| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
3. ассалааяанасуд̇д̇аван̣н̣анаа
3. Assalāyanasuttavaṇṇanā
401. звам̣ мз суд̇анд̇и ассалааяанасуд̇д̇ам̣. д̇ад̇т̇а наанаавзраж̇ж̇агаананд̇и ан̇г̇амаг̇ад̇хаад̣̇ийхи наанаббагаарзхи взраж̇ж̇зхи ааг̇ад̇аанам̣, д̇зсу ваа радтзсу ж̇аад̇асам̣вад̣дхаананд̇иби ад̇т̇о. гзнажид̣̇зваад̇и яан̃н̃убаасанаад̣̇инаа анияамид̇агижжзна. жаад̇уван̣н̣инд̇и жад̇уван̣н̣асаад̇хааран̣ам̣. маяам̣ бана нхаанасуд̣̇д̇хияаа бхааванаасуд̣̇д̇хияааби б̣раахман̣аава суж̇жханд̇ийд̇и вад̣̇аама, аяуд̇д̇амби саман̣о г̇од̇амо гарод̇ийд̇и ман̃н̃амаанаа звам̣ жинд̇аяим̣су. вуд̇д̇асирод̇и ваабид̇асиро.
401.Evaṃme sutanti assalāyanasuttaṃ. Tattha nānāverajjakānanti aṅgamagadhādīhi nānappakārehi verajjehi āgatānaṃ, tesu vā raṭṭhesu jātasaṃvaḍḍhānantipi attho. Kenacidevāti yaññupāsanādinā aniyamitakiccena. Cātuvaṇṇinti catuvaṇṇasādhāraṇaṃ. Mayaṃ pana nhānasuddhiyā bhāvanāsuddhiyāpi brāhmaṇāva sujjhantīti vadāma, ayuttampi samaṇo gotamo karotīti maññamānā evaṃ cintayiṃsu. Vuttasiroti vāpitasiro.
д̇хаммаваад̣̇ийд̇и сабхаававаад̣̇ий. д̣̇уббадиманд̇ияаад̇и амхаад̣̇исзхи ад̇хаммаваад̣̇ийхи д̣̇угкзна бадиманд̇ид̇аб̣б̣аа хонд̇и. д̇хаммаваад̣̇ино наама барааж̇аяо на саггаа гаад̇унд̇и д̣̇ассзд̇и. бариб̣б̣ааж̇аганд̇и баб̣б̣аж̇ж̇аавид̇хаанам̣, д̇аяо взд̣̇з уг̇г̇ахзд̇ваа саб̣б̣абажчаа баб̣б̣аж̇анд̇аа язхи манд̇зхи баб̣б̣аж̇анд̇и, баб̣б̣аж̇ид̇аа жа яз манд̇з барихаранд̇и, яам̣ ваа аажаарам̣ аажаранд̇и, д̇ам̣ саб̣б̣ам̣ бход̇аа жарид̇ам̣ сигкид̇ам̣. д̇асмаа д̇уяхам̣ барааж̇аяо над̇т̇и, ж̇аяова бхависсад̇ийд̇и ман̃н̃анд̇аа звамаахам̣су.
Dhammavādīti sabhāvavādī. Duppaṭimantiyāti amhādisehi adhammavādīhi dukkhena paṭimantitabbā honti. Dhammavādino nāma parājayo na sakkā kātunti dasseti. Paribbājakanti pabbajjāvidhānaṃ, tayo vede uggahetvā sabbapacchā pabbajantā yehi mantehi pabbajanti, pabbajitā ca ye mante pariharanti, yaṃ vā ācāraṃ ācaranti, taṃ sabbaṃ bhotā caritaṃ sikkhitaṃ. Tasmā tuyhaṃ parājayo natthi, jayova bhavissatīti maññantā evamāhaṃsu.
