| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ • Majjhimanikāya |
੩. ਅਸ੍ਸਲਾਯਨਸੁਤ੍ਤਂ
3. Assalāyanasuttaṃ
੪੦੧. ਏવਂ ਮੇ ਸੁਤਂ – ਏਕਂ ਸਮਯਂ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਨਾਨਾવੇਰਜ੍ਜਕਾਨਂ ਬ੍ਰਾਹ੍ਮਣਾਨਂ ਪਞ੍ਚਮਤ੍ਤਾਨਿ ਬ੍ਰਾਹ੍ਮਣਸਤਾਨਿ ਸਾવਤ੍ਥਿਯਂ ਪਟਿવਸਨ੍ਤਿ ਕੇਨਚਿਦੇવ ਕਰਣੀਯੇਨ। ਅਥ ਖੋ ਤੇਸਂ ਬ੍ਰਾਹ੍ਮਣਾਨਂ ਏਤਦਹੋਸਿ – ‘‘ਅਯਂ ਖੋ ਸਮਣੋ ਗੋਤਮੋ ਚਾਤੁવਣ੍ਣਿਂ ਸੁਦ੍ਧਿਂ ਪਞ੍ਞਪੇਤਿ। ਕੋ ਨੁ ਖੋ ਪਹੋਤਿ ਸਮਣੇਨ ਗੋਤਮੇਨ ਸਦ੍ਧਿਂ ਅਸ੍ਮਿਂ વਚਨੇ ਪਟਿਮਨ੍ਤੇਤੁ’’ਨ੍ਤਿ? ਤੇਨ ਖੋ ਪਨ ਸਮਯੇਨ ਅਸ੍ਸਲਾਯਨੋ ਨਾਮ ਮਾਣવੋ ਸਾવਤ੍ਥਿਯਂ ਪਟਿવਸਤਿ ਦਹਰੋ, વੁਤ੍ਤਸਿਰੋ, ਸੋਲ਼ਸવਸ੍ਸੁਦ੍ਦੇਸਿਕੋ ਜਾਤਿਯਾ, ਤਿਣ੍ਣਂ વੇਦਾਨਂ ਪਾਰਗੂ ਸਨਿਘਣ੍ਡੁਕੇਟੁਭਾਨਂ ਸਾਕ੍ਖਰਪ੍ਪਭੇਦਾਨਂ ਇਤਿਹਾਸਪਞ੍ਚਮਾਨਂ, ਪਦਕੋ, વੇਯ੍ਯਾਕਰਣੋ, ਲੋਕਾਯਤਮਹਾਪੁਰਿਸਲਕ੍ਖਣੇਸੁ ਅਨવਯੋ। ਅਥ ਖੋ ਤੇਸਂ ਬ੍ਰਾਹ੍ਮਣਾਨਂ ਏਤਦਹੋਸਿ – ‘‘ਅਯਂ ਖੋ ਅਸ੍ਸਲਾਯਨੋ ਮਾਣવੋ ਸਾવਤ੍ਥਿਯਂ ਪਟਿવਸਤਿ ਦਹਰੋ, વੁਤ੍ਤਸਿਰੋ, ਸੋਲ਼ਸવਸ੍ਸੁਦ੍ਦੇਸਿਕੋ ਜਾਤਿਯਾ, ਤਿਣ੍ਣਂ વੇਦਾਨਂ ਪਾਰਗੂ…ਪੇ॰… ਅਨવਯੋ। ਸੋ ਖੋ ਪਹੋਤਿ ਸਮਣੇਨ ਗੋਤਮੇਨ ਸਦ੍ਧਿਂ ਅਸ੍ਮਿਂ વਚਨੇ ਪਟਿਮਨ੍ਤੇਤੁ’’ਨ੍ਤਿ।
401. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena nānāverajjakānaṃ brāhmaṇānaṃ pañcamattāni brāhmaṇasatāni sāvatthiyaṃ paṭivasanti kenacideva karaṇīyena. Atha kho tesaṃ brāhmaṇānaṃ etadahosi – ‘‘ayaṃ kho samaṇo gotamo cātuvaṇṇiṃ suddhiṃ paññapeti. Ko nu kho pahoti samaṇena gotamena saddhiṃ asmiṃ vacane paṭimantetu’’nti? Tena kho pana samayena assalāyano nāma māṇavo sāvatthiyaṃ paṭivasati daharo, vuttasiro, soḷasavassuddesiko jātiyā, tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ, padako, veyyākaraṇo, lokāyatamahāpurisalakkhaṇesu anavayo. Atha kho tesaṃ brāhmaṇānaṃ etadahosi – ‘‘ayaṃ kho assalāyano māṇavo sāvatthiyaṃ paṭivasati daharo, vuttasiro, soḷasavassuddesiko jātiyā, tiṇṇaṃ vedānaṃ pāragū…pe… anavayo. So kho pahoti samaṇena gotamena saddhiṃ asmiṃ vacane paṭimantetu’’nti.
ਅਥ ਖੋ ਤੇ ਬ੍ਰਾਹ੍ਮਣਾ ਯੇਨ ਅਸ੍ਸਲਾਯਨੋ ਮਾਣવੋ ਤੇਨੁਪਙ੍ਕਮਿਂਸੁ; ਉਪਸਙ੍ਕਮਿਤ੍વਾ ਅਸ੍ਸਲਾਯਨਂ ਮਾਣવਂ ਏਤਦવੋਚੁਂ – ‘‘ਅਯਂ, ਭੋ ਅਸ੍ਸਲਾਯਨ , ਸਮਣੋ ਗੋਤਮੋ ਚਾਤੁવਣ੍ਣਿਂ ਸੁਦ੍ਧਿਂ ਪਞ੍ਞਪੇਤਿ। ਏਤੁ ਭવਂ ਅਸ੍ਸਲਾਯਨੋ ਸਮਣੇਨ ਗੋਤਮੇਨ ਸਦ੍ਧਿਂ ਅਸ੍ਮਿਂ વਚਨੇ ਪਟਿਮਨ੍ਤੇਤੂ’’ਤਿ 1।
Atha kho te brāhmaṇā yena assalāyano māṇavo tenupaṅkamiṃsu; upasaṅkamitvā assalāyanaṃ māṇavaṃ etadavocuṃ – ‘‘ayaṃ, bho assalāyana , samaṇo gotamo cātuvaṇṇiṃ suddhiṃ paññapeti. Etu bhavaṃ assalāyano samaṇena gotamena saddhiṃ asmiṃ vacane paṭimantetū’’ti 2.
ਏવਂ વੁਤ੍ਤੇ, ਅਸ੍ਸਲਾਯਨੋ ਮਾਣવੋ ਤੇ ਬ੍ਰਾਹ੍ਮਣੇ ਏਤਦવੋਚ – ‘‘ਸਮਣੋ ਖਲੁ, ਭੋ, ਗੋਤਮੋ ਧਮ੍ਮવਾਦੀ; ਧਮ੍ਮવਾਦਿਨੋ ਚ ਪਨ ਦੁਪ੍ਪਟਿਮਨ੍ਤਿਯਾ ਭવਨ੍ਤਿ। ਨਾਹਂ ਸਕ੍ਕੋਮਿ ਸਮਣੇਨ ਗੋਤਮੇਨ ਸਦ੍ਧਿਂ ਅਸ੍ਮਿਂ વਚਨੇ ਪਟਿਮਨ੍ਤੇਤੁ’’ਨ੍ਤਿ। ਦੁਤਿਯਮ੍ਪਿ ਖੋ ਤੇ ਬ੍ਰਾਹ੍ਮਣਾ ਅਸ੍ਸਲਾਯਨਂ ਮਾਣવਂ ਏਤਦવੋਚੁਂ – ‘‘ਅਯਂ, ਭੋ ਅਸ੍ਸਲਾਯਨ, ਸਮਣੋ ਗੋਤਮੋ ਚਾਤੁવਣ੍ਣਿਂ ਸੁਦ੍ਧਿਂ ਪਞ੍ਞਪੇਤਿ। ਏਤੁ ਭવਂ ਅਸ੍ਸਲਾਯਨੋ ਸਮਣੇਨ ਗੋਤਮੇਨ ਸਦ੍ਧਿਂ ਅਸ੍ਮਿਂ વਚਨੇ ਪਟਿਮਨ੍ਤੇਤੁ 3। ਚਰਿਤਂ ਖੋ ਪਨ ਭੋਤਾ ਅਸ੍ਸਲਾਯਨੇਨ ਪਰਿਬ੍ਬਾਜਕ’’ਨ੍ਤਿ। ਦੁਤਿਯਮ੍ਪਿ ਖੋ ਅਸ੍ਸਲਾਯਨੋ ਮਾਣવੋ ਤੇ ਬ੍ਰਾਹ੍ਮਣੇ ਏਤਦવੋਚ – ‘‘ਸਮਣੋ ਖਲੁ, ਭੋ, ਗੋਤਮੋ ਧਮ੍ਮવਾਦੀ; ਧਮ੍ਮવਾਦਿਨੋ ਚ ਪਨ ਦੁਪ੍ਪਟਿਮਨ੍ਤਿਯਾ ਭવਨ੍ਤਿ । ਨਾਹਂ ਸਕ੍ਕੋਮਿ ਸਮਣੇਨ ਗੋਤਮੇਨ ਸਦ੍ਧਿਂ ਅਸ੍ਮਿਂ વਚਨੇ ਪਟਿਮਨ੍ਤੇਤੁ’’ਨ੍ਤਿ। ਤਤਿਯਮ੍ਪਿ ਖੋ ਤੇ ਬ੍ਰਾਹ੍ਮਣਾ ਅਸ੍ਸਲਾਯਨਂ ਮਾਣવਂ ਏਤਦવੋਚੁਂ – ‘‘ਅਯਂ, ਭੋ ਅਸ੍ਸਲਾਯਨ, ਸਮਣੋ ਗੋਤਮੋ ਚਾਤੁવਣ੍ਣਿਂ ਸੁਦ੍ਧਿਂ ਪਞ੍ਞਪੇਤਿ। ਏਤੁ ਭવਂ ਅਸ੍ਸਲਾਯਨੋ ਸਮਣੇਨ ਗੋਤਮੇਨ ਸਦ੍ਧਿਂ ਅਸ੍ਮਿਂ વਚਨੇ ਪਟਿਮਨ੍ਤੇਤੁ 4। ਚਰਿਤਂ ਖੋ ਪਨ ਭੋਤਾ ਅਸ੍ਸਲਾਯਨੇਨ ਪਰਿਬ੍ਬਾਜਕਂ। ਮਾ ਭવਂ ਅਸ੍ਸਲਾਯਨੋ ਅਯੁਦ੍ਧਪਰਾਜਿਤਂ ਪਰਾਜਯੀ’’ਤਿ।
Evaṃ vutte, assalāyano māṇavo te brāhmaṇe etadavoca – ‘‘samaṇo khalu, bho, gotamo dhammavādī; dhammavādino ca pana duppaṭimantiyā bhavanti. Nāhaṃ sakkomi samaṇena gotamena saddhiṃ asmiṃ vacane paṭimantetu’’nti. Dutiyampi kho te brāhmaṇā assalāyanaṃ māṇavaṃ etadavocuṃ – ‘‘ayaṃ, bho assalāyana, samaṇo gotamo cātuvaṇṇiṃ suddhiṃ paññapeti. Etu bhavaṃ assalāyano samaṇena gotamena saddhiṃ asmiṃ vacane paṭimantetu 5. Caritaṃ kho pana bhotā assalāyanena paribbājaka’’nti. Dutiyampi kho assalāyano māṇavo te brāhmaṇe etadavoca – ‘‘samaṇo khalu, bho, gotamo dhammavādī; dhammavādino ca pana duppaṭimantiyā bhavanti . Nāhaṃ sakkomi samaṇena gotamena saddhiṃ asmiṃ vacane paṭimantetu’’nti. Tatiyampi kho te brāhmaṇā assalāyanaṃ māṇavaṃ etadavocuṃ – ‘‘ayaṃ, bho assalāyana, samaṇo gotamo cātuvaṇṇiṃ suddhiṃ paññapeti. Etu bhavaṃ assalāyano samaṇena gotamena saddhiṃ asmiṃ vacane paṭimantetu 6. Caritaṃ kho pana bhotā assalāyanena paribbājakaṃ. Mā bhavaṃ assalāyano ayuddhaparājitaṃ parājayī’’ti.
