| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
६. अस्सजिसुत्तवण्णना
6. Assajisuttavaṇṇanā
८८. पस्सम्भित्वाति निरोधेत्वा। नो च स्वाहन्ति नो च सु अहं। परिहायि कुप्पधम्मत्ता। एतन्ति समाधिमत्तसारं, सीलमत्ते पन वत्तब्बमेव नत्थि। कथं होतीति कथं अभिनन्दना होति। दुक्खं पत्वाति दुक्खुप्पत्तिहेतु सुखं पत्थेति ‘‘एवं मे दुक्खपरिळाहो न भविस्सती’’ति। यदग्गेनाति येन भागेन। ‘‘दुक्खं पत्थेतियेवा’’ति वत्वा तत्थ कारणमाह ‘‘सुखविपरिणामेन ही’’तिआदि। सुखविपरिवत्ते सुखविपरिणामदुक्खं, तस्मा सुखं अभिनन्दन्तो अत्थतो दुक्खं अभिनन्दति नाम।
88.Passambhitvāti nirodhetvā. No ca svāhanti no ca su ahaṃ. Parihāyi kuppadhammattā. Etanti samādhimattasāraṃ, sīlamatte pana vattabbameva natthi. Kathaṃ hotīti kathaṃ abhinandanā hoti. Dukkhaṃ patvāti dukkhuppattihetu sukhaṃ pattheti ‘‘evaṃ me dukkhapariḷāho na bhavissatī’’ti. Yadaggenāti yena bhāgena. ‘‘Dukkhaṃ patthetiyevā’’ti vatvā tattha kāraṇamāha ‘‘sukhavipariṇāmena hī’’tiādi. Sukhaviparivatte sukhavipariṇāmadukkhaṃ, tasmā sukhaṃ abhinandanto atthato dukkhaṃ abhinandati nāma.
अस्सजिसुत्तवण्णना निट्ठिता।
Assajisuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ६. अस्सजिसुत्तं • 6. Assajisuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ६. अस्सजिसुत्तवण्णना • 6. Assajisuttavaṇṇanā
