| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩. ਅਸ੍ਸੁਸੁਤ੍ਤવਣ੍ਣਨਾ
3. Assusuttavaṇṇanā
੧੨੬. ਤਤਿਯੇ ਕਨ੍ਦਨ੍ਤਾਨਨ੍ਤਿ ਸਸਦ੍ਦਂ ਰੁਦਮਾਨਾਨਂ। ਪਸ੍ਸਨ੍ਨਨ੍ਤਿ ਸਨ੍ਦਿਤਂ ਪવਤ੍ਤਂ। ਚਤੂਸੁ ਮਹਾਸਮੁਦ੍ਦੇਸੂਤਿ ਸਿਨੇਰੁਰਸ੍ਮੀਹਿ ਪਰਿਚ੍ਛਿਨ੍ਨੇਸੁ ਚਤੂਸੁ ਮਹਾਸਮੁਦ੍ਦੇਸੁ। ਸਿਨੇਰੁਸ੍ਸ ਹਿ ਪਾਚੀਨਪਸ੍ਸਂ ਰਜਤਮਯਂ, ਦਕ੍ਖਿਣਪਸ੍ਸਂ ਮਣਿਮਯਂ, ਪਚ੍ਛਿਮਪਸ੍ਸਂ ਫਲਿਕਮਯਂ, ਉਤ੍ਤਰਪਸ੍ਸਂ ਸੁવਣ੍ਣਮਯਂ। ਪੁਬ੍ਬਦਕ੍ਖਿਣਪਸ੍ਸੇਹਿ ਨਿਕ੍ਖਨ੍ਤਾ ਰਜਤਮਣਿਰਸ੍ਮਿਯੋ ਏਕਤੋ ਹੁਤ੍વਾ ਮਹਾਸਮੁਦ੍ਦਪਿਟ੍ਠੇਨ ਗਨ੍ਤ੍વਾ ਚਕ੍ਕવਾਲ਼ਪਬ੍ਬਤਂ ਆਹਚ੍ਚ ਤਿਟ੍ਠਨ੍ਤਿ, ਦਕ੍ਖਿਣਪਚ੍ਛਿਮਪਸ੍ਸੇਹਿ ਨਿਕ੍ਖਨ੍ਤਾ ਮਣਿਫਲਿਕਰਸ੍ਮਿਯੋ, ਪਚ੍ਛਿਮੁਤ੍ਤਰਪਸ੍ਸੇਹਿ ਨਿਕ੍ਖਨ੍ਤਾ ਫਲਿਕਸੁવਣ੍ਣਰਸ੍ਮਿਯੋ, ਉਤ੍ਤਰਪਾਚੀਨਪਸ੍ਸੇਹਿ ਨਿਕ੍ਖਨ੍ਤਾ ਸੁવਣ੍ਣਰਜਤਰਸ੍ਮਿਯੋ ਏਕਤੋ ਹੁਤ੍વਾ ਮਹਾਸਮੁਦ੍ਦਪਿਟ੍ਠੇਨ ਗਨ੍ਤ੍વਾ ਚਕ੍ਕવਾਲ਼ਪਬ੍ਬਤਂ ਆਹਚ੍ਚ ਤਿਟ੍ਠਨ੍ਤਿ। ਤਾਸਂ ਰਸ੍ਮੀਨਂ ਅਨ੍ਤਰੇਸੁ ਚਤ੍ਤਾਰੋ ਮਹਾਸਮੁਦ੍ਦਾ ਹੋਨ੍ਤਿ। ਤੇ ਸਨ੍ਧਾਯ વੁਤ੍ਤਂ ‘‘ਚਤੂਸੁ ਮਹਾਸਮੁਦ੍ਦੇਸੂ’’ਤਿ। ਞਾਤਿਬ੍ਯਸਨਨ੍ਤਿਆਦੀਸੁ ਬ੍ਯਸਨਨ੍ਤਿ વਿਅਸਨਂ, વਿਨਾਸੋਤਿ ਅਤ੍ਥੋ। ਞਾਤੀਨਂ ਬ੍ਯਸਨਂ ਞਾਤਿਬ੍ਯਸਨਂ, ਭੋਗਾਨਂ ਬ੍ਯਸਨਂ ਭੋਗਬ੍ਯਸਨਂ। ਰੋਗੋ ਪਨ ਸਯਮੇવ ਆਰੋਗ੍ਯਂ વਿਯਸਤਿ વਿਨਾਸੇਤੀਤਿ ਬ੍ਯਸਨਂ, ਰੋਗੋવ ਬ੍ਯਸਨਂ ਰੋਗਬ੍ਯਸਨਂ। ਤਤਿਯਂ।
126. Tatiye kandantānanti sasaddaṃ rudamānānaṃ. Passannanti sanditaṃ pavattaṃ. Catūsu mahāsamuddesūti sinerurasmīhi paricchinnesu catūsu mahāsamuddesu. Sinerussa hi pācīnapassaṃ rajatamayaṃ, dakkhiṇapassaṃ maṇimayaṃ, pacchimapassaṃ phalikamayaṃ, uttarapassaṃ suvaṇṇamayaṃ. Pubbadakkhiṇapassehi nikkhantā rajatamaṇirasmiyo ekato hutvā mahāsamuddapiṭṭhena gantvā cakkavāḷapabbataṃ āhacca tiṭṭhanti, dakkhiṇapacchimapassehi nikkhantā maṇiphalikarasmiyo, pacchimuttarapassehi nikkhantā phalikasuvaṇṇarasmiyo, uttarapācīnapassehi nikkhantā suvaṇṇarajatarasmiyo ekato hutvā mahāsamuddapiṭṭhena gantvā cakkavāḷapabbataṃ āhacca tiṭṭhanti. Tāsaṃ rasmīnaṃ antaresu cattāro mahāsamuddā honti. Te sandhāya vuttaṃ ‘‘catūsu mahāsamuddesū’’ti. Ñātibyasanantiādīsu byasananti viasanaṃ, vināsoti attho. Ñātīnaṃ byasanaṃ ñātibyasanaṃ, bhogānaṃ byasanaṃ bhogabyasanaṃ. Rogo pana sayameva ārogyaṃ viyasati vināsetīti byasanaṃ, rogova byasanaṃ rogabyasanaṃ. Tatiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਅਸ੍ਸੁਸੁਤ੍ਤਂ • 3. Assusuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਅਸ੍ਸੁਸੁਤ੍ਤવਣ੍ਣਨਾ • 3. Assusuttavaṇṇanā
