| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
3. ассалааяанасуд̇д̇ам̣
3. Assalāyanasuttaṃ
401. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна наанаавзраж̇ж̇агаанам̣ б̣раахман̣аанам̣ бан̃жамад̇д̇аани б̣раахман̣асад̇аани саавад̇т̇ияам̣ бадивасанд̇и гзнажид̣̇зва гаран̣ийязна. ат̇а ко д̇зсам̣ б̣раахман̣аанам̣ зд̇ад̣̇ахоси – ‘‘аяам̣ ко саман̣о г̇од̇амо жаад̇уван̣н̣им̣ суд̣̇д̇хим̣ бан̃н̃абзд̇и. го ну ко баход̇и саман̣зна г̇од̇амзна сад̣̇д̇хим̣ асмим̣ важанз бадиманд̇зд̇у’’нд̇и? д̇зна ко бана самаязна ассалааяано наама маан̣аво саавад̇т̇ияам̣ бадивасад̇и д̣̇ахаро, вуд̇д̇асиро, сол̣асавассуд̣̇д̣̇зсиго ж̇аад̇ияаа, д̇ин̣н̣ам̣ взд̣̇аанам̣ баараг̇уу санигхан̣д̣угздубхаанам̣ саагкараббабхзд̣̇аанам̣ ид̇ихаасабан̃жамаанам̣, бад̣̇аго, взяяаагаран̣о, логааяад̇амахаабурисалагкан̣зсу анаваяо. ат̇а ко д̇зсам̣ б̣раахман̣аанам̣ зд̇ад̣̇ахоси – ‘‘аяам̣ ко ассалааяано маан̣аво саавад̇т̇ияам̣ бадивасад̇и д̣̇ахаро, вуд̇д̇асиро, сол̣асавассуд̣̇д̣̇зсиго ж̇аад̇ияаа, д̇ин̣н̣ам̣ взд̣̇аанам̣ баараг̇уу…бз… анаваяо. со ко баход̇и саман̣зна г̇од̇амзна сад̣̇д̇хим̣ асмим̣ важанз бадиманд̇зд̇у’’нд̇и.
401. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena nānāverajjakānaṃ brāhmaṇānaṃ pañcamattāni brāhmaṇasatāni sāvatthiyaṃ paṭivasanti kenacideva karaṇīyena. Atha kho tesaṃ brāhmaṇānaṃ etadahosi – ‘‘ayaṃ kho samaṇo gotamo cātuvaṇṇiṃ suddhiṃ paññapeti. Ko nu kho pahoti samaṇena gotamena saddhiṃ asmiṃ vacane paṭimantetu’’nti? Tena kho pana samayena assalāyano nāma māṇavo sāvatthiyaṃ paṭivasati daharo, vuttasiro, soḷasavassuddesiko jātiyā, tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ, padako, veyyākaraṇo, lokāyatamahāpurisalakkhaṇesu anavayo. Atha kho tesaṃ brāhmaṇānaṃ etadahosi – ‘‘ayaṃ kho assalāyano māṇavo sāvatthiyaṃ paṭivasati daharo, vuttasiro, soḷasavassuddesiko jātiyā, tiṇṇaṃ vedānaṃ pāragū…pe… anavayo. So kho pahoti samaṇena gotamena saddhiṃ asmiṃ vacane paṭimantetu’’nti.
ат̇а ко д̇з б̣раахман̣аа язна ассалааяано маан̣аво д̇знубан̇гамим̣су; убасан̇гамид̇ваа ассалааяанам̣ маан̣авам̣ зд̇ад̣̇авожум̣ – ‘‘аяам̣, бхо ассалааяана , саман̣о г̇од̇амо жаад̇уван̣н̣им̣ суд̣̇д̇хим̣ бан̃н̃абзд̇и. зд̇у бхавам̣ ассалааяано саман̣зна г̇од̇амзна сад̣̇д̇хим̣ асмим̣ важанз бадиманд̇зд̇уу’’д̇и 1.
Atha kho te brāhmaṇā yena assalāyano māṇavo tenupaṅkamiṃsu; upasaṅkamitvā assalāyanaṃ māṇavaṃ etadavocuṃ – ‘‘ayaṃ, bho assalāyana , samaṇo gotamo cātuvaṇṇiṃ suddhiṃ paññapeti. Etu bhavaṃ assalāyano samaṇena gotamena saddhiṃ asmiṃ vacane paṭimantetū’’ti 2.
звам̣ вуд̇д̇з, ассалааяано маан̣аво д̇з б̣раахман̣з зд̇ад̣̇авожа – ‘‘саман̣о калу, бхо, г̇од̇амо д̇хаммаваад̣̇ий; д̇хаммаваад̣̇ино жа бана д̣̇уббадиманд̇ияаа бхаванд̇и. наахам̣ саггоми саман̣зна г̇од̇амзна сад̣̇д̇хим̣ асмим̣ важанз бадиманд̇зд̇у’’нд̇и. д̣̇уд̇ияамби ко д̇з б̣раахман̣аа ассалааяанам̣ маан̣авам̣ зд̇ад̣̇авожум̣ – ‘‘аяам̣, бхо ассалааяана, саман̣о г̇од̇амо жаад̇уван̣н̣им̣ суд̣̇д̇хим̣ бан̃н̃абзд̇и. зд̇у бхавам̣ ассалааяано саман̣зна г̇од̇амзна сад̣̇д̇хим̣ асмим̣ важанз бадиманд̇зд̇у 3. жарид̇ам̣ ко бана бход̇аа ассалааяанзна бариб̣б̣ааж̇ага’’нд̇и. д̣̇уд̇ияамби ко ассалааяано маан̣аво д̇з б̣раахман̣з зд̇ад̣̇авожа – ‘‘саман̣о калу, бхо, г̇од̇амо д̇хаммаваад̣̇ий; д̇хаммаваад̣̇ино жа бана д̣̇уббадиманд̇ияаа бхаванд̇и . наахам̣ саггоми саман̣зна г̇од̇амзна сад̣̇д̇хим̣ асмим̣ важанз бадиманд̇зд̇у’’нд̇и. д̇ад̇ияамби ко д̇з б̣раахман̣аа ассалааяанам̣ маан̣авам̣ зд̇ад̣̇авожум̣ – ‘‘аяам̣, бхо ассалааяана, саман̣о г̇од̇амо жаад̇уван̣н̣им̣ суд̣̇д̇хим̣ бан̃н̃абзд̇и. зд̇у бхавам̣ ассалааяано саман̣зна г̇од̇амзна сад̣̇д̇хим̣ асмим̣ важанз бадиманд̇зд̇у 4. жарид̇ам̣ ко бана бход̇аа ассалааяанзна бариб̣б̣ааж̇агам̣. маа бхавам̣ ассалааяано аяуд̣̇д̇хабарааж̇ид̇ам̣ барааж̇аяий’’д̇и.
Evaṃ vutte, assalāyano māṇavo te brāhmaṇe etadavoca – ‘‘samaṇo khalu, bho, gotamo dhammavādī; dhammavādino ca pana duppaṭimantiyā bhavanti. Nāhaṃ sakkomi samaṇena gotamena saddhiṃ asmiṃ vacane paṭimantetu’’nti. Dutiyampi kho te brāhmaṇā assalāyanaṃ māṇavaṃ etadavocuṃ – ‘‘ayaṃ, bho assalāyana, samaṇo gotamo cātuvaṇṇiṃ suddhiṃ paññapeti. Etu bhavaṃ assalāyano samaṇena gotamena saddhiṃ asmiṃ vacane paṭimantetu 5. Caritaṃ kho pana bhotā assalāyanena paribbājaka’’nti. Dutiyampi kho assalāyano māṇavo te brāhmaṇe etadavoca – ‘‘samaṇo khalu, bho, gotamo dhammavādī; dhammavādino ca pana duppaṭimantiyā bhavanti . Nāhaṃ sakkomi samaṇena gotamena saddhiṃ asmiṃ vacane paṭimantetu’’nti. Tatiyampi kho te brāhmaṇā assalāyanaṃ māṇavaṃ etadavocuṃ – ‘‘ayaṃ, bho assalāyana, samaṇo gotamo cātuvaṇṇiṃ suddhiṃ paññapeti. Etu bhavaṃ assalāyano samaṇena gotamena saddhiṃ asmiṃ vacane paṭimantetu 6. Caritaṃ kho pana bhotā assalāyanena paribbājakaṃ. Mā bhavaṃ assalāyano ayuddhaparājitaṃ parājayī’’ti.
