| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੪. ਅਸ੍ਸਖਲ਼ੁਙ੍ਕਸੁਤ੍ਤਂ
4. Assakhaḷuṅkasuttaṃ
‘‘ਕਤਮੇ ਚ, ਭਿਕ੍ਖવੇ, ਅਟ੍ਠ ਅਸ੍ਸਖਲ਼ੁਙ੍ਕਾ ਅਟ੍ਠ ਚ ਅਸ੍ਸਦੋਸਾ? ਇਧ, ਭਿਕ੍ਖવੇ, ਏਕਚ੍ਚੋ ਅਸ੍ਸਖਲ਼ੁਙ੍ਕੋ ‘ਪੇਹੀ’ਤਿ વੁਤ੍ਤੋ, વਿਦ੍ਧੋ ਸਮਾਨੋ ਚੋਦਿਤੋ ਸਾਰਥਿਨਾ ਪਚ੍ਛਤੋ ਪਟਿਕ੍ਕਮਤਿ, ਪਿਟ੍ਠਿਤੋ ਰਥਂ ਪવਤ੍ਤੇਤਿ। ਏવਰੂਪੋਪਿ, ਭਿਕ੍ਖવੇ, ਇਧੇਕਚ੍ਚੋ ਅਸ੍ਸਖਲ਼ੁਙ੍ਕੋ ਹੋਤਿ। ਅਯਂ, ਭਿਕ੍ਖવੇ, ਪਠਮੋ ਅਸ੍ਸਦੋਸੋ।
‘‘Katame ca, bhikkhave, aṭṭha assakhaḷuṅkā aṭṭha ca assadosā? Idha, bhikkhave, ekacco assakhaḷuṅko ‘pehī’ti vutto, viddho samāno codito sārathinā pacchato paṭikkamati, piṭṭhito rathaṃ pavatteti. Evarūpopi, bhikkhave, idhekacco assakhaḷuṅko hoti. Ayaṃ, bhikkhave, paṭhamo assadoso.
‘‘ਪੁਨ ਚਪਰਂ, ਭਿਕ੍ਖવੇ, ਇਧੇਕਚ੍ਚੋ ਅਸ੍ਸਖਲ਼ੁਙ੍ਕੋ ‘ਪੇਹੀ’ਤਿ વੁਤ੍ਤੋ, વਿਦ੍ਧੋ ਸਮਾਨੋ ਚੋਦਿਤੋ ਸਾਰਥਿਨਾ ਪਚ੍ਛਾ ਲਙ੍ਘਤਿ, ਕੁਬ੍ਬਰਂ ਹਨਤਿ, ਤਿਦਣ੍ਡਂ ਭਞ੍ਜਤਿ। ਏવਰੂਪੋਪਿ, ਭਿਕ੍ਖવੇ, ਇਧੇਕਚ੍ਚੋ ਅਸ੍ਸਖਲ਼ੁਙ੍ਕੋ ਹੋਤਿ। ਅਯਂ, ਭਿਕ੍ਖવੇ, ਦੁਤਿਯੋ ਅਸ੍ਸਦੋਸੋ।
‘‘Puna caparaṃ, bhikkhave, idhekacco assakhaḷuṅko ‘pehī’ti vutto, viddho samāno codito sārathinā pacchā laṅghati, kubbaraṃ hanati, tidaṇḍaṃ bhañjati. Evarūpopi, bhikkhave, idhekacco assakhaḷuṅko hoti. Ayaṃ, bhikkhave, dutiyo assadoso.
‘‘ਪੁਨ ਚਪਰਂ, ਭਿਕ੍ਖવੇ, ਇਧੇਕਚ੍ਚੋ ਅਸ੍ਸਖਲ਼ੁਙ੍ਕੋ ‘ਪੇਹੀ’ਤਿ વੁਤ੍ਤੋ, વਿਦ੍ਧੋ ਸਮਾਨੋ ਚੋਦਿਤੋ ਸਾਰਥਿਨਾ ਰਥੀਸਾਯ ਸਤ੍ਥਿਂ ਉਸ੍ਸਜ੍ਜਿਤ੍વਾ ਰਥੀਸਂਯੇવ ਅਜ੍ਝੋਮਦ੍ਦਤਿ। ਏવਰੂਪੋਪਿ, ਭਿਕ੍ਖવੇ, ਇਧੇਕਚ੍ਚੋ ਅਸ੍ਸਖਲ਼ੁਙ੍ਕੋ ਹੋਤਿ। ਅਯਂ, ਭਿਕ੍ਖવੇ, ਤਤਿਯੋ ਅਸ੍ਸਦੋਸੋ।
‘‘Puna caparaṃ, bhikkhave, idhekacco assakhaḷuṅko ‘pehī’ti vutto, viddho samāno codito sārathinā rathīsāya satthiṃ ussajjitvā rathīsaṃyeva ajjhomaddati. Evarūpopi, bhikkhave, idhekacco assakhaḷuṅko hoti. Ayaṃ, bhikkhave, tatiyo assadoso.