ਏવਂ વੁਤ੍ਤੇ, ਅਸ੍ਸਲਾਯਨੋ ਮਾਣવੋ ਤੇ ਬ੍ਰਾਹ੍ਮਣੇ ਏਤਦવੋਚ – ‘‘ਅਦ੍ਧਾ ਖੋ ਅਹਂ ਭવਨ੍ਤੋ ਨ ਲਭਾਮਿ। ਸਮਣੋ ਖਲੁ, ਭੋ, ਗੋਤਮੋ ਧਮ੍ਮવਾਦੀ; ਧਮ੍ਮવਾਦਿਨੋ ਚ ਪਨ ਦੁਪ੍ਪਟਿਮਨ੍ਤਿਯਾ ਭવਨ੍ਤਿ। ਨਾਹਂ ਸਕ੍ਕੋਮਿ ਸਮਣੇਨ ਗੋਤਮੇਨ ਸਦ੍ਧਿਂ ਅਸ੍ਮਿਂ વਚਨੇ ਪਟਿਮਨ੍ਤੇਤੁਨ੍ਤਿ। ਅਪਿ ਚਾਹਂ ਭવਨ੍ਤਾਨਂ વਚਨੇਨ ਗਮਿਸ੍ਸਾਮੀ’’ਤਿ।
Evaṃ vutte, assalāyano māṇavo te brāhmaṇe etadavoca – ‘‘addhā kho ahaṃ bhavanto na labhāmi. Samaṇo khalu, bho, gotamo dhammavādī; dhammavādino ca pana duppaṭimantiyā bhavanti. Nāhaṃ sakkomi samaṇena gotamena saddhiṃ asmiṃ vacane paṭimantetunti. Api cāhaṃ bhavantānaṃ vacanena gamissāmī’’ti.
੪੦੨. ਅਥ ਖੋ ਅਸ੍ਸਲਾਯਨੋ ਮਾਣવੋ ਮਹਤਾ ਬ੍ਰਾਹ੍ਮਣਗਣੇਨ ਸਦ੍ਧਿਂ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਤਾ ਸਦ੍ਧਿਂ ਸਮ੍ਮੋਦਿ। ਸਮ੍ਮੋਦਨੀਯਂ ਕਥਂ ਸਾਰਣੀਯਂ વੀਤਿਸਾਰੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ ਅਸ੍ਸਲਾਯਨੋ ਮਾਣવੋ ਭਗવਨ੍ਤਂ ਏਤਦવੋਚ – ‘‘ਬ੍ਰਾਹ੍ਮਣਾ, ਭੋ ਗੋਤਮ, ਏવਮਾਹਂਸੁ – ‘ਬ੍ਰਾਹ੍ਮਣੋવ ਸੇਟ੍ਠੋ વਣ੍ਣੋ, ਹੀਨੋ ਅਞ੍ਞੋ વਣ੍ਣੋ; ਬ੍ਰਾਹ੍ਮਣੋવ ਸੁਕ੍ਕੋ વਣ੍ਣੋ, ਕਣ੍ਹੋ ਅਞ੍ਞੋ વਣ੍ਣੋ; ਬ੍ਰਾਹ੍ਮਣੋવ ਸੁਜ੍ਝਨ੍ਤਿ, ਨੋ ਅਬ੍ਰਾਹ੍ਮਣਾ; ਬ੍ਰਾਹ੍ਮਣਾવ ਬ੍ਰਹ੍ਮੁਨੋ ਪੁਤ੍ਤਾ ਓਰਸਾ ਮੁਖਤੋ ਜਾਤਾ ਬ੍ਰਹ੍ਮਜਾ ਬ੍ਰਹ੍ਮਨਿਮ੍ਮਿਤਾ ਬ੍ਰਹ੍ਮਦਾਯਾਦਾ’ਤਿ। ਇਧ ਭવਂ ਗੋਤਮੋ ਕਿਮਾਹਾ’’ਤਿ? ‘‘ਦਿਸ੍ਸਨ੍ਤਿ 7 ਖੋ ਪਨ, ਅਸ੍ਸਲਾਯਨ, ਬ੍ਰਾਹ੍ਮਣਾਨਂ ਬ੍ਰਾਹ੍ਮਣਿਯੋ ਉਤੁਨਿਯੋਪਿ ਗਬ੍ਭਿਨਿਯੋਪਿ વਿਜਾਯਮਾਨਾਪਿ ਪਾਯਮਾਨਾਪਿ। ਤੇ ਚ ਬ੍ਰਾਹ੍ਮਣਿਯੋਨਿਜਾવ ਸਮਾਨਾ ਏવਮਾਹਂਸੁ – ‘ਬ੍ਰਾਹ੍ਮਣੋવ ਸੇਟ੍ਠੋ વਣ੍ਣੋ, ਹੀਨੋ ਅਞ੍ਞੋ વਣ੍ਣੋ; ਬ੍ਰਾਹ੍ਮਣੋવ ਸੁਕ੍ਕੋ વਣ੍ਣੋ, ਕਣ੍ਹੋ ਅਞ੍ਞੋ વਣ੍ਣੋ; ਬ੍ਰਾਹ੍ਮਣਾવ ਸੁਜ੍ਝਨ੍ਤਿ, ਨੋ ਅਬ੍ਰਾਹ੍ਮਣਾ; ਬ੍ਰਾਹ੍ਮਣਾવ ਬ੍ਰਹ੍ਮੁਨੋ ਪੁਤ੍ਤਾ ਓਰਸਾ ਮੁਖਤੋ ਜਾਤਾ ਬ੍ਰਹ੍ਮਜਾ ਬ੍ਰਹ੍ਮਨਿਮ੍ਮਿਤਾ ਬ੍ਰਹ੍ਮਦਾਯਾਦਾ’’’ਤਿ। ‘‘ਕਿਞ੍ਚਾਪਿ ਭવਂ ਗੋਤਮੋ ਏવਮਾਹ, ਅਥ ਖ੍વੇਤ੍ਥ ਬ੍ਰਾਹ੍ਮਣਾ ਏવਮੇਤਂ ਮਞ੍ਞਨ੍ਤਿ – ‘ਬ੍ਰਾਹ੍ਮਣੋવ ਸੇਟ੍ਠੋ વਣ੍ਣੋ, ਹੀਨੋ ਅਞ੍ਞੋ વਣ੍ਣੋ…ਪੇ॰… ਬ੍ਰਹ੍ਮਦਾਯਾਦਾ’’’ਤਿ।
402. Atha kho assalāyano māṇavo mahatā brāhmaṇagaṇena saddhiṃ yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho assalāyano māṇavo bhagavantaṃ etadavoca – ‘‘brāhmaṇā, bho gotama, evamāhaṃsu – ‘brāhmaṇova seṭṭho vaṇṇo, hīno añño vaṇṇo; brāhmaṇova sukko vaṇṇo, kaṇho añño vaṇṇo; brāhmaṇova sujjhanti, no abrāhmaṇā; brāhmaṇāva brahmuno puttā orasā mukhato jātā brahmajā brahmanimmitā brahmadāyādā’ti. Idha bhavaṃ gotamo kimāhā’’ti? ‘‘Dissanti 8 kho pana, assalāyana, brāhmaṇānaṃ brāhmaṇiyo utuniyopi gabbhiniyopi vijāyamānāpi pāyamānāpi. Te ca brāhmaṇiyonijāva samānā evamāhaṃsu – ‘brāhmaṇova seṭṭho vaṇṇo, hīno añño vaṇṇo; brāhmaṇova sukko vaṇṇo, kaṇho añño vaṇṇo; brāhmaṇāva sujjhanti, no abrāhmaṇā; brāhmaṇāva brahmuno puttā orasā mukhato jātā brahmajā brahmanimmitā brahmadāyādā’’’ti. ‘‘Kiñcāpi bhavaṃ gotamo evamāha, atha khvettha brāhmaṇā evametaṃ maññanti – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
੪੦੩. ‘‘ਤਂ ਕਿਂ ਮਞ੍ਞਸਿ, ਅਸ੍ਸਲਾਯਨ, ਸੁਤਂ ਤੇ – ‘ਯੋਨਕਮ੍ਬੋਜੇਸੁ ਅਞ੍ਞੇਸੁ ਚ ਪਚ੍ਚਨ੍ਤਿਮੇਸੁ ਜਨਪਦੇਸੁ ਦ੍વੇવ વਣ੍ਣਾ – ਅਯ੍ਯੋ ਚੇવ ਦਾਸੋ ਚ; ਅਯ੍ਯੋ ਹੁਤ੍વਾ ਦਾਸੋ ਹੋਤਿ, ਦਾਸੋ ਹੁਤ੍વਾ ਅਯ੍ਯੋ ਹੋਤੀ’’’ਤਿ ? ‘‘ਏવਂ, ਭੋ, ਸੁਤਂ ਤਂ ਮੇ – ‘ਯੋਨਕਮ੍ਬੋਜੇਸੁ ਅਞ੍ਞੇਸੁ ਚ ਪਚ੍ਚਨ੍ਤਿਮੇਸੁ ਜਨਪਦੇਸੁ ਦ੍વੇવ વਣ੍ਣਾ – ਅਯ੍ਯੋ ਚੇવ ਦਾਸੋ ਚ; ਅਯ੍ਯੋ ਹੁਤ੍વਾ ਦਾਸੋ ਹੋਤਿ, ਦਾਸੋ ਹੁਤ੍વਾ ਅਯ੍ਯੋ ਹੋਤੀ’’’ਤਿ। ‘‘ਏਤ੍ਥ, ਅਸ੍ਸਲਾਯਨ, ਬ੍ਰਾਹ੍ਮਣਾਨਂ ਕਿਂ ਬਲਂ, ਕੋ ਅਸ੍ਸਾਸੋ ਯਦੇਤ੍ਥ ਬ੍ਰਾਹ੍ਮਣਾ ਏવਮਾਹਂਸੁ – ‘ਬ੍ਰਾਹ੍ਮਣੋવ ਸੇਟ੍ਠੋ વਣ੍ਣੋ, ਹੀਨੋ ਅਞ੍ਞੋ વਣ੍ਣੋ…ਪੇ॰… ਬ੍ਰਹ੍ਮਦਾਯਾਦਾ’’’ਤਿ? ‘‘ਕਿਞ੍ਚਾਪਿ ਭવਂ ਗੋਤਮੋ ਏવਮਾਹ, ਅਥ ਖ੍વੇਤ੍ਥ ਬ੍ਰਾਹ੍ਮਣਾ ਏવਮੇਤਂ ਮਞ੍ਞਨ੍ਤਿ – ‘ਬ੍ਰਾਹ੍ਮਣੋવ ਸੇਟ੍ਠੋ વਣ੍ਣੋ, ਹੀਨੋ ਅਞ੍ਞੋ વਣ੍ਣੋ…ਪੇ॰… ਬ੍ਰਹ੍ਮਦਾਯਾਦਾ’’’ਤਿ।
403. ‘‘Taṃ kiṃ maññasi, assalāyana, sutaṃ te – ‘yonakambojesu aññesu ca paccantimesu janapadesu dveva vaṇṇā – ayyo ceva dāso ca; ayyo hutvā dāso hoti, dāso hutvā ayyo hotī’’’ti ? ‘‘Evaṃ, bho, sutaṃ taṃ me – ‘yonakambojesu aññesu ca paccantimesu janapadesu dveva vaṇṇā – ayyo ceva dāso ca; ayyo hutvā dāso hoti, dāso hutvā ayyo hotī’’’ti. ‘‘Ettha, assalāyana, brāhmaṇānaṃ kiṃ balaṃ, ko assāso yadettha brāhmaṇā evamāhaṃsu – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti? ‘‘Kiñcāpi bhavaṃ gotamo evamāha, atha khvettha brāhmaṇā evametaṃ maññanti – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
