| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၃. အသ္သုသုတ္တဝဏ္ဏနာ
3. Assusuttavaṇṇanā
၁၂၆. ကန္ဒနံ သသဒ္ဒံ, ရောဒနံ ပန ကေဝလမေဝာတိ အာဟ ‘‘ကန္ဒန္တာနန္တိ သသဒ္ဒံ ရုဒမာနာန’’န္တိ။ ပဝတ္တန္တိ သန္ဒနဝသေန ပဝတ္တံ။ ‘‘သိနေရုရသ္မီဟိ ပရိစ္ဆိန္နေသူ’’တိ သင္ခေပေန ဝုတ္တမတ္ထံ ဝိဝရန္တော ‘‘သိနေရုသ္သာ’’တိအာဒိမာဟ။ မဏိမယန္တိ ဣန္ဒနီလမဏိမယံ။ သိနေရုသ္သ ပုဗ္ဗဒက္ခိဏကောဏသမပဒေသာ ‘‘ပုဗ္ဗဒက္ခိဏပသ္သာ’’တိ အဓိပ္ပေတာ။ တေဟိ နိက္ခန္တရဇတရသ္မိယော ဣန္ဒနီလရသ္မိယော စ ဧကတော ဟုတ္ဝာ။ တာသံ ရသ္မီနံ အန္တရေသူတိ တာသံ စတူဟိ ကောဏေဟိ နိက္ခန္တရသ္မီနံ စတူသု အန္တရေသု။ စတ္တာရောတိ ဒက္ခိဏာဒိဘေဒာ စတ္တာရော မဟာသမုဒ္ဒာ ဟောန္တိ။ ဝိအသနန္တိ ဝိသေသေန ခေပနံ။ ကိံ ပန တန္တိ အာဟ ‘‘ဝိနာသောတိ အတ္ထော’’တိ။
126. Kandanaṃ sasaddaṃ, rodanaṃ pana kevalamevāti āha ‘‘kandantānanti sasaddaṃ rudamānāna’’nti. Pavattanti sandanavasena pavattaṃ. ‘‘Sinerurasmīhi paricchinnesū’’ti saṅkhepena vuttamatthaṃ vivaranto ‘‘sinerussā’’tiādimāha. Maṇimayanti indanīlamaṇimayaṃ. Sinerussa pubbadakkhiṇakoṇasamapadesā ‘‘pubbadakkhiṇapassā’’ti adhippetā. Tehi nikkhantarajatarasmiyo indanīlarasmiyo ca ekato hutvā. Tāsaṃ rasmīnaṃ antaresūti tāsaṃ catūhi koṇehi nikkhantarasmīnaṃ catūsu antaresu. Cattāroti dakkhiṇādibhedā cattāro mahāsamuddā honti. Viasananti visesena khepanaṃ. Kiṃ pana tanti āha ‘‘vināsoti attho’’ti.
အသ္သုသုတ္တဝဏ္ဏနာ နိဋ္ဌိတာ။
Assusuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၃. အသ္သုသုတ္တံ • 3. Assusuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၃. အသ္သုသုတ္တဝဏ္ဏနာ • 3. Assusuttavaṇṇanā