звам̣ вуд̇д̇з, ассалааяано маан̣аво д̇з б̣раахман̣з зд̇ад̣̇авожа – ‘‘ад̣̇д̇хаа ко ахам̣ бхаванд̇о на лабхаами. саман̣о калу, бхо, г̇од̇амо д̇хаммаваад̣̇ий; д̇хаммаваад̣̇ино жа бана д̣̇уббадиманд̇ияаа бхаванд̇и. наахам̣ саггоми саман̣зна г̇од̇амзна сад̣̇д̇хим̣ асмим̣ важанз бадиманд̇зд̇унд̇и. аби жаахам̣ бхаванд̇аанам̣ важанзна г̇амиссаамий’’д̇и.
Evaṃ vutte, assalāyano māṇavo te brāhmaṇe etadavoca – ‘‘addhā kho ahaṃ bhavanto na labhāmi. Samaṇo khalu, bho, gotamo dhammavādī; dhammavādino ca pana duppaṭimantiyā bhavanti. Nāhaṃ sakkomi samaṇena gotamena saddhiṃ asmiṃ vacane paṭimantetunti. Api cāhaṃ bhavantānaṃ vacanena gamissāmī’’ti.
402. ат̇а ко ассалааяано маан̣аво махад̇аа б̣раахман̣аг̇ан̣зна сад̣̇д̇хим̣ язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ассалааяано маан̣аво бхаг̇аванд̇ам̣ зд̇ад̣̇авожа – ‘‘б̣раахман̣аа, бхо г̇од̇ама, звамаахам̣су – ‘б̣раахман̣ова сздто ван̣н̣о, хийно ан̃н̃о ван̣н̣о; б̣раахман̣ова сугго ван̣н̣о, ган̣хо ан̃н̃о ван̣н̣о; б̣раахман̣ова суж̇жханд̇и, но аб̣раахман̣аа; б̣раахман̣аава б̣рахмуно буд̇д̇аа орасаа мукад̇о ж̇аад̇аа б̣рахмаж̇аа б̣рахманиммид̇аа б̣рахмад̣̇ааяаад̣̇аа’д̇и. ид̇ха бхавам̣ г̇од̇амо гимаахаа’’д̇и? ‘‘д̣̇иссанд̇и 7 ко бана, ассалааяана, б̣раахман̣аанам̣ б̣раахман̣ияо уд̇унияоби г̇аб̣бхинияоби виж̇ааяамаанааби бааяамаанааби. д̇з жа б̣раахман̣ияониж̇аава самаанаа звамаахам̣су – ‘б̣раахман̣ова сздто ван̣н̣о, хийно ан̃н̃о ван̣н̣о; б̣раахман̣ова сугго ван̣н̣о, ган̣хо ан̃н̃о ван̣н̣о; б̣раахман̣аава суж̇жханд̇и, но аб̣раахман̣аа; б̣раахман̣аава б̣рахмуно буд̇д̇аа орасаа мукад̇о ж̇аад̇аа б̣рахмаж̇аа б̣рахманиммид̇аа б̣рахмад̣̇ааяаад̣̇аа’’’д̇и. ‘‘гин̃жааби бхавам̣ г̇од̇амо звамааха, ат̇а квзд̇т̇а б̣раахман̣аа звамзд̇ам̣ ман̃н̃анд̇и – ‘б̣раахман̣ова сздто ван̣н̣о, хийно ан̃н̃о ван̣н̣о…бз… б̣рахмад̣̇ааяаад̣̇аа’’’д̇и.
402. Atha kho assalāyano māṇavo mahatā brāhmaṇagaṇena saddhiṃ yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho assalāyano māṇavo bhagavantaṃ etadavoca – ‘‘brāhmaṇā, bho gotama, evamāhaṃsu – ‘brāhmaṇova seṭṭho vaṇṇo, hīno añño vaṇṇo; brāhmaṇova sukko vaṇṇo, kaṇho añño vaṇṇo; brāhmaṇova sujjhanti, no abrāhmaṇā; brāhmaṇāva brahmuno puttā orasā mukhato jātā brahmajā brahmanimmitā brahmadāyādā’ti. Idha bhavaṃ gotamo kimāhā’’ti? ‘‘Dissanti 8 kho pana, assalāyana, brāhmaṇānaṃ brāhmaṇiyo utuniyopi gabbhiniyopi vijāyamānāpi pāyamānāpi. Te ca brāhmaṇiyonijāva samānā evamāhaṃsu – ‘brāhmaṇova seṭṭho vaṇṇo, hīno añño vaṇṇo; brāhmaṇova sukko vaṇṇo, kaṇho añño vaṇṇo; brāhmaṇāva sujjhanti, no abrāhmaṇā; brāhmaṇāva brahmuno puttā orasā mukhato jātā brahmajā brahmanimmitā brahmadāyādā’’’ti. ‘‘Kiñcāpi bhavaṃ gotamo evamāha, atha khvettha brāhmaṇā evametaṃ maññanti – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
403. ‘‘д̇ам̣ гим̣ ман̃н̃аси, ассалааяана, суд̇ам̣ д̇з – ‘яонагамб̣ож̇зсу ан̃н̃зсу жа бажжанд̇имзсу ж̇анабад̣̇зсу д̣̇взва ван̣н̣аа – аяяо жзва д̣̇аасо жа; аяяо худ̇ваа д̣̇аасо ход̇и, д̣̇аасо худ̇ваа аяяо ход̇ий’’’д̇и ? ‘‘звам̣, бхо, суд̇ам̣ д̇ам̣ мз – ‘яонагамб̣ож̇зсу ан̃н̃зсу жа бажжанд̇имзсу ж̇анабад̣̇зсу д̣̇взва ван̣н̣аа – аяяо жзва д̣̇аасо жа; аяяо худ̇ваа д̣̇аасо ход̇и, д̣̇аасо худ̇ваа аяяо ход̇ий’’’д̇и. ‘‘зд̇т̇а, ассалааяана, б̣раахман̣аанам̣ гим̣ б̣алам̣, го ассаасо яад̣̇зд̇т̇а б̣раахман̣аа звамаахам̣су – ‘б̣раахман̣ова сздто ван̣н̣о, хийно ан̃н̃о ван̣н̣о…бз… б̣рахмад̣̇ааяаад̣̇аа’’’д̇и? ‘‘гин̃жааби бхавам̣ г̇од̇амо звамааха, ат̇а квзд̇т̇а б̣раахман̣аа звамзд̇ам̣ ман̃н̃анд̇и – ‘б̣раахман̣ова сздто ван̣н̣о, хийно ан̃н̃о ван̣н̣о…бз… б̣рахмад̣̇ааяаад̣̇аа’’’д̇и.
403. ‘‘Taṃ kiṃ maññasi, assalāyana, sutaṃ te – ‘yonakambojesu aññesu ca paccantimesu janapadesu dveva vaṇṇā – ayyo ceva dāso ca; ayyo hutvā dāso hoti, dāso hutvā ayyo hotī’’’ti ? ‘‘Evaṃ, bho, sutaṃ taṃ me – ‘yonakambojesu aññesu ca paccantimesu janapadesu dveva vaṇṇā – ayyo ceva dāso ca; ayyo hutvā dāso hoti, dāso hutvā ayyo hotī’’’ti. ‘‘Ettha, assalāyana, brāhmaṇānaṃ kiṃ balaṃ, ko assāso yadettha brāhmaṇā evamāhaṃsu – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti? ‘‘Kiñcāpi bhavaṃ gotamo evamāha, atha khvettha brāhmaṇā evametaṃ maññanti – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
404. ‘‘д̇ам̣ гим̣ ман̃н̃аси, ассалааяана, кад̇д̇ияова ну ко баан̣аад̇ибаад̇ий ад̣̇иннаад̣̇ааяий гаамзсумижчаажаарий мусааваад̣̇ий бисун̣аваажо парусаваажо сампаббалаабий абхиж̇жхаалу б̣яаабаннажид̇д̇о мижчаад̣̇идти гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇зяяа, но б̣раахман̣о? взссова ну ко…бз… суд̣̇д̣̇ова ну ко баан̣аад̇ибаад̇ий ад̣̇иннаад̣̇ааяий гаамзсумижчаажаарий мусааваад̣̇ий бисун̣аваажо парусаваажо сампаббалаабий абхиж̇жхаалу б̣яаабаннажид̇д̇о мижчаад̣̇идти гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇зяяа, но б̣раахман̣о’’д̇и? ‘‘но хид̣̇ам̣, бхо г̇од̇ама. кад̇д̇ияоби хи, бхо г̇од̇ама, баан̣аад̇ибаад̇ий ад̣̇иннаад̣̇ааяий гаамзсумижчаажаарий мусааваад̣̇ий бисун̣аваажо парусаваажо сампаббалаабий абхиж̇жхаалу б̣яаабаннажид̇д̇о мижчаад̣̇идти гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇зяяа. б̣раахман̣оби хи, бхо г̇од̇ама…бз… взссоби хи, бхо г̇од̇ама…бз… суд̣̇д̣̇оби хи, бхо г̇од̇ама…бз… саб̣б̣зби хи, бхо г̇од̇ама, жад̇д̇ааро ван̣н̣аа баан̣аад̇ибаад̇ино ад̣̇иннаад̣̇ааяино гаамзсумижчаажаарино мусааваад̣̇ино бисун̣аваажаа парусаваажаа сампаббалаабино абхиж̇жхаалуу б̣яаабаннажид̇д̇аа мижчаад̣̇идтий гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇зяяу’’нд̇и. ‘‘зд̇т̇а, ассалааяана, б̣раахман̣аанам̣ гим̣ б̣алам̣, го ассаасо яад̣̇зд̇т̇а б̣раахман̣аа звамаахам̣су – ‘б̣раахман̣ова сздто ван̣н̣о, хийно ан̃н̃о ван̣н̣о…бз… б̣рахмад̣̇ааяаад̣̇аа’’’д̇и? ‘‘гин̃жааби бхавам̣ г̇од̇амо звамааха, ат̇а квзд̇т̇а б̣раахман̣аа звамзд̇ам̣ ман̃н̃анд̇и – ‘б̣раахман̣ова сздто ван̣н̣о, хийно ан̃н̃о ван̣н̣о…бз… б̣рахмад̣̇ааяаад̣̇аа’’’д̇и.