‘‘ਪੁਨ ਚਪਰਂ, ਭਿਕ੍ਖવੇ, ਇਧੇਕਚ੍ਚੋ ਅਸ੍ਸਖਲ਼ੁਙ੍ਕੋ ‘ਪੇਹੀ’ਤਿ વੁਤ੍ਤੋ, વਿਦ੍ਧੋ ਸਮਾਨੋ ਚੋਦਿਤੋ ਸਾਰਥਿਨਾ ਉਮ੍ਮਗ੍ਗਂ ਗਣ੍ਹਤਿ, ਉਬ੍ਬਟੁਮਂ ਰਥਂ ਕਰੋਤਿ। ਏવਰੂਪੋਪਿ , ਭਿਕ੍ਖવੇ, ਇਧੇਕਚ੍ਚੋ ਅਸ੍ਸਖਲ਼ੁਙ੍ਕੋ ਹੋਤਿ। ਅਯਂ, ਭਿਕ੍ਖવੇ, ਚਤੁਤ੍ਥੋ ਅਸ੍ਸਦੋਸੋ।
‘‘Puna caparaṃ, bhikkhave, idhekacco assakhaḷuṅko ‘pehī’ti vutto, viddho samāno codito sārathinā ummaggaṃ gaṇhati, ubbaṭumaṃ rathaṃ karoti. Evarūpopi , bhikkhave, idhekacco assakhaḷuṅko hoti. Ayaṃ, bhikkhave, catuttho assadoso.
‘‘ਪੁਨ ਚਪਰਂ, ਭਿਕ੍ਖવੇ, ਇਧੇਕਚ੍ਚੋ ਅਸ੍ਸਖਲ਼ੁਙ੍ਕੋ ‘ਪੇਹੀ’ਤਿ વੁਤ੍ਤੋ, વਿਦ੍ਧੋ ਸਮਾਨੋ ਚੋਦਿਤੋ ਸਾਰਥਿਨਾ ਲਙ੍ਘਤਿ ਪੁਰਿਮਕਾਯਂ ਪਗ੍ਗਣ੍ਹਤਿ ਪੁਰਿਮੇ ਪਾਦੇ। ਏવਰੂਪੋਪਿ, ਭਿਕ੍ਖવੇ, ਇਧੇਕਚ੍ਚੋ ਅਸ੍ਸਖਲ਼ੁਙ੍ਕੋ ਹੋਤਿ। ਅਯਂ, ਭਿਕ੍ਖવੇ, ਪਞ੍ਚਮੋ ਅਸ੍ਸਦੋਸੋ।
‘‘Puna caparaṃ, bhikkhave, idhekacco assakhaḷuṅko ‘pehī’ti vutto, viddho samāno codito sārathinā laṅghati purimakāyaṃ paggaṇhati purime pāde. Evarūpopi, bhikkhave, idhekacco assakhaḷuṅko hoti. Ayaṃ, bhikkhave, pañcamo assadoso.
‘‘ਪੁਨ ਚਪਰਂ, ਭਿਕ੍ਖવੇ, ਇਧੇਕਚ੍ਚੋ ਅਸ੍ਸਖਲ਼ੁਙ੍ਕੋ ‘ਪੇਹੀ’ਤਿ વੁਤ੍ਤੋ, વਿਦ੍ਧੋ ਸਮਾਨੋ ਚੋਦਿਤੋ ਸਾਰਥਿਨਾ ਨੇવ ਅਭਿਕ੍ਕਮਤਿ ਨੋ ਪਟਿਕ੍ਕਮਤਿ ਤਤ੍ਥੇવ ਖੀਲਟ੍ਠਾਯੀ ਠਿਤੋ ਹੋਤਿ। ਏવਰੂਪੋਪਿ, ਭਿਕ੍ਖવੇ, ਇਧੇਕਚ੍ਚੋ ਅਸ੍ਸਖਲ਼ੁਙ੍ਕੋ ਹੋਤਿ। ਅਯਂ, ਭਿਕ੍ਖવੇ, ਸਤ੍ਤਮੋ ਅਸ੍ਸਦੋਸੋ।
‘‘Puna caparaṃ, bhikkhave, idhekacco assakhaḷuṅko ‘pehī’ti vutto, viddho samāno codito sārathinā neva abhikkamati no paṭikkamati tattheva khīlaṭṭhāyī ṭhito hoti. Evarūpopi, bhikkhave, idhekacco assakhaḷuṅko hoti. Ayaṃ, bhikkhave, sattamo assadoso.
