| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. ассаарохасуд̇д̇ам̣
5. Assārohasuttaṃ
357. ат̇а ко ассаарохо г̇ааман̣и язна бхаг̇аваа д̇знубасан̇гами; убасан̇гамид̇ваа згаманд̇ам̣ нисийд̣̇и. згаманд̇ам̣ нисинно ко ассаарохо г̇ааман̣и бхаг̇аванд̇ам̣ зд̇ад̣̇авожа – ‘‘суд̇ам̣ мзд̇ам̣, бханд̇з, буб̣б̣агаанам̣ аажарияабаажарияаанам̣ ассаарохаанам̣ бхаасамаанаанам̣ – ‘яо со ассаарохо сан̇г̇аамз уссахад̇и вааяамад̇и, д̇амзнам̣ уссаханд̇ам̣ вааяаманд̇ам̣ барз хананд̇и барияаабаад̣̇знд̇и, со гааяасса бхзд̣̇аа барам̣ маран̣аа бараж̇ид̇аанам̣ д̣̇зваанам̣ сахаб̣яад̇ам̣ убабаж̇ж̇ад̇ий’д̇и. ид̇ха бхаг̇аваа гимаахаа’’д̇и? ‘‘алам̣, г̇ааман̣и, д̇идтад̇зд̇ам̣; маа мам̣ зд̇ам̣ бужчий’’д̇и. д̣̇уд̇ияамби ко…бз… д̇ад̇ияамби ко ассаарохо г̇ааман̣и бхаг̇аванд̇ам̣ зд̇ад̣̇авожа – ‘‘суд̇ам̣ мзд̇ам̣, бханд̇з, буб̣б̣агаанам̣ аажарияабаажарияаанам̣ ассаарохаанам̣ бхаасамаанаанам̣ – ‘яо со ассаарохо сан̇г̇аамз уссахад̇и вааяамад̇и, д̇амзнам̣ уссаханд̇ам̣ вааяаманд̇ам̣ барз хананд̇и барияаабаад̣̇знд̇и, со гааяасса бхзд̣̇аа барам̣ маран̣аа бараж̇ид̇аанам̣ д̣̇зваанам̣ сахаб̣яад̇ам̣ убабаж̇ж̇ад̇ий’д̇и. ид̇ха бхаг̇аваа гимаахаа’’д̇и?
357. Atha kho assāroho gāmaṇi yena bhagavā tenupasaṅkami; upasaṅkamitvā ekamantaṃ nisīdi. Ekamantaṃ nisinno kho assāroho gāmaṇi bhagavantaṃ etadavoca – ‘‘sutaṃ metaṃ, bhante, pubbakānaṃ ācariyapācariyānaṃ assārohānaṃ bhāsamānānaṃ – ‘yo so assāroho saṅgāme ussahati vāyamati, tamenaṃ ussahantaṃ vāyamantaṃ pare hananti pariyāpādenti, so kāyassa bhedā paraṃ maraṇā parajitānaṃ devānaṃ sahabyataṃ upapajjatī’ti. Idha bhagavā kimāhā’’ti? ‘‘Alaṃ, gāmaṇi, tiṭṭhatetaṃ; mā maṃ etaṃ pucchī’’ti. Dutiyampi kho…pe… tatiyampi kho assāroho gāmaṇi bhagavantaṃ etadavoca – ‘‘sutaṃ metaṃ, bhante, pubbakānaṃ ācariyapācariyānaṃ assārohānaṃ bhāsamānānaṃ – ‘yo so assāroho saṅgāme ussahati vāyamati, tamenaṃ ussahantaṃ vāyamantaṃ pare hananti pariyāpādenti, so kāyassa bhedā paraṃ maraṇā parajitānaṃ devānaṃ sahabyataṃ upapajjatī’ti. Idha bhagavā kimāhā’’ti?
‘‘ад̣̇д̇хаа ко д̇яаахам̣, г̇ааман̣и, на лабхаами – ‘алам̣, г̇ааман̣и, д̇идтад̇зд̇ам̣; маа мам̣ зд̇ам̣ бужчий’д̇и. аби жа ко д̇яаахам̣ б̣яаагариссаами. яо со, г̇ааман̣и, ассаарохо сан̇г̇аамз уссахад̇и вааяамад̇и д̇асса д̇ам̣ жид̇д̇ам̣ буб̣б̣з г̇ахид̇ам̣ д̣̇уггадам̣ д̣̇уббан̣ихид̇ам̣ – ‘имз сад̇д̇аа хан̃н̃анд̇у ваа б̣аж̇жханд̇у ваа ужчиж̇ж̇анд̇у ваа винассанд̇у ваа маа ахзсум̣ ид̇и ваа’д̇и. д̇амзнам̣ уссаханд̇ам̣ вааяаманд̇ам̣ барз хананд̇и барияаабаад̣̇знд̇и, со гааяасса бхзд̣̇аа барам̣ маран̣аа бараж̇ид̇о наама нираяо д̇ад̇т̇а убабаж̇ж̇ад̇и. сажз ко банасса звам̣ д̣̇идти ход̇и – ‘яо со ассаарохо сан̇г̇аамз уссахад̇и вааяамад̇и, д̇амзнам̣ уссаханд̇ам̣ вааяаманд̇ам̣ барз хананд̇и барияаабаад̣̇знд̇и, со гааяасса бхзд̣̇аа барам̣ маран̣аа бараж̇ид̇аанам̣ д̣̇зваанам̣ сахаб̣яад̇ам̣ убабаж̇ж̇ад̇ий’д̇и, саасса ход̇и мижчаад̣̇идти. мижчаад̣̇идтигасса ко банаахам̣ г̇ааман̣и, бурисабуг̇г̇аласса д̣̇виннам̣ г̇ад̇ийнам̣ ан̃н̃ад̇арам̣ г̇ад̇им̣ вад̣̇аами – нираяам̣ ваа д̇иражчаанаяоним̣ ваа’’д̇и.