੪੦੪. ‘‘ਤਂ ਕਿਂ ਮਞ੍ਞਸਿ, ਅਸ੍ਸਲਾਯਨ, ਖਤ੍ਤਿਯੋવ ਨੁ ਖੋ ਪਾਣਾਤਿਪਾਤੀ ਅਦਿਨ੍ਨਾਦਾਯੀ ਕਾਮੇਸੁਮਿਚ੍ਛਾਚਾਰੀ ਮੁਸਾવਾਦੀ ਪਿਸੁਣવਾਚੋ ਫਰੁਸવਾਚੋ ਸਮ੍ਫਪ੍ਪਲਾਪੀ ਅਭਿਜ੍ਝਾਲੁ ਬ੍ਯਾਪਨ੍ਨਚਿਤ੍ਤੋ ਮਿਚ੍ਛਾਦਿਟ੍ਠਿ ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ વਿਨਿਪਾਤਂ ਨਿਰਯਂ ਉਪਪਜ੍ਜੇਯ੍ਯ, ਨੋ ਬ੍ਰਾਹ੍ਮਣੋ? વੇਸ੍ਸੋવ ਨੁ ਖੋ…ਪੇ॰… ਸੁਦ੍ਦੋવ ਨੁ ਖੋ ਪਾਣਾਤਿਪਾਤੀ ਅਦਿਨ੍ਨਾਦਾਯੀ ਕਾਮੇਸੁਮਿਚ੍ਛਾਚਾਰੀ ਮੁਸਾવਾਦੀ ਪਿਸੁਣવਾਚੋ ਫਰੁਸવਾਚੋ ਸਮ੍ਫਪ੍ਪਲਾਪੀ ਅਭਿਜ੍ਝਾਲੁ ਬ੍ਯਾਪਨ੍ਨਚਿਤ੍ਤੋ ਮਿਚ੍ਛਾਦਿਟ੍ਠਿ ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ વਿਨਿਪਾਤਂ ਨਿਰਯਂ ਉਪਪਜ੍ਜੇਯ੍ਯ, ਨੋ ਬ੍ਰਾਹ੍ਮਣੋ’’ਤਿ? ‘‘ਨੋ ਹਿਦਂ, ਭੋ ਗੋਤਮ। ਖਤ੍ਤਿਯੋਪਿ ਹਿ, ਭੋ ਗੋਤਮ, ਪਾਣਾਤਿਪਾਤੀ ਅਦਿਨ੍ਨਾਦਾਯੀ ਕਾਮੇਸੁਮਿਚ੍ਛਾਚਾਰੀ ਮੁਸਾવਾਦੀ ਪਿਸੁਣવਾਚੋ ਫਰੁਸવਾਚੋ ਸਮ੍ਫਪ੍ਪਲਾਪੀ ਅਭਿਜ੍ਝਾਲੁ ਬ੍ਯਾਪਨ੍ਨਚਿਤ੍ਤੋ ਮਿਚ੍ਛਾਦਿਟ੍ਠਿ ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ વਿਨਿਪਾਤਂ ਨਿਰਯਂ ਉਪਪਜ੍ਜੇਯ੍ਯ। ਬ੍ਰਾਹ੍ਮਣੋਪਿ ਹਿ, ਭੋ ਗੋਤਮ…ਪੇ॰… વੇਸ੍ਸੋਪਿ ਹਿ, ਭੋ ਗੋਤਮ…ਪੇ॰… ਸੁਦ੍ਦੋਪਿ ਹਿ, ਭੋ ਗੋਤਮ…ਪੇ॰… ਸਬ੍ਬੇਪਿ ਹਿ, ਭੋ ਗੋਤਮ, ਚਤ੍ਤਾਰੋ વਣ੍ਣਾ ਪਾਣਾਤਿਪਾਤਿਨੋ ਅਦਿਨ੍ਨਾਦਾਯਿਨੋ ਕਾਮੇਸੁਮਿਚ੍ਛਾਚਾਰਿਨੋ ਮੁਸਾવਾਦਿਨੋ ਪਿਸੁਣવਾਚਾ ਫਰੁਸવਾਚਾ ਸਮ੍ਫਪ੍ਪਲਾਪਿਨੋ ਅਭਿਜ੍ਝਾਲੂ ਬ੍ਯਾਪਨ੍ਨਚਿਤ੍ਤਾ ਮਿਚ੍ਛਾਦਿਟ੍ਠੀ ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ વਿਨਿਪਾਤਂ ਨਿਰਯਂ ਉਪਪਜ੍ਜੇਯ੍ਯੁ’’ਨ੍ਤਿ। ‘‘ਏਤ੍ਥ, ਅਸ੍ਸਲਾਯਨ, ਬ੍ਰਾਹ੍ਮਣਾਨਂ ਕਿਂ ਬਲਂ, ਕੋ ਅਸ੍ਸਾਸੋ ਯਦੇਤ੍ਥ ਬ੍ਰਾਹ੍ਮਣਾ ਏવਮਾਹਂਸੁ – ‘ਬ੍ਰਾਹ੍ਮਣੋવ ਸੇਟ੍ਠੋ વਣ੍ਣੋ, ਹੀਨੋ ਅਞ੍ਞੋ વਣ੍ਣੋ…ਪੇ॰… ਬ੍ਰਹ੍ਮਦਾਯਾਦਾ’’’ਤਿ? ‘‘ਕਿਞ੍ਚਾਪਿ ਭવਂ ਗੋਤਮੋ ਏવਮਾਹ, ਅਥ ਖ੍વੇਤ੍ਥ ਬ੍ਰਾਹ੍ਮਣਾ ਏવਮੇਤਂ ਮਞ੍ਞਨ੍ਤਿ – ‘ਬ੍ਰਾਹ੍ਮਣੋવ ਸੇਟ੍ਠੋ વਣ੍ਣੋ, ਹੀਨੋ ਅਞ੍ਞੋ વਣ੍ਣੋ…ਪੇ॰… ਬ੍ਰਹ੍ਮਦਾਯਾਦਾ’’’ਤਿ।
404. ‘‘Taṃ kiṃ maññasi, assalāyana, khattiyova nu kho pāṇātipātī adinnādāyī kāmesumicchācārī musāvādī pisuṇavāco pharusavāco samphappalāpī abhijjhālu byāpannacitto micchādiṭṭhi kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya, no brāhmaṇo? Vessova nu kho…pe… suddova nu kho pāṇātipātī adinnādāyī kāmesumicchācārī musāvādī pisuṇavāco pharusavāco samphappalāpī abhijjhālu byāpannacitto micchādiṭṭhi kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya, no brāhmaṇo’’ti? ‘‘No hidaṃ, bho gotama. Khattiyopi hi, bho gotama, pāṇātipātī adinnādāyī kāmesumicchācārī musāvādī pisuṇavāco pharusavāco samphappalāpī abhijjhālu byāpannacitto micchādiṭṭhi kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya. Brāhmaṇopi hi, bho gotama…pe… vessopi hi, bho gotama…pe… suddopi hi, bho gotama…pe… sabbepi hi, bho gotama, cattāro vaṇṇā pāṇātipātino adinnādāyino kāmesumicchācārino musāvādino pisuṇavācā pharusavācā samphappalāpino abhijjhālū byāpannacittā micchādiṭṭhī kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyyu’’nti. ‘‘Ettha, assalāyana, brāhmaṇānaṃ kiṃ balaṃ, ko assāso yadettha brāhmaṇā evamāhaṃsu – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti? ‘‘Kiñcāpi bhavaṃ gotamo evamāha, atha khvettha brāhmaṇā evametaṃ maññanti – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
੪੦੫. ‘‘ਤਂ ਕਿਂ ਮਞ੍ਞਸਿ, ਅਸ੍ਸਲਾਯਨ, ਬ੍ਰਾਹ੍ਮਣੋવ ਨੁ ਖੋ ਪਾਣਾਤਿਪਾਤਾ ਪਟਿવਿਰਤੋ ਅਦਿਨ੍ਨਾਦਾਨਾ ਪਟਿવਿਰਤੋ ਕਾਮੇਸੁਮਿਚ੍ਛਾਚਾਰਾ ਪਟਿવਿਰਤੋ ਮੁਸਾવਾਦਾ ਪਟਿવਿਰਤੋ ਪਿਸੁਣਾਯ વਾਚਾਯ ਪਟਿવਿਰਤੋ ਫਰੁਸਾਯ વਾਚਾਯ ਪਟਿવਿਰਤੋ ਸਮ੍ਫਪ੍ਪਲਾਪਾ ਪਟਿવਿਰਤੋ ਅਨਭਿਜ੍ਝਾਲੁ ਅਬ੍ਯਾਪਨ੍ਨਚਿਤ੍ਤੋ ਸਮ੍ਮਾਦਿਟ੍ਠਿ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜੇਯ੍ਯ, ਨੋ 9 ਖਤ੍ਤਿਯੋ ਨੋ વੇਸ੍ਸੋ, ਨੋ ਸੁਦ੍ਦੋ’’ਤਿ? ‘‘ਨੋ ਹਿਦਂ, ਭੋ ਗੋਤਮ! ਖਤ੍ਤਿਯੋਪਿ ਹਿ, ਭੋ ਗੋਤਮ, ਪਾਣਾਤਿਪਾਤਾ ਪਟਿવਿਰਤੋ ਅਦਿਨ੍ਨਾਦਾਨਾ ਪਟਿવਿਰਤੋ ਕਾਮੇਸੁਮਿਚ੍ਛਾਚਾਰਾ ਪਟਿવਿਰਤੋ ਮੁਸਾવਾਦਾ ਪਟਿવਿਰਤੋ ਪਿਸੁਣਾਯ વਾਚਾਯ ਪਟਿવਿਰਤੋ ਫਰੁਸਾਯ વਾਚਾਯ ਪਟਿવਿਰਤੋ ਸਮ੍ਫਪ੍ਪਲਾਪਾ ਪਟਿવਿਰਤੋ ਅਨਭਿਜ੍ਝਾਲੁ ਅਬ੍ਯਾਪਨ੍ਨਚਿਤ੍ਤੋ ਸਮ੍ਮਾਦਿਟ੍ਠਿ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜੇਯ੍ਯ। ਬ੍ਰਾਹ੍ਮਣੋਪਿ ਹਿ, ਭੋ ਗੋਤਮ…ਪੇ॰… વੇਸ੍ਸੋਪਿ ਹਿ, ਭੋ ਗੋਤਮ…ਪੇ॰… ਸੁਦ੍ਦੋਪਿ ਹਿ, ਭੋ ਗੋਤਮ…ਪੇ॰… ਸਬ੍ਬੇਪਿ ਹਿ, ਭੋ ਗੋਤਮ, ਚਤ੍ਤਾਰੋ વਣ੍ਣਾ ਪਾਣਾਤਿਪਾਤਾ ਪਟਿવਿਰਤਾ ਅਦਿਨ੍ਨਾਦਾਨਾ ਪਟਿવਿਰਤਾ ਕਾਮੇਸੁਮਿਚ੍ਛਾਚਾਰਾ ਪਟਿવਿਰਤਾ ਮੁਸਾવਾਦਾ ਪਟਿવਿਰਤਾ ਪਿਸੁਣਾਯ વਾਚਾਯ ਪਟਿવਿਰਤਾ ਫਰੁਸਾਯ વਾਚਾਯ ਪਟਿવਿਰਤਾ ਸਮ੍ਫਪ੍ਪਲਾਪਾ ਪਟਿવਿਰਤਾ ਅਨਭਿਜ੍ਝਾਲੂ ਅਬ੍ਯਾਪਨ੍ਨਚਿਤ੍ਤਾ ਸਮ੍ਮਾਦਿਟ੍ਠੀ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜੇਯ੍ਯੁ’’ਨ੍ਤਿ। ‘‘ਏਤ੍ਥ, ਅਸ੍ਸਲਾਯਨ , ਬ੍ਰਾਹ੍ਮਣਾਨਂ ਕਿਂ ਬਲਂ, ਕੋ ਅਸ੍ਸਾਸੋ ਯਦੇਤ੍ਥ ਬ੍ਰਾਹ੍ਮਣਾ ਏવਮਾਹਂਸੁ – ‘ਬ੍ਰਾਹ੍ਮਣੋવ ਸੇਟ੍ਠੋ વਣ੍ਣੋ, ਹੀਨੋ ਅਞ੍ਞੋ વਣ੍ਣੋ…ਪੇ॰… ਬ੍ਰਹ੍ਮਦਾਯਾਦਾ’’’ਤਿ? ‘‘ਕਿਞ੍ਚਾਪਿ ਭવਂ ਗੋਤਮੋ ਏવਮਾਹ, ਅਥ ਖ੍વੇਤ੍ਥ ਬ੍ਰਾਹ੍ਮਣਾ ਏવਮੇਤਂ ਮਞ੍ਞਨ੍ਤਿ – ‘ਬ੍ਰਾਹ੍ਮਣੋવ ਸੇਟ੍ਠੋ વਣ੍ਣੋ, ਹੀਨੋ ਅਞ੍ਞੋ વਣ੍ਣੋ…ਪੇ॰… ਬ੍ਰਹ੍ਮਦਾਯਾਦਾ’’’ਤਿ।
405. ‘‘Taṃ kiṃ maññasi, assalāyana, brāhmaṇova nu kho pāṇātipātā paṭivirato adinnādānā paṭivirato kāmesumicchācārā paṭivirato musāvādā paṭivirato pisuṇāya vācāya paṭivirato pharusāya vācāya paṭivirato samphappalāpā paṭivirato anabhijjhālu abyāpannacitto sammādiṭṭhi kāyassa bhedā paraṃ maraṇā sugatiṃ saggaṃ lokaṃ upapajjeyya, no 10 khattiyo no vesso, no suddo’’ti? ‘‘No hidaṃ, bho gotama! Khattiyopi hi, bho gotama, pāṇātipātā paṭivirato adinnādānā paṭivirato kāmesumicchācārā paṭivirato musāvādā paṭivirato pisuṇāya vācāya paṭivirato pharusāya vācāya paṭivirato samphappalāpā paṭivirato anabhijjhālu abyāpannacitto sammādiṭṭhi kāyassa bhedā paraṃ maraṇā sugatiṃ saggaṃ lokaṃ upapajjeyya. Brāhmaṇopi hi, bho gotama…pe… vessopi hi, bho gotama…pe… suddopi hi, bho gotama…pe… sabbepi hi, bho gotama, cattāro vaṇṇā pāṇātipātā paṭiviratā adinnādānā paṭiviratā kāmesumicchācārā paṭiviratā musāvādā paṭiviratā pisuṇāya vācāya paṭiviratā pharusāya vācāya paṭiviratā samphappalāpā paṭiviratā anabhijjhālū abyāpannacittā sammādiṭṭhī kāyassa bhedā paraṃ maraṇā sugatiṃ saggaṃ lokaṃ upapajjeyyu’’nti. ‘‘Ettha, assalāyana , brāhmaṇānaṃ kiṃ balaṃ, ko assāso yadettha brāhmaṇā evamāhaṃsu – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti? ‘‘Kiñcāpi bhavaṃ gotamo evamāha, atha khvettha brāhmaṇā evametaṃ maññanti – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