‘‘ਪੁਨ ਚਪਰਂ, ਭਿਕ੍ਖવੇ, ਇਧੇਕਚ੍ਚੋ ਅਸ੍ਸਖਲ਼ੁਙ੍ਕੋ ‘ਪੇਹੀ’ਤਿ વੁਤ੍ਤੋ, વਿਦ੍ਧੋ ਸਮਾਨੋ ਚੋਦਿਤੋ ਸਾਰਥਿਨਾ ਪੁਰਿਮੇ ਚ ਪਾਦੇ ਸਂਹਰਿਤ੍વਾ ਪਚ੍ਛਿਮੇ ਚ ਪਾਦੇ ਸਂਹਰਿਤ੍વਾ 9 ਤਤ੍ਥੇવ ਚਤ੍ਤਾਰੋ ਪਾਦੇ ਅਭਿਨਿਸੀਦਤਿ। ਏવਰੂਪੋਪਿ, ਭਿਕ੍ਖવੇ, ਇਧੇਕਚ੍ਚੋ ਅਸ੍ਸਖਲ਼ੁਙ੍ਕੋ ਹੋਤਿ। ਅਯਂ, ਭਿਕ੍ਖવੇ, ਅਟ੍ਠਮੋ ਅਸ੍ਸਦੋਸੋ। ਇਮੇ ਖੋ, ਭਿਕ੍ਖવੇ, ਅਟ੍ਠ ਅਸ੍ਸਖਲ਼ੁਙ੍ਕਾ ਅਟ੍ਠ ਚ ਅਸ੍ਸਦੋਸਾ।
‘‘Puna caparaṃ, bhikkhave, idhekacco assakhaḷuṅko ‘pehī’ti vutto, viddho samāno codito sārathinā purime ca pāde saṃharitvā pacchime ca pāde saṃharitvā 10 tattheva cattāro pāde abhinisīdati. Evarūpopi, bhikkhave, idhekacco assakhaḷuṅko hoti. Ayaṃ, bhikkhave, aṭṭhamo assadoso. Ime kho, bhikkhave, aṭṭha assakhaḷuṅkā aṭṭha ca assadosā.
11 ‘‘ਕਤਮੇ ਚ, ਭਿਕ੍ਖવੇ, ਅਟ੍ਠ ਪੁਰਿਸਖਲ਼ੁਙ੍ਕਾ ਅਟ੍ਠ ਚ ਪੁਰਿਸਦੋਸਾ? ਇਧ, ਭਿਕ੍ਖવੇ, ਭਿਕ੍ਖੂ ਭਿਕ੍ਖੁਂ ਆਪਤ੍ਤਿਯਾ ਚੋਦੇਨ੍ਤਿ। ਸੋ ਭਿਕ੍ਖੁ ਭਿਕ੍ਖੂਹਿ ਆਪਤ੍ਤਿਯਾ ਚੋਦਿਯਮਾਨੋ ‘ਨ ਸਰਾਮੀ’ਤਿ ਅਸਤਿਯਾ ਨਿਬ੍ਬੇਠੇਤਿ। ਸੇਯ੍ਯਥਾਪਿ ਸੋ, ਭਿਕ੍ਖવੇ, ਅਸ੍ਸਖਲ਼ੁਙ੍ਕੋ ‘ਪੇਹੀ’ਤਿ વੁਤ੍ਤੋ, વਿਦ੍ਧੋ ਸਮਾਨੋ ਚੋਦਿਤੋ ਸਾਰਥਿਨਾ ਪਚ੍ਛਤੋ ਪਟਿਕ੍ਕਮਤਿ, ਪਿਟ੍ਠਿਤੋ ਰਥਂ વਤ੍ਤੇਤਿ; ਤਥੂਪਮਾਹਂ, ਭਿਕ੍ਖવੇ, ਇਮਂ ਪੁਗ੍ਗਲਂ વਦਾਮਿ। ਏવਰੂਪੋਪਿ, ਭਿਕ੍ਖવੇ, ਇਧੇਕਚ੍ਚੋ ਪੁਰਿਸਖਲ਼ੁਙ੍ਕੋ ਹੋਤਿ। ਅਯਂ, ਭਿਕ੍ਖવੇ, ਪਠਮੋ ਪੁਰਿਸਦੋਸੋ।
12 ‘‘Katame ca, bhikkhave, aṭṭha purisakhaḷuṅkā aṭṭha ca purisadosā? Idha, bhikkhave, bhikkhū bhikkhuṃ āpattiyā codenti. So bhikkhu bhikkhūhi āpattiyā codiyamāno ‘na sarāmī’ti asatiyā nibbeṭheti. Seyyathāpi so, bhikkhave, assakhaḷuṅko ‘pehī’ti vutto, viddho samāno codito sārathinā pacchato paṭikkamati, piṭṭhito rathaṃ vatteti; tathūpamāhaṃ, bhikkhave, imaṃ puggalaṃ vadāmi. Evarūpopi, bhikkhave, idhekacco purisakhaḷuṅko hoti. Ayaṃ, bhikkhave, paṭhamo purisadoso.