402. д̣̇иссанд̇и ко банаад̇иаад̣̇и д̇зсам̣ лад̣̇д̇хибхинд̣̇анад̇т̇ам̣ вуд̇д̇ам̣. д̇ад̇т̇а б̣раахман̣ияод̇и б̣раахман̣аанам̣ буд̇д̇абадилаабхад̇т̇ааяа ааваахавиваахавасзна гулаа аанийд̇аа б̣раахман̣ияо д̣̇иссанд̇и . д̇аа ко банзд̇аа абарзна самаязна уд̇унияоби хонд̇и, сан̃ж̇аад̇абубпаад̇и ад̇т̇о. г̇аб̣бхинияод̇и сан̃ж̇аад̇аг̇аб̣бхаа. виж̇ааяамаанаад̇и буд̇д̇ад̇хийд̇аро ж̇анаяамаанаа. бааяамаанаад̇и д̣̇аарагз т̇ан̃н̃ам̣ бааяанд̇ияо. яониж̇аава самаанаад̇и б̣раахман̣ийнам̣ бассаавамаг̇г̇зна ж̇аад̇аа самаанаа. звамаахам̣сууд̇и звам̣ вад̣̇анд̇и. гат̇ам̣? б̣раахман̣ова сздто ван̣н̣о…бз… б̣рахмад̣̇ааяаад̣̇аад̇и. яад̣̇и бана нзсам̣ сажжаважанам̣ сияаа, б̣раахман̣ийнам̣ гужчи махааб̣рахмуно уро бхавзяяа, б̣раахман̣ийнам̣ бассаавамаг̇г̇о махааб̣рахмуно мукам̣ бхавзяяа, зд̇д̇аавад̇аа ‘‘маяам̣ махааб̣рахмуно урз васид̇ваа мукад̇о нигканд̇аа’’д̇и вад̇д̇ум̣ маа лабханд̇ууд̇и аяам̣ мукад̇о ж̇аад̇ажчзд̣̇агаваад̣̇о вуд̇д̇о.
402.Dissanti kho panātiādi tesaṃ laddhibhindanatthaṃ vuttaṃ. Tattha brāhmaṇiyoti brāhmaṇānaṃ puttapaṭilābhatthāya āvāhavivāhavasena kulā ānītā brāhmaṇiyo dissanti . Tā kho panetā aparena samayena utuniyopi honti, sañjātapupphāti attho. Gabbhiniyoti sañjātagabbhā. Vijāyamānāti puttadhītaro janayamānā. Pāyamānāti dārake thaññaṃ pāyantiyo. Yonijāva samānāti brāhmaṇīnaṃ passāvamaggena jātā samānā. Evamāhaṃsūti evaṃ vadanti. Kathaṃ? Brāhmaṇova seṭṭho vaṇṇo…pe… brahmadāyādāti. Yadi pana nesaṃ saccavacanaṃ siyā, brāhmaṇīnaṃ kucchi mahābrahmuno uro bhaveyya, brāhmaṇīnaṃ passāvamaggo mahābrahmuno mukhaṃ bhaveyya, ettāvatā ‘‘mayaṃ mahābrahmuno ure vasitvā mukhato nikkhantā’’ti vattuṃ mā labhantūti ayaṃ mukhato jātacchedakavādo vutto.
403. аяяо худ̇ваа д̣̇аасо ход̇и, д̣̇аасо худ̇ваа аяяо ход̇ийд̇и б̣раахман̣о сабхарияо ван̣иж̇ж̇ам̣ баяож̇знд̇о яонагарадтам̣ ваа гамб̣ож̇арадтам̣ ваа г̇анд̇ваа гаалам̣ гарод̇и, д̇асса г̇зхз ваяаббад̇д̇з буд̇д̇з асад̇и б̣раахман̣ий д̣̇аасзна ваа гаммагарзна ваа сад̣̇д̇хим̣ сам̣ваасам̣ габбзд̇и. згасмим̣ д̣̇аарагз ж̇аад̇з со бурисо д̣̇аасова ход̇и, д̇асса ж̇аад̇ад̣̇аараго бана д̣̇ааяаж̇ж̇асаамиго ход̇и. маад̇ид̇о суд̣̇д̇хо бид̇ид̇о асуд̣̇д̇хо со ван̣иж̇ж̇ам̣ баяож̇знд̇о маж̇жхимабад̣̇зсам̣ г̇анд̇ваа б̣раахман̣ад̣̇ааригам̣ г̇ахзд̇ваа д̇ассаа гужчисмим̣ буд̇д̇ам̣ бадилабхад̇и, соби маад̇ид̇ова суд̣̇д̇хо ход̇и бид̇ид̇о асуд̣̇д̇хо. звам̣ б̣раахман̣асамаяасмин̃н̃зва ж̇аад̇исамбхзд̣̇о ход̇ийд̇и д̣̇ассанад̇т̇амзд̇ам̣ вуд̇д̇ам̣. гим̣ б̣алам̣, го ассаасод̇и яад̇т̇а д̇умхз д̣̇аасаа хонд̇аа саб̣б̣зва д̣̇аасаа хот̇а, аяяаа хонд̇аа саб̣б̣зва аяяаа хот̇а, зд̇т̇а во го т̇аамо, го авассаяо, яам̣ б̣раахман̣ова сздто ван̣н̣од̇и вад̣̇ат̇аад̇и д̣̇ийбзд̇и.
