| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৩. অস্সুসুত্তৰণ্ণনা
3. Assusuttavaṇṇanā
১২৬. কন্দনং সসদ্দং, রোদনং পন কেৰলমেৰাতি আহ ‘‘কন্দন্তানন্তি সসদ্দং রুদমানান’’ন্তি। পৰত্তন্তি সন্দনৰসেন পৰত্তং। ‘‘সিনেরুরস্মীহি পরিচ্ছিন্নেসূ’’তি সঙ্খেপেন ৰুত্তমত্থং ৰিৰরন্তো ‘‘সিনেরুস্সা’’তিআদিমাহ। মণিমযন্তি ইন্দনীলমণিমযং। সিনেরুস্স পুব্বদক্খিণকোণসমপদেসা ‘‘পুব্বদক্খিণপস্সা’’তি অধিপ্পেতা। তেহি নিক্খন্তরজতরস্মিযো ইন্দনীলরস্মিযো চ একতো হুত্ৰা। তাসং রস্মীনং অন্তরেসূতি তাসং চতূহি কোণেহি নিক্খন্তরস্মীনং চতূসু অন্তরেসু। চত্তারোতি দক্খিণাদিভেদা চত্তারো মহাসমুদ্দা হোন্তি। ৰিঅসনন্তি ৰিসেসেন খেপনং। কিং পন তন্তি আহ ‘‘ৰিনাসোতি অত্থো’’তি।
126. Kandanaṃ sasaddaṃ, rodanaṃ pana kevalamevāti āha ‘‘kandantānanti sasaddaṃ rudamānāna’’nti. Pavattanti sandanavasena pavattaṃ. ‘‘Sinerurasmīhi paricchinnesū’’ti saṅkhepena vuttamatthaṃ vivaranto ‘‘sinerussā’’tiādimāha. Maṇimayanti indanīlamaṇimayaṃ. Sinerussa pubbadakkhiṇakoṇasamapadesā ‘‘pubbadakkhiṇapassā’’ti adhippetā. Tehi nikkhantarajatarasmiyo indanīlarasmiyo ca ekato hutvā. Tāsaṃ rasmīnaṃ antaresūti tāsaṃ catūhi koṇehi nikkhantarasmīnaṃ catūsu antaresu. Cattāroti dakkhiṇādibhedā cattāro mahāsamuddā honti. Viasananti visesena khepanaṃ. Kiṃ pana tanti āha ‘‘vināsoti attho’’ti.
অস্সুসুত্তৰণ্ণনা নিট্ঠিতা।
Assusuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৩. অস্সুসুত্তং • 3. Assusuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৩. অস্সুসুত্তৰণ্ণনা • 3. Assusuttavaṇṇanā
