| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
4. අස්‌සඛළුඞ්‌කසුත්‌තවණ්‌ණනා
4. Assakhaḷuṅkasuttavaṇṇanā
14. චතුත්‌ථෙ ‘‘පෙහී’’ති වුත්‌තොති ‘‘ගච්‌ඡා’’ති වුත්‌තො. පිට්‌ඨිතො රථං පවත්‌තෙතීති ඛන්‌ධට්‌ඨිකෙන යුගං උප්‌පීළිත්‌වා පච්‌ඡිමභාගෙන රථං පවට්‌ටෙන්‌තො ඔසක්‌කති. පච්‌ඡා ලඞ්‌ඝති, කුබ්‌බරං හනතීති ද්‌වෙ පච්‌ඡිමපාදෙ උක්‌ඛිපිත්‌වා තෙහි පහරිත්‌වා රථකුබ්‌බරං භින්‌දති. තිදණ්‌ඩං භඤ්‌ජතීති රථස්‌ස පුරතො තයො දණ්‌ඩකා හොන්‌ති, තෙ භඤ්‌ජති. රථීසාය සත්‌ථිං උස්‌සජ්‌ජිත්‌වාති සීසං නාමෙත්‌වා යුගං භූමියං පාතෙත්‌වා සත්‌ථිනා රථීසං පහරිත්‌වා. අජ්‌ඣොමද්‌දතීති ද්‌වීහි පුරිමපාදෙහි ඊසං මද්‌දන්‌තො තිට්‌ඨති. උබ්‌බටුමං රථං කරොතීති ථලං වා කණ්‌ඩකට්‌ඨානං වා රථං ආරොපෙති. අනාදියිත්‌වාති අමනසිකත්‌වා අගණිත්‌වා. මුඛාධානන්‌ති මුඛඨපනත්‌ථාය දින්‌නං අයසඞ්‌ඛලිකං. ඛීලට්‌ඨායීති චත්‌තාරො පාදෙ ථම්‌භෙ විය නිච්‌චලං ඨපෙත්‌වා ඛීලට්‌ඨානසදිසෙන ඨානෙන තිට්‌ඨති. ඉමස්‌මිං සුත්‌තෙ වට්‌ටමෙව කථිතං.
14. Catutthe ‘‘pehī’’ti vuttoti ‘‘gacchā’’ti vutto. Piṭṭhito rathaṃ pavattetīti khandhaṭṭhikena yugaṃ uppīḷitvā pacchimabhāgena rathaṃ pavaṭṭento osakkati. Pacchā laṅghati, kubbaraṃ hanatīti dve pacchimapāde ukkhipitvā tehi paharitvā rathakubbaraṃ bhindati. Tidaṇḍaṃ bhañjatīti rathassa purato tayo daṇḍakā honti, te bhañjati. Rathīsāya satthiṃ ussajjitvāti sīsaṃ nāmetvā yugaṃ bhūmiyaṃ pātetvā satthinā rathīsaṃ paharitvā. Ajjhomaddatīti dvīhi purimapādehi īsaṃ maddanto tiṭṭhati. Ubbaṭumaṃ rathaṃ karotīti thalaṃ vā kaṇḍakaṭṭhānaṃ vā rathaṃ āropeti. Anādiyitvāti amanasikatvā agaṇitvā. Mukhādhānanti mukhaṭhapanatthāya dinnaṃ ayasaṅkhalikaṃ. Khīlaṭṭhāyīti cattāro pāde thambhe viya niccalaṃ ṭhapetvā khīlaṭṭhānasadisena ṭhānena tiṭṭhati. Imasmiṃ sutte vaṭṭameva kathitaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 4. අස්‌සඛළුඞ්‌කසුත්‌තං • 4. Assakhaḷuṅkasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 3-4. අස්‌සාජානීයසුත්‌තාදිවණ්‌ණනා • 3-4. Assājānīyasuttādivaṇṇanā