‘‘ਪੁਨ ਚਪਰਂ, ਭਿਕ੍ਖવੇ , ਭਿਕ੍ਖੂ ਭਿਕ੍ਖੁਂ ਆਪਤ੍ਤਿਯਾ ਚੋਦੇਨ੍ਤਿ। ਸੋ ਭਿਕ੍ਖੁ ਭਿਕ੍ਖੂਹਿ ਆਪਤ੍ਤਿਯਾ ਚੋਦਿਯਮਾਨੋ ਚੋਦਕਂਯੇવ ਪਟਿਪ੍ਫਰਤਿ – ‘ਕਿਂ ਨੁ ਖੋ ਤੁਯ੍ਹਂ ਬਾਲਸ੍ਸ ਅਬ੍ਯਤ੍ਤਸ੍ਸ ਭਣਿਤੇਨ! ਤ੍વਮ੍ਪਿ ਨਾਮ ਭਣਿਤਬ੍ਬਂ ਮਞ੍ਞਸੀ’ਤਿ! ਸੇਯ੍ਯਥਾਪਿ ਸੋ, ਭਿਕ੍ਖવੇ, ਅਸ੍ਸਖਲ਼ੁਙ੍ਕੋ ‘ਪੇਹੀ’ਤਿ વੁਤ੍ਤੋ, વਿਦ੍ਧੋ ਸਮਾਨੋ ਚੋਦਿਤੋ ਸਾਰਥਿਨਾ ਪਚ੍ਛਾ ਲਙ੍ਘਤਿ, ਕੁਬ੍ਬਰਂ ਹਨਤਿ, ਤਿਦਣ੍ਡਂ ਭਞ੍ਜਤਿ; ਤਥੂਪਮਾਹਂ, ਭਿਕ੍ਖવੇ, ਇਮਂ ਪੁਗ੍ਗਲਂ વਦਾਮਿ। ਏવਰੂਪੋਪਿ, ਭਿਕ੍ਖવੇ, ਇਧੇਕਚ੍ਚੋ ਪੁਰਿਸਖਲ਼ੁਙ੍ਕੋ ਹੋਤਿ। ਅਯਂ, ਭਿਕ੍ਖવੇ, ਦੁਤਿਯੋ ਪੁਰਿਸਦੋਸੋ।
‘‘Puna caparaṃ, bhikkhave , bhikkhū bhikkhuṃ āpattiyā codenti. So bhikkhu bhikkhūhi āpattiyā codiyamāno codakaṃyeva paṭippharati – ‘kiṃ nu kho tuyhaṃ bālassa abyattassa bhaṇitena! Tvampi nāma bhaṇitabbaṃ maññasī’ti! Seyyathāpi so, bhikkhave, assakhaḷuṅko ‘pehī’ti vutto, viddho samāno codito sārathinā pacchā laṅghati, kubbaraṃ hanati, tidaṇḍaṃ bhañjati; tathūpamāhaṃ, bhikkhave, imaṃ puggalaṃ vadāmi. Evarūpopi, bhikkhave, idhekacco purisakhaḷuṅko hoti. Ayaṃ, bhikkhave, dutiyo purisadoso.