404. ‘‘Taṃ kiṃ maññasi, assalāyana, khattiyova nu kho pāṇātipātī adinnādāyī kāmesumicchācārī musāvādī pisuṇavāco pharusavāco samphappalāpī abhijjhālu byāpannacitto micchādiṭṭhi kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya, no brāhmaṇo? Vessova nu kho…pe… suddova nu kho pāṇātipātī adinnādāyī kāmesumicchācārī musāvādī pisuṇavāco pharusavāco samphappalāpī abhijjhālu byāpannacitto micchādiṭṭhi kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya, no brāhmaṇo’’ti? ‘‘No hidaṃ, bho gotama. Khattiyopi hi, bho gotama, pāṇātipātī adinnādāyī kāmesumicchācārī musāvādī pisuṇavāco pharusavāco samphappalāpī abhijjhālu byāpannacitto micchādiṭṭhi kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya. Brāhmaṇopi hi, bho gotama…pe… vessopi hi, bho gotama…pe… suddopi hi, bho gotama…pe… sabbepi hi, bho gotama, cattāro vaṇṇā pāṇātipātino adinnādāyino kāmesumicchācārino musāvādino pisuṇavācā pharusavācā samphappalāpino abhijjhālū byāpannacittā micchādiṭṭhī kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyyu’’nti. ‘‘Ettha, assalāyana, brāhmaṇānaṃ kiṃ balaṃ, ko assāso yadettha brāhmaṇā evamāhaṃsu – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti? ‘‘Kiñcāpi bhavaṃ gotamo evamāha, atha khvettha brāhmaṇā evametaṃ maññanti – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
405. ‘‘д̇ам̣ гим̣ ман̃н̃аси, ассалааяана, б̣раахман̣ова ну ко баан̣аад̇ибаад̇аа бадивирад̇о ад̣̇иннаад̣̇аанаа бадивирад̇о гаамзсумижчаажаараа бадивирад̇о мусааваад̣̇аа бадивирад̇о бисун̣ааяа ваажааяа бадивирад̇о парусааяа ваажааяа бадивирад̇о сампаббалаабаа бадивирад̇о анабхиж̇жхаалу аб̣яаабаннажид̇д̇о саммаад̣̇идти гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇зяяа, но 9 кад̇д̇ияо но взссо, но суд̣̇д̣̇о’’д̇и? ‘‘но хид̣̇ам̣, бхо г̇од̇ама! кад̇д̇ияоби хи, бхо г̇од̇ама, баан̣аад̇ибаад̇аа бадивирад̇о ад̣̇иннаад̣̇аанаа бадивирад̇о гаамзсумижчаажаараа бадивирад̇о мусааваад̣̇аа бадивирад̇о бисун̣ааяа ваажааяа бадивирад̇о парусааяа ваажааяа бадивирад̇о сампаббалаабаа бадивирад̇о анабхиж̇жхаалу аб̣яаабаннажид̇д̇о саммаад̣̇идти гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇зяяа. б̣раахман̣оби хи, бхо г̇од̇ама…бз… взссоби хи, бхо г̇од̇ама…бз… суд̣̇д̣̇оби хи, бхо г̇од̇ама…бз… саб̣б̣зби хи, бхо г̇од̇ама, жад̇д̇ааро ван̣н̣аа баан̣аад̇ибаад̇аа бадивирад̇аа ад̣̇иннаад̣̇аанаа бадивирад̇аа гаамзсумижчаажаараа бадивирад̇аа мусааваад̣̇аа бадивирад̇аа бисун̣ааяа ваажааяа бадивирад̇аа парусааяа ваажааяа бадивирад̇аа сампаббалаабаа бадивирад̇аа анабхиж̇жхаалуу аб̣яаабаннажид̇д̇аа саммаад̣̇идтий гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇зяяу’’нд̇и. ‘‘зд̇т̇а, ассалааяана , б̣раахман̣аанам̣ гим̣ б̣алам̣, го ассаасо яад̣̇зд̇т̇а б̣раахман̣аа звамаахам̣су – ‘б̣раахман̣ова сздто ван̣н̣о, хийно ан̃н̃о ван̣н̣о…бз… б̣рахмад̣̇ааяаад̣̇аа’’’д̇и? ‘‘гин̃жааби бхавам̣ г̇од̇амо звамааха, ат̇а квзд̇т̇а б̣раахман̣аа звамзд̇ам̣ ман̃н̃анд̇и – ‘б̣раахман̣ова сздто ван̣н̣о, хийно ан̃н̃о ван̣н̣о…бз… б̣рахмад̣̇ааяаад̣̇аа’’’д̇и.
405. ‘‘Taṃ kiṃ maññasi, assalāyana, brāhmaṇova nu kho pāṇātipātā paṭivirato adinnādānā paṭivirato kāmesumicchācārā paṭivirato musāvādā paṭivirato pisuṇāya vācāya paṭivirato pharusāya vācāya paṭivirato samphappalāpā paṭivirato anabhijjhālu abyāpannacitto sammādiṭṭhi kāyassa bhedā paraṃ maraṇā sugatiṃ saggaṃ lokaṃ upapajjeyya, no 10 khattiyo no vesso, no suddo’’ti? ‘‘No hidaṃ, bho gotama! Khattiyopi hi, bho gotama, pāṇātipātā paṭivirato adinnādānā paṭivirato kāmesumicchācārā paṭivirato musāvādā paṭivirato pisuṇāya vācāya paṭivirato pharusāya vācāya paṭivirato samphappalāpā paṭivirato anabhijjhālu abyāpannacitto sammādiṭṭhi kāyassa bhedā paraṃ maraṇā sugatiṃ saggaṃ lokaṃ upapajjeyya. Brāhmaṇopi hi, bho gotama…pe… vessopi hi, bho gotama…pe… suddopi hi, bho gotama…pe… sabbepi hi, bho gotama, cattāro vaṇṇā pāṇātipātā paṭiviratā adinnādānā paṭiviratā kāmesumicchācārā paṭiviratā musāvādā paṭiviratā pisuṇāya vācāya paṭiviratā pharusāya vācāya paṭiviratā samphappalāpā paṭiviratā anabhijjhālū abyāpannacittā sammādiṭṭhī kāyassa bhedā paraṃ maraṇā sugatiṃ saggaṃ lokaṃ upapajjeyyu’’nti. ‘‘Ettha, assalāyana , brāhmaṇānaṃ kiṃ balaṃ, ko assāso yadettha brāhmaṇā evamāhaṃsu – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti? ‘‘Kiñcāpi bhavaṃ gotamo evamāha, atha khvettha brāhmaṇā evametaṃ maññanti – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
406. ‘‘д̇ам̣ гим̣ ман̃н̃аси, ассалааяана, б̣раахман̣ова ну ко баход̇и асмим̣ бад̣̇зсз авзрам̣ аб̣яааб̣аж̇жхам̣ мзд̇д̇ажид̇д̇ам̣ бхаавзд̇ум̣, но кад̇д̇ияо, но взссо но суд̣̇д̣̇о’’д̇и? ‘‘но хид̣̇ам̣, бхо г̇од̇ама! кад̇д̇ияоби хи, бхо г̇од̇ама, баход̇и асмим̣ бад̣̇зсз авзрам̣ аб̣яааб̣аж̇жхам̣ мзд̇д̇ажид̇д̇ам̣ бхаавзд̇ум̣; б̣раахман̣оби хи, бхо г̇од̇ама… взссоби хи , бхо г̇од̇ама… суд̣̇д̣̇оби хи, бхо г̇од̇ама… саб̣б̣зби хи, бхо г̇од̇ама, жад̇д̇ааро ван̣н̣аа бахонд̇и асмим̣ бад̣̇зсз авзрам̣ аб̣яааб̣аж̇жхам̣ мзд̇д̇ажид̇д̇ам̣ бхаавзд̇у’’нд̇и. ‘‘зд̇т̇а, ассалааяана, б̣раахман̣аанам̣ гим̣ б̣алам̣, го ассаасо яад̣̇зд̇т̇а б̣раахман̣аа звамаахам̣су – ‘б̣раахман̣ова сздто ван̣н̣о, хийно ан̃н̃о ван̣н̣о…бз… б̣рахмад̣̇ааяаад̣̇аа’’’д̇и? ‘‘гин̃жааби бхавам̣ г̇од̇амо звамааха, ат̇а квзд̇т̇а б̣раахман̣аа звамзд̇ам̣ ман̃н̃анд̇и – ‘б̣раахман̣ова сздто ван̣н̣о, хийно ан̃н̃о ван̣н̣о…бз… б̣рахмад̣̇ааяаад̣̇аа’’’д̇и.
