| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৬. অস্সজিসুত্তৰণ্ণনা
6. Assajisuttavaṇṇanā
৮৮. পস্সম্ভিত্ৰাতি নিরোধেত্ৰা। নো চ স্ৰাহন্তি নো চ সু অহং। পরিহাযি কুপ্পধম্মত্তা। এতন্তি সমাধিমত্তসারং, সীলমত্তে পন ৰত্তব্বমেৰ নত্থি। কথং হোতীতি কথং অভিনন্দনা হোতি। দুক্খং পত্ৰাতি দুক্খুপ্পত্তিহেতু সুখং পত্থেতি ‘‘এৰং মে দুক্খপরিল়াহো ন ভৰিস্সতী’’তি। যদগ্গেনাতি যেন ভাগেন। ‘‘দুক্খং পত্থেতিযেৰা’’তি ৰত্ৰা তত্থ কারণমাহ ‘‘সুখৰিপরিণামেন হী’’তিআদি। সুখৰিপরিৰত্তে সুখৰিপরিণামদুক্খং, তস্মা সুখং অভিনন্দন্তো অত্থতো দুক্খং অভিনন্দতি নাম।
88.Passambhitvāti nirodhetvā. No ca svāhanti no ca su ahaṃ. Parihāyi kuppadhammattā. Etanti samādhimattasāraṃ, sīlamatte pana vattabbameva natthi. Kathaṃ hotīti kathaṃ abhinandanā hoti. Dukkhaṃ patvāti dukkhuppattihetu sukhaṃ pattheti ‘‘evaṃ me dukkhapariḷāho na bhavissatī’’ti. Yadaggenāti yena bhāgena. ‘‘Dukkhaṃ patthetiyevā’’ti vatvā tattha kāraṇamāha ‘‘sukhavipariṇāmena hī’’tiādi. Sukhaviparivatte sukhavipariṇāmadukkhaṃ, tasmā sukhaṃ abhinandanto atthato dukkhaṃ abhinandati nāma.
অস্সজিসুত্তৰণ্ণনা নিট্ঠিতা।
Assajisuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৬. অস্সজিসুত্তং • 6. Assajisuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৬. অস্সজিসুত্তৰণ্ণনা • 6. Assajisuttavaṇṇanā
