| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੬. ਅਸ੍ਸਜਿਸੁਤ੍ਤવਣ੍ਣਨਾ
6. Assajisuttavaṇṇanā
੮੮. ਛਟ੍ਠੇ ਕਸ੍ਸਪਕਾਰਾਮੇਤਿ ਕਸ੍ਸਪਸੇਟ੍ਠਿਨਾ ਕਾਰਿਤੇ ਆਰਾਮੇ। ਕਾਯਸਙ੍ਖਾਰੇਤਿ ਅਸ੍ਸਾਸਪਸ੍ਸਾਸੇ । ਸੋ ਹਿ ਤੇ ਚਤੁਤ੍ਥਜ੍ਝਾਨੇਨ ਪਸ੍ਸਮ੍ਭਿਤ੍વਾ ਪਸ੍ਸਮ੍ਭਿਤ੍વਾ વਿਹਾਸਿ। ਏવਂ ਹੋਤੀਤਿ ਇਦਾਨਿ ਤਂ ਸਮਾਧਿਂ ਅਪ੍ਪਟਿਲਭਨ੍ਤਸ੍ਸ ਏવਂ ਹੋਤਿ। ਨੋ ਚਸ੍ਸਾਹਂ ਪਰਿਹਾਯਾਮੀਤਿ ਕਚ੍ਚਿ ਨੁ ਖੋ ਅਹਂ ਸਾਸਨਤੋ ਨ ਪਰਿਹਾਯਾਮਿ? ਤਸ੍ਸ ਕਿਰ ਆਬਾਧਦੋਸੇਨ ਅਪ੍ਪਿਤਪ੍ਪਿਤਾ ਸਮਾਪਤ੍ਤਿ ਪਰਿਹਾਯਿ, ਤਸ੍ਮਾ ਏવਂ ਚਿਨ੍ਤੇਸਿ। ਸਮਾਧਿਸਾਰਕਾ ਸਮਾਧਿਸਾਮਞ੍ਞਾਤਿ ਸਮਾਧਿਂਯੇવ ਸਾਰਞ੍ਚ ਸਾਮਞ੍ਞਞ੍ਚ ਮਞ੍ਞਨ੍ਤਿ। ਮਯ੍ਹਂ ਪਨ ਸਾਸਨੇ ਨ ਏਤਂ ਸਾਰਂ, વਿਪਸ੍ਸਨਾਮਗ੍ਗਫਲਾਨਿ ਸਾਰਂ। ਸੋ ਤ੍વਂ ਸਮਾਧਿਤੋ ਪਰਿਹਾਯਨ੍ਤੋ ਕਸ੍ਮਾ ਚਿਨ੍ਤੇਸਿ ‘‘ਸਾਸਨਤੋ ਪਰਿਹਾਯਾਮੀ’’ਤਿ। ਏવਂ ਥੇਰਂ ਅਸ੍ਸਾਸੇਤ੍વਾ ਇਦਾਨਿਸ੍ਸ ਤਿਪਰਿવਟ੍ਟਂ ਧਮ੍ਮਦੇਸਨਂ ਆਰਭਨ੍ਤੋ ਤਂ ਕਿਂ ਮਞ੍ਞਸੀਤਿਆਦਿਮਾਹ। ਅਥਸ੍ਸ ਤਿਪਰਿવਟ੍ਟਦੇਸਨਾવਸਾਨੇ ਅਰਹਤ੍ਤਂ ਪਤ੍ਤਸ੍ਸ ਸਤਤવਿਹਾਰਂ ਦਸ੍ਸੇਨ੍ਤੋ ਸੋ ਸੁਖਂ ਚੇ વੇਦਨਂ વੇਦਯਤੀਤਿਆਦਿਮਾਹ । ਤਤ੍ਥ ਅਨਭਿਨਨ੍ਦਿਤਾਤਿ ਪਜਾਨਾਤੀਤਿ ਸੁਖવੇਦਨਾਯ ਤਾવ ਅਭਿਨਨ੍ਦਨਾ ਹੋਤੁ, ਦੁਕ੍ਖવੇਦਨਾਯ ਕਥਂ ਹੋਤੀਤਿ? ਦੁਕ੍ਖਂ ਪਤ੍વਾ ਸੁਖਂ ਪਤ੍ਥੇਤਿ, ਯਦਗ੍ਗੇਨ ਸੁਖਂ ਪਤ੍ਥੇਤਿ, ਤਦਗ੍ਗੇਨ ਦੁਕ੍ਖਂ ਪਤ੍ਥੇਤਿਯੇવ। ਸੁਖવਿਪਰਿਣਾਮੇਨ ਹਿ ਦੁਕ੍ਖਂ ਆਗਤਮੇવ ਹੋਤੀਤਿ ਏવਂ ਦੁਕ੍ਖੇ ਅਭਿਨਨ੍ਦਨਾ વੇਦਿਤਬ੍ਬਾ। ਸੇਸਂ ਪੁਬ੍ਬੇ વੁਤ੍ਤਨਯਮੇવਾਤਿ। ਛਟ੍ਠਂ।
88. Chaṭṭhe kassapakārāmeti kassapaseṭṭhinā kārite ārāme. Kāyasaṅkhāreti assāsapassāse . So hi te catutthajjhānena passambhitvā passambhitvā vihāsi. Evaṃ hotīti idāni taṃ samādhiṃ appaṭilabhantassa evaṃ hoti. No cassāhaṃ parihāyāmīti kacci nu kho ahaṃ sāsanato na parihāyāmi? Tassa kira ābādhadosena appitappitā samāpatti parihāyi, tasmā evaṃ cintesi. Samādhisārakā samādhisāmaññāti samādhiṃyeva sārañca sāmaññañca maññanti. Mayhaṃ pana sāsane na etaṃ sāraṃ, vipassanāmaggaphalāni sāraṃ. So tvaṃ samādhito parihāyanto kasmā cintesi ‘‘sāsanato parihāyāmī’’ti. Evaṃ theraṃ assāsetvā idānissa tiparivaṭṭaṃ dhammadesanaṃ ārabhanto taṃ kiṃ maññasītiādimāha. Athassa tiparivaṭṭadesanāvasāne arahattaṃ pattassa satatavihāraṃ dassento so sukhaṃ ce vedanaṃ vedayatītiādimāha . Tattha anabhinanditāti pajānātīti sukhavedanāya tāva abhinandanā hotu, dukkhavedanāya kathaṃ hotīti? Dukkhaṃ patvā sukhaṃ pattheti, yadaggena sukhaṃ pattheti, tadaggena dukkhaṃ patthetiyeva. Sukhavipariṇāmena hi dukkhaṃ āgatameva hotīti evaṃ dukkhe abhinandanā veditabbā. Sesaṃ pubbe vuttanayamevāti. Chaṭṭhaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਅਸ੍ਸਜਿਸੁਤ੍ਤਂ • 6. Assajisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੬. ਅਸ੍ਸਜਿਸੁਤ੍ਤવਣ੍ਣਨਾ • 6. Assajisuttavaṇṇanā