‘‘Addhā kho tyāhaṃ, gāmaṇi, na labhāmi – ‘alaṃ, gāmaṇi, tiṭṭhatetaṃ; mā maṃ etaṃ pucchī’ti. Api ca kho tyāhaṃ byākarissāmi. Yo so, gāmaṇi, assāroho saṅgāme ussahati vāyamati tassa taṃ cittaṃ pubbe gahitaṃ dukkaṭaṃ duppaṇihitaṃ – ‘ime sattā haññantu vā bajjhantu vā ucchijjantu vā vinassantu vā mā ahesuṃ iti vā’ti. Tamenaṃ ussahantaṃ vāyamantaṃ pare hananti pariyāpādenti, so kāyassa bhedā paraṃ maraṇā parajito nāma nirayo tattha upapajjati. Sace kho panassa evaṃ diṭṭhi hoti – ‘yo so assāroho saṅgāme ussahati vāyamati, tamenaṃ ussahantaṃ vāyamantaṃ pare hananti pariyāpādenti, so kāyassa bhedā paraṃ maraṇā parajitānaṃ devānaṃ sahabyataṃ upapajjatī’ti, sāssa hoti micchādiṭṭhi. Micchādiṭṭhikassa kho panāhaṃ gāmaṇi, purisapuggalassa dvinnaṃ gatīnaṃ aññataraṃ gatiṃ vadāmi – nirayaṃ vā tiracchānayoniṃ vā’’ti.
звам̣ вуд̇д̇з, ассаарохо г̇ааман̣и барод̣̇и, ассууни бавад̇д̇зси. ‘‘зд̇ам̣ ко д̇яаахам̣, г̇ааман̣и, наалад̇т̇ам̣ – ‘алам̣, г̇ааман̣и, д̇идтад̇зд̇ам̣; маа мам̣ зд̇ам̣ бужчий’’’д̇и. ‘‘наахам̣, бханд̇з, зд̇ам̣ род̣̇аами яам̣ мам̣ бхаг̇аваа звамааха. абижаахам̣, бханд̇з, буб̣б̣агзхи аажарияабаажариязхи ассаарохзхи д̣̇ийгхарад̇д̇ам̣ нигад̇о ван̃жид̇о балуд̣̇д̇хо – ‘яо со ассаарохо сан̇г̇аамз уссахад̇и вааяамад̇и, д̇амзнам̣ уссаханд̇ам̣ вааяаманд̇ам̣ барз хананд̇и барияаабаад̣̇знд̇и, со гааяасса бхзд̣̇аа барам̣ маран̣аа бараж̇ид̇аанам̣ д̣̇зваанам̣ сахаб̣яад̇ам̣ убабаж̇ж̇ад̇ий’’’д̇и. ‘‘абхигганд̇ам̣, бханд̇з…бз… аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. бан̃жамам̣.
Evaṃ vutte, assāroho gāmaṇi parodi, assūni pavattesi. ‘‘Etaṃ kho tyāhaṃ, gāmaṇi, nālatthaṃ – ‘alaṃ, gāmaṇi, tiṭṭhatetaṃ; mā maṃ etaṃ pucchī’’’ti. ‘‘Nāhaṃ, bhante, etaṃ rodāmi yaṃ maṃ bhagavā evamāha. Apicāhaṃ, bhante, pubbakehi ācariyapācariyehi assārohehi dīgharattaṃ nikato vañcito paluddho – ‘yo so assāroho saṅgāme ussahati vāyamati, tamenaṃ ussahantaṃ vāyamantaṃ pare hananti pariyāpādenti, so kāyassa bhedā paraṃ maraṇā parajitānaṃ devānaṃ sahabyataṃ upapajjatī’’’ti. ‘‘Abhikkantaṃ, bhante…pe… ajjatagge pāṇupetaṃ saraṇaṃ gata’’nti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3-5. яод̇хааж̇ийвасуд̇д̇аад̣̇иван̣н̣анаа • 3-5. Yodhājīvasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3-5. яод̇хааж̇ийвасуд̇д̇аад̣̇иван̣н̣анаа • 3-5. Yodhājīvasuttādivaṇṇanā
