| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೪. ಅಸ್ಸಖಳುಙ್ಕಸುತ್ತವಣ್ಣನಾ
4. Assakhaḷuṅkasuttavaṇṇanā
೧೪. ಚತುತ್ಥೇ ‘‘ಪೇಹೀ’’ತಿ ವುತ್ತೋತಿ ‘‘ಗಚ್ಛಾ’’ತಿ ವುತ್ತೋ। ಪಿಟ್ಠಿತೋ ರಥಂ ಪವತ್ತೇತೀತಿ ಖನ್ಧಟ್ಠಿಕೇನ ಯುಗಂ ಉಪ್ಪೀಳಿತ್ವಾ ಪಚ್ಛಿಮಭಾಗೇನ ರಥಂ ಪವಟ್ಟೇನ್ತೋ ಓಸಕ್ಕತಿ। ಪಚ್ಛಾ ಲಙ್ಘತಿ, ಕುಬ್ಬರಂ ಹನತೀತಿ ದ್ವೇ ಪಚ್ಛಿಮಪಾದೇ ಉಕ್ಖಿಪಿತ್ವಾ ತೇಹಿ ಪಹರಿತ್ವಾ ರಥಕುಬ್ಬರಂ ಭಿನ್ದತಿ। ತಿದಣ್ಡಂ ಭಞ್ಜತೀತಿ ರಥಸ್ಸ ಪುರತೋ ತಯೋ ದಣ್ಡಕಾ ಹೋನ್ತಿ, ತೇ ಭಞ್ಜತಿ। ರಥೀಸಾಯ ಸತ್ಥಿಂ ಉಸ್ಸಜ್ಜಿತ್ವಾತಿ ಸೀಸಂ ನಾಮೇತ್ವಾ ಯುಗಂ ಭೂಮಿಯಂ ಪಾತೇತ್ವಾ ಸತ್ಥಿನಾ ರಥೀಸಂ ಪಹರಿತ್ವಾ। ಅಜ್ಝೋಮದ್ದತೀತಿ ದ್ವೀಹಿ ಪುರಿಮಪಾದೇಹಿ ಈಸಂ ಮದ್ದನ್ತೋ ತಿಟ್ಠತಿ। ಉಬ್ಬಟುಮಂ ರಥಂ ಕರೋತೀತಿ ಥಲಂ ವಾ ಕಣ್ಡಕಟ್ಠಾನಂ ವಾ ರಥಂ ಆರೋಪೇತಿ। ಅನಾದಿಯಿತ್ವಾತಿ ಅಮನಸಿಕತ್ವಾ ಅಗಣಿತ್ವಾ। ಮುಖಾಧಾನನ್ತಿ ಮುಖಠಪನತ್ಥಾಯ ದಿನ್ನಂ ಅಯಸಙ್ಖಲಿಕಂ। ಖೀಲಟ್ಠಾಯೀತಿ ಚತ್ತಾರೋ ಪಾದೇ ಥಮ್ಭೇ ವಿಯ ನಿಚ್ಚಲಂ ಠಪೇತ್ವಾ ಖೀಲಟ್ಠಾನಸದಿಸೇನ ಠಾನೇನ ತಿಟ್ಠತಿ। ಇಮಸ್ಮಿಂ ಸುತ್ತೇ ವಟ್ಟಮೇವ ಕಥಿತಂ।
14. Catutthe ‘‘pehī’’ti vuttoti ‘‘gacchā’’ti vutto. Piṭṭhito rathaṃ pavattetīti khandhaṭṭhikena yugaṃ uppīḷitvā pacchimabhāgena rathaṃ pavaṭṭento osakkati. Pacchā laṅghati, kubbaraṃ hanatīti dve pacchimapāde ukkhipitvā tehi paharitvā rathakubbaraṃ bhindati. Tidaṇḍaṃ bhañjatīti rathassa purato tayo daṇḍakā honti, te bhañjati. Rathīsāya satthiṃ ussajjitvāti sīsaṃ nāmetvā yugaṃ bhūmiyaṃ pātetvā satthinā rathīsaṃ paharitvā. Ajjhomaddatīti dvīhi purimapādehi īsaṃ maddanto tiṭṭhati. Ubbaṭumaṃ rathaṃ karotīti thalaṃ vā kaṇḍakaṭṭhānaṃ vā rathaṃ āropeti. Anādiyitvāti amanasikatvā agaṇitvā. Mukhādhānanti mukhaṭhapanatthāya dinnaṃ ayasaṅkhalikaṃ. Khīlaṭṭhāyīti cattāro pāde thambhe viya niccalaṃ ṭhapetvā khīlaṭṭhānasadisena ṭhānena tiṭṭhati. Imasmiṃ sutte vaṭṭameva kathitaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೪. ಅಸ್ಸಖಳುಙ್ಕಸುತ್ತಂ • 4. Assakhaḷuṅkasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೩-೪. ಅಸ್ಸಾಜಾನೀಯಸುತ್ತಾದಿವಣ್ಣನಾ • 3-4. Assājānīyasuttādivaṇṇanā
