| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. ассакал̣ун̇гасуд̇д̇ам̣
8. Assakhaḷuṅkasuttaṃ
141. ‘‘д̇аяо жа, бхигкавз, ассакал̣ун̇гз д̣̇зсзссаами д̇аяо жа бурисакал̣ун̇гз. д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
141. ‘‘Tayo ca, bhikkhave, assakhaḷuṅke desessāmi tayo ca purisakhaḷuṅke. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
‘‘гад̇амз жа, бхигкавз, д̇аяо ассакал̣ун̇гаа? ид̇ха , бхигкавз, згажжо ассакал̣ун̇го ж̇авасамбанно ход̇и; на ван̣н̣асамбанно, на аарохабарин̣аахасамбанно. ид̇ха бана, бхигкавз, згажжо ассакал̣ун̇го ж̇авасамбанно жа ход̇и ван̣н̣асамбанно жа; на аарохабарин̣аахасамбанно. ид̇ха бана, бхигкавз, згажжо ассакал̣ун̇го ж̇авасамбанно жа ход̇и ван̣н̣асамбанно жа аарохабарин̣аахасамбанно жа. имз ко, бхигкавз, д̇аяо ассакал̣ун̇гаа.
‘‘Katame ca, bhikkhave, tayo assakhaḷuṅkā? Idha , bhikkhave, ekacco assakhaḷuṅko javasampanno hoti; na vaṇṇasampanno, na ārohapariṇāhasampanno. Idha pana, bhikkhave, ekacco assakhaḷuṅko javasampanno ca hoti vaṇṇasampanno ca; na ārohapariṇāhasampanno. Idha pana, bhikkhave, ekacco assakhaḷuṅko javasampanno ca hoti vaṇṇasampanno ca ārohapariṇāhasampanno ca. Ime kho, bhikkhave, tayo assakhaḷuṅkā.
‘‘гад̇амз жа, бхигкавз, д̇аяо бурисакал̣ун̇гаа? ид̇ха, бхигкавз, згажжо бурисакал̣ун̇го ж̇авасамбанно ход̇и; на ван̣н̣асамбанно, на аарохабарин̣аахасамбанно. ид̇ха бана, бхигкавз, згажжо бурисакал̣ун̇го ж̇авасамбанно жа ход̇и ван̣н̣асамбанно жа; на аарохабарин̣аахасамбанно. ид̇ха бана, бхигкавз, згажжо бурисакал̣ун̇го ж̇авасамбанно жа ход̇и ван̣н̣асамбанно жа аарохабарин̣аахасамбанно жа.
‘‘Katame ca, bhikkhave, tayo purisakhaḷuṅkā? Idha, bhikkhave, ekacco purisakhaḷuṅko javasampanno hoti; na vaṇṇasampanno, na ārohapariṇāhasampanno. Idha pana, bhikkhave, ekacco purisakhaḷuṅko javasampanno ca hoti vaṇṇasampanno ca; na ārohapariṇāhasampanno. Idha pana, bhikkhave, ekacco purisakhaḷuṅko javasampanno ca hoti vaṇṇasampanno ca ārohapariṇāhasampanno ca.
‘‘гат̇ан̃жа, бхигкавз, бурисакал̣ун̇го ж̇авасамбанно ход̇и; на ван̣н̣асамбанно на аарохабарин̣аахасамбанно? ид̇ха, бхигкавз, бхигку ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. ид̣̇амасса ж̇авасмим̣ вад̣̇аами. абхид̇хаммз ко бана абхивинаяз бан̃хам̣ будто сам̣саад̣̇зд̇и 1, но виссаж̇ж̇зд̇и. ид̣̇амасса на ван̣н̣асмим̣ вад̣̇аами. на ко бана лаабхий ход̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣. ид̣̇амасса на аарохабарин̣аахасмим̣ вад̣̇аами. звам̣ ко, бхигкавз, бурисакал̣ун̇го ж̇авасамбанно ход̇и; на ван̣н̣асамбанно, на аарохабарин̣аахасамбанно.
‘‘Kathañca, bhikkhave, purisakhaḷuṅko javasampanno hoti; na vaṇṇasampanno na ārohapariṇāhasampanno? Idha, bhikkhave, bhikkhu ‘idaṃ dukkha’nti yathābhūtaṃ pajānāti…pe… ‘ayaṃ dukkhanirodhagāminī paṭipadā’ti yathābhūtaṃ pajānāti. Idamassa javasmiṃ vadāmi. Abhidhamme kho pana abhivinaye pañhaṃ puṭṭho saṃsādeti 2, no vissajjeti. Idamassa na vaṇṇasmiṃ vadāmi. Na kho pana lābhī hoti cīvarapiṇḍapātasenāsanagilānappaccayabhesajjaparikkhārānaṃ. Idamassa na ārohapariṇāhasmiṃ vadāmi. Evaṃ kho, bhikkhave, purisakhaḷuṅko javasampanno hoti; na vaṇṇasampanno, na ārohapariṇāhasampanno.