੪੦੬. ‘‘ਤਂ ਕਿਂ ਮਞ੍ਞਸਿ, ਅਸ੍ਸਲਾਯਨ, ਬ੍ਰਾਹ੍ਮਣੋવ ਨੁ ਖੋ ਪਹੋਤਿ ਅਸ੍ਮਿਂ ਪਦੇਸੇ ਅવੇਰਂ ਅਬ੍ਯਾਬਜ੍ਝਂ ਮੇਤ੍ਤਚਿਤ੍ਤਂ ਭਾવੇਤੁਂ, ਨੋ ਖਤ੍ਤਿਯੋ, ਨੋ વੇਸ੍ਸੋ ਨੋ ਸੁਦ੍ਦੋ’’ਤਿ? ‘‘ਨੋ ਹਿਦਂ, ਭੋ ਗੋਤਮ! ਖਤ੍ਤਿਯੋਪਿ ਹਿ, ਭੋ ਗੋਤਮ, ਪਹੋਤਿ ਅਸ੍ਮਿਂ ਪਦੇਸੇ ਅવੇਰਂ ਅਬ੍ਯਾਬਜ੍ਝਂ ਮੇਤ੍ਤਚਿਤ੍ਤਂ ਭਾવੇਤੁਂ; ਬ੍ਰਾਹ੍ਮਣੋਪਿ ਹਿ, ਭੋ ਗੋਤਮ… વੇਸ੍ਸੋਪਿ ਹਿ , ਭੋ ਗੋਤਮ… ਸੁਦ੍ਦੋਪਿ ਹਿ, ਭੋ ਗੋਤਮ… ਸਬ੍ਬੇਪਿ ਹਿ, ਭੋ ਗੋਤਮ, ਚਤ੍ਤਾਰੋ વਣ੍ਣਾ ਪਹੋਨ੍ਤਿ ਅਸ੍ਮਿਂ ਪਦੇਸੇ ਅવੇਰਂ ਅਬ੍ਯਾਬਜ੍ਝਂ ਮੇਤ੍ਤਚਿਤ੍ਤਂ ਭਾવੇਤੁ’’ਨ੍ਤਿ। ‘‘ਏਤ੍ਥ, ਅਸ੍ਸਲਾਯਨ, ਬ੍ਰਾਹ੍ਮਣਾਨਂ ਕਿਂ ਬਲਂ, ਕੋ ਅਸ੍ਸਾਸੋ ਯਦੇਤ੍ਥ ਬ੍ਰਾਹ੍ਮਣਾ ਏવਮਾਹਂਸੁ – ‘ਬ੍ਰਾਹ੍ਮਣੋવ ਸੇਟ੍ਠੋ વਣ੍ਣੋ, ਹੀਨੋ ਅਞ੍ਞੋ વਣ੍ਣੋ…ਪੇ॰… ਬ੍ਰਹ੍ਮਦਾਯਾਦਾ’’’ਤਿ? ‘‘ਕਿਞ੍ਚਾਪਿ ਭવਂ ਗੋਤਮੋ ਏવਮਾਹ, ਅਥ ਖ੍વੇਤ੍ਥ ਬ੍ਰਾਹ੍ਮਣਾ ਏવਮੇਤਂ ਮਞ੍ਞਨ੍ਤਿ – ‘ਬ੍ਰਾਹ੍ਮਣੋવ ਸੇਟ੍ਠੋ વਣ੍ਣੋ, ਹੀਨੋ ਅਞ੍ਞੋ વਣ੍ਣੋ…ਪੇ॰… ਬ੍ਰਹ੍ਮਦਾਯਾਦਾ’’’ਤਿ।
406. ‘‘Taṃ kiṃ maññasi, assalāyana, brāhmaṇova nu kho pahoti asmiṃ padese averaṃ abyābajjhaṃ mettacittaṃ bhāvetuṃ, no khattiyo, no vesso no suddo’’ti? ‘‘No hidaṃ, bho gotama! Khattiyopi hi, bho gotama, pahoti asmiṃ padese averaṃ abyābajjhaṃ mettacittaṃ bhāvetuṃ; brāhmaṇopi hi, bho gotama… vessopi hi , bho gotama… suddopi hi, bho gotama… sabbepi hi, bho gotama, cattāro vaṇṇā pahonti asmiṃ padese averaṃ abyābajjhaṃ mettacittaṃ bhāvetu’’nti. ‘‘Ettha, assalāyana, brāhmaṇānaṃ kiṃ balaṃ, ko assāso yadettha brāhmaṇā evamāhaṃsu – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti? ‘‘Kiñcāpi bhavaṃ gotamo evamāha, atha khvettha brāhmaṇā evametaṃ maññanti – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
੪੦੭. ‘‘ਤਂ ਕਿਂ ਮਞ੍ਞਸਿ, ਅਸ੍ਸਲਾਯਨ, ਬ੍ਰਾਹ੍ਮਣੋવ ਨੁ ਖੋ ਪਹੋਤਿ ਸੋਤ੍ਤਿਸਿਨਾਨਿਂ ਆਦਾਯ ਨਦਿਂ ਗਨ੍ਤ੍વਾ ਰਜੋਜਲ੍ਲਂ ਪવਾਹੇਤੁਂ, ਨੋ ਖਤ੍ਤਿਯੋ, ਨੋ વੇਸ੍ਸੋ, ਨੋ ਸੁਦ੍ਦੋ’’ਤਿ? ‘‘ਨੋ ਹਿਦਂ, ਭੋ ਗੋਤਮ! ਖਤ੍ਤਿਯੋਪਿ ਹਿ, ਭੋ ਗੋਤਮ, ਪਹੋਤਿ ਸੋਤ੍ਤਿਸਿਨਾਨਿਂ ਆਦਾਯ ਨਦਿਂ ਗਨ੍ਤ੍વਾ ਰਜੋਜਲ੍ਲਂ ਪવਾਹੇਤੁਂ, ਬ੍ਰਾਹ੍ਮਣੋਪਿ ਹਿ, ਭੋ ਗੋਤਮ… વੇਸ੍ਸੋਪਿ ਹਿ, ਭੋ ਗੋਤਮ… ਸੁਦ੍ਦੋਪਿ ਹਿ, ਭੋ ਗੋਤਮ… ਸਬ੍ਬੇਪਿ ਹਿ, ਭੋ ਗੋਤਮ, ਚਤ੍ਤਾਰੋ વਣ੍ਣਾ ਪਹੋਨ੍ਤਿ ਸੋਤ੍ਤਿਸਿਨਾਨਿਂ ਆਦਾਯ ਨਦਿਂ ਗਨ੍ਤ੍વਾ ਰਜੋਜਲ੍ਲਂ ਪવਾਹੇਤੁ’’ਨ੍ਤਿ। ‘‘ਏਤ੍ਥ, ਅਸ੍ਸਲਾਯਨ, ਬ੍ਰਾਹ੍ਮਣਾਨਂ ਕਿਂ ਬਲਂ, ਕੋ ਅਸ੍ਸਾਸੋ ਯਦੇਤ੍ਥ ਬ੍ਰਾਹ੍ਮਣਾ ਏવਮਾਹਂਸੁ – ‘ਬ੍ਰਾਹ੍ਮਣੋવ ਸੇਟ੍ਠੋ વਣ੍ਣੋ, ਹੀਨੋ ਅਞ੍ਞੋ વਣ੍ਣੋ…ਪੇ॰… ਬ੍ਰਹ੍ਮਦਾਯਾਦਾ’’’ਤਿ? ‘‘ਕਿਞ੍ਚਾਪਿ ਭવਂ ਗੋਤਮੋ ਏવਮਾਹ, ਅਥ ਖ੍વੇਤ੍ਥ ਬ੍ਰਾਹ੍ਮਣਾ ਏવਮੇਤਂ ਮਞ੍ਞਨ੍ਤਿ – ‘ਬ੍ਰਾਹ੍ਮਣੋવ ਸੇਟ੍ਠੋ વਣ੍ਣੋ, ਹੀਨੋ ਅਞ੍ਞੋ વਣ੍ਣੋ…ਪੇ॰… ਬ੍ਰਹ੍ਮਦਾਯਾਦਾ’’’ਤਿ।
407. ‘‘Taṃ kiṃ maññasi, assalāyana, brāhmaṇova nu kho pahoti sottisināniṃ ādāya nadiṃ gantvā rajojallaṃ pavāhetuṃ, no khattiyo, no vesso, no suddo’’ti? ‘‘No hidaṃ, bho gotama! Khattiyopi hi, bho gotama, pahoti sottisināniṃ ādāya nadiṃ gantvā rajojallaṃ pavāhetuṃ, brāhmaṇopi hi, bho gotama… vessopi hi, bho gotama… suddopi hi, bho gotama… sabbepi hi, bho gotama, cattāro vaṇṇā pahonti sottisināniṃ ādāya nadiṃ gantvā rajojallaṃ pavāhetu’’nti. ‘‘Ettha, assalāyana, brāhmaṇānaṃ kiṃ balaṃ, ko assāso yadettha brāhmaṇā evamāhaṃsu – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti? ‘‘Kiñcāpi bhavaṃ gotamo evamāha, atha khvettha brāhmaṇā evametaṃ maññanti – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
੪੦੮. ‘‘ਤਂ ਕਿਂ ਮਞ੍ਞਸਿ, ਅਸ੍ਸਲਾਯਨ, ਇਧ ਰਾਜਾ ਖਤ੍ਤਿਯੋ ਮੁਦ੍ਧਾવਸਿਤ੍ਤੋ ਨਾਨਾਜਚ੍ਚਾਨਂ ਪੁਰਿਸਾਨਂ ਪੁਰਿਸਸਤਂ ਸਨ੍ਨਿਪਾਤੇਯ੍ਯ – ‘ਆਯਨ੍ਤੁ ਭੋਨ੍ਤੋ ਯੇ ਤਤ੍ਥ ਖਤ੍ਤਿਯਕੁਲਾ ਬ੍ਰਾਹ੍ਮਣਕੁਲਾ ਰਾਜਞ੍ਞਕੁਲਾ ਉਪ੍ਪਨ੍ਨਾ, ਸਾਕਸ੍ਸ વਾ ਸਾਲਸ੍ਸ વਾ 11 ਸਲਲ਼ਸ੍ਸ વਾ ਚਨ੍ਦਨਸ੍ਸ વਾ ਪਦੁਮਕਸ੍ਸ વਾ ਉਤ੍ਤਰਾਰਣਿਂ ਆਦਾਯ, ਅਗ੍ਗਿਂ ਅਭਿਨਿਬ੍ਬਤ੍ਤੇਨ੍ਤੁ, ਤੇਜੋ ਪਾਤੁਕਰੋਨ੍ਤੁ। ਆਯਨ੍ਤੁ ਪਨ ਭੋਨ੍ਤੋ ਯੇ ਤਤ੍ਥ ਚਣ੍ਡਾਲਕੁਲਾ ਨੇਸਾਦਕੁਲਾ વੇਨਕੁਲਾ 12 ਰਥਕਾਰਕੁਲਾ ਪੁਕ੍ਕੁਸਕੁਲਾ ਉਪ੍ਪਨ੍ਨਾ, ਸਾਪਾਨਦੋਣਿਯਾ વਾ ਸੂਕਰਦੋਣਿਯਾ વਾ ਰਜਕਦੋਣਿਯਾ વਾ ਏਰਣ੍ਡਕਟ੍ਠਸ੍ਸ વਾ ਉਤ੍ਤਰਾਰਣਿਂ ਆਦਾਯ, ਅਗ੍ਗਿਂ ਅਭਿਨਿਬ੍ਬਤ੍ਤੇਨ੍ਤੁ, ਤੇਜੋ ਪਾਤੁਕਰੋਨ੍ਤੂ’ਤਿ।
408. ‘‘Taṃ kiṃ maññasi, assalāyana, idha rājā khattiyo muddhāvasitto nānājaccānaṃ purisānaṃ purisasataṃ sannipāteyya – ‘āyantu bhonto ye tattha khattiyakulā brāhmaṇakulā rājaññakulā uppannā, sākassa vā sālassa vā 13 salaḷassa vā candanassa vā padumakassa vā uttarāraṇiṃ ādāya, aggiṃ abhinibbattentu, tejo pātukarontu. Āyantu pana bhonto ye tattha caṇḍālakulā nesādakulā venakulā 14 rathakārakulā pukkusakulā uppannā, sāpānadoṇiyā vā sūkaradoṇiyā vā rajakadoṇiyā vā eraṇḍakaṭṭhassa vā uttarāraṇiṃ ādāya, aggiṃ abhinibbattentu, tejo pātukarontū’ti.
