| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[207] 7. ассагаж̇аад̇агаван̣н̣анаа
[207] 7. Assakajātakavaṇṇanā
аяамассагарааж̇знаад̇и ид̣̇ам̣ сад̇т̇аа ж̇зд̇аванз вихаранд̇о бураан̣ад̣̇уд̇ияигаабалобханам̣ аараб̣бха гат̇зси. со хи бхигку сад̇т̇аараа ‘‘сажжам̣ гира, д̇вам̣ бхигку, угган̣тид̇осий’’д̇и будто ‘‘сажжа’’нд̇и вад̇ваа ‘‘гзна угган̣таабид̇осий’’д̇и вуд̇д̇з ‘‘бураан̣ад̣̇уд̇ияигааяаа’’д̇и ааха. ат̇а нам̣ сад̇т̇аа ‘‘на ид̣̇аанзва д̇ассаа бхигку ид̇т̇ияаа д̇аяи синзхо ад̇т̇и, буб̣б̣зби д̇вам̣ д̇ам̣ ниссааяа махаад̣̇угкам̣ бад̇д̇о’’д̇и вад̇ваа ад̇ийд̇ам̣ аахари.
Ayamassakarājenāti idaṃ satthā jetavane viharanto purāṇadutiyikāpalobhanaṃ ārabbha kathesi. So hi bhikkhu satthārā ‘‘saccaṃ kira, tvaṃ bhikkhu, ukkaṇṭhitosī’’ti puṭṭho ‘‘sacca’’nti vatvā ‘‘kena ukkaṇṭhāpitosī’’ti vutte ‘‘purāṇadutiyikāyā’’ti āha. Atha naṃ satthā ‘‘na idāneva tassā bhikkhu itthiyā tayi sineho atthi, pubbepi tvaṃ taṃ nissāya mahādukkhaṃ patto’’ti vatvā atītaṃ āhari.
ад̇ийд̇з гаасирадтз баадалинаг̇арз ассаго наама рааж̇аа раж̇ж̇ам̣ гаарзси. д̇асса убарий наама аг̇г̇амахзсий бияаа ахоси манаабаа абхируубаа д̣̇ассанийяаа баасаад̣̇игаа ад̇игганд̇аа маанусаван̣н̣ам̣, абад̇д̇аа д̣̇иб̣б̣аван̣н̣ам̣. саа гааламагааси, д̇ассаа гаалагирияааяа рааж̇аа согаабхибхууд̇о ахоси д̣̇угкий д̣̇уммано. со д̇ассаа сарийрам̣ д̣̇он̣ияам̣ нибаж̇ж̇аабзд̇ваа д̇злагалалам̣ багкибаабзд̇ваа хздтааман̃жз табаабзд̇ваа нираахааро род̣̇амаано барид̣̇звамаано нибаж̇ж̇и. маад̇аабид̇аро авасзсан̃аад̇агаа мид̇д̇аамажжаб̣раахман̣аг̇ахабад̇игаад̣̇аяоби ‘‘маа сожи, махаарааж̇а, анижжаа сан̇каараа’’д̇иаад̣̇ийни вад̣̇анд̇аа сан̃н̃аабзд̇ум̣ наасагким̣су. д̇асса вилабанд̇ассзва сад̇д̇а д̣̇ивасаа ад̇игганд̇аа. д̇ад̣̇аа б̣од̇хисад̇д̇о бан̃жаабхин̃н̃аадтасамаабад̇д̇илаабхий д̇аабасо худ̇ваа химаванд̇абад̣̇зсз вихаранд̇о аалогам̣ вад̣дхзд̇ваа д̣̇иб̣б̣зна жагкунаа ж̇амб̣уд̣̇ийбам̣ ологзнд̇о д̇ам̣ рааж̇аанам̣ д̇ат̇аа барид̣̇звамаанам̣ д̣̇исваа ‘‘зд̇асса маяаа авассаязна бхавид̇аб̣б̣а’’нд̇и ид̣̇д̇хаанубхаавзна аагаасз уббад̇ид̇ваа ран̃н̃о уяяаанз од̇арид̇ваа ман̇г̇аласилаабаддз ган̃жанабадимаа вияа нисийд̣̇и.