403.Ayyo hutvā dāso hoti, dāso hutvā ayyo hotīti brāhmaṇo sabhariyo vaṇijjaṃ payojento yonakaraṭṭhaṃ vā kambojaraṭṭhaṃ vā gantvā kālaṃ karoti, tassa gehe vayappatte putte asati brāhmaṇī dāsena vā kammakarena vā saddhiṃ saṃvāsaṃ kappeti. Ekasmiṃ dārake jāte so puriso dāsova hoti, tassa jātadārako pana dāyajjasāmiko hoti. Mātito suddho pitito asuddho so vaṇijjaṃ payojento majjhimapadesaṃ gantvā brāhmaṇadārikaṃ gahetvā tassā kucchismiṃ puttaṃ paṭilabhati, sopi mātitova suddho hoti pitito asuddho. Evaṃ brāhmaṇasamayasmiññeva jātisambhedo hotīti dassanatthametaṃ vuttaṃ. Kiṃbalaṃ, ko assāsoti yattha tumhe dāsā hontā sabbeva dāsā hotha, ayyā hontā sabbeva ayyā hotha, ettha vo ko thāmo, ko avassayo, yaṃ brāhmaṇova seṭṭho vaṇṇoti vadathāti dīpeti.
404. кад̇д̇ияова ну код̇иаад̣̇аяо суд̇д̇ажчзд̣̇агаваад̣̇аа наама хонд̇и.
404.Khattiyova nu khotiādayo suttacchedakavādā nāma honti.
408. ид̣̇аани жаад̇уван̣н̣исуд̣̇д̇хим̣ д̣̇ассзнд̇о ид̇ха рааж̇аад̇иаад̣̇имааха. саабаанад̣̇он̣ияаад̇и сунакаанам̣ биванад̣̇он̣ияаа. аг̇г̇игаран̣ийяанд̇и сийд̇авинод̣̇анаанд̇хагааравид̇хаманабхад̇д̇абажанаад̣̇и аг̇г̇игижжам̣. зд̇т̇а ассалааяанаад̇и зд̇т̇а саб̣б̣асмим̣ аг̇г̇игижжам̣ гаронд̇з.
408. Idāni cātuvaṇṇisuddhiṃ dassento idha rājātiādimāha. Sāpānadoṇiyāti sunakhānaṃ pivanadoṇiyā. Aggikaraṇīyanti sītavinodanaandhakāravidhamanabhattapacanādi aggikiccaṃ. Ettha assalāyanāti ettha sabbasmiṃ aggikiccaṃ karonte.
409. ид̣̇аани яад̣̇зд̇ам̣ б̣раахман̣аа жаад̇уван̣н̣исуд̣̇д̇хийд̇и вад̣̇анд̇и, зд̇т̇а жаад̇уван̣н̣аад̇и нияамо над̇т̇и. бан̃жамо хи баад̣̇асигаван̣н̣оби ад̇т̇ийд̇и сам̣кид̇д̇зна д̇зсам̣ ваад̣̇з д̣̇осад̣̇ассанад̇т̇ам̣ ид̇ха кад̇д̇ияагумаарод̇иаад̣̇имааха. д̇ад̇ра амуд̇ра жа банзсаананд̇и амусмин̃жа бана буриманаяз зд̇зсам̣ маан̣авагаанам̣ гин̃жи наанаагаран̣ам̣ на бассаамийд̇и вад̣̇ад̇и. наанаагаран̣ам̣ бана д̇зсамби ад̇т̇иязва. кад̇д̇ияагумаарасса хи б̣раахман̣аган̃н̃ааяа уббанно кад̇д̇ияабаад̣̇асиго наама, ид̇аро б̣раахман̣абаад̣̇асиго наама, зд̇з хийнаж̇аад̇имаан̣авагаа.