‘‘ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੂ ਭਿਕ੍ਖੁਂ ਆਪਤ੍ਤਿਯਾ ਚੋਦੇਨ੍ਤਿ। ਸੋ ਭਿਕ੍ਖੁ ਭਿਕ੍ਖੂਹਿ ਆਪਤ੍ਤਿਯਾ ਚੋਦਿਯਮਾਨੋ ਚੋਦਕਸ੍ਸੇવ ਪਚ੍ਚਾਰੋਪੇਤਿ – ‘ਤ੍વਂ ਖੋਸਿ ਇਤ੍ਥਨ੍ਨਾਮਂ ਆਪਤ੍ਤਿਂ ਆਪਨ੍ਨੋ, ਤ੍વਂ ਤਾવ ਪਠਮਂ ਪਟਿਕਰੋਹੀ’ਤਿ। ਸੇਯ੍ਯਥਾਪਿ ਸੋ, ਭਿਕ੍ਖવੇ, ਅਸ੍ਸਖਲ਼ੁਙ੍ਕੋ ‘ਪੇਹੀ’ਤਿ વੁਤ੍ਤੋ, વਿਦ੍ਧੋ ਸਮਾਨੋ ਚੋਦਿਤੋ ਸਾਰਥਿਨਾ ਰਥੀਸਾਯ ਸਤ੍ਥਿਂ ਉਸ੍ਸਜ੍ਜਿਤ੍વਾ ਰਥੀਸਂਯੇવ ਅਜ੍ਝੋਮਦ੍ਦਤਿ; ਤਥੂਪਮਾਹਂ, ਭਿਕ੍ਖવੇ, ਇਮਂ ਪੁਗ੍ਗਲਂ વਦਾਮਿ। ਏવਰੂਪੋਪਿ, ਭਿਕ੍ਖવੇ, ਇਧੇਕਚ੍ਚੋ ਪੁਰਿਸਖਲ਼ੁਙ੍ਕੋ ਹੋਤਿ। ਅਯਂ, ਭਿਕ੍ਖવੇ, ਤਤਿਯੋ ਪੁਰਿਸਦੋਸੋ।
‘‘Puna caparaṃ, bhikkhave, bhikkhū bhikkhuṃ āpattiyā codenti. So bhikkhu bhikkhūhi āpattiyā codiyamāno codakasseva paccāropeti – ‘tvaṃ khosi itthannāmaṃ āpattiṃ āpanno, tvaṃ tāva paṭhamaṃ paṭikarohī’ti. Seyyathāpi so, bhikkhave, assakhaḷuṅko ‘pehī’ti vutto, viddho samāno codito sārathinā rathīsāya satthiṃ ussajjitvā rathīsaṃyeva ajjhomaddati; tathūpamāhaṃ, bhikkhave, imaṃ puggalaṃ vadāmi. Evarūpopi, bhikkhave, idhekacco purisakhaḷuṅko hoti. Ayaṃ, bhikkhave, tatiyo purisadoso.
‘‘ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੂ ਭਿਕ੍ਖੁਂ ਆਪਤ੍ਤਿਯਾ ਚੋਦੇਨ੍ਤਿ। ਸੋ ਭਿਕ੍ਖੁ ਭਿਕ੍ਖੂਹਿ ਆਪਤ੍ਤਿਯਾ ਚੋਦਿਯਮਾਨੋ ਅਞ੍ਞੇਨਾਞ੍ਞਂ ਪਟਿਚਰਤਿ, ਬਹਿਦ੍ਧਾ ਕਥਂ ਅਪਨਾਮੇਤਿ, ਕੋਪਞ੍ਚ ਦੋਸਞ੍ਚ ਅਪ੍ਪਚ੍ਚਯਞ੍ਚ ਪਾਤੁਕਰੋਤਿ। ਸੇਯ੍ਯਥਾਪਿ ਸੋ, ਭਿਕ੍ਖવੇ, ਅਸ੍ਸਖਲ਼ੁਙ੍ਕੋ ‘ਪੇਹੀ’ਤਿ વੁਤ੍ਤੋ, વਿਦ੍ਧੋ ਸਮਾਨੋ ਚੋਦਿਤੋ ਸਾਰਥਿਨਾ ਉਮ੍ਮਗ੍ਗਂ ਗਣ੍ਹਤਿ, ਉਬ੍ਬਟੁਮਂ ਰਥਂ ਕਰੋਤਿ; ਤਥੂਪਮਾਹਂ, ਭਿਕ੍ਖવੇ, ਇਮਂ ਪੁਗ੍ਗਲਂ વਦਾਮਿ। ਏવਰੂਪੋਪਿ, ਭਿਕ੍ਖવੇ, ਇਧੇਕਚ੍ਚੋ ਪੁਰਿਸਖਲ਼ੁਙ੍ਕੋ ਹੋਤਿ। ਅਯਂ, ਭਿਕ੍ਖવੇ, ਚਤੁਤ੍ਥੋ ਪੁਰਿਸਦੋਸੋ।
‘‘Puna caparaṃ, bhikkhave, bhikkhū bhikkhuṃ āpattiyā codenti. So bhikkhu bhikkhūhi āpattiyā codiyamāno aññenāññaṃ paṭicarati, bahiddhā kathaṃ apanāmeti, kopañca dosañca appaccayañca pātukaroti. Seyyathāpi so, bhikkhave, assakhaḷuṅko ‘pehī’ti vutto, viddho samāno codito sārathinā ummaggaṃ gaṇhati, ubbaṭumaṃ rathaṃ karoti; tathūpamāhaṃ, bhikkhave, imaṃ puggalaṃ vadāmi. Evarūpopi, bhikkhave, idhekacco purisakhaḷuṅko hoti. Ayaṃ, bhikkhave, catuttho purisadoso.
