| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༤. ཨསྶཁལུ༹ངྐསུཏྟཝཎྞནཱ
4. Assakhaḷuṅkasuttavaṇṇanā
༡༤. ཙཏུཏྠེ ‘‘པེཧཱི’’ཏི ཝུཏྟོཏི ‘‘གཙྪཱ’’ཏི ཝུཏྟོ། པིཊྛིཏོ རཐཾ པཝཏྟེཏཱིཏི ཁནྡྷཊྛིཀེན ཡུགཾ ཨུཔྤཱིལི༹ཏྭཱ པཙྪིམབྷཱགེན རཐཾ པཝཊྚེནྟོ ཨོསཀྐཏི། པཙྪཱ ལངྒྷཏི, ཀུབྦརཾ ཧནཏཱིཏི དྭེ པཙྪིམཔཱདེ ཨུཀྑིཔིཏྭཱ ཏེཧི པཧརིཏྭཱ རཐཀུབྦརཾ བྷིནྡཏི། ཏིདཎྜཾ བྷཉྫཏཱིཏི རཐསྶ པུརཏོ ཏཡོ དཎྜཀཱ ཧོནྟི, ཏེ བྷཉྫཏི། རཐཱིསཱཡ སཏྠིཾ ཨུསྶཛྫིཏྭཱཏི སཱིསཾ ནཱམེཏྭཱ ཡུགཾ བྷཱུམིཡཾ པཱཏེཏྭཱ སཏྠིནཱ རཐཱིསཾ པཧརིཏྭཱ། ཨཛ྄ཛྷོམདྡཏཱིཏི དྭཱིཧི པུརིམཔཱདེཧི ཨཱིསཾ མདྡནྟོ ཏིཊྛཏི། ཨུབྦཊུམཾ རཐཾ ཀརོཏཱིཏི ཐལཾ ཝཱ ཀཎྜཀཊྛཱནཾ ཝཱ རཐཾ ཨཱརོཔེཏི། ཨནཱདིཡིཏྭཱཏི ཨམནསིཀཏྭཱ ཨགཎིཏྭཱ། མུཁཱདྷཱནནྟི མུཁཋཔནཏྠཱཡ དིནྣཾ ཨཡསངྑལིཀཾ། ཁཱིལཊྛཱཡཱིཏི ཙཏྟཱརོ པཱདེ ཐམྦྷེ ཝིཡ ནིཙྩལཾ ཋཔེཏྭཱ ཁཱིལཊྛཱནསདིསེན ཋཱནེན ཏིཊྛཏི། ཨིམསྨིཾ སུཏྟེ ཝཊྚམེཝ ཀཐིཏཾ།
14. Catutthe ‘‘pehī’’ti vuttoti ‘‘gacchā’’ti vutto. Piṭṭhito rathaṃ pavattetīti khandhaṭṭhikena yugaṃ uppīḷitvā pacchimabhāgena rathaṃ pavaṭṭento osakkati. Pacchā laṅghati, kubbaraṃ hanatīti dve pacchimapāde ukkhipitvā tehi paharitvā rathakubbaraṃ bhindati. Tidaṇḍaṃ bhañjatīti rathassa purato tayo daṇḍakā honti, te bhañjati. Rathīsāya satthiṃ ussajjitvāti sīsaṃ nāmetvā yugaṃ bhūmiyaṃ pātetvā satthinā rathīsaṃ paharitvā. Ajjhomaddatīti dvīhi purimapādehi īsaṃ maddanto tiṭṭhati. Ubbaṭumaṃ rathaṃ karotīti thalaṃ vā kaṇḍakaṭṭhānaṃ vā rathaṃ āropeti. Anādiyitvāti amanasikatvā agaṇitvā. Mukhādhānanti mukhaṭhapanatthāya dinnaṃ ayasaṅkhalikaṃ. Khīlaṭṭhāyīti cattāro pāde thambhe viya niccalaṃ ṭhapetvā khīlaṭṭhānasadisena ṭhānena tiṭṭhati. Imasmiṃ sutte vaṭṭameva kathitaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༤. ཨསྶཁལུ༹ངྐསུཏྟཾ • 4. Assakhaḷuṅkasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༣-༤. ཨསྶཱཛཱནཱིཡསུཏྟཱདིཝཎྞནཱ • 3-4. Assājānīyasuttādivaṇṇanā