406. ‘‘Taṃ kiṃ maññasi, assalāyana, brāhmaṇova nu kho pahoti asmiṃ padese averaṃ abyābajjhaṃ mettacittaṃ bhāvetuṃ, no khattiyo, no vesso no suddo’’ti? ‘‘No hidaṃ, bho gotama! Khattiyopi hi, bho gotama, pahoti asmiṃ padese averaṃ abyābajjhaṃ mettacittaṃ bhāvetuṃ; brāhmaṇopi hi, bho gotama… vessopi hi , bho gotama… suddopi hi, bho gotama… sabbepi hi, bho gotama, cattāro vaṇṇā pahonti asmiṃ padese averaṃ abyābajjhaṃ mettacittaṃ bhāvetu’’nti. ‘‘Ettha, assalāyana, brāhmaṇānaṃ kiṃ balaṃ, ko assāso yadettha brāhmaṇā evamāhaṃsu – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti? ‘‘Kiñcāpi bhavaṃ gotamo evamāha, atha khvettha brāhmaṇā evametaṃ maññanti – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
407. ‘‘д̇ам̣ гим̣ ман̃н̃аси, ассалааяана, б̣раахман̣ова ну ко баход̇и сод̇д̇исинааним̣ аад̣̇ааяа над̣̇им̣ г̇анд̇ваа раж̇ож̇аллам̣ баваахзд̇ум̣, но кад̇д̇ияо, но взссо, но суд̣̇д̣̇о’’д̇и? ‘‘но хид̣̇ам̣, бхо г̇од̇ама! кад̇д̇ияоби хи, бхо г̇од̇ама, баход̇и сод̇д̇исинааним̣ аад̣̇ааяа над̣̇им̣ г̇анд̇ваа раж̇ож̇аллам̣ баваахзд̇ум̣, б̣раахман̣оби хи, бхо г̇од̇ама… взссоби хи, бхо г̇од̇ама… суд̣̇д̣̇оби хи, бхо г̇од̇ама… саб̣б̣зби хи, бхо г̇од̇ама, жад̇д̇ааро ван̣н̣аа бахонд̇и сод̇д̇исинааним̣ аад̣̇ааяа над̣̇им̣ г̇анд̇ваа раж̇ож̇аллам̣ баваахзд̇у’’нд̇и. ‘‘зд̇т̇а, ассалааяана, б̣раахман̣аанам̣ гим̣ б̣алам̣, го ассаасо яад̣̇зд̇т̇а б̣раахман̣аа звамаахам̣су – ‘б̣раахман̣ова сздто ван̣н̣о, хийно ан̃н̃о ван̣н̣о…бз… б̣рахмад̣̇ааяаад̣̇аа’’’д̇и? ‘‘гин̃жааби бхавам̣ г̇од̇амо звамааха, ат̇а квзд̇т̇а б̣раахман̣аа звамзд̇ам̣ ман̃н̃анд̇и – ‘б̣раахман̣ова сздто ван̣н̣о, хийно ан̃н̃о ван̣н̣о…бз… б̣рахмад̣̇ааяаад̣̇аа’’’д̇и.
407. ‘‘Taṃ kiṃ maññasi, assalāyana, brāhmaṇova nu kho pahoti sottisināniṃ ādāya nadiṃ gantvā rajojallaṃ pavāhetuṃ, no khattiyo, no vesso, no suddo’’ti? ‘‘No hidaṃ, bho gotama! Khattiyopi hi, bho gotama, pahoti sottisināniṃ ādāya nadiṃ gantvā rajojallaṃ pavāhetuṃ, brāhmaṇopi hi, bho gotama… vessopi hi, bho gotama… suddopi hi, bho gotama… sabbepi hi, bho gotama, cattāro vaṇṇā pahonti sottisināniṃ ādāya nadiṃ gantvā rajojallaṃ pavāhetu’’nti. ‘‘Ettha, assalāyana, brāhmaṇānaṃ kiṃ balaṃ, ko assāso yadettha brāhmaṇā evamāhaṃsu – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti? ‘‘Kiñcāpi bhavaṃ gotamo evamāha, atha khvettha brāhmaṇā evametaṃ maññanti – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
408. ‘‘д̇ам̣ гим̣ ман̃н̃аси, ассалааяана, ид̇ха рааж̇аа кад̇д̇ияо муд̣̇д̇хаавасид̇д̇о наанааж̇ажжаанам̣ бурисаанам̣ бурисасад̇ам̣ саннибаад̇зяяа – ‘ааяанд̇у бхонд̇о яз д̇ад̇т̇а кад̇д̇ияагулаа б̣раахман̣агулаа рааж̇ан̃н̃агулаа уббаннаа, саагасса ваа сааласса ваа 11 салал̣асса ваа жанд̣̇анасса ваа бад̣̇умагасса ваа уд̇д̇арааран̣им̣ аад̣̇ааяа, аг̇г̇им̣ абхиниб̣б̣ад̇д̇знд̇у, д̇зж̇о баад̇угаронд̇у. ааяанд̇у бана бхонд̇о яз д̇ад̇т̇а жан̣д̣аалагулаа нзсаад̣̇агулаа взнагулаа 12 рат̇агаарагулаа буггусагулаа уббаннаа, саабаанад̣̇он̣ияаа ваа суугарад̣̇он̣ияаа ваа раж̇агад̣̇он̣ияаа ваа зран̣д̣агадтасса ваа уд̇д̇арааран̣им̣ аад̣̇ааяа, аг̇г̇им̣ абхиниб̣б̣ад̇д̇знд̇у, д̇зж̇о баад̇угаронд̇уу’д̇и.
408. ‘‘Taṃ kiṃ maññasi, assalāyana, idha rājā khattiyo muddhāvasitto nānājaccānaṃ purisānaṃ purisasataṃ sannipāteyya – ‘āyantu bhonto ye tattha khattiyakulā brāhmaṇakulā rājaññakulā uppannā, sākassa vā sālassa vā 13 salaḷassa vā candanassa vā padumakassa vā uttarāraṇiṃ ādāya, aggiṃ abhinibbattentu, tejo pātukarontu. Āyantu pana bhonto ye tattha caṇḍālakulā nesādakulā venakulā 14 rathakārakulā pukkusakulā uppannā, sāpānadoṇiyā vā sūkaradoṇiyā vā rajakadoṇiyā vā eraṇḍakaṭṭhassa vā uttarāraṇiṃ ādāya, aggiṃ abhinibbattentu, tejo pātukarontū’ti.