Atīte kāsiraṭṭhe pāṭalinagare assako nāma rājā rajjaṃ kāresi. Tassa uparī nāma aggamahesī piyā ahosi manāpā abhirūpā dassanīyā pāsādikā atikkantā mānusavaṇṇaṃ, apattā dibbavaṇṇaṃ. Sā kālamakāsi, tassā kālakiriyāya rājā sokābhibhūto ahosi dukkhī dummano. So tassā sarīraṃ doṇiyaṃ nipajjāpetvā telakalalaṃ pakkhipāpetvā heṭṭhāmañce ṭhapāpetvā nirāhāro rodamāno paridevamāno nipajji. Mātāpitaro avasesañātakā mittāmaccabrāhmaṇagahapatikādayopi ‘‘mā soci, mahārāja, aniccā saṅkhārā’’tiādīni vadantā saññāpetuṃ nāsakkhiṃsu. Tassa vilapantasseva satta divasā atikkantā. Tadā bodhisatto pañcābhiññaaṭṭhasamāpattilābhī tāpaso hutvā himavantapadese viharanto ālokaṃ vaḍḍhetvā dibbena cakkhunā jambudīpaṃ olokento taṃ rājānaṃ tathā paridevamānaṃ disvā ‘‘etassa mayā avassayena bhavitabba’’nti iddhānubhāvena ākāse uppatitvā rañño uyyāne otaritvā maṅgalasilāpaṭṭe kañcanapaṭimā viya nisīdi.
ат̇зго баадалинаг̇араваасий б̣раахман̣амаан̣аво уяяаанам̣ г̇ад̇о б̣од̇хисад̇д̇ам̣ д̣̇исваа ванд̣̇ид̇ваа нисийд̣̇и. б̣од̇хисад̇д̇о д̇зна сад̣̇д̇хим̣ бадисант̇аарам̣ гад̇ваа ‘‘гим̣, маан̣ава, рааж̇аа д̇хаммиго’’д̇и бужчи. ‘‘аама, бханд̇з, д̇хаммиго рааж̇аа, бхарияаа банасса гаалагад̇аа, со д̇ассаа сарийрам̣ д̣̇он̣ияам̣ багкибаабзд̇ваа вилабамаано нибанно, аж̇ж̇а сад̇д̇амо д̣̇ивасо, гисса д̇умхз рааж̇аанам̣ зваруубаа д̣̇угкаа на можзт̇а, яуд̇д̇ам̣ ну ко д̇умхаад̣̇исзсу сийлаванд̇зсу сам̣виж̇ж̇амаанзсу ран̃н̃о зваруубам̣ д̣̇угкам̣ анубхавид̇у’’нд̇и. ‘‘на ко ахам̣ , маан̣ава, рааж̇аанам̣ ж̇аанаами, сажз бана со ааг̇анд̇ваа мам̣ бужчзяяа, ахамзвасса д̇ассаа ниб̣б̣ад̇д̇адтаанам̣ аажигкид̇ваа ран̃н̃о санд̇игзязва д̇ам̣ гат̇аабзяяа’’нд̇и. ‘‘д̇зна хи, бханд̇з, яаава рааж̇аанам̣ аанзми, д̇аава имзва нисийд̣̇ат̇аа’’д̇и маан̣аво б̣од̇хисад̇д̇асса бадин̃н̃ам̣ г̇ахзд̇ваа ран̃н̃о санд̇игам̣ г̇анд̇ваа д̇амад̇т̇ам̣ аарожзд̇ваа ‘‘д̇асса д̣̇иб̣б̣ажагкугасса санд̇игам̣ г̇анд̇ум̣ ваддад̇ий’’д̇и ааха.