409. Idāni yadetaṃ brāhmaṇā cātuvaṇṇisuddhīti vadanti, ettha cātuvaṇṇāti niyamo natthi. Pañcamo hi pādasikavaṇṇopi atthīti saṃkhittena tesaṃ vāde dosadassanatthaṃ idha khattiyakumārotiādimāha. Tatra amutra ca panesānanti amusmiñca pana purimanaye etesaṃ māṇavakānaṃ kiñci nānākaraṇaṃ na passāmīti vadati. Nānākaraṇaṃ pana tesampi atthiyeva. Khattiyakumārassa hi brāhmaṇakaññāya uppanno khattiyapādasiko nāma, itaro brāhmaṇapādasiko nāma, ete hīnajātimāṇavakā.
звам̣ бан̃жамасса ван̣н̣асса ад̇т̇ид̇ааяа жаад̇уван̣н̣исуд̣̇д̇хийд̇и зд̇зсам̣ ваад̣̇з д̣̇осам̣ д̣̇ассзд̇ваа ид̣̇аани буна жаад̇уван̣н̣исуд̣̇д̇хияам̣ овад̣̇анд̇о д̇ам̣ гим̣ ман̃н̃асийд̇иаад̣̇имааха. д̇ад̇т̇а сад̣̇д̇хзд̇и мад̇агабхад̇д̇з. т̇аалибаагзд̇и бан̣н̣аагаарабхад̇д̇з. яан̃н̃зд̇и яан̃н̃абхад̇д̇з. баахунзд̇и ааг̇анд̇угаанам̣ гад̇абхад̇д̇з. гим̣ хийд̇и гим̣ махабпалам̣ бхависсад̇и, но бхависсад̇ийд̇и д̣̇ийбзд̇и.
Evaṃ pañcamassa vaṇṇassa atthitāya cātuvaṇṇisuddhīti etesaṃ vāde dosaṃ dassetvā idāni puna cātuvaṇṇisuddhiyaṃ ovadanto taṃ kiṃ maññasītiādimāha. Tattha saddheti matakabhatte. Thālipāketi paṇṇākārabhatte. Yaññeti yaññabhatte. Pāhuneti āgantukānaṃ katabhatte. Kiṃ hīti kiṃ mahapphalaṃ bhavissati, no bhavissatīti dīpeti.
410. бхууд̇абуб̣б̣анд̇и ассалааяана буб̣б̣з маяи ж̇аад̇ияаа хийнад̇арз д̇умхз сздтад̇араа самаанааби маяаа ж̇аад̇иваад̣̇з бан̃хам̣ будтаа самбаад̣̇зд̇ум̣ на сагкид̇т̇а, ид̣̇аани д̇умхз хийнад̇араа худ̇ваа маяаа сздтад̇арзна б̣уд̣̇д̇хаанам̣ сагз ж̇аад̇иваад̣̇абан̃хам̣ будтаа гим̣ самбаад̣̇зссат̇а? на зд̇т̇а жинд̇аа гаад̇аб̣б̣аад̇и маан̣авам̣ убад̇т̇амбхзнд̇о имам̣ д̣̇зсанам̣ аарабхи. д̇ад̇т̇а асид̇од̇и гаал̣аго. д̣̇звалод̇и д̇асса наамам̣, аяамзва бхаг̇аваа д̇зна самаязна. бадалияод̇и г̇ан̣ан̇г̇ан̣убааханаа. бад̇т̇ан̣д̣илзд̇и бан̣н̣асаалабаривзн̣з. го ну код̇и гахам̣ ну ко. г̇ааман̣д̣аларуубо вияаад̇и г̇аамад̣̇аарагаруубо вияа. со кваахам̣, бхо, хомийд̇и со ахам̣, бхо, асид̇ад̣̇звало хомийд̇и вад̣̇ад̇и. д̇ад̣̇аа гира махаасад̇д̇о гон̣д̣ад̣̇амаго худ̇ваа вижарад̇и. абхиваад̣̇зд̇ум̣ убаггамим̣сууд̇и ванд̣̇ид̇ум̣ убаггамам̣ агам̣су. д̇ад̇о бадтааяа жа вассасад̇игад̇аабасоби д̇ад̣̇ахуж̇аад̇ам̣ б̣раахман̣агумаарам̣ аванд̣̇анд̇о гон̣д̣ид̇о ход̇и.