‘‘д̇ам̣ гим̣ ман̃н̃аси, ассалааяана, яо звам̣ ну ко со 15 кад̇д̇ияагулаа б̣раахман̣агулаа рааж̇ан̃н̃агулаа уббаннзхи саагасса ваа сааласса ваа салал̣асса ваа жанд̣̇анасса ваа бад̣̇умагасса ваа уд̇д̇арааран̣им̣ аад̣̇ааяа аг̇г̇и абхиниб̣б̣ад̇д̇о, д̇зж̇о баад̇угад̇о, со зва ну кваасса аг̇г̇и ажжимаа жзва 16 ван̣н̣аваа 17 жа бабхассаро жа, д̇зна жа саггаа аг̇г̇инаа аг̇г̇игаран̣ийяам̣ гаад̇ум̣; яо бана со жан̣д̣аалагулаа нзсаад̣̇агулаа взнагулаа рат̇агаарагулаа буггусагулаа уббаннзхи саабаанад̣̇он̣ияаа ваа суугарад̣̇он̣ияаа ваа раж̇агад̣̇он̣ияаа ваа зран̣д̣агадтасса ваа уд̇д̇арааран̣им̣ аад̣̇ааяа аг̇г̇и абхиниб̣б̣ад̇д̇о, д̇зж̇о баад̇угад̇о сваасса аг̇г̇и на жзва ажжимаа на жа ван̣н̣аваа на жа бабхассаро, на жа д̇зна саггаа аг̇г̇инаа аг̇г̇игаран̣ийяам̣ гаад̇у’’нд̇и? ‘‘но хид̣̇ам̣, бхо г̇од̇ама! яоби хи со 18, бхо г̇од̇ама, кад̇д̇ияагулаа б̣раахман̣агулаа рааж̇ан̃н̃агулаа уббаннзхи саагасса ваа сааласса ваа салал̣асса ваа жанд̣̇анасса ваа бад̣̇умагасса ваа уд̇д̇арааран̣им̣ аад̣̇ааяа аг̇г̇и абхиниб̣б̣ад̇д̇о, д̇зж̇о баад̇угад̇о сваасса 19 аг̇г̇и ажжимаа жзва ван̣н̣аваа жа бабхассаро жа, д̇зна жа саггаа аг̇г̇инаа аг̇г̇игаран̣ийяам̣ гаад̇ум̣; яоби со жан̣д̣аалагулаа нзсаад̣̇агулаа взнагулаа рат̇агаарагулаа буггусагулаа уббаннзхи саабаанад̣̇он̣ияаа ваа суугарад̣̇он̣ияаа ваа раж̇агад̣̇он̣ияаа ваа зран̣д̣агадтасса ваа уд̇д̇арааран̣им̣ аад̣̇ааяа аг̇г̇и абхиниб̣б̣ад̇д̇о, д̇зж̇о баад̇угад̇о, сваасса аг̇г̇и ажжимаа жзва ван̣н̣аваа жа бабхассаро жа, д̇зна жа саггаа аг̇г̇инаа аг̇г̇игаран̣ийяам̣ гаад̇ум̣. саб̣б̣оби хи, бхо г̇од̇ама, аг̇г̇и ажжимаа жзва ван̣н̣аваа жа бабхассаро жа, саб̣б̣знаби саггаа аг̇г̇инаа аг̇г̇игаран̣ийяам̣ гаад̇у’’нд̇и. ‘‘зд̇т̇а, ассалааяана, б̣раахман̣аанам̣ гим̣ б̣алам̣, го ассаасо яад̣̇зд̇т̇а б̣раахман̣аа звамаахам̣су – ‘б̣раахман̣ова сздто ван̣н̣о, хийно ан̃н̃о ван̣н̣о; б̣раахман̣ова сугго ван̣н̣о, ган̣хо ан̃н̃о ван̣н̣о; б̣раахман̣аава суж̇жханд̇и, но аб̣раахман̣аа; б̣раахман̣аава б̣рахмуно буд̇д̇аа орасаа мукад̇о ж̇аад̇аа б̣рахмаж̇аа б̣рахманиммид̇аа б̣рахмад̣̇ааяаад̣̇аа’’’д̇и? ‘‘гин̃жааби бхавам̣ г̇од̇амо звамааха, ат̇а квзд̇т̇а б̣раахман̣аа звамзд̇ам̣ ман̃н̃анд̇и – ‘б̣раахман̣ова сздто ван̣н̣о, хийно ан̃н̃о ван̣н̣о…бз… б̣рахмад̣̇ааяаад̣̇аа’’’д̇и.
‘‘Taṃ kiṃ maññasi, assalāyana, yo evaṃ nu kho so 20 khattiyakulā brāhmaṇakulā rājaññakulā uppannehi sākassa vā sālassa vā salaḷassa vā candanassa vā padumakassa vā uttarāraṇiṃ ādāya aggi abhinibbatto, tejo pātukato, so eva nu khvāssa aggi accimā ceva 21 vaṇṇavā 22 ca pabhassaro ca, tena ca sakkā agginā aggikaraṇīyaṃ kātuṃ; yo pana so caṇḍālakulā nesādakulā venakulā rathakārakulā pukkusakulā uppannehi sāpānadoṇiyā vā sūkaradoṇiyā vā rajakadoṇiyā vā eraṇḍakaṭṭhassa vā uttarāraṇiṃ ādāya aggi abhinibbatto, tejo pātukato svāssa aggi na ceva accimā na ca vaṇṇavā na ca pabhassaro, na ca tena sakkā agginā aggikaraṇīyaṃ kātu’’nti? ‘‘No hidaṃ, bho gotama! Yopi hi so 23, bho gotama, khattiyakulā brāhmaṇakulā rājaññakulā uppannehi sākassa vā sālassa vā salaḷassa vā candanassa vā padumakassa vā uttarāraṇiṃ ādāya aggi abhinibbatto, tejo pātukato svāssa 24 aggi accimā ceva vaṇṇavā ca pabhassaro ca, tena ca sakkā agginā aggikaraṇīyaṃ kātuṃ; yopi so caṇḍālakulā nesādakulā venakulā rathakārakulā pukkusakulā uppannehi sāpānadoṇiyā vā sūkaradoṇiyā vā rajakadoṇiyā vā eraṇḍakaṭṭhassa vā uttarāraṇiṃ ādāya aggi abhinibbatto, tejo pātukato, svāssa aggi accimā ceva vaṇṇavā ca pabhassaro ca, tena ca sakkā agginā aggikaraṇīyaṃ kātuṃ. Sabbopi hi, bho gotama, aggi accimā ceva vaṇṇavā ca pabhassaro ca, sabbenapi sakkā agginā aggikaraṇīyaṃ kātu’’nti. ‘‘Ettha, assalāyana, brāhmaṇānaṃ kiṃ balaṃ, ko assāso yadettha brāhmaṇā evamāhaṃsu – ‘brāhmaṇova seṭṭho vaṇṇo, hīno añño vaṇṇo; brāhmaṇova sukko vaṇṇo, kaṇho añño vaṇṇo; brāhmaṇāva sujjhanti, no abrāhmaṇā; brāhmaṇāva brahmuno puttā orasā mukhato jātā brahmajā brahmanimmitā brahmadāyādā’’’ti? ‘‘Kiñcāpi bhavaṃ gotamo evamāha, atha khvettha brāhmaṇā evametaṃ maññanti – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
409. ‘‘д̇ам̣ гим̣ ман̃н̃аси, ассалааяана, ид̇ха кад̇д̇ияагумааро б̣раахман̣аган̃н̃ааяа сад̣̇д̇хим̣ сам̣ваасам̣ габбзяяа, д̇зсам̣ сам̣ваасаманвааяа буд̇д̇о ж̇ааязт̇а; яо со кад̇д̇ияагумаарзна б̣раахман̣аган̃н̃ааяа буд̇д̇о уббанно, сияаа со маад̇уби сад̣̇исо бид̇уби сад̣̇исо, ‘кад̇д̇ияо’д̇иби вад̇д̇аб̣б̣о ‘б̣раахман̣о’д̇иби вад̇д̇аб̣б̣о’’д̇и? ‘‘яо со, бхо г̇од̇ама, кад̇д̇ияагумаарзна б̣раахман̣аган̃н̃ааяа буд̇д̇о уббанно, сияаа со маад̇уби сад̣̇исо бид̇уби сад̣̇исо, ‘кад̇д̇ияо’д̇иби вад̇д̇аб̣б̣о ‘б̣раахман̣о’д̇иби вад̇д̇аб̣б̣о’’д̇и.
