂ ਪਰਿਭੁਞ੍ਜਤੀਤਿ ਅਮਤਂ વਿਯ ਪਚ੍ਚવੇਕ੍ਖਿਤ੍વਾ ਪਰਿਭੁਞ੍ਜਤਿ। ਪੁਰਿਸਥਾਮੇਨਾਤਿਆਦੀਸੁ ਞਾਣਥਾਮਾਦਯੋ ਕਥਿਤਾ। ਸਣ੍ਠਾਨਨ੍ਤਿ ਓਸਕ੍ਕਨਂ ਪਟਿਪ੍ਪਸ੍ਸਦ੍ਧਿ।
13. Tatiye aṅgehīti guṇaṅgehi. Tassaṃ disāyaṃ jāto hotīti tassaṃ sindhunadītīradisāyaṃ jāto hoti. Aññepi bhadrā assājānīyā tattheva jāyanti. Allaṃ vā sukkhaṃ vāti allatiṇaṃ vā sukkhatiṇaṃ vā. Nāññe asse ubbejetāti aññe asse na ubbejeti na paharati na ḍaṃsati na kalahaṃ karoti. Sāṭheyyānīti saṭhabhāvo. Kūṭeyyānīti kūṭabhāvo. Jimheyyānīti jimhabhāvo. Vaṅkeyyānīti vaṅkabhāvā. Iccassa catūhipi padehi asikkhitabhāvova kathito . Vāhīti vahanasabhāvo dinnovādapaṭikaro. Yāvajīvitamaraṇapariyādānāti yāva jīvitassa maraṇena pariyosānā. Sakkaccaṃ paribhuñjatīti amataṃ viya paccavekkhitvā paribhuñjati. Purisathāmenātiādīsu ñāṇathāmādayo kathitā. Saṇṭhānanti osakkanaṃ paṭippassaddhi.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੩. ਅਸ੍ਸਾਜਾਨੀਯਸੁਤ੍ਤਂ • 3. Assājānīyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੩-੪. ਅਸ੍ਸਾਜਾਨੀਯਸੁਤ੍ਤਾਦਿવਣ੍ਣਨਾ • 3-4. Assājānīyasuttādivaṇṇanā