‘‘ਤਂ ਕਿਂ ਮਞ੍ਞਸਿ, ਅਸ੍ਸਲਾਯਨ, ਯੋ ਏવਂ ਨੁ ਖੋ ਸੋ 15 ਖਤ੍ਤਿਯਕੁਲਾ ਬ੍ਰਾਹ੍ਮਣਕੁਲਾ ਰਾਜਞ੍ਞਕੁਲਾ ਉਪ੍ਪਨ੍ਨੇਹਿ ਸਾਕਸ੍ਸ વਾ ਸਾਲਸ੍ਸ વਾ ਸਲਲ਼ਸ੍ਸ વਾ ਚਨ੍ਦਨਸ੍ਸ વਾ ਪਦੁਮਕਸ੍ਸ વਾ ਉਤ੍ਤਰਾਰਣਿਂ ਆਦਾਯ ਅਗ੍ਗਿ ਅਭਿਨਿਬ੍ਬਤ੍ਤੋ, ਤੇਜੋ ਪਾਤੁਕਤੋ, ਸੋ ਏવ ਨੁ ਖ੍વਾਸ੍ਸ ਅਗ੍ਗਿ ਅਚ੍ਚਿਮਾ ਚੇવ 16 વਣ੍ਣવਾ 17 ਚ ਪਭਸ੍ਸਰੋ ਚ, ਤੇਨ ਚ ਸਕ੍ਕਾ ਅਗ੍ਗਿਨਾ ਅਗ੍ਗਿਕਰਣੀਯਂ ਕਾਤੁਂ; ਯੋ ਪਨ ਸੋ ਚਣ੍ਡਾਲਕੁਲਾ ਨੇਸਾਦਕੁਲਾ વੇਨਕੁਲਾ ਰਥਕਾਰਕੁਲਾ ਪੁਕ੍ਕੁਸਕੁਲਾ ਉਪ੍ਪਨ੍ਨੇਹਿ ਸਾਪਾਨਦੋਣਿਯਾ વਾ ਸੂਕਰਦੋਣਿਯਾ વਾ ਰਜਕਦੋਣਿਯਾ વਾ ਏਰਣ੍ਡਕਟ੍ਠਸ੍ਸ વਾ ਉਤ੍ਤਰਾਰਣਿਂ ਆਦਾਯ ਅਗ੍ਗਿ ਅਭਿਨਿਬ੍ਬਤ੍ਤੋ, ਤੇਜੋ ਪਾਤੁਕਤੋ ਸ੍વਾਸ੍ਸ ਅਗ੍ਗਿ ਨ ਚੇવ ਅਚ੍ਚਿਮਾ ਨ ਚ વਣ੍ਣવਾ ਨ ਚ ਪਭਸ੍ਸਰੋ, ਨ ਚ ਤੇਨ ਸਕ੍ਕਾ ਅਗ੍ਗਿਨਾ ਅਗ੍ਗਿਕਰਣੀਯਂ ਕਾਤੁ’’ਨ੍ਤਿ? ‘‘ਨੋ ਹਿਦਂ, ਭੋ ਗੋਤਮ! ਯੋਪਿ ਹਿ ਸੋ 18, ਭੋ ਗੋਤਮ, ਖਤ੍ਤਿਯਕੁਲਾ ਬ੍ਰਾਹ੍ਮਣਕੁਲਾ ਰਾਜਞ੍ਞਕੁਲਾ ਉਪ੍ਪਨ੍ਨੇਹਿ ਸਾਕਸ੍ਸ વਾ ਸਾਲਸ੍ਸ વਾ ਸਲਲ਼ਸ੍ਸ વਾ ਚਨ੍ਦਨਸ੍ਸ વਾ ਪਦੁਮਕਸ੍ਸ વਾ ਉਤ੍ਤਰਾਰਣਿਂ ਆਦਾਯ ਅਗ੍ਗਿ ਅਭਿਨਿਬ੍ਬਤ੍ਤੋ, ਤੇਜੋ ਪਾਤੁਕਤੋ ਸ੍વਾਸ੍ਸ 19 ਅਗ੍ਗਿ ਅਚ੍ਚਿਮਾ ਚੇવ વਣ੍ਣવਾ ਚ ਪਭਸ੍ਸਰੋ ਚ, ਤੇਨ ਚ ਸਕ੍ਕਾ ਅਗ੍ਗਿਨਾ ਅਗ੍ਗਿਕਰਣੀਯਂ ਕਾਤੁਂ; ਯੋਪਿ ਸੋ ਚਣ੍ਡਾਲਕੁਲਾ ਨੇਸਾਦਕੁਲਾ વੇਨਕੁਲਾ ਰਥਕਾਰਕੁਲਾ ਪੁਕ੍ਕੁਸਕੁਲਾ ਉਪ੍ਪਨ੍ਨੇਹਿ ਸਾਪਾਨਦੋਣਿਯਾ વਾ ਸੂਕਰਦੋਣਿਯਾ વਾ ਰਜਕਦੋਣਿਯਾ વਾ ਏਰਣ੍ਡਕਟ੍ਠਸ੍ਸ વਾ ਉਤ੍ਤਰਾਰਣਿਂ ਆਦਾਯ ਅਗ੍ਗਿ ਅਭਿਨਿਬ੍ਬਤ੍ਤੋ, ਤੇਜੋ ਪਾਤੁਕਤੋ, ਸ੍વਾਸ੍ਸ ਅਗ੍ਗਿ ਅਚ੍ਚਿਮਾ ਚੇવ વਣ੍ਣવਾ ਚ ਪਭਸ੍ਸਰੋ ਚ, ਤੇਨ ਚ ਸਕ੍ਕਾ ਅਗ੍ਗਿਨਾ ਅਗ੍ਗਿਕਰਣੀਯਂ ਕਾਤੁਂ। ਸਬ੍ਬੋਪਿ ਹਿ, ਭੋ ਗੋਤਮ, ਅਗ੍ਗਿ ਅਚ੍ਚਿਮਾ ਚੇવ વਣ੍ਣવਾ ਚ ਪਭਸ੍ਸਰੋ ਚ, ਸਬ੍ਬੇਨਪਿ ਸਕ੍ਕਾ ਅਗ੍ਗਿਨਾ ਅਗ੍ਗਿਕਰਣੀਯਂ ਕਾਤੁ’’ਨ੍ਤਿ। ‘‘ਏਤ੍ਥ, ਅਸ੍ਸਲਾਯਨ, ਬ੍ਰਾਹ੍ਮਣਾਨਂ ਕਿਂ ਬਲਂ, ਕੋ ਅਸ੍ਸਾਸੋ ਯਦੇਤ੍ਥ ਬ੍ਰਾਹ੍ਮਣਾ ਏવਮਾਹਂਸੁ – ‘ਬ੍ਰਾਹ੍ਮਣੋવ ਸੇਟ੍ਠੋ વਣ੍ਣੋ, ਹੀਨੋ ਅਞ੍ਞੋ વਣ੍ਣੋ; ਬ੍ਰਾਹ੍ਮਣੋવ ਸੁਕ੍ਕੋ વਣ੍ਣੋ, ਕਣ੍ਹੋ ਅਞ੍ਞੋ વਣ੍ਣੋ; ਬ੍ਰਾਹ੍ਮਣਾવ ਸੁਜ੍ਝਨ੍ਤਿ, ਨੋ ਅਬ੍ਰਾਹ੍ਮਣਾ; ਬ੍ਰਾਹ੍ਮਣਾવ ਬ੍ਰਹ੍ਮੁਨੋ ਪੁਤ੍ਤਾ ਓਰਸਾ ਮੁਖਤੋ ਜਾਤਾ ਬ੍ਰਹ੍ਮਜਾ ਬ੍ਰਹ੍ਮਨਿਮ੍ਮਿਤਾ ਬ੍ਰਹ੍ਮਦਾਯਾਦਾ’’’ਤਿ? ‘‘ਕਿਞ੍ਚਾਪਿ ਭવਂ ਗੋਤਮੋ ਏવਮਾਹ, ਅਥ ਖ੍વੇਤ੍ਥ ਬ੍ਰਾਹ੍ਮਣਾ ਏવਮੇਤਂ ਮਞ੍ਞਨ੍ਤਿ – ‘ਬ੍ਰਾਹ੍ਮਣੋવ ਸੇਟ੍ਠੋ વਣ੍ਣੋ, ਹੀਨੋ ਅਞ੍ਞੋ વਣ੍ਣੋ…ਪੇ॰… ਬ੍ਰਹ੍ਮਦਾਯਾਦਾ’’’ਤਿ।
‘‘Taṃ kiṃ maññasi, assalāyana, yo evaṃ nu kho so 20 khattiyakulā brāhmaṇakulā rājaññakulā uppannehi sākassa vā sālassa vā salaḷassa vā candanassa vā padumakassa vā uttarāraṇiṃ ādāya aggi abhinibbatto, tejo pātukato, so eva nu khvāssa aggi accimā ceva 21 vaṇṇavā 22 ca pabhassaro ca, tena ca sakkā agginā aggikaraṇīyaṃ kātuṃ; yo pana so caṇḍālakulā nesādakulā venakulā rathakārakulā pukkusakulā uppannehi sāpānadoṇiyā vā sūkaradoṇiyā vā rajakadoṇiyā vā eraṇḍakaṭṭhassa vā uttarāraṇiṃ ādāya aggi abhinibbatto, tejo pātukato svāssa aggi na ceva accimā na ca vaṇṇavā na ca pabhassaro, na ca tena sakkā agginā aggikaraṇīyaṃ kātu’’nti? ‘‘No hidaṃ, bho gotama! Yopi hi so 23, bho gotama, khattiyakulā brāhmaṇakulā rājaññakulā uppannehi sākassa vā sālassa vā salaḷassa vā candanassa vā padumakassa vā uttarāraṇiṃ ādāya aggi abhinibbatto, tejo pātukato svāssa 24 aggi accimā ceva vaṇṇavā ca pabhassaro ca, tena ca sakkā agginā aggikaraṇīyaṃ kātuṃ; yopi so caṇḍālakulā nesādakulā venakulā rathakārakulā pukkusakulā uppannehi sāpānadoṇiyā vā sūkaradoṇiyā vā rajakadoṇiyā vā eraṇḍakaṭṭhassa vā uttarāraṇiṃ ādāya aggi abhinibbatto, tejo pātukato, svāssa aggi accimā ceva vaṇṇavā ca pabhassaro ca, tena ca sakkā agginā aggikaraṇīyaṃ kātuṃ. Sabbopi hi, bho gotama, aggi accimā ceva vaṇṇavā ca pabhassaro ca, sabbenapi sakkā agginā aggikaraṇīyaṃ kātu’’nti. ‘‘Ettha, assalāyana, brāhmaṇānaṃ kiṃ balaṃ, ko assāso yadettha brāhmaṇā evamāhaṃsu – ‘brāhmaṇova seṭṭho vaṇṇo, hīno añño vaṇṇo; brāhmaṇova sukko vaṇṇo, kaṇho añño vaṇṇo; brāhmaṇāva sujjhanti, no abrāhmaṇā; brāhmaṇāva brahmuno puttā orasā mukhato jātā brahmajā brahmanimmitā brahmadāyādā’’’ti? ‘‘Kiñcāpi bhavaṃ gotamo evamāha, atha khvettha brāhmaṇā evametaṃ maññanti – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
੪੦੯. ‘‘ਤਂ ਕਿਂ ਮਞ੍ਞਸਿ, ਅਸ੍ਸਲਾਯਨ, ਇਧ ਖਤ੍ਤਿਯਕੁਮਾਰੋ ਬ੍ਰਾਹ੍ਮਣਕਞ੍ਞਾਯ ਸਦ੍ਧਿਂ ਸਂવਾਸਂ ਕਪ੍ਪੇਯ੍ਯ, ਤੇਸਂ ਸਂવਾਸਮਨ੍વਾਯ ਪੁਤ੍ਤੋ ਜਾਯੇਥ; ਯੋ ਸੋ ਖਤ੍ਤਿਯਕੁਮਾਰੇਨ ਬ੍ਰਾਹ੍ਮਣਕਞ੍ਞਾਯ ਪੁਤ੍ਤੋ ਉਪ੍ਪਨ੍ਨੋ, ਸਿਯਾ ਸੋ ਮਾਤੁਪਿ ਸਦਿਸੋ ਪਿਤੁਪਿ ਸਦਿਸੋ, ‘ਖਤ੍ਤਿਯੋ’ਤਿਪਿ વਤ੍ਤਬ੍ਬੋ ‘ਬ੍ਰਾਹ੍ਮਣੋ’ਤਿਪਿ વਤ੍ਤਬ੍ਬੋ’’ਤਿ? ‘‘ਯੋ ਸੋ, ਭੋ ਗੋਤਮ, ਖਤ੍ਤਿਯਕੁਮਾਰੇਨ ਬ੍ਰਾਹ੍ਮਣਕਞ੍ਞਾਯ ਪੁਤ੍ਤੋ ਉਪ੍ਪਨ੍ਨੋ, ਸਿਯਾ ਸੋ ਮਾਤੁਪਿ ਸਦਿਸੋ ਪਿਤੁਪਿ ਸਦਿਸੋ, ‘ਖਤ੍ਤਿਯੋ’ਤਿਪਿ વਤ੍ਤਬ੍ਬੋ ‘ਬ੍ਰਾਹ੍ਮਣੋ’ਤਿਪਿ વਤ੍ਤਬ੍ਬੋ’’ਤਿ।
409. ‘‘Taṃ kiṃ maññasi, assalāyana, idha khattiyakumāro brāhmaṇakaññāya saddhiṃ saṃvāsaṃ kappeyya, tesaṃ saṃvāsamanvāya putto jāyetha; yo so khattiyakumārena brāhmaṇakaññāya putto uppanno, siyā so mātupi sadiso pitupi sadiso, ‘khattiyo’tipi vattabbo ‘brāhmaṇo’tipi vattabbo’’ti? ‘‘Yo so, bho gotama, khattiyakumārena brāhmaṇakaññāya putto uppanno, siyā so mātupi sadiso pitupi sadiso, ‘khattiyo’tipi vattabbo ‘brāhmaṇo’tipi vattabbo’’ti.