409. ‘‘Taṃ kiṃ maññasi, assalāyana, idha khattiyakumāro brāhmaṇakaññāya saddhiṃ saṃvāsaṃ kappeyya, tesaṃ saṃvāsamanvāya putto jāyetha; yo so khattiyakumārena brāhmaṇakaññāya putto uppanno, siyā so mātupi sadiso pitupi sadiso, ‘khattiyo’tipi vattabbo ‘brāhmaṇo’tipi vattabbo’’ti? ‘‘Yo so, bho gotama, khattiyakumārena brāhmaṇakaññāya putto uppanno, siyā so mātupi sadiso pitupi sadiso, ‘khattiyo’tipi vattabbo ‘brāhmaṇo’tipi vattabbo’’ti.
‘‘д̇ам̣ гим̣ ман̃н̃аси, ассалааяана, ид̇ха б̣раахман̣агумааро кад̇д̇ияаган̃н̃ааяа сад̣̇д̇хим̣ сам̣ваасам̣ габбзяяа, д̇зсам̣ сам̣ваасаманвааяа буд̇д̇о ж̇ааязт̇а; яо со б̣раахман̣агумаарзна кад̇д̇ияаган̃н̃ааяа буд̇д̇о уббанно, сияаа со маад̇уби сад̣̇исо бид̇уби сад̣̇исо, ‘кад̇д̇ияо’д̇иби вад̇д̇аб̣б̣о ‘б̣раахман̣о’д̇иби вад̇д̇аб̣б̣о’’д̇и? ‘‘яо со, бхо г̇од̇ама, б̣раахман̣агумаарзна кад̇д̇ияаган̃н̃ааяа буд̇д̇о уббанно, сияаа со маад̇уби сад̣̇исо бид̇уби сад̣̇исо, ‘кад̇д̇ияо’д̇иби вад̇д̇аб̣б̣о ‘б̣раахман̣о’д̇иби вад̇д̇аб̣б̣о’’д̇и.
‘‘Taṃ kiṃ maññasi, assalāyana, idha brāhmaṇakumāro khattiyakaññāya saddhiṃ saṃvāsaṃ kappeyya, tesaṃ saṃvāsamanvāya putto jāyetha; yo so brāhmaṇakumārena khattiyakaññāya putto uppanno, siyā so mātupi sadiso pitupi sadiso, ‘khattiyo’tipi vattabbo ‘brāhmaṇo’tipi vattabbo’’ti? ‘‘Yo so, bho gotama, brāhmaṇakumārena khattiyakaññāya putto uppanno, siyā so mātupi sadiso pitupi sadiso, ‘khattiyo’tipi vattabbo ‘brāhmaṇo’tipi vattabbo’’ti.
‘‘д̇ам̣ гим̣ ман̃н̃аси, ассалааяана ид̇ха вал̣авам̣ г̇ад̣̇рабхзна самбаяож̇зяяум̣ 25, д̇зсам̣ самбаяог̇аманвааяа гисоро ж̇ааязт̇а; яо со вал̣авааяа г̇ад̣̇рабхзна гисоро уббанно, сияаа со маад̇уби сад̣̇исо бид̇уби сад̣̇исо, ‘ассо’д̇иби вад̇д̇аб̣б̣о ‘г̇ад̣̇рабхо’д̇иби вад̇д̇аб̣б̣о’’д̇и? ‘‘гун̣д̣ан̃хи со 26, бхо г̇од̇ама, ассад̇аро ход̇и. ид̣̇ам̣ хисса , бхо г̇од̇ама, наанаагаран̣ам̣ бассаами; амуд̇ра жа банзсаанам̣ на гин̃жи наанаагаран̣ам̣ бассаамий’’д̇и.
‘‘Taṃ kiṃ maññasi, assalāyana idha vaḷavaṃ gadrabhena sampayojeyyuṃ 27, tesaṃ sampayogamanvāya kisoro jāyetha; yo so vaḷavāya gadrabhena kisoro uppanno, siyā so mātupi sadiso pitupi sadiso, ‘asso’tipi vattabbo ‘gadrabho’tipi vattabbo’’ti? ‘‘Kuṇḍañhi so 28, bho gotama, assataro hoti. Idaṃ hissa , bho gotama, nānākaraṇaṃ passāmi; amutra ca panesānaṃ na kiñci nānākaraṇaṃ passāmī’’ti.
‘‘д̇ам̣ гим̣ ман̃н̃аси, ассалааяана, ид̇хаассу д̣̇вз маан̣авагаа бхаад̇аро сауд̣̇арияаа, зго аж̇жхааяаго убанийд̇о зго анаж̇жхааяаго анубанийд̇о. гамзд̇т̇а б̣раахман̣аа батамам̣ бхож̇зяяум̣ сад̣̇д̇хз ваа т̇аалибаагз ваа яан̃н̃з ваа баахунз ваа’’д̇и? ‘‘яо со, бхо г̇од̇ама, маан̣аваго аж̇жхааяаго убанийд̇о д̇амзд̇т̇а б̣раахман̣аа батамам̣ бхож̇зяяум̣ сад̣̇д̇хз ваа т̇аалибаагз ваа яан̃н̃з ваа баахунз ваа. гин̃хи, бхо г̇од̇ама, анаж̇жхааяагз анубанийд̇з д̣̇иннам̣ махабпалам̣ бхависсад̇ий’’д̇и?
‘‘Taṃ kiṃ maññasi, assalāyana, idhāssu dve māṇavakā bhātaro saudariyā, eko ajjhāyako upanīto eko anajjhāyako anupanīto. Kamettha brāhmaṇā paṭhamaṃ bhojeyyuṃ saddhe vā thālipāke vā yaññe vā pāhune vā’’ti? ‘‘Yo so, bho gotama, māṇavako ajjhāyako upanīto tamettha brāhmaṇā paṭhamaṃ bhojeyyuṃ saddhe vā thālipāke vā yaññe vā pāhune vā. Kiñhi, bho gotama, anajjhāyake anupanīte dinnaṃ mahapphalaṃ bhavissatī’’ti?
‘‘д̇ам̣ гим̣ ман̃н̃аси, ассалааяана, ид̇хаассу д̣̇вз маан̣авагаа бхаад̇аро сауд̣̇арияаа, зго аж̇жхааяаго убанийд̇о д̣̇уссийло баабад̇хаммо, зго анаж̇жхааяаго анубанийд̇о сийлаваа галяаан̣ад̇хаммо. гамзд̇т̇а б̣раахман̣аа батамам̣ бхож̇зяяум̣ сад̣̇д̇хз ваа т̇аалибаагз ваа яан̃н̃з ваа баахунз ваа’’д̇и? ‘‘яо со, бхо г̇од̇ама, маан̣аваго анаж̇жхааяаго анубанийд̇о сийлаваа галяаан̣ад̇хаммо д̇амзд̇т̇а б̣раахман̣аа батамам̣ бхож̇зяяум̣ сад̣̇д̇хз ваа т̇аалибаагз ваа яан̃н̃з ваа баахунз ваа. гин̃хи, бхо г̇од̇ама, д̣̇уссийлз баабад̇хаммз д̣̇иннам̣ махабпалам̣ бхависсад̇ий’’д̇и?
‘‘Taṃ kiṃ maññasi, assalāyana, idhāssu dve māṇavakā bhātaro saudariyā, eko ajjhāyako upanīto dussīlo pāpadhammo, eko anajjhāyako anupanīto sīlavā kalyāṇadhammo. Kamettha brāhmaṇā paṭhamaṃ bhojeyyuṃ saddhe vā thālipāke vā yaññe vā pāhune vā’’ti? ‘‘Yo so, bho gotama, māṇavako anajjhāyako anupanīto sīlavā kalyāṇadhammo tamettha brāhmaṇā paṭhamaṃ bhojeyyuṃ saddhe vā thālipāke vā yaññe vā pāhune vā. Kiñhi, bho gotama, dussīle pāpadhamme dinnaṃ mahapphalaṃ bhavissatī’’ti?
‘‘буб̣б̣з ко д̇вам̣, ассалааяана, ж̇аад̇им̣ аг̇амааси; ж̇аад̇им̣ г̇анд̇ваа манд̇з аг̇амааси; манд̇з г̇анд̇ваа д̇абз аг̇амааси; д̇абз г̇анд̇ваа 29 жаад̇уван̣н̣им̣ суд̣̇д̇хим̣ бажжааг̇ад̇о, яамахам̣ бан̃н̃абзмий’’д̇и. звам̣ вуд̇д̇з, ассалааяано маан̣аво д̇ун̣хийбхууд̇о ман̇губхууд̇о бад̇д̇агканд̇хо ад̇хомуко баж̇жхааяанд̇о аббадибхаано нисийд̣̇и.
