| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
३. अस्सुसुत्तवण्णना
3. Assusuttavaṇṇanā
१२६. कन्दनं ससद्दं, रोदनं पन केवलमेवाति आह ‘‘कन्दन्तानन्ति ससद्दं रुदमानान’’न्ति। पवत्तन्ति सन्दनवसेन पवत्तं। ‘‘सिनेरुरस्मीहि परिच्छिन्नेसू’’ति सङ्खेपेन वुत्तमत्थं विवरन्तो ‘‘सिनेरुस्सा’’तिआदिमाह। मणिमयन्ति इन्दनीलमणिमयं। सिनेरुस्स पुब्बदक्खिणकोणसमपदेसा ‘‘पुब्बदक्खिणपस्सा’’ति अधिप्पेता। तेहि निक्खन्तरजतरस्मियो इन्दनीलरस्मियो च एकतो हुत्वा। तासं रस्मीनं अन्तरेसूति तासं चतूहि कोणेहि निक्खन्तरस्मीनं चतूसु अन्तरेसु। चत्तारोति दक्खिणादिभेदा चत्तारो महासमुद्दा होन्ति। विअसनन्ति विसेसेन खेपनं। किं पन तन्ति आह ‘‘विनासोति अत्थो’’ति।
126. Kandanaṃ sasaddaṃ, rodanaṃ pana kevalamevāti āha ‘‘kandantānanti sasaddaṃ rudamānāna’’nti. Pavattanti sandanavasena pavattaṃ. ‘‘Sinerurasmīhi paricchinnesū’’ti saṅkhepena vuttamatthaṃ vivaranto ‘‘sinerussā’’tiādimāha. Maṇimayanti indanīlamaṇimayaṃ. Sinerussa pubbadakkhiṇakoṇasamapadesā ‘‘pubbadakkhiṇapassā’’ti adhippetā. Tehi nikkhantarajatarasmiyo indanīlarasmiyo ca ekato hutvā. Tāsaṃ rasmīnaṃ antaresūti tāsaṃ catūhi koṇehi nikkhantarasmīnaṃ catūsu antaresu. Cattāroti dakkhiṇādibhedā cattāro mahāsamuddā honti. Viasananti visesena khepanaṃ. Kiṃ pana tanti āha ‘‘vināsoti attho’’ti.
अस्सुसुत्तवण्णना निट्ठिता।
Assusuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ३. अस्सुसुत्तं • 3. Assusuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ३. अस्सुसुत्तवण्णना • 3. Assusuttavaṇṇanā