‘‘гат̇ан̃жа, бхигкавз, бурисакал̣ун̇го ж̇авасамбанно жа ход̇и ван̣н̣асамбанно жа; на аарохабарин̣аахасамбанно? ид̇ха, бхигкавз, бхигку ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. ид̣̇амасса ж̇авасмим̣ вад̣̇аами. абхид̇хаммз ко бана абхивинаяз бан̃хам̣ будто виссаж̇ж̇зд̇и, но сам̣саад̣̇зд̇и. ид̣̇амасса ван̣н̣асмим̣ вад̣̇аами. на бана лаабхий ход̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣. ид̣̇амасса на аарохабарин̣аахасмим̣ вад̣̇аами. звам̣ ко , бхигкавз, бурисакал̣ун̇го ж̇авасамбанно жа ход̇и ван̣н̣асамбанно жа; на аарохабарин̣аахасамбанно.
‘‘Kathañca, bhikkhave, purisakhaḷuṅko javasampanno ca hoti vaṇṇasampanno ca; na ārohapariṇāhasampanno? Idha, bhikkhave, bhikkhu ‘idaṃ dukkha’nti yathābhūtaṃ pajānāti…pe… ‘ayaṃ dukkhanirodhagāminī paṭipadā’ti yathābhūtaṃ pajānāti. Idamassa javasmiṃ vadāmi. Abhidhamme kho pana abhivinaye pañhaṃ puṭṭho vissajjeti, no saṃsādeti. Idamassa vaṇṇasmiṃ vadāmi. Na pana lābhī hoti cīvarapiṇḍapātasenāsanagilānappaccayabhesajjaparikkhārānaṃ. Idamassa na ārohapariṇāhasmiṃ vadāmi. Evaṃ kho , bhikkhave, purisakhaḷuṅko javasampanno ca hoti vaṇṇasampanno ca; na ārohapariṇāhasampanno.
‘‘гат̇ан̃жа, бхигкавз, бурисакал̣ун̇го ж̇авасамбанно жа ход̇и ван̣н̣асамбанно жа аарохабарин̣аахасамбанно жа? ид̇ха, бхигкавз, бхигку ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. ид̣̇амасса ж̇авасмим̣ вад̣̇аами. абхид̇хаммз ко бана абхивинаяз бан̃хам̣ будто виссаж̇ж̇зд̇и, но сам̣саад̣̇зд̇и. ид̣̇амасса ван̣н̣асмим̣ вад̣̇аами. лаабхий ко бана ход̇и жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаараанам̣. ид̣̇амасса аарохабарин̣аахасмим̣ вад̣̇аами. звам̣ ко, бхигкавз, бурисакал̣ун̇го ж̇авасамбанно жа ход̇и ван̣н̣асамбанно жа аарохабарин̣аахасамбанно жа. имз ко, бхигкавз, д̇аяо бурисакал̣ун̇гаа’’д̇и. адтамам̣.
‘‘Kathañca, bhikkhave, purisakhaḷuṅko javasampanno ca hoti vaṇṇasampanno ca ārohapariṇāhasampanno ca? Idha, bhikkhave, bhikkhu ‘idaṃ dukkha’nti yathābhūtaṃ pajānāti…pe… ‘ayaṃ dukkhanirodhagāminī paṭipadā’ti yathābhūtaṃ pajānāti. Idamassa javasmiṃ vadāmi. Abhidhamme kho pana abhivinaye pañhaṃ puṭṭho vissajjeti, no saṃsādeti. Idamassa vaṇṇasmiṃ vadāmi. Lābhī kho pana hoti cīvarapiṇḍapātasenāsanagilānappaccayabhesajjaparikkhārānaṃ. Idamassa ārohapariṇāhasmiṃ vadāmi. Evaṃ kho, bhikkhave, purisakhaḷuṅko javasampanno ca hoti vaṇṇasampanno ca ārohapariṇāhasampanno ca. Ime kho, bhikkhave, tayo purisakhaḷuṅkā’’ti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. ассакал̣ун̇гасуд̇д̇аван̣н̣анаа • 8. Assakhaḷuṅkasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5-10. гзсагамб̣аласуд̇д̇аад̣̇иван̣н̣анаа • 5-10. Kesakambalasuttādivaṇṇanā