‘‘ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੂ ਭਿਕ੍ਖੁਂ ਆਪਤ੍ਤਿਯਾ ਚੋਦੇਨ੍ਤਿ। ਸੋ ਭਿਕ੍ਖੁ ਭਿਕ੍ਖੂਹਿ ਆਪਤ੍ਤਿਯਾ ਚੋਦਿਯਮਾਨੋ ਸਙ੍ਘਮਜ੍ਝੇ ਬਾਹੁવਿਕ੍ਖੇਪਂ ਕਰੋਤਿ। ਸੇਯ੍ਯਥਾਪਿ ਸੋ, ਭਿਕ੍ਖવੇ , ਅਸ੍ਸਖਲ਼ੁਙ੍ਕੋ ‘ਪੇਹੀ’ਤਿ વੁਤ੍ਤੋ, વਿਦ੍ਧੋ ਸਮਾਨੋ ਚੋਦਿਤੋ ਸਾਰਥਿਨਾ ਲਙ੍ਘਤਿ, ਪੁਰਿਮਕਾਯਂ ਪਗ੍ਗਣ੍ਹਤਿ ਪੁਰਿਮੇ ਪਾਦੇ; ਤਥੂਪਮਾਹਂ, ਭਿਕ੍ਖવੇ, ਇਮਂ ਪੁਗ੍ਗਲਂ વਦਾਮਿ। ਏવਰੂਪੋਪਿ, ਭਿਕ੍ਖવੇ, ਇਧੇਕਚ੍ਚੋ ਪੁਰਿਸਖਲ਼ੁਙ੍ਕੋ ਹੋਤਿ। ਅਯਂ, ਭਿਕ੍ਖવੇ, ਪਞ੍ਚਮੋ ਪੁਰਿਸਦੋਸੋ।
‘‘Puna caparaṃ, bhikkhave, bhikkhū bhikkhuṃ āpattiyā codenti. So bhikkhu bhikkhūhi āpattiyā codiyamāno saṅghamajjhe bāhuvikkhepaṃ karoti. Seyyathāpi so, bhikkhave , assakhaḷuṅko ‘pehī’ti vutto, viddho samāno codito sārathinā laṅghati, purimakāyaṃ paggaṇhati purime pāde; tathūpamāhaṃ, bhikkhave, imaṃ puggalaṃ vadāmi. Evarūpopi, bhikkhave, idhekacco purisakhaḷuṅko hoti. Ayaṃ, bhikkhave, pañcamo purisadoso.
‘‘ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੂ ਭਿਕ੍ਖੁਂ ਆਪਤ੍ਤਿਯਾ ਚੋਦੇਨ੍ਤਿ। ਸੋ ਭਿਕ੍ਖੁ ਭਿਕ੍ਖੂਹਿ ਆਪਤ੍ਤਿਯਾ ਚੋਦਿਯਮਾਨੋ ਅਨਾਦਿਯਿਤ੍વਾ ਸਙ੍ਘਂ ਅਨਾਦਿਯਿਤ੍વਾ ਚੋਦਕਂ ਸਾਪਤ੍ਤਿਕੋવ ਯੇਨ ਕਾਮਂ ਪਕ੍ਕਮਤਿ। ਸੇਯ੍ਯਥਾਪਿ ਸੋ, ਭਿਕ੍ਖવੇ, ਅਸ੍ਸਖਲ਼ੁਙ੍ਕੋ ‘ਪੇਹੀ’ਤਿ વੁਤ੍ਤੋ, વਿਦ੍ਧੋ ਸਮਾਨੋ ਚੋਦਿਤੋ ਸਾਰਥਿਨਾ ਅਨਾਦਿਯਿਤ੍વਾ ਸਾਰਥਿਂ ਅਨਾਦਿਯਿਤ੍વਾ ਪਤੋਦਲਟ੍ਠਿਂ ਦਨ੍ਤੇਹਿ ਮੁਖਾਧਾਨਂ વਿਧਂਸਿਤ੍વਾ ਯੇਨ ਕਾਮਂ ਪਕ੍ਕਮਤਿ; ਤਥੂਪਮਾਹਂ, ਭਿਕ੍ਖવੇ, ਇਮਂ ਪੁਗ੍ਗਲਂ વਦਾਮਿ। ਏવਰੂਪੋਪਿ, ਭਿਕ੍ਖવੇ, ਇਧੇਕਚ੍ਚੋ ਪੁਰਿਸਖਲ਼ੁਙ੍ਕੋ ਹੋਤਿ। ਅਯਂ, ਭਿਕ੍ਖવੇ, ਛਟ੍ਠੋ ਪੁਰਿਸਦੋਸੋ।
‘‘Puna caparaṃ, bhikkhave, bhikkhū bhikkhuṃ āpattiyā codenti. So bhikkhu bhikkhūhi āpattiyā codiyamāno anādiyitvā saṅghaṃ anādiyitvā codakaṃ sāpattikova yena kāmaṃ pakkamati. Seyyathāpi so, bhikkhave, assakhaḷuṅko ‘pehī’ti vutto, viddho samāno codito sārathinā anādiyitvā sārathiṃ anādiyitvā patodalaṭṭhiṃ dantehi mukhādhānaṃ vidhaṃsitvā yena kāmaṃ pakkamati; tathūpamāhaṃ, bhikkhave, imaṃ puggalaṃ vadāmi. Evarūpopi, bhikkhave, idhekacco purisakhaḷuṅko hoti. Ayaṃ, bhikkhave, chaṭṭho purisadoso.