‘‘Pubbe kho tvaṃ, assalāyana, jātiṃ agamāsi; jātiṃ gantvā mante agamāsi; mante gantvā tape agamāsi; tape gantvā 30 cātuvaṇṇiṃ suddhiṃ paccāgato, yamahaṃ paññapemī’’ti. Evaṃ vutte, assalāyano māṇavo tuṇhībhūto maṅkubhūto pattakkhandho adhomukho pajjhāyanto appaṭibhāno nisīdi.
410. ат̇а ко бхаг̇аваа ассалааяанам̣ маан̣авам̣ д̇ун̣хийбхууд̇ам̣ ман̇губхууд̇ам̣ бад̇д̇агканд̇хам̣ ад̇хомукам̣ баж̇жхааяанд̇ам̣ аббадибхаанам̣ вид̣̇ид̇ваа ассалааяанам̣ маан̣авам̣ зд̇ад̣̇авожа – ‘‘бхууд̇абуб̣б̣ам̣, ассалааяана, сад̇д̇аннам̣ б̣раахман̣исийнам̣ аран̃н̃ааяад̇анз бан̣н̣агудийсу самманд̇аанам̣ 31 зваруубам̣ баабагам̣ д̣̇идтиг̇ад̇ам̣ уббаннам̣ ход̇и – ‘б̣раахман̣ова сздто ван̣н̣о, хийно ан̃н̃о ван̣н̣о…бз… б̣рахмад̣̇ааяаад̣̇аа’д̇и. ассоси ко , ассалааяана, асид̇о д̣̇звало иси – ‘сад̇д̇аннам̣ гира б̣раахман̣исийнам̣ аран̃н̃ааяад̇анз бан̣н̣агудийсу самманд̇аанам̣ зваруубам̣ баабагам̣ д̣̇идтиг̇ад̇ам̣ уббаннам̣ – б̣раахман̣ова сздто ван̣н̣о…бз… б̣рахмад̣̇ааяаад̣̇аа’д̇и. ат̇а ко, ассалааяана, асид̇о д̣̇звало иси гзсамассум̣ габбзд̇ваа ман̃ж̇идтаван̣н̣аани д̣̇уссаани ниваасзд̇ваа бадалияо 32 убааханаа аарухид̇ваа ж̇аад̇аруубамаяам̣ д̣̇ан̣д̣ам̣ г̇ахзд̇ваа сад̇д̇аннам̣ б̣раахман̣исийнам̣ бад̇т̇ан̣д̣илз баад̇урахоси. ат̇а ко, ассалааяана, асид̇о д̣̇звало иси сад̇д̇аннам̣ б̣раахман̣исийнам̣ бад̇т̇ан̣д̣илз жан̇гамамаано звамааха – ‘ханд̣̇а, го ну ко имз бхаванд̇о б̣раахман̣исаяо г̇ад̇аа 33; ханд̣̇а, го ну ко имз бхаванд̇о б̣раахман̣исаяо г̇ад̇аа’д̇и? ат̇а ко, ассалааяана, сад̇д̇аннам̣ б̣раахман̣исийнам̣ зд̇ад̣̇ахоси – ‘го нааяам̣ г̇ааман̣д̣аларуубо вияа сад̇д̇аннам̣ б̣раахман̣исийнам̣ бад̇т̇ан̣д̣илз жан̇гамамаано звамааха – ‘ханд̣̇а, го ну ко имз бхаванд̇о б̣раахман̣исаяо г̇ад̇аа; ханд̣̇а, го ну ко имз бхаванд̇о б̣раахман̣исаяо г̇ад̇аад̇и? ханд̣̇а, нам̣ абхисабаамаа’д̇и. ат̇а ко, ассалааяана, сад̇д̇а б̣раахман̣исаяо асид̇ам̣ д̣̇звалам̣ исим̣ абхисабим̣су – ‘бхасмаа, васала 34, хохи; бхасмаа, васала, хохий’д̇и 35. яат̇аа яат̇аа ко, ассалааяана, сад̇д̇а б̣раахман̣исаяо асид̇ам̣ д̣̇звалам̣ исим̣ абхисабим̣су д̇ат̇аа д̇ат̇аа асид̇о д̣̇звало иси абхируубад̇аро жзва ход̇и д̣̇ассанийяад̇аро жа баасаад̣̇игад̇аро жа. ат̇а ко, ассалааяана, сад̇д̇аннам̣ б̣раахман̣исийнам̣ зд̇ад̣̇ахоси – ‘могхам̣ вад̇а но д̇або, апалам̣ б̣рахмажарияам̣. маяан̃хи буб̣б̣з яам̣ абхисабаама – бхасмаа, васала, хохи; бхасмаа, васала, хохийд̇и бхасмаава бхавад̇и згажжо. имам̣ бана маяам̣ яат̇аа яат̇аа абхисабаама д̇ат̇аа д̇ат̇аа абхируубад̇аро жзва ход̇и д̣̇ассанийяад̇аро жа баасаад̣̇игад̇аро жаа’д̇и. ‘на бхаванд̇аанам̣ могхам̣ д̇або, наапалам̣ б̣рахмажарияам̣. ин̇гха бхаванд̇о, яо маяи манобад̣̇осо д̇ам̣ баж̇ахат̇аа’д̇и. ‘яо бхавад̇и манобад̣̇осо д̇ам̣ баж̇ахаама. го ну бхавам̣ ход̇ий’д̇и? ‘суд̇о ну бхавад̇ам̣ – асид̇о д̣̇звало исий’д̇и? ‘звам̣, бхо’. ‘со кваахам̣, бхо, хомий’д̇и. ат̇а ко, ассалааяана, сад̇д̇а б̣раахман̣исаяо асид̇ам̣ д̣̇звалам̣ исим̣ абхиваад̣̇зд̇ум̣ убаггамим̣су.
410. Atha kho bhagavā assalāyanaṃ māṇavaṃ tuṇhībhūtaṃ maṅkubhūtaṃ pattakkhandhaṃ adhomukhaṃ pajjhāyantaṃ appaṭibhānaṃ viditvā assalāyanaṃ māṇavaṃ etadavoca – ‘‘bhūtapubbaṃ, assalāyana, sattannaṃ brāhmaṇisīnaṃ araññāyatane paṇṇakuṭīsu sammantānaṃ 36 evarūpaṃ pāpakaṃ diṭṭhigataṃ uppannaṃ hoti – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’ti. Assosi kho , assalāyana, asito devalo isi – ‘sattannaṃ kira brāhmaṇisīnaṃ araññāyatane paṇṇakuṭīsu sammantānaṃ evarūpaṃ pāpakaṃ diṭṭhigataṃ uppannaṃ – brāhmaṇova seṭṭho vaṇṇo…pe… brahmadāyādā’ti. Atha kho, assalāyana, asito devalo isi kesamassuṃ kappetvā mañjiṭṭhavaṇṇāni dussāni nivāsetvā paṭaliyo 37 upāhanā āruhitvā jātarūpamayaṃ daṇḍaṃ gahetvā sattannaṃ brāhmaṇisīnaṃ patthaṇḍile pāturahosi. Atha kho, assalāyana, asito devalo isi sattannaṃ brāhmaṇisīnaṃ patthaṇḍile caṅkamamāno evamāha – ‘handa, ko nu kho ime bhavanto brāhmaṇisayo gatā 38; handa, ko nu kho ime bhavanto brāhmaṇisayo gatā’ti? Atha kho, assalāyana, sattannaṃ brāhmaṇisīnaṃ etadahosi – ‘ko nāyaṃ gāmaṇḍalarūpo viya sattannaṃ brāhmaṇisīnaṃ patthaṇḍile caṅkamamāno evamāha – ‘handa, ko nu kho ime bhavanto brāhmaṇisayo gatā; handa, ko nu kho ime bhavanto brāhmaṇisayo gatāti? Handa, naṃ abhisapāmā’ti. Atha kho, assalāyana, satta brāhmaṇisayo asitaṃ devalaṃ isiṃ abhisapiṃsu – ‘bhasmā, vasala 39, hohi; bhasmā, vasala, hohī’ti 40. Yathā yathā kho, assalāyana, satta brāhmaṇisayo asitaṃ devalaṃ isiṃ abhisapiṃsu tathā tathā asito devalo isi abhirūpataro ceva hoti dassanīyataro ca pāsādikataro ca. Atha kho, assalāyana, sattannaṃ brāhmaṇisīnaṃ etadahosi – ‘moghaṃ vata no tapo, aphalaṃ brahmacariyaṃ. Mayañhi pubbe yaṃ abhisapāma – bhasmā, vasala, hohi; bhasmā, vasala, hohīti bhasmāva bhavati ekacco. Imaṃ pana mayaṃ yathā yathā abhisapāma tathā tathā abhirūpataro ceva hoti dassanīyataro ca pāsādikataro cā’ti. ‘Na bhavantānaṃ moghaṃ tapo, nāphalaṃ brahmacariyaṃ. Iṅgha bhavanto, yo mayi manopadoso taṃ pajahathā’ti. ‘Yo bhavati manopadoso taṃ pajahāma. Ko nu bhavaṃ hotī’ti? ‘Suto nu bhavataṃ – asito devalo isī’ti? ‘Evaṃ, bho’. ‘So khvāhaṃ, bho, homī’ti. Atha kho, assalāyana, satta brāhmaṇisayo asitaṃ devalaṃ isiṃ abhivādetuṃ upakkamiṃsu.
