| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. ассаасаббад̇д̇асуд̇д̇ам̣
5. Assāsappattasuttaṃ
318. ‘‘‘ассаасаббад̇д̇о, ассаасаббад̇д̇о’д̇и, аавусо саарибуд̇д̇а, вужжад̇и. гид̇д̇аавад̇аа ну ко, аавусо, ассаасаббад̇д̇о ход̇ий’’д̇и? ‘‘яад̇о ко, аавусо, бхигку чаннам̣ пассааяад̇анаанам̣ самуд̣̇аяан̃жа ад̇т̇ан̇г̇аман̃жа ассаад̣̇ан̃жа аад̣̇ийнаван̃жа ниссаран̣ан̃жа яат̇аабхууд̇ам̣ баж̇аанаад̇и, зд̇д̇аавад̇аа ко, аавусо, ассаасаббад̇д̇о ход̇ий’’д̇и. ‘‘ад̇т̇и банаавусо, маг̇г̇о ад̇т̇и бадибад̣̇аа, зд̇асса ассаасасса сажчигирияааяаа’’д̇и? ‘‘ад̇т̇и ко, аавусо, маг̇г̇о ад̇т̇и бадибад̣̇аа, зд̇асса ассаасасса сажчигирияааяаа’’д̇и. ‘‘гад̇амо банаавусо, маг̇г̇о гад̇амаа бадибад̣̇аа, зд̇асса ассаасасса сажчигирияааяаа’’д̇и? ‘‘аяамзва ко, аавусо, арияо адтан̇г̇иго маг̇г̇о зд̇асса ассаасасса сажчигирияааяа, сзяяат̇ид̣̇ам̣ – саммаад̣̇идти саммаасан̇габбо саммааваажаа саммаагамманд̇о саммааааж̇ийво саммаавааяаамо саммаасад̇и саммаасамаад̇хи. аяам̣ ко, аавусо , маг̇г̇о аяам̣ бадибад̣̇аа, зд̇асса ассаасасса сажчигирияааяаа’’д̇и. ‘‘бхад̣̇д̣̇аго, аавусо, маг̇г̇о бхад̣̇д̣̇игаа бадибад̣̇аа, зд̇асса ассаасасса сажчигирияааяа. алан̃жа банаавусо саарибуд̇д̇а, аббамаад̣̇ааяаа’’д̇и. бан̃жамам̣.
318. ‘‘‘Assāsappatto, assāsappatto’ti, āvuso sāriputta, vuccati. Kittāvatā nu kho, āvuso, assāsappatto hotī’’ti? ‘‘Yato kho, āvuso, bhikkhu channaṃ phassāyatanānaṃ samudayañca atthaṅgamañca assādañca ādīnavañca nissaraṇañca yathābhūtaṃ pajānāti, ettāvatā kho, āvuso, assāsappatto hotī’’ti. ‘‘Atthi panāvuso, maggo atthi paṭipadā, etassa assāsassa sacchikiriyāyā’’ti? ‘‘Atthi kho, āvuso, maggo atthi paṭipadā, etassa assāsassa sacchikiriyāyā’’ti. ‘‘Katamo panāvuso, maggo katamā paṭipadā, etassa assāsassa sacchikiriyāyā’’ti? ‘‘Ayameva kho, āvuso, ariyo aṭṭhaṅgiko maggo etassa assāsassa sacchikiriyāya, seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Ayaṃ kho, āvuso , maggo ayaṃ paṭipadā, etassa assāsassa sacchikiriyāyā’’ti. ‘‘Bhaddako, āvuso, maggo bhaddikā paṭipadā, etassa assāsassa sacchikiriyāya. Alañca panāvuso sāriputta, appamādāyā’’ti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3-15. д̇хаммаваад̣̇ийбан̃хаасуд̇д̇аад̣̇иван̣н̣анаа • 3-15. Dhammavādīpañhāsuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3-15. д̇хаммаваад̣̇ийбан̃хасуд̇д̇аад̣̇иван̣н̣анаа • 3-15. Dhammavādīpañhasuttādivaṇṇanā
