| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. ассакал̣ун̇гасуд̇д̇аван̣н̣анаа
4. Assakhaḷuṅkasuttavaṇṇanā
14. жад̇уд̇т̇з ‘‘бзхий’’д̇и вуд̇д̇од̇и ‘‘г̇ажчаа’’д̇и вуд̇д̇о. бидтид̇о рат̇ам̣ бавад̇д̇зд̇ийд̇и канд̇хадтигзна яуг̇ам̣ уббийл̣ид̇ваа бажчимабхааг̇зна рат̇ам̣ баваддзнд̇о осаггад̇и. бажчаа лан̇гхад̇и, губ̣б̣арам̣ ханад̇ийд̇и д̣̇вз бажчимабаад̣̇з угкибид̇ваа д̇зхи бахарид̇ваа рат̇агуб̣б̣арам̣ бхинд̣̇ад̇и. д̇ид̣̇ан̣д̣ам̣ бхан̃ж̇ад̇ийд̇и рат̇асса бурад̇о д̇аяо д̣̇ан̣д̣агаа хонд̇и, д̇з бхан̃ж̇ад̇и. рат̇ийсааяа сад̇т̇им̣ уссаж̇ж̇ид̇ваад̇и сийсам̣ наамзд̇ваа яуг̇ам̣ бхуумияам̣ баад̇зд̇ваа сад̇т̇инаа рат̇ийсам̣ бахарид̇ваа. аж̇жхомад̣̇д̣̇ад̇ийд̇и д̣̇вийхи буримабаад̣̇зхи ийсам̣ мад̣̇д̣̇анд̇о д̇идтад̇и. уб̣б̣адумам̣ рат̇ам̣ гарод̇ийд̇и т̇алам̣ ваа ган̣д̣агадтаанам̣ ваа рат̇ам̣ ааробзд̇и. анаад̣̇ияид̇ваад̇и аманасигад̇ваа аг̇ан̣ид̇ваа. мукаад̇хаананд̇и мукатабанад̇т̇ааяа д̣̇иннам̣ аяасан̇калигам̣. кийладтааяийд̇и жад̇д̇ааро баад̣̇з т̇амбхз вияа нижжалам̣ табзд̇ваа кийладтаанасад̣̇исзна таанзна д̇идтад̇и. имасмим̣ суд̇д̇з ваддамзва гат̇ид̇ам̣.
14. Catutthe ‘‘pehī’’ti vuttoti ‘‘gacchā’’ti vutto. Piṭṭhito rathaṃ pavattetīti khandhaṭṭhikena yugaṃ uppīḷitvā pacchimabhāgena rathaṃ pavaṭṭento osakkati. Pacchā laṅghati, kubbaraṃ hanatīti dve pacchimapāde ukkhipitvā tehi paharitvā rathakubbaraṃ bhindati. Tidaṇḍaṃ bhañjatīti rathassa purato tayo daṇḍakā honti, te bhañjati. Rathīsāya satthiṃ ussajjitvāti sīsaṃ nāmetvā yugaṃ bhūmiyaṃ pātetvā satthinā rathīsaṃ paharitvā. Ajjhomaddatīti dvīhi purimapādehi īsaṃ maddanto tiṭṭhati. Ubbaṭumaṃ rathaṃ karotīti thalaṃ vā kaṇḍakaṭṭhānaṃ vā rathaṃ āropeti. Anādiyitvāti amanasikatvā agaṇitvā. Mukhādhānanti mukhaṭhapanatthāya dinnaṃ ayasaṅkhalikaṃ. Khīlaṭṭhāyīti cattāro pāde thambhe viya niccalaṃ ṭhapetvā khīlaṭṭhānasadisena ṭhānena tiṭṭhati. Imasmiṃ sutte vaṭṭameva kathitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. ассакал̣ун̇гасуд̇д̇ам̣ • 4. Assakhaḷuṅkasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3-4. ассааж̇аанийяасуд̇д̇аад̣̇иван̣н̣анаа • 3-4. Assājānīyasuttādivaṇṇanā