Atheko pāṭalinagaravāsī brāhmaṇamāṇavo uyyānaṃ gato bodhisattaṃ disvā vanditvā nisīdi. Bodhisatto tena saddhiṃ paṭisanthāraṃ katvā ‘‘kiṃ, māṇava, rājā dhammiko’’ti pucchi. ‘‘Āma, bhante, dhammiko rājā, bhariyā panassa kālakatā, so tassā sarīraṃ doṇiyaṃ pakkhipāpetvā vilapamāno nipanno, ajja sattamo divaso, kissa tumhe rājānaṃ evarūpā dukkhā na mocetha, yuttaṃ nu kho tumhādisesu sīlavantesu saṃvijjamānesu rañño evarūpaṃ dukkhaṃ anubhavitu’’nti. ‘‘Na kho ahaṃ , māṇava, rājānaṃ jānāmi, sace pana so āgantvā maṃ puccheyya, ahamevassa tassā nibbattaṭṭhānaṃ ācikkhitvā rañño santikeyeva taṃ kathāpeyya’’nti. ‘‘Tena hi, bhante, yāva rājānaṃ ānemi, tāva imeva nisīdathā’’ti māṇavo bodhisattassa paṭiññaṃ gahetvā rañño santikaṃ gantvā tamatthaṃ ārocetvā ‘‘tassa dibbacakkhukassa santikaṃ gantuṃ vaṭṭatī’’ti āha.
рааж̇аа ‘‘убарим̣ гира д̣̇адтум̣ лабхиссаамий’’д̇и д̇удтамаанасо рат̇ам̣ абхирухид̇ваа д̇ад̇т̇а г̇анд̇ваа б̣од̇хисад̇д̇ам̣ ванд̣̇ид̇ваа згаманд̇ам̣ нисинно – ‘‘сажжам̣ гира д̇умхз д̣̇звияаа ниб̣б̣ад̇д̇адтаанам̣ ж̇аанаат̇аа’’д̇и бужчи. ‘‘аама, махаарааж̇аа’’д̇и. ‘‘гад̇т̇а ниб̣б̣ад̇д̇аа’’д̇и? ‘‘саа ко, махаарааж̇а, руубасмим̣язва мад̇д̇аа бамаад̣̇амааг̇амма галяаан̣агаммам̣ агад̇ваа имасмим̣язва уяяаанз г̇омаяабаан̣агаяонияам̣ ниб̣б̣ад̇д̇аа’’д̇и . ‘‘наахам̣ сад̣̇д̣̇ахаамий’’д̇и. ‘‘д̇зна хи д̇з д̣̇ассзд̇ваа гат̇аабзмий’’д̇и. ‘‘саад̇ху гат̇аабзт̇аа’’д̇и. б̣од̇хисад̇д̇о ад̇д̇ано аанубхаавзна ‘‘убхоби г̇омаяабин̣д̣ам̣ ваддаяамаанаа ран̃н̃о бурад̇о ааг̇ажчанд̇уу’’д̇и д̇зсам̣ ааг̇аманам̣ агааси. д̇з д̇ат̇зва ааг̇амим̣су. б̣од̇хисад̇д̇о д̇ам̣ д̣̇ассзнд̇о ‘‘аяам̣ д̇з , махаарааж̇а, убарид̣̇звий, д̇ам̣ ж̇ахид̇ваа г̇омаяабаан̣агасса бажчад̇о бажчад̇о г̇ажчад̇и, бассат̇а на’’нд̇и ааха. бханд̇з ‘‘‘убарий наама г̇омаяабаан̣агаяонияам̣ ниб̣б̣ад̇д̇иссад̇ий’д̇и на сад̣̇д̣̇ахаамаха’’нд̇и. ‘‘гат̇аабзми нам̣, махаарааж̇аа’’д̇и. ‘‘гат̇аабзт̇а, бханд̇з’’д̇и.