‘‘ਤਂ ਕਿਂ ਮਞ੍ਞਸਿ, ਅਸ੍ਸਲਾਯਨ, ਇਧ ਬ੍ਰਾਹ੍ਮਣਕੁਮਾਰੋ ਖਤ੍ਤਿਯਕਞ੍ਞਾਯ ਸਦ੍ਧਿਂ ਸਂવਾਸਂ ਕਪ੍ਪੇਯ੍ਯ, ਤੇਸਂ ਸਂવਾਸਮਨ੍વਾਯ ਪੁਤ੍ਤੋ ਜਾਯੇਥ; ਯੋ ਸੋ ਬ੍ਰਾਹ੍ਮਣਕੁਮਾਰੇਨ ਖਤ੍ਤਿਯਕਞ੍ਞਾਯ ਪੁਤ੍ਤੋ ਉਪ੍ਪਨ੍ਨੋ, ਸਿਯਾ ਸੋ ਮਾਤੁਪਿ ਸਦਿਸੋ ਪਿਤੁਪਿ ਸਦਿਸੋ, ‘ਖਤ੍ਤਿਯੋ’ਤਿਪਿ વਤ੍ਤਬ੍ਬੋ ‘ਬ੍ਰਾਹ੍ਮਣੋ’ਤਿਪਿ વਤ੍ਤਬ੍ਬੋ’’ਤਿ? ‘‘ਯੋ ਸੋ, ਭੋ ਗੋਤਮ, ਬ੍ਰਾਹ੍ਮਣਕੁਮਾਰੇਨ ਖਤ੍ਤਿਯਕਞ੍ਞਾਯ ਪੁਤ੍ਤੋ ਉਪ੍ਪਨ੍ਨੋ, ਸਿਯਾ ਸੋ ਮਾਤੁਪਿ ਸਦਿਸੋ ਪਿਤੁਪਿ ਸਦਿਸੋ, ‘ਖਤ੍ਤਿਯੋ’ਤਿਪਿ વਤ੍ਤਬ੍ਬੋ ‘ਬ੍ਰਾਹ੍ਮਣੋ’ਤਿਪਿ વਤ੍ਤਬ੍ਬੋ’’ਤਿ।
‘‘Taṃ kiṃ maññasi, assalāyana, idha brāhmaṇakumāro khattiyakaññāya saddhiṃ saṃvāsaṃ kappeyya, tesaṃ saṃvāsamanvāya putto jāyetha; yo so brāhmaṇakumārena khattiyakaññāya putto uppanno, siyā so mātupi sadiso pitupi sadiso, ‘khattiyo’tipi vattabbo ‘brāhmaṇo’tipi vattabbo’’ti? ‘‘Yo so, bho gotama, brāhmaṇakumārena khattiyakaññāya putto uppanno, siyā so mātupi sadiso pitupi sadiso, ‘khattiyo’tipi vattabbo ‘brāhmaṇo’tipi vattabbo’’ti.
‘‘ਤਂ ਕਿਂ ਮਞ੍ਞਸਿ, ਅਸ੍ਸਲਾਯਨ ਇਧ વਲ਼વਂ ਗਦ੍ਰਭੇਨ ਸਮ੍ਪਯੋਜੇਯ੍ਯੁਂ 25, ਤੇਸਂ ਸਮ੍ਪਯੋਗਮਨ੍વਾਯ ਕਿਸੋਰੋ ਜਾਯੇਥ; ਯੋ ਸੋ વਲ਼વਾਯ ਗਦ੍ਰਭੇਨ ਕਿਸੋਰੋ ਉਪ੍ਪਨ੍ਨੋ, ਸਿਯਾ ਸੋ ਮਾਤੁਪਿ ਸਦਿਸੋ ਪਿਤੁਪਿ ਸਦਿਸੋ, ‘ਅਸ੍ਸੋ’ਤਿਪਿ વਤ੍ਤਬ੍ਬੋ ‘ਗਦ੍ਰਭੋ’ਤਿਪਿ વਤ੍ਤਬ੍ਬੋ’’ਤਿ? ‘‘ਕੁਣ੍ਡਞ੍ਹਿ ਸੋ 26, ਭੋ ਗੋਤਮ, ਅਸ੍ਸਤਰੋ ਹੋਤਿ। ਇਦਂ ਹਿਸ੍ਸ , ਭੋ ਗੋਤਮ, ਨਾਨਾਕਰਣਂ ਪਸ੍ਸਾਮਿ; ਅਮੁਤ੍ਰ ਚ ਪਨੇਸਾਨਂ ਨ ਕਿਞ੍ਚਿ ਨਾਨਾਕਰਣਂ ਪਸ੍ਸਾਮੀ’’ਤਿ।
‘‘Taṃ kiṃ maññasi, assalāyana idha vaḷavaṃ gadrabhena sampayojeyyuṃ 27, tesaṃ sampayogamanvāya kisoro jāyetha; yo so vaḷavāya gadrabhena kisoro uppanno, siyā so mātupi sadiso pitupi sadiso, ‘asso’tipi vattabbo ‘gadrabho’tipi vattabbo’’ti? ‘‘Kuṇḍañhi so 28, bho gotama, assataro hoti. Idaṃ hissa , bho gotama, nānākaraṇaṃ passāmi; amutra ca panesānaṃ na kiñci nānākaraṇaṃ passāmī’’ti.
‘‘ਤਂ ਕਿਂ ਮਞ੍ਞਸਿ, ਅਸ੍ਸਲਾਯਨ, ਇਧਾਸ੍ਸੁ ਦ੍વੇ ਮਾਣવਕਾ ਭਾਤਰੋ ਸਉਦਰਿਯਾ, ਏਕੋ ਅਜ੍ਝਾਯਕੋ ਉਪਨੀਤੋ ਏਕੋ ਅਨਜ੍ਝਾਯਕੋ ਅਨੁਪਨੀਤੋ। ਕਮੇਤ੍ਥ ਬ੍ਰਾਹ੍ਮਣਾ ਪਠਮਂ ਭੋਜੇਯ੍ਯੁਂ ਸਦ੍ਧੇ વਾ ਥਾਲਿਪਾਕੇ વਾ ਯਞ੍ਞੇ વਾ ਪਾਹੁਨੇ વਾ’’ਤਿ? ‘‘ਯੋ ਸੋ, ਭੋ ਗੋਤਮ, ਮਾਣવਕੋ ਅਜ੍ਝਾਯਕੋ ਉਪਨੀਤੋ ਤਮੇਤ੍ਥ ਬ੍ਰਾਹ੍ਮਣਾ ਪਠਮਂ ਭੋਜੇਯ੍ਯੁਂ ਸਦ੍ਧੇ વਾ ਥਾਲਿਪਾਕੇ વਾ ਯਞ੍ਞੇ વਾ ਪਾਹੁਨੇ વਾ। ਕਿਞ੍ਹਿ, ਭੋ ਗੋਤਮ, ਅਨਜ੍ਝਾਯਕੇ ਅਨੁਪਨੀਤੇ ਦਿਨ੍ਨਂ ਮਹਪ੍ਫਲਂ ਭવਿਸ੍ਸਤੀ’’ਤਿ?
‘‘Taṃ kiṃ maññasi, assalāyana, idhāssu dve māṇavakā bhātaro saudariyā, eko ajjhāyako upanīto eko anajjhāyako anupanīto. Kamettha brāhmaṇā paṭhamaṃ bhojeyyuṃ saddhe vā thālipāke vā yaññe vā pāhune vā’’ti? ‘‘Yo so, bho gotama, māṇavako ajjhāyako upanīto tamettha brāhmaṇā paṭhamaṃ bhojeyyuṃ saddhe vā thālipāke vā yaññe vā pāhune vā. Kiñhi, bho gotama, anajjhāyake anupanīte dinnaṃ mahapphalaṃ bhavissatī’’ti?
‘‘ਤਂ ਕਿਂ ਮਞ੍ਞਸਿ, ਅਸ੍ਸਲਾਯਨ, ਇਧਾਸ੍ਸੁ ਦ੍વੇ ਮਾਣવਕਾ ਭਾਤਰੋ ਸਉਦਰਿਯਾ, ਏਕੋ ਅਜ੍ਝਾਯਕੋ ਉਪਨੀਤੋ ਦੁਸ੍ਸੀਲੋ ਪਾਪਧਮ੍ਮੋ, ਏਕੋ ਅਨਜ੍ਝਾਯਕੋ ਅਨੁਪਨੀਤੋ ਸੀਲવਾ ਕਲ੍ਯਾਣਧਮ੍ਮੋ। ਕਮੇਤ੍ਥ ਬ੍ਰਾਹ੍ਮਣਾ ਪਠਮਂ ਭੋਜੇਯ੍ਯੁਂ ਸਦ੍ਧੇ વਾ ਥਾਲਿਪਾਕੇ વਾ ਯਞ੍ਞੇ વਾ ਪਾਹੁਨੇ વਾ’’ਤਿ? ‘‘ਯੋ ਸੋ, ਭੋ ਗੋਤਮ, ਮਾਣવਕੋ ਅਨਜ੍ਝਾਯਕੋ ਅਨੁਪਨੀਤੋ ਸੀਲવਾ ਕਲ੍ਯਾਣਧਮ੍ਮੋ ਤਮੇਤ੍ਥ ਬ੍ਰਾਹ੍ਮਣਾ ਪਠਮਂ ਭੋਜੇਯ੍ਯੁਂ ਸਦ੍ਧੇ વਾ ਥਾਲਿਪਾਕੇ વਾ ਯਞ੍ਞੇ વਾ ਪਾਹੁਨੇ વਾ। ਕਿਞ੍ਹਿ, ਭੋ ਗੋਤਮ, ਦੁਸ੍ਸੀਲੇ ਪਾਪਧਮ੍ਮੇ ਦਿਨ੍ਨਂ ਮਹਪ੍ਫਲਂ ਭવਿਸ੍ਸਤੀ’’ਤਿ?
‘‘Taṃ kiṃ maññasi, assalāyana, idhāssu dve māṇavakā bhātaro saudariyā, eko ajjhāyako upanīto dussīlo pāpadhammo, eko anajjhāyako anupanīto sīlavā kalyāṇadhammo. Kamettha brāhmaṇā paṭhamaṃ bhojeyyuṃ saddhe vā thālipāke vā yaññe vā pāhune vā’’ti? ‘‘Yo so, bho gotama, māṇavako anajjhāyako anupanīto sīlavā kalyāṇadhammo tamettha brāhmaṇā paṭhamaṃ bhojeyyuṃ saddhe vā thālipāke vā yaññe vā pāhune vā. Kiñhi, bho gotama, dussīle pāpadhamme dinnaṃ mahapphalaṃ bhavissatī’’ti?
