| Library / Tipiṭaka / തിപിടക • Tipiṭaka / മിലിന്ദപഞ്ഹപാളി • Milindapañhapāḷi |
൬. അസ്സുഭേസജ്ജാഭേസജ്ജപഞ്ഹോ
6. Assubhesajjābhesajjapañho
൬. രാജാ ആഹ ‘‘ഭന്തേ നാഗസേന, യോ ച മാതരി മതായ രോദതി, യോ ച ധമ്മപേമേന രോദതി, ഉഭിന്നം തേസം രോദന്താനം കസ്സ അസ്സു ഭേസജ്ജം, കസ്സ ന ഭേസജ്ജ’’ന്തി? ‘‘ഏകസ്സ ഖോ, മഹാരാജ, അസ്സു രാഗദോസമോഹേഹി സമലം ഉണ്ഹം, ഏകസ്സ പീതിസോമനസ്സേന വിമലം സീതലം. യം ഖോ, മഹാരാജ, സീതലം, തം ഭേസജ്ജം, യം ഉണ്ഹം, തം ന ഭേസജ്ജ’’ന്തി.
6. Rājā āha ‘‘bhante nāgasena, yo ca mātari matāya rodati, yo ca dhammapemena rodati, ubhinnaṃ tesaṃ rodantānaṃ kassa assu bhesajjaṃ, kassa na bhesajja’’nti? ‘‘Ekassa kho, mahārāja, assu rāgadosamohehi samalaṃ uṇhaṃ, ekassa pītisomanassena vimalaṃ sītalaṃ. Yaṃ kho, mahārāja, sītalaṃ, taṃ bhesajjaṃ, yaṃ uṇhaṃ, taṃ na bhesajja’’nti.
‘‘കല്ലോസി, ഭന്തേ നാഗസേനാ’’തി.
‘‘Kallosi, bhante nāgasenā’’ti.
അസ്സുഭേസജ്ജാഭേസജ്ജപഞ്ഹോ ഛട്ഠോ.
Assubhesajjābhesajjapañho chaṭṭho.