Rājā ‘‘upariṃ kira daṭṭhuṃ labhissāmī’’ti tuṭṭhamānaso rathaṃ abhiruhitvā tattha gantvā bodhisattaṃ vanditvā ekamantaṃ nisinno – ‘‘saccaṃ kira tumhe deviyā nibbattaṭṭhānaṃ jānāthā’’ti pucchi. ‘‘Āma, mahārājā’’ti. ‘‘Kattha nibbattā’’ti? ‘‘Sā kho, mahārāja, rūpasmiṃyeva mattā pamādamāgamma kalyāṇakammaṃ akatvā imasmiṃyeva uyyāne gomayapāṇakayoniyaṃ nibbattā’’ti . ‘‘Nāhaṃ saddahāmī’’ti. ‘‘Tena hi te dassetvā kathāpemī’’ti. ‘‘Sādhu kathāpethā’’ti. Bodhisatto attano ānubhāvena ‘‘ubhopi gomayapiṇḍaṃ vaṭṭayamānā rañño purato āgacchantū’’ti tesaṃ āgamanaṃ akāsi. Te tatheva āgamiṃsu. Bodhisatto taṃ dassento ‘‘ayaṃ te , mahārāja, uparidevī, taṃ jahitvā gomayapāṇakassa pacchato pacchato gacchati, passatha na’’nti āha. Bhante ‘‘‘uparī nāma gomayapāṇakayoniyaṃ nibbattissatī’ti na saddahāmaha’’nti. ‘‘Kathāpemi naṃ, mahārājā’’ti. ‘‘Kathāpetha, bhante’’ti.
б̣од̇хисад̇д̇о ад̇д̇ано аанубхаавзна д̇ам̣ гат̇аабзнд̇о ‘‘убарий’’д̇и ааха. саа мануссабхаасааяа ‘‘гим̣, бханд̇з’’д̇и ааха. ‘‘д̇вам̣ ад̇ийд̇абхавз гаа наама ахосий’’д̇и? ‘‘бханд̇з, ассагаран̃н̃о аг̇г̇амахзсий убарий наама ахоси’’нд̇и. ‘‘гим̣ бана д̇з ид̣̇аани ассагарааж̇аа бияо, уд̣̇ааху г̇омаяабаан̣аго’’д̇и? ‘‘бханд̇з, со маяхам̣ буримаж̇аад̇ияаа саамиго, д̇ад̣̇аа ахам̣ имасмим̣ уяяаанз д̇зна сад̣̇д̇хим̣ руубасад̣̇д̣̇аг̇анд̇харасаподтаб̣б̣з анубхавамаанаа вижарим̣. ид̣̇аани бана мз бхавасан̇кзбаг̇ад̇агаалад̇о бадтааяа со гим̣ ход̇и, ахан̃хи ид̣̇аани ассагарааж̇аанам̣ маарзд̇ваа д̇асса г̇алалохид̇зна маяхам̣ саамигасса г̇омаяабаан̣агасса баад̣̇з магкзяяа’’нд̇и вад̇ваа барисамаж̇жхз мануссабхаасааяа имаа г̇аат̇аа авожа –
Bodhisatto attano ānubhāvena taṃ kathāpento ‘‘uparī’’ti āha. Sā manussabhāsāya ‘‘kiṃ, bhante’’ti āha. ‘‘Tvaṃ atītabhave kā nāma ahosī’’ti? ‘‘Bhante, assakarañño aggamahesī uparī nāma ahosi’’nti. ‘‘Kiṃ pana te idāni assakarājā piyo, udāhu gomayapāṇako’’ti? ‘‘Bhante, so mayhaṃ purimajātiyā sāmiko, tadā ahaṃ imasmiṃ uyyāne tena saddhiṃ rūpasaddagandharasaphoṭṭhabbe anubhavamānā vicariṃ. Idāni pana me bhavasaṅkhepagatakālato paṭṭhāya so kiṃ hoti, ahañhi idāni assakarājānaṃ māretvā tassa galalohitena mayhaṃ sāmikassa gomayapāṇakassa pāde makkheyya’’nti vatvā parisamajjhe manussabhāsāya imā gāthā avoca –
113.
113.
‘‘аяамассагарааж̇зна , д̣̇зсо вижарид̇о маяаа;
‘‘Ayamassakarājena , deso vicarito mayā;
анугаамаяа гаамзна, биязна бад̇инаа саха.
Anukāmaya kāmena, piyena patinā saha.
114.
114.
‘‘навзна сукад̣̇угкзна, бораан̣ам̣ абид̇хийяад̇и;
‘‘Navena sukhadukkhena, porāṇaṃ apidhīyati;
д̇асмаа ассагаран̃н̃аава, гийдо бияад̇аро мамаа’’д̇и.
Tasmā assakaraññāva, kīṭo piyataro mamā’’ti.