410.Bhūtapubbanti assalāyana pubbe mayi jātiyā hīnatare tumhe seṭṭhatarā samānāpi mayā jātivāde pañhaṃ puṭṭhā sampādetuṃ na sakkhittha, idāni tumhe hīnatarā hutvā mayā seṭṭhatarena buddhānaṃ sake jātivādapañhaṃ puṭṭhā kiṃ sampādessatha? Na ettha cintā kātabbāti māṇavaṃ upatthambhento imaṃ desanaṃ ārabhi. Tattha asitoti kāḷako. Devaloti tassa nāmaṃ, ayameva bhagavā tena samayena. Paṭaliyoti gaṇaṅgaṇupāhanā. Patthaṇḍileti paṇṇasālapariveṇe. Ko nu khoti kahaṃ nu kho. Gāmaṇḍalarūpo viyāti gāmadārakarūpo viya. So khvāhaṃ, bho, homīti so ahaṃ, bho, asitadevalo homīti vadati. Tadā kira mahāsatto koṇḍadamako hutvā vicarati. Abhivādetuṃ upakkamiṃsūti vandituṃ upakkamaṃ akaṃsu. Tato paṭṭhāya ca vassasatikatāpasopi tadahujātaṃ brāhmaṇakumāraṃ avandanto koṇḍito hoti.
411. ж̇анигаа маад̇аад̇и яааяа д̇умхз ж̇анид̇аа, саа во ж̇анигаа маад̇аа. ж̇анигаамаад̇ууд̇и ж̇анигааяа маад̇у. яо ж̇анагод̇и яо ж̇анаго бид̇аа. ‘‘яо ж̇аниго бид̇аад̇зва’’ ваа баато.
411.Janikā mātāti yāya tumhe janitā, sā vo janikā mātā. Janikāmātūti janikāya mātu. Yo janakoti yo janako pitā. ‘‘Yo janiko pitāteva’’ vā pāṭho.
асид̇знаад̇и бан̃жаабхин̃н̃зна асид̇зна д̣̇звалзна исинаа имам̣ г̇анд̇хаб̣б̣абан̃хам̣ будтаа на самбааяиссанд̇и. язсанд̇и язсам̣ сад̇д̇аннам̣ исийнам̣. на бун̣н̣о д̣̇аб̣б̣иг̇ааход̇и д̇зсам̣ сад̇д̇аннам̣ исийнам̣ д̣̇аб̣б̣им̣ г̇ахзд̇ваа бан̣н̣ам̣ бажид̇ваа д̣̇ааяаго бун̣н̣о наама зго ахоси, со д̣̇аб̣б̣иг̇ахан̣асиббам̣ ж̇аанаад̇и. д̇вам̣ саажарияаго д̇зсам̣ бун̣н̣оби на ход̇и, д̇зна н̃аад̇ам̣ д̣̇аб̣б̣иг̇ахан̣асиббамад̇д̇амби на ж̇аанаасийд̇и. сзсам̣ саб̣б̣ад̇т̇а уд̇д̇аанамзваад̇и.
Asitenāti pañcābhiññena asitena devalena isinā imaṃ gandhabbapañhaṃ puṭṭhā na sampāyissanti. Yesanti yesaṃ sattannaṃ isīnaṃ. Na puṇṇo dabbigāhoti tesaṃ sattannaṃ isīnaṃ dabbiṃ gahetvā paṇṇaṃ pacitvā dāyako puṇṇo nāma eko ahosi, so dabbigahaṇasippaṃ jānāti. Tvaṃ sācariyako tesaṃ puṇṇopi na hoti, tena ñātaṃ dabbigahaṇasippamattampi na jānāsīti. Sesaṃ sabbattha uttānamevāti.
аяам̣ бана ассалааяано сад̣̇д̇хо ахоси басанно, ад̇д̇ано анд̇онивзсанзязва жзд̇ияам̣ гаарзси. яааваж̇ж̇ад̣̇ивасаа ассалааяанавам̣сз ж̇аад̇аа нивзсанам̣ гаарзд̇ваа анд̇онивзсанз жзд̇ияам̣ гаронд̇зваад̇и.
Ayaṃ pana assalāyano saddho ahosi pasanno, attano antonivesaneyeva cetiyaṃ kāresi. Yāvajjadivasā assalāyanavaṃse jātā nivesanaṃ kāretvā antonivesane cetiyaṃ karontevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
ассалааяанасуд̇д̇аван̣н̣анаа нидтид̇аа.
Assalāyanasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 3. ассалааяанасуд̇д̇ам̣ • 3. Assalāyanasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 3. ассалааяанасуд̇д̇аван̣н̣анаа • 3. Assalāyanasuttavaṇṇanā