‘‘ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੂ ਭਿਕ੍ਖੁਂ ਆਪਤ੍ਤਿਯਾ ਚੋਦੇਨ੍ਤਿ। ਸੋ ਭਿਕ੍ਖੁ ਭਿਕ੍ਖੂਹਿ ਆਪਤ੍ਤਿਯਾ ਚੋਦਿਯਮਾਨੋ ‘ਨੇવਾਹਂ ਆਪਨ੍ਨੋਮ੍ਹਿ, ਨ ਪਨਾਹਂ ਆਪਨ੍ਨੋਮ੍ਹੀ’ਤਿ ਸੋ ਤੁਣ੍ਹੀਭਾવੇਨ ਸਙ੍ਘਂ વਿਹੇਠੇਤਿ 13। ਸੇਯ੍ਯਥਾਪਿ ਸੋ, ਭਿਕ੍ਖવੇ, ਅਸ੍ਸਖਲ਼ੁਙ੍ਕੋ ‘ਪੇਹੀ’ਤਿ વੁਤ੍ਤੋ, વਿਦ੍ਧੋ ਸਮਾਨੋ ਚੋਦਿਤੋ ਸਾਰਥਿਨਾ ਨੇવ ਅਭਿਕ੍ਕਮਤਿ ਨੋ ਪਟਿਕ੍ਕਮਤਿ ਤਤ੍ਥੇવ ਖੀਲਟ੍ਠਾਯੀ ਠਿਤੋ ਹੋਤਿ; ਤਥੂਪਮਾਹਂ, ਭਿਕ੍ਖવੇ, ਇਮਂ ਪੁਗ੍ਗਲਂ વਦਾਮਿ। ਏવਰੂਪੋਪਿ, ਭਿਕ੍ਖવੇ, ਇਧੇਕਚ੍ਚੋ ਪੁਰਿਸਖਲ਼ੁਙ੍ਕੋ ਹੋਤਿ। ਅਯਂ, ਭਿਕ੍ਖવੇ, ਸਤ੍ਤਮੋ ਪੁਰਿਸਦੋਸੋ।
‘‘Puna caparaṃ, bhikkhave, bhikkhū bhikkhuṃ āpattiyā codenti. So bhikkhu bhikkhūhi āpattiyā codiyamāno ‘nevāhaṃ āpannomhi, na panāhaṃ āpannomhī’ti so tuṇhībhāvena saṅghaṃ viheṭheti 14. Seyyathāpi so, bhikkhave, assakhaḷuṅko ‘pehī’ti vutto, viddho samāno codito sārathinā neva abhikkamati no paṭikkamati tattheva khīlaṭṭhāyī ṭhito hoti; tathūpamāhaṃ, bhikkhave, imaṃ puggalaṃ vadāmi. Evarūpopi, bhikkhave, idhekacco purisakhaḷuṅko hoti. Ayaṃ, bhikkhave, sattamo purisadoso.