411. ‘‘ат̇а ко, ассалааяана, асид̇о д̣̇звало иси сад̇д̇а б̣раахман̣исаяо зд̇ад̣̇авожа – ‘суд̇ам̣ мзд̇ам̣, бхо, сад̇д̇аннам̣ гира б̣раахман̣исийнам̣ аран̃н̃ааяад̇анз бан̣н̣агудийсу самманд̇аанам̣ зваруубам̣ баабагам̣ д̣̇идтиг̇ад̇ам̣ уббаннам̣ – б̣раахман̣ова сздто ван̣н̣о, хийно ан̃н̃о ван̣н̣о; б̣раахман̣ова сугго ван̣н̣о , ган̣хо ан̃н̃о ван̣н̣о; б̣раахман̣аава суж̇жханд̇и, но аб̣раахман̣аа; б̣раахман̣аава б̣рахмуно буд̇д̇аа орасаа мукад̇о ж̇аад̇аа б̣рахмаж̇аа б̣рахманиммид̇аа б̣рахмад̣̇ааяаад̣̇аа’д̇и. ‘звам̣, бхо’.
411. ‘‘Atha kho, assalāyana, asito devalo isi satta brāhmaṇisayo etadavoca – ‘sutaṃ metaṃ, bho, sattannaṃ kira brāhmaṇisīnaṃ araññāyatane paṇṇakuṭīsu sammantānaṃ evarūpaṃ pāpakaṃ diṭṭhigataṃ uppannaṃ – brāhmaṇova seṭṭho vaṇṇo, hīno añño vaṇṇo; brāhmaṇova sukko vaṇṇo , kaṇho añño vaṇṇo; brāhmaṇāva sujjhanti, no abrāhmaṇā; brāhmaṇāva brahmuno puttā orasā mukhato jātā brahmajā brahmanimmitā brahmadāyādā’ti. ‘Evaṃ, bho’.
‘‘‘ж̇аананд̇и бана бхонд̇о – яаа ж̇анигаа маад̇аа 41 б̣раахман̣ам̣язва аг̇амааси, но аб̣раахман̣а’нд̇и? ‘но хид̣̇ам̣, бхо’.
‘‘‘Jānanti pana bhonto – yā janikā mātā 42 brāhmaṇaṃyeva agamāsi, no abrāhmaṇa’nti? ‘No hidaṃ, bho’.
‘‘‘ж̇аананд̇и бана бхонд̇о – яаа ж̇анигаамаад̇у 43 маад̇аа яаава сад̇д̇амаа маад̇умаад̇аамахаяуг̇аа б̣раахман̣ам̣язва аг̇амааси, но аб̣раахман̣а’нд̇и? ‘но хид̣̇ам̣, бхо’.
‘‘‘Jānanti pana bhonto – yā janikāmātu 44 mātā yāva sattamā mātumātāmahayugā brāhmaṇaṃyeva agamāsi, no abrāhmaṇa’nti? ‘No hidaṃ, bho’.
‘‘‘ж̇аананд̇и бана бхонд̇о – яо ж̇анаго бид̇аа 45 б̣раахман̣им̣язва аг̇амааси, но аб̣раахман̣и’нд̇и? ‘но хид̣̇ам̣, бхо’.
‘‘‘Jānanti pana bhonto – yo janako pitā 46 brāhmaṇiṃyeva agamāsi, no abrāhmaṇi’nti? ‘No hidaṃ, bho’.
‘‘‘ж̇аананд̇и бана бхонд̇о – яо ж̇анагабид̇у 47 бид̇аа яаава сад̇д̇амаа бид̇убид̇аамахаяуг̇аа б̣раахман̣им̣язва аг̇амааси, но аб̣раахман̣и’нд̇и? ‘но хид̣̇ам̣, бхо’.
‘‘‘Jānanti pana bhonto – yo janakapitu 48 pitā yāva sattamā pitupitāmahayugā brāhmaṇiṃyeva agamāsi, no abrāhmaṇi’nti? ‘No hidaṃ, bho’.
‘‘‘ж̇аананд̇и бана бхонд̇о – яат̇аа г̇аб̣бхасса авагганд̇и ход̇ий’д̇и 49? ‘ж̇аанаама маяам̣, бхо – яат̇аа г̇аб̣бхасса авагганд̇и ход̇и 50. ид̇ха маад̇аабид̇аро жа саннибад̇ид̇аа хонд̇и, маад̇аа жа уд̇уний ход̇и, г̇анд̇хаб̣б̣о жа бажжубадтид̇о ход̇и; звам̣ д̇ин̣н̣ам̣ саннибаад̇аа г̇аб̣бхасса авагганд̇и ход̇ий’д̇и.
‘‘‘ж̇аананд̇и бана бхонд̇о – д̇аг̇гха 53, со г̇анд̇хаб̣б̣о кад̇д̇ияо ваа б̣раахман̣о ваа взссо ваа суд̣̇д̣̇о ваа’д̇и? ‘на маяам̣, бхо, ж̇аанаама – д̇аг̇гха со г̇анд̇хаб̣б̣о кад̇д̇ияо ваа б̣раахман̣о ваа взссо ваа суд̣̇д̣̇о ваа’д̇и. ‘звам̣ санд̇з, бхо, ж̇аанаат̇а – гз д̇умхз хот̇аа’д̇и? ‘звам̣ санд̇з, бхо , на маяам̣ ж̇аанаама – гз маяам̣ хомаа’д̇и. д̇з хи наама, ассалааяана, сад̇д̇а б̣раахман̣исаяо асид̇зна д̣̇звалзна исинаа сагз ж̇аад̇иваад̣̇з самануяун̃ж̇ийяамаанаа самануг̇г̇аахийяамаанаа саманубхаасийяамаанаа на самбааяиссанд̇и; гим̣ бана д̇вам̣ зд̇арахи маяаа сагасмим̣ ж̇аад̇иваад̣̇з самануяун̃ж̇ийяамаано самануг̇г̇аахийяамаано саманубхаасийяамаано самбааяиссаси, язсам̣ д̇вам̣ саажарияаго на бун̣н̣о д̣̇аб̣б̣иг̇аахо’’д̇и.
‘‘‘Jānanti pana bhonto – taggha 54, so gandhabbo khattiyo vā brāhmaṇo vā vesso vā suddo vā’ti? ‘Na mayaṃ, bho, jānāma – taggha so gandhabbo khattiyo vā brāhmaṇo vā vesso vā suddo vā’ti. ‘Evaṃ sante, bho, jānātha – ke tumhe hothā’ti? ‘Evaṃ sante, bho , na mayaṃ jānāma – ke mayaṃ homā’ti. Te hi nāma, assalāyana, satta brāhmaṇisayo asitena devalena isinā sake jātivāde samanuyuñjīyamānā samanuggāhīyamānā samanubhāsīyamānā na sampāyissanti; kiṃ pana tvaṃ etarahi mayā sakasmiṃ jātivāde samanuyuñjīyamāno samanuggāhīyamāno samanubhāsīyamāno sampāyissasi, yesaṃ tvaṃ sācariyako na puṇṇo dabbigāho’’ti.
звам̣ вуд̇д̇з, ассалааяано маан̣аво бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
Evaṃ vutte, assalāyano māṇavo bhagavantaṃ etadavoca – ‘‘abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
ассалааяанасуд̇д̇ам̣ нидтид̇ам̣ д̇ад̇ияам̣.
Assalāyanasuttaṃ niṭṭhitaṃ tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 3. ассалааяанасуд̇д̇аван̣н̣анаа • 3. Assalāyanasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 3. ассалааяанасуд̇д̇аван̣н̣анаа • 3. Assalāyanasuttavaṇṇanā