‘‘ਪੁਬ੍ਬੇ ਖੋ ਤ੍વਂ, ਅਸ੍ਸਲਾਯਨ, ਜਾਤਿਂ ਅਗਮਾਸਿ; ਜਾਤਿਂ ਗਨ੍ਤ੍વਾ ਮਨ੍ਤੇ ਅਗਮਾਸਿ; ਮਨ੍ਤੇ ਗਨ੍ਤ੍વਾ ਤਪੇ ਅਗਮਾਸਿ; ਤਪੇ ਗਨ੍ਤ੍વਾ 29 ਚਾਤੁવਣ੍ਣਿਂ ਸੁਦ੍ਧਿਂ ਪਚ੍ਚਾਗਤੋ, ਯਮਹਂ ਪਞ੍ਞਪੇਮੀ’’ਤਿ। ਏવਂ વੁਤ੍ਤੇ, ਅਸ੍ਸਲਾਯਨੋ ਮਾਣવੋ ਤੁਣ੍ਹੀਭੂਤੋ ਮਙ੍ਕੁਭੂਤੋ ਪਤ੍ਤਕ੍ਖਨ੍ਧੋ ਅਧੋਮੁਖੋ ਪਜ੍ਝਾਯਨ੍ਤੋ ਅਪ੍ਪਟਿਭਾਨੋ ਨਿਸੀਦਿ।
‘‘Pubbe kho tvaṃ, assalāyana, jātiṃ agamāsi; jātiṃ gantvā mante agamāsi; mante gantvā tape agamāsi; tape gantvā 30 cātuvaṇṇiṃ suddhiṃ paccāgato, yamahaṃ paññapemī’’ti. Evaṃ vutte, assalāyano māṇavo tuṇhībhūto maṅkubhūto pattakkhandho adhomukho pajjhāyanto appaṭibhāno nisīdi.
੪੧੦. ਅਥ ਖੋ ਭਗવਾ ਅਸ੍ਸਲਾਯਨਂ ਮਾਣવਂ ਤੁਣ੍ਹੀਭੂਤਂ ਮਙ੍ਕੁਭੂਤਂ ਪਤ੍ਤਕ੍ਖਨ੍ਧਂ ਅਧੋਮੁਖਂ ਪਜ੍ਝਾਯਨ੍ਤਂ ਅਪ੍ਪਟਿਭਾਨਂ વਿਦਿਤ੍વਾ ਅਸ੍ਸਲਾਯਨਂ ਮਾਣવਂ ਏਤਦવੋਚ – ‘‘ਭੂਤਪੁਬ੍ਬਂ, ਅਸ੍ਸਲਾਯਨ, ਸਤ੍ਤਨ੍ਨਂ ਬ੍ਰਾਹ੍ਮਣਿਸੀਨਂ ਅਰਞ੍ਞਾਯਤਨੇ ਪਣ੍ਣਕੁਟੀਸੁ ਸਮ੍ਮਨ੍ਤਾਨਂ 31 ਏવਰੂਪਂ ਪਾਪਕਂ ਦਿਟ੍ਠਿਗਤਂ ਉਪ੍ਪਨ੍ਨਂ ਹੋਤਿ – ‘ਬ੍ਰਾਹ੍ਮਣੋવ ਸੇਟ੍ਠੋ વਣ੍ਣੋ, ਹੀਨੋ ਅਞ੍ਞੋ વਣ੍ਣੋ…ਪੇ॰… ਬ੍ਰਹ੍ਮਦਾਯਾਦਾ’ਤਿ। ਅਸ੍ਸੋਸਿ ਖੋ , ਅਸ੍ਸਲਾਯਨ, ਅਸਿਤੋ ਦੇવਲੋ ਇਸਿ – ‘ਸਤ੍ਤਨ੍ਨਂ ਕਿਰ ਬ੍ਰਾਹ੍ਮਣਿਸੀਨਂ ਅਰਞ੍ਞਾਯਤਨੇ ਪਣ੍ਣਕੁਟੀਸੁ ਸਮ੍ਮਨ੍ਤਾਨਂ ਏવਰੂਪਂ ਪਾਪਕਂ ਦਿਟ੍ਠਿਗਤਂ ਉਪ੍ਪਨ੍ਨਂ – ਬ੍ਰਾਹ੍ਮਣੋવ ਸੇਟ੍ਠੋ વਣ੍ਣੋ…ਪੇ॰… ਬ੍ਰਹ੍ਮਦਾਯਾਦਾ’ਤਿ। ਅਥ ਖੋ, ਅਸ੍ਸਲਾਯਨ, ਅਸਿਤੋ ਦੇવਲੋ ਇਸਿ ਕੇਸਮਸ੍ਸੁਂ ਕਪ੍ਪੇਤ੍વਾ ਮਞ੍ਜਿਟ੍ਠવਣ੍ਣਾਨਿ ਦੁਸ੍ਸਾਨਿ ਨਿવਾਸੇਤ੍વਾ ਪਟਲਿਯੋ 32 ਉਪਾਹਨਾ ਆਰੁਹਿਤ੍વਾ ਜਾਤਰੂਪਮਯਂ ਦਣ੍ਡਂ ਗਹੇਤ੍વਾ ਸਤ੍ਤਨ੍ਨਂ ਬ੍ਰਾਹ੍ਮਣਿਸੀਨਂ ਪਤ੍ਥਣ੍ਡਿਲੇ ਪਾਤੁਰਹੋਸਿ। ਅਥ ਖੋ, ਅਸ੍ਸਲਾਯਨ, ਅਸਿਤੋ ਦੇવਲੋ ਇਸਿ ਸਤ੍ਤਨ੍ਨਂ ਬ੍ਰਾਹ੍ਮਣਿਸੀਨਂ ਪਤ੍ਥਣ੍ਡਿਲੇ ਚਙ੍ਕਮਮਾਨੋ ਏવਮਾਹ – ‘ਹਨ੍ਦ, ਕੋ ਨੁ ਖੋ ਇਮੇ ਭવਨ੍ਤੋ ਬ੍ਰਾਹ੍ਮਣਿਸਯੋ ਗਤਾ 33; ਹਨ੍ਦ, ਕੋ ਨੁ ਖੋ ਇਮੇ ਭવਨ੍ਤੋ ਬ੍ਰਾਹ੍ਮਣਿਸਯੋ ਗਤਾ’ਤਿ? ਅਥ ਖੋ, ਅਸ੍ਸਲਾਯਨ, ਸਤ੍ਤਨ੍ਨਂ ਬ੍ਰਾਹ੍ਮਣਿਸੀਨਂ ਏਤਦਹੋਸਿ – ‘ਕੋ ਨਾਯਂ ਗਾਮਣ੍ਡਲਰੂਪੋ વਿਯ ਸਤ੍ਤਨ੍ਨਂ ਬ੍ਰਾਹ੍ਮਣਿਸੀਨਂ ਪਤ੍ਥਣ੍ਡਿਲੇ ਚਙ੍ਕਮਮਾਨੋ ਏવਮਾਹ – ‘ਹਨ੍ਦ, ਕੋ ਨੁ ਖੋ ਇਮੇ ਭવਨ੍ਤੋ ਬ੍ਰਾਹ੍ਮਣਿਸਯੋ ਗਤਾ; ਹਨ੍ਦ, ਕੋ ਨੁ ਖੋ ਇਮੇ ਭવਨ੍ਤੋ ਬ੍ਰਾਹ੍ਮਣਿਸਯੋ ਗਤਾਤਿ? ਹਨ੍ਦ, ਨਂ ਅਭਿਸਪਾਮਾ’ਤਿ। ਅਥ ਖੋ, ਅਸ੍ਸਲਾਯਨ, ਸਤ੍ਤ ਬ੍ਰਾਹ੍ਮਣਿਸਯੋ ਅਸਿਤਂ ਦੇવਲਂ ਇਸਿਂ ਅਭਿਸਪਿਂਸੁ – ‘ਭਸ੍ਮਾ, વਸਲ 34, ਹੋਹਿ; ਭਸ੍ਮਾ, વਸਲ, ਹੋਹੀ’ਤਿ 35। ਯਥਾ ਯਥਾ ਖੋ, ਅਸ੍ਸਲਾਯਨ, ਸਤ੍ਤ ਬ੍ਰਾਹ੍ਮਣਿਸਯੋ ਅਸਿਤਂ ਦੇવਲਂ ਇਸਿਂ ਅਭਿਸਪਿਂਸੁ ਤਥਾ ਤਥਾ ਅਸਿਤੋ ਦੇવਲੋ ਇਸਿ ਅਭਿਰੂਪਤਰੋ ਚੇવ ਹੋਤਿ ਦਸ੍ਸਨੀਯਤਰੋ ਚ ਪਾਸਾਦਿਕਤਰੋ ਚ। ਅਥ ਖੋ, ਅਸ੍ਸਲਾਯਨ, ਸਤ੍ਤਨ੍ਨਂ ਬ੍ਰਾਹ੍ਮਣਿਸੀਨਂ ਏਤਦਹੋਸਿ – ‘ਮੋਘਂ વਤ ਨੋ ਤਪੋ, ਅਫਲਂ ਬ੍ਰਹ੍ਮਚਰਿਯਂ। ਮਯਞ੍ਹਿ ਪੁਬ੍ਬੇ ਯਂ ਅਭਿਸਪਾਮ – ਭਸ੍ਮਾ, વਸਲ, ਹੋਹਿ; ਭਸ੍ਮਾ, વਸਲ, ਹੋਹੀਤਿ ਭਸ੍ਮਾવ ਭવਤਿ ਏਕਚ੍ਚੋ। ਇਮਂ ਪਨ ਮਯਂ ਯਥਾ ਯਥਾ ਅਭਿਸਪਾਮ ਤਥਾ ਤਥਾ ਅਭਿਰੂਪਤਰੋ ਚੇવ ਹੋਤਿ ਦਸ੍ਸਨੀਯਤਰੋ ਚ ਪਾਸਾਦਿਕਤਰੋ ਚਾ’ਤਿ। ‘ਨ ਭવਨ੍ਤਾਨਂ ਮੋਘਂ ਤਪੋ, ਨਾਫਲਂ ਬ੍ਰਹ੍ਮਚਰਿਯਂ। ਇਙ੍ਘ ਭવਨ੍ਤੋ, ਯੋ ਮਯਿ ਮਨੋਪਦੋਸੋ ਤਂ ਪਜਹਥਾ’ਤਿ। ‘ਯੋ ਭવਤਿ ਮਨੋਪਦੋਸੋ ਤਂ ਪਜਹਾਮ। ਕੋ ਨੁ ਭવਂ ਹੋਤੀ’ਤਿ? ‘ਸੁਤੋ ਨੁ ਭવਤਂ – ਅਸਿਤੋ ਦੇવਲੋ ਇਸੀ’ਤਿ? ‘ਏવਂ, ਭੋ’। ‘ਸੋ ਖ੍વਾਹਂ, ਭੋ, ਹੋਮੀ’ਤਿ। ਅਥ ਖੋ, ਅਸ੍ਸਲਾਯਨ, ਸਤ੍ਤ ਬ੍ਰਾਹ੍ਮਣਿਸਯੋ ਅਸਿਤਂ ਦੇવਲਂ ਇਸਿਂ ਅਭਿવਾਦੇਤੁਂ ਉਪਕ੍ਕਮਿਂਸੁ।
410. Atha kho bhagavā assalāyanaṃ māṇavaṃ tuṇhībhūtaṃ maṅkubhūtaṃ pattakkhandhaṃ adhomukhaṃ pajjhāyantaṃ appaṭibhānaṃ viditvā assalāyanaṃ māṇavaṃ etadavoca – ‘‘bhūtapubbaṃ, assalāyana, sattannaṃ brāhmaṇisīnaṃ araññāyatane paṇṇakuṭīsu sammantānaṃ 36 evarūpaṃ pāpakaṃ diṭṭhigataṃ uppannaṃ hoti – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’ti. Assosi kho , assalāyana, asito devalo isi – ‘sattannaṃ kira brāhmaṇisīnaṃ araññāyatane paṇṇakuṭīsu sammantānaṃ evarūpaṃ pāpakaṃ diṭṭhigataṃ uppannaṃ – brāhmaṇova seṭṭho vaṇṇo…pe… brahmadāyādā’ti. Atha kho, assalāyana, asito devalo isi kesamassuṃ kappetvā mañjiṭṭhavaṇṇāni dussāni nivāsetvā paṭaliyo 37 upāhanā āruhitvā jātarūpamayaṃ daṇḍaṃ gahetvā sattannaṃ brāhmaṇisīnaṃ patthaṇḍile pāturahosi. Atha kho, assalāyana, asito devalo isi sattannaṃ brāhmaṇisīnaṃ patthaṇḍile caṅkamamāno evamāha – ‘handa, ko nu kho ime bhavanto brāhmaṇisayo gatā 38; handa, ko nu kho ime bhavanto brāhmaṇisayo gatā’ti? Atha kho, assalāyana, sattannaṃ brāhmaṇisīnaṃ etadahosi – ‘ko nāyaṃ gāmaṇḍalarūpo viya sattannaṃ brāhmaṇisīnaṃ patthaṇḍile caṅkamamāno evamāha – ‘handa, ko nu kho ime bhavanto brāhmaṇisayo gatā; handa, ko nu kho ime bhavanto brāhmaṇisayo gatāti? Handa, naṃ abhisapāmā’ti. Atha kho, assalāyana, satta brāhmaṇisayo asitaṃ devalaṃ isiṃ abhisapiṃsu – ‘bhasmā, vasala 39, hohi; bhasmā, vasala, hohī’ti 40. Yathā yathā kho, assalāyana, satta brāhmaṇisayo asitaṃ devalaṃ isiṃ abhisapiṃsu tathā tathā asito devalo isi abhirūpataro ceva hoti dassanīyataro ca pāsādikataro ca. Atha kho, assalāyana, sattannaṃ brāhmaṇisīnaṃ etadahosi – ‘moghaṃ vata no tapo, aphalaṃ brahmacariyaṃ. Mayañhi pubbe yaṃ abhisapāma – bhasmā, vasala, hohi; bhasmā, vasala, hohīti bhasmāva bhavati ekacco. Imaṃ pana mayaṃ yathā yathā abhisapāma tathā tathā abhirūpataro ceva hoti dassanīyataro ca pāsādikataro cā’ti. ‘Na bhavantānaṃ moghaṃ tapo, nāphalaṃ brahmacariyaṃ. Iṅgha bhavanto, yo mayi manopadoso taṃ pajahathā’ti. ‘Yo bhavati manopadoso taṃ pajahāma. Ko nu bhavaṃ hotī’ti? ‘Suto nu bhavataṃ – asito devalo isī’ti? ‘Evaṃ, bho’. ‘So khvāhaṃ, bho, homī’ti. Atha kho, assalāyana, satta brāhmaṇisayo asitaṃ devalaṃ isiṃ abhivādetuṃ upakkamiṃsu.