‘‘ਪੁਨ ਚਪਰਂ, ਭਿਕ੍ਖવੇ, ਭਿਕ੍ਖੂ ਭਿਕ੍ਖੁਂ ਆਪਤ੍ਤਿਯਾ ਚੋਦੇਨ੍ਤਿ। ਸੋ ਭਿਕ੍ਖੁ ਭਿਕ੍ਖੂਹਿ ਆਪਤ੍ਤਿਯਾ ਚੋਦਿਯਮਾਨੋ ਏવਮਾਹ – ‘ਕਿਂ ਨੁ ਖੋ ਤੁਮ੍ਹੇ ਆਯਸ੍ਮਨ੍ਤੋ ਅਤਿਬਾਲ਼੍ਹਂ ਮਯਿ ਬ੍ਯਾવਟਾ ਯਾવ 15 ਇਦਾਨਾਹਂ ਸਿਕ੍ਖਂ ਪਚ੍ਚਕ੍ਖਾਯ ਹੀਨਾਯਾવਤ੍ਤਿਸ੍ਸਾਮੀ’ਤਿ। ਸੋ ਸਿਕ੍ਖਂ ਪਚ੍ਚਕ੍ਖਾਯ ਹੀਨਾਯਾવਤ੍ਤਿਤ੍વਾ ਏવਮਾਹ – ‘ਇਦਾਨਿ ਖੋ ਤੁਮ੍ਹੇ ਆਯਸ੍ਮਨ੍ਤੋ ਅਤ੍ਤਮਨਾ ਹੋਥਾ’ਤਿ? ਸੇਯ੍ਯਥਾਪਿ ਸੋ, ਭਿਕ੍ਖવੇ, ਅਸ੍ਸਖਲ਼ੁਙ੍ਕੋ ‘ਪੇਹੀ’ਤਿ વੁਤ੍ਤੋ, વਿਦ੍ਧੋ ਸਮਾਨੋ ਚੋਦਿਤੋ ਸਾਰਥਿਨਾ ਪੁਰਿਮੇ ਚ ਪਾਦੇ ਸਂਹਰਿਤ੍વਾ ਪਚ੍ਛਿਮੇ ਚ ਪਾਦੇ ਸਂਹਰਿਤ੍વਾ ਤਤ੍ਥੇવ ਚਤ੍ਤਾਰੋ ਪਾਦੇ ਅਭਿਨਿਸੀਦਤਿ; ਤਥੂਪਮਾਹਂ, ਭਿਕ੍ਖવੇ, ਇਮਂ ਪੁਗ੍ਗਲਂ વਦਾਮਿ। ਏવਰੂਪੋਪਿ, ਭਿਕ੍ਖવੇ, ਇਧੇਕਚ੍ਚੋ ਪੁਰਿਸਖਲ਼ੁਙ੍ਕੋ ਹੋਤਿ। ਅਯਂ, ਭਿਕ੍ਖવੇ, ਅਟ੍ਠਮੋ ਪੁਰਿਸਦੋਸੋ। ਇਮੇ ਖੋ, ਭਿਕ੍ਖવੇ, ਅਟ੍ਠ ਪੁਰਿਸਖਲ਼ੁਙ੍ਕਾ ਅਟ੍ਠ ਚ ਪੁਰਿਸਦੋਸਾ’’ਤਿ। ਚਤੁਤ੍ਥਂ।
‘‘Puna caparaṃ, bhikkhave, bhikkhū bhikkhuṃ āpattiyā codenti. So bhikkhu bhikkhūhi āpattiyā codiyamāno evamāha – ‘kiṃ nu kho tumhe āyasmanto atibāḷhaṃ mayi byāvaṭā yāva 16 idānāhaṃ sikkhaṃ paccakkhāya hīnāyāvattissāmī’ti. So sikkhaṃ paccakkhāya hīnāyāvattitvā evamāha – ‘idāni kho tumhe āyasmanto attamanā hothā’ti? Seyyathāpi so, bhikkhave, assakhaḷuṅko ‘pehī’ti vutto, viddho samāno codito sārathinā purime ca pāde saṃharitvā pacchime ca pāde saṃharitvā tattheva cattāro pāde abhinisīdati; tathūpamāhaṃ, bhikkhave, imaṃ puggalaṃ vadāmi. Evarūpopi, bhikkhave, idhekacco purisakhaḷuṅko hoti. Ayaṃ, bhikkhave, aṭṭhamo purisadoso. Ime kho, bhikkhave, aṭṭha purisakhaḷuṅkā aṭṭha ca purisadosā’’ti. Catutthaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੪. ਅਸ੍ਸਖਲ਼ੁਙ੍ਕਸੁਤ੍ਤવਣ੍ਣਨਾ • 4. Assakhaḷuṅkasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੩-੪. ਅਸ੍ਸਾਜਾਨੀਯਸੁਤ੍ਤਾਦਿવਣ੍ਣਨਾ • 3-4. Assājānīyasuttādivaṇṇanā
