| Library / Tipiṭaka / တိပိဋက • Tipiṭaka / မိလိန္ဒပဉ္ဟပာဠိ • Milindapañhapāḷi |
၆. အသ္သုဘေသဇ္ဇာဘေသဇ္ဇပဉ္ဟော
6. Assubhesajjābhesajjapañho
၆. ရာဇာ အာဟ ‘‘ဘန္တေ နာဂသေန, ယော စ မာတရိ မတာယ ရောဒတိ, ယော စ ဓမ္မပေမေန ရောဒတိ, ဥဘိန္နံ တေသံ ရောဒန္တာနံ ကသ္သ အသ္သု ဘေသဇ္ဇံ, ကသ္သ န ဘေသဇ္ဇ’’န္တိ? ‘‘ဧကသ္သ ခော, မဟာရာဇ, အသ္သု ရာဂဒောသမောဟေဟိ သမလံ ဥဏ္ဟံ, ဧကသ္သ ပီတိသောမနသ္သေန ဝိမလံ သီတလံ။ ယံ ခော, မဟာရာဇ, သီတလံ, တံ ဘေသဇ္ဇံ, ယံ ဥဏ္ဟံ, တံ န ဘေသဇ္ဇ’’န္တိ။
6. Rājā āha ‘‘bhante nāgasena, yo ca mātari matāya rodati, yo ca dhammapemena rodati, ubhinnaṃ tesaṃ rodantānaṃ kassa assu bhesajjaṃ, kassa na bhesajja’’nti? ‘‘Ekassa kho, mahārāja, assu rāgadosamohehi samalaṃ uṇhaṃ, ekassa pītisomanassena vimalaṃ sītalaṃ. Yaṃ kho, mahārāja, sītalaṃ, taṃ bhesajjaṃ, yaṃ uṇhaṃ, taṃ na bhesajja’’nti.
‘‘ကလ္လောသိ, ဘန္တေ နာဂသေနာ’’တိ။
‘‘Kallosi, bhante nāgasenā’’ti.
အသ္သုဘေသဇ္ဇာဘေသဇ္ဇပဉ္ဟော ဆဋ္ဌော။
Assubhesajjābhesajjapañho chaṭṭho.