੪੧੧. ‘‘ਅਥ ਖੋ, ਅਸ੍ਸਲਾਯਨ, ਅਸਿਤੋ ਦੇવਲੋ ਇਸਿ ਸਤ੍ਤ ਬ੍ਰਾਹ੍ਮਣਿਸਯੋ ਏਤਦવੋਚ – ‘ਸੁਤਂ ਮੇਤਂ, ਭੋ, ਸਤ੍ਤਨ੍ਨਂ ਕਿਰ ਬ੍ਰਾਹ੍ਮਣਿਸੀਨਂ ਅਰਞ੍ਞਾਯਤਨੇ ਪਣ੍ਣਕੁਟੀਸੁ ਸਮ੍ਮਨ੍ਤਾਨਂ ਏવਰੂਪਂ ਪਾਪਕਂ ਦਿਟ੍ਠਿਗਤਂ ਉਪ੍ਪਨ੍ਨਂ – ਬ੍ਰਾਹ੍ਮਣੋવ ਸੇਟ੍ਠੋ વਣ੍ਣੋ, ਹੀਨੋ ਅਞ੍ਞੋ વਣ੍ਣੋ; ਬ੍ਰਾਹ੍ਮਣੋવ ਸੁਕ੍ਕੋ વਣ੍ਣੋ , ਕਣ੍ਹੋ ਅਞ੍ਞੋ વਣ੍ਣੋ; ਬ੍ਰਾਹ੍ਮਣਾવ ਸੁਜ੍ਝਨ੍ਤਿ, ਨੋ ਅਬ੍ਰਾਹ੍ਮਣਾ; ਬ੍ਰਾਹ੍ਮਣਾવ ਬ੍ਰਹ੍ਮੁਨੋ ਪੁਤ੍ਤਾ ਓਰਸਾ ਮੁਖਤੋ ਜਾਤਾ ਬ੍ਰਹ੍ਮਜਾ ਬ੍ਰਹ੍ਮਨਿਮ੍ਮਿਤਾ ਬ੍ਰਹ੍ਮਦਾਯਾਦਾ’ਤਿ। ‘ਏવਂ, ਭੋ’।
411. ‘‘Atha kho, assalāyana, asito devalo isi satta brāhmaṇisayo etadavoca – ‘sutaṃ metaṃ, bho, sattannaṃ kira brāhmaṇisīnaṃ araññāyatane paṇṇakuṭīsu sammantānaṃ evarūpaṃ pāpakaṃ diṭṭhigataṃ uppannaṃ – brāhmaṇova seṭṭho vaṇṇo, hīno añño vaṇṇo; brāhmaṇova sukko vaṇṇo , kaṇho añño vaṇṇo; brāhmaṇāva sujjhanti, no abrāhmaṇā; brāhmaṇāva brahmuno puttā orasā mukhato jātā brahmajā brahmanimmitā brahmadāyādā’ti. ‘Evaṃ, bho’.
‘‘‘ਜਾਨਨ੍ਤਿ ਪਨ ਭੋਨ੍ਤੋ – ਯਾ ਜਨਿਕਾ ਮਾਤਾ 41 ਬ੍ਰਾਹ੍ਮਣਂਯੇવ ਅਗਮਾਸਿ, ਨੋ ਅਬ੍ਰਾਹ੍ਮਣ’ਨ੍ਤਿ? ‘ਨੋ ਹਿਦਂ, ਭੋ’।
‘‘‘Jānanti pana bhonto – yā janikā mātā 42 brāhmaṇaṃyeva agamāsi, no abrāhmaṇa’nti? ‘No hidaṃ, bho’.
‘‘‘ਜਾਨਨ੍ਤਿ ਪਨ ਭੋਨ੍ਤੋ – ਯਾ ਜਨਿਕਾਮਾਤੁ 43 ਮਾਤਾ ਯਾવ ਸਤ੍ਤਮਾ ਮਾਤੁਮਾਤਾਮਹਯੁਗਾ ਬ੍ਰਾਹ੍ਮਣਂਯੇવ ਅਗਮਾਸਿ, ਨੋ ਅਬ੍ਰਾਹ੍ਮਣ’ਨ੍ਤਿ? ‘ਨੋ ਹਿਦਂ, ਭੋ’।
‘‘‘Jānanti pana bhonto – yā janikāmātu 44 mātā yāva sattamā mātumātāmahayugā brāhmaṇaṃyeva agamāsi, no abrāhmaṇa’nti? ‘No hidaṃ, bho’.
‘‘‘ਜਾਨਨ੍ਤਿ ਪਨ ਭੋਨ੍ਤੋ – ਯੋ ਜਨਕੋ ਪਿਤਾ 45 ਬ੍ਰਾਹ੍ਮਣਿਂਯੇવ ਅਗਮਾਸਿ, ਨੋ ਅਬ੍ਰਾਹ੍ਮਣਿ’ਨ੍ਤਿ? ‘ਨੋ ਹਿਦਂ, ਭੋ’।
‘‘‘Jānanti pana bhonto – yo janako pitā 46 brāhmaṇiṃyeva agamāsi, no abrāhmaṇi’nti? ‘No hidaṃ, bho’.
‘‘‘ਜਾਨਨ੍ਤਿ ਪਨ ਭੋਨ੍ਤੋ – ਯੋ ਜਨਕਪਿਤੁ 47 ਪਿਤਾ ਯਾવ ਸਤ੍ਤਮਾ ਪਿਤੁਪਿਤਾਮਹਯੁਗਾ ਬ੍ਰਾਹ੍ਮਣਿਂਯੇવ ਅਗਮਾਸਿ, ਨੋ ਅਬ੍ਰਾਹ੍ਮਣਿ’ਨ੍ਤਿ? ‘ਨੋ ਹਿਦਂ, ਭੋ’।
‘‘‘Jānanti pana bhonto – yo janakapitu 48 pitā yāva sattamā pitupitāmahayugā brāhmaṇiṃyeva agamāsi, no abrāhmaṇi’nti? ‘No hidaṃ, bho’.
‘‘‘ਜਾਨਨ੍ਤਿ ਪਨ ਭੋਨ੍ਤੋ – ਤਗ੍ਘ 53, ਸੋ ਗਨ੍ਧਬ੍ਬੋ ਖਤ੍ਤਿਯੋ વਾ ਬ੍ਰਾਹ੍ਮਣੋ વਾ વੇਸ੍ਸੋ વਾ ਸੁਦ੍ਦੋ વਾ’ਤਿ? ‘ਨ ਮਯਂ, ਭੋ, ਜਾਨਾਮ – ਤਗ੍ਘ ਸੋ ਗਨ੍ਧਬ੍ਬੋ ਖਤ੍ਤਿਯੋ વਾ ਬ੍ਰਾਹ੍ਮਣੋ વਾ વੇਸ੍ਸੋ વਾ ਸੁਦ੍ਦੋ વਾ’ਤਿ। ‘ਏવਂ ਸਨ੍ਤੇ, ਭੋ, ਜਾਨਾਥ – ਕੇ ਤੁਮ੍ਹੇ ਹੋਥਾ’ਤਿ? ‘ਏવਂ ਸਨ੍ਤੇ, ਭੋ , ਨ ਮਯਂ ਜਾਨਾਮ – ਕੇ ਮਯਂ ਹੋਮਾ’ਤਿ। ਤੇ ਹਿ ਨਾਮ, ਅਸ੍ਸਲਾਯਨ, ਸਤ੍ਤ ਬ੍ਰਾਹ੍ਮਣਿਸਯੋ ਅਸਿਤੇਨ ਦੇવਲੇਨ ਇਸਿਨਾ ਸਕੇ ਜਾਤਿવਾਦੇ ਸਮਨੁਯੁਞ੍ਜੀਯਮਾਨਾ ਸਮਨੁਗ੍ਗਾਹੀਯਮਾਨਾ ਸਮਨੁਭਾਸੀਯਮਾਨਾ ਨ ਸਮ੍ਪਾਯਿਸ੍ਸਨ੍ਤਿ; ਕਿਂ ਪਨ ਤ੍વਂ ਏਤਰਹਿ ਮਯਾ ਸਕਸ੍ਮਿਂ ਜਾਤਿવਾਦੇ ਸਮਨੁਯੁਞ੍ਜੀਯਮਾਨੋ ਸਮਨੁਗ੍ਗਾਹੀਯਮਾਨੋ ਸਮਨੁਭਾਸੀਯਮਾਨੋ ਸਮ੍ਪਾਯਿਸ੍ਸਸਿ, ਯੇਸਂ ਤ੍વਂ ਸਾਚਰਿਯਕੋ ਨ ਪੁਣ੍ਣੋ ਦਬ੍ਬਿਗਾਹੋ’’ਤਿ।
‘‘‘Jānanti pana bhonto – taggha 54, so gandhabbo khattiyo vā brāhmaṇo vā vesso vā suddo vā’ti? ‘Na mayaṃ, bho, jānāma – taggha so gandhabbo khattiyo vā brāhmaṇo vā vesso vā suddo vā’ti. ‘Evaṃ sante, bho, jānātha – ke tumhe hothā’ti? ‘Evaṃ sante, bho , na mayaṃ jānāma – ke mayaṃ homā’ti. Te hi nāma, assalāyana, satta brāhmaṇisayo asitena devalena isinā sake jātivāde samanuyuñjīyamānā samanuggāhīyamānā samanubhāsīyamānā na sampāyissanti; kiṃ pana tvaṃ etarahi mayā sakasmiṃ jātivāde samanuyuñjīyamāno samanuggāhīyamāno samanubhāsīyamāno sampāyissasi, yesaṃ tvaṃ sācariyako na puṇṇo dabbigāho’’ti.
ਏવਂ વੁਤ੍ਤੇ, ਅਸ੍ਸਲਾਯਨੋ ਮਾਣવੋ ਭਗવਨ੍ਤਂ ਏਤਦવੋਚ – ‘‘ਅਭਿਕ੍ਕਨ੍ਤਂ, ਭੋ ਗੋਤਮ…ਪੇ॰… ਉਪਾਸਕਂ ਮਂ ਭવਂ ਗੋਤਮੋ ਧਾਰੇਤੁ ਅਜ੍ਜਤਗ੍ਗੇ ਪਾਣੁਪੇਤਂ ਸਰਣਂ ਗਤ’’ਨ੍ਤਿ।
Evaṃ vutte, assalāyano māṇavo bhagavantaṃ etadavoca – ‘‘abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
ਅਸ੍ਸਲਾਯਨਸੁਤ੍ਤਂ ਨਿਟ੍ਠਿਤਂ ਤਤਿਯਂ।
Assalāyanasuttaṃ niṭṭhitaṃ tatiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੩. ਅਸ੍ਸਲਾਯਨਸੁਤ੍ਤવਣ੍ਣਨਾ • 3. Assalāyanasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੩. ਅਸ੍ਸਲਾਯਨਸੁਤ੍ਤવਣ੍ਣਨਾ • 3. Assalāyanasuttavaṇṇanā