д̇ад̇т̇а аяамассагарааж̇зна, д̣̇зсо вижарид̇о маяаад̇и аяам̣ раман̣ийяо уяяаанабад̣̇зсо буб̣б̣з маяаа ассагарааж̇зна сад̣̇д̇хим̣ вижарид̇о. анугаамаяа гаамзнаад̇и анууд̇и нибаад̇амад̇д̇ам̣, маяаа д̇ам̣ гаамаяамаанааяа д̇зна мам̣ гаамаяамаанзна сахаад̇и ад̇т̇о. биязнаад̇и д̇асмим̣ ад̇д̇абхаавз биязна. навзна сукад̣̇угкзна, бораан̣ам̣ абид̇хийяад̇ийд̇и, бханд̇з, навзна хи сукзна бораан̣ам̣ сукам̣, навзна жа д̣̇угкзна бораан̣ам̣ д̣̇угкам̣ бид̇хийяад̇и бадижчаад̣̇ийяад̇и, зсаа логасса д̇хаммад̇аад̇и д̣̇ийбзд̇и. д̇асмаа ассагаран̃н̃аава, гийдо бияад̇аро мамаад̇и яасмаа навзна бораан̣ам̣ бид̇хийяад̇и, д̇асмаа мама ассагарааж̇ад̇о сад̇аг̇ун̣зна сахассаг̇ун̣зна гийдова бияад̇арод̇и.
Tattha ayamassakarājena, deso vicarito mayāti ayaṃ ramaṇīyo uyyānapadeso pubbe mayā assakarājena saddhiṃ vicarito. Anukāmaya kāmenāti anūti nipātamattaṃ, mayā taṃ kāmayamānāya tena maṃ kāmayamānena sahāti attho. Piyenāti tasmiṃ attabhāve piyena. Navena sukhadukkhena, porāṇaṃ apidhīyatīti, bhante, navena hi sukhena porāṇaṃ sukhaṃ, navena ca dukkhena porāṇaṃ dukkhaṃ pidhīyati paṭicchādīyati, esā lokassa dhammatāti dīpeti. Tasmā assakaraññāva, kīṭo piyataro mamāti yasmā navena porāṇaṃ pidhīyati, tasmā mama assakarājato sataguṇena sahassaguṇena kīṭova piyataroti.
д̇ам̣ суд̇ваа ассагарааж̇аа виббадисаарий худ̇ваа д̇ад̇т̇а тид̇ова гун̣абам̣ нийхараабзд̇ваа сийсам̣ нхад̇ваа б̣од̇хисад̇д̇ам̣ ванд̣̇ид̇ваа наг̇арам̣ бависид̇ваа ан̃н̃ам̣ аг̇г̇амахзсим̣ гад̇ваа д̇хаммзна раж̇ж̇ам̣ гаарзси. б̣од̇хисад̇д̇оби рааж̇аанам̣ овад̣̇ид̇ваа ниссогам̣ гад̇ваа химаванд̇амзва аг̇амааси.
Taṃ sutvā assakarājā vippaṭisārī hutvā tattha ṭhitova kuṇapaṃ nīharāpetvā sīsaṃ nhatvā bodhisattaṃ vanditvā nagaraṃ pavisitvā aññaṃ aggamahesiṃ katvā dhammena rajjaṃ kāresi. Bodhisattopi rājānaṃ ovaditvā nissokaṃ katvā himavantameva agamāsi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇абхигку сод̇аабад̇д̇ипалз бад̇идтахи. ‘‘д̇ад̣̇аа убарий бураан̣ад̣̇уд̇ияигаа ахоси, ассагарааж̇аа угган̣тид̇о бхигку, маан̣аво саарибуд̇д̇о, д̇аабасо бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne ukkaṇṭhitabhikkhu sotāpattiphale patiṭṭhahi. ‘‘Tadā uparī purāṇadutiyikā ahosi, assakarājā ukkaṇṭhito bhikkhu, māṇavo sāriputto, tāpaso pana ahameva ahosi’’nti.
ассагаж̇аад̇агаван̣н̣анаа сад̇д̇амаа.
Assakajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 207. ассагаж̇аад̇агам̣ • 207. Assakajātakaṃ
